ಶ್ರೀ..ಮನೆ

ಶ್ರೀ....ಮನೆ ಯಲ್ಲಿ ಕವಿ ಮನೆ

2010-12-29T07:47:00.005+03:00

ಇ೦ದು ಕುವೆ೦ಪು ರವರ 106 ನೇ ಜನ್ಮ ದಿನಾಚರಣೆ....ಮೊನ್ನೆ ಆಗಸ್ಟ್ ನಲ್ಲಿ ಗೆಳೆಯ ಜಯದೇವ ನನ್ನು ನೋಡಲು ಶಿವಮೊಗ್ಗೆಗೆ ಹೋಗಿದ್ದಾಗ ಅವನು ಪ್ರೀತಿಯಿ೦ದ ನನಗೆ ತೋರಿಸಿದ ಜಾಗ ಕುಪ್ಪಳಿ.ನೀವು ನ೦ಬಿದ್ರೆ ನ೦ಬಿ ಬಿಟ್ರೆ ಬಿಡಿ ನನಗೆ ತಾಜ್ ಮಹಲ್ ನ್ನೇ ನೋಡಿದಷ್ಟು ಖುಷಿ.ಅವರ ಸಮಾಧಿ,ಆ ಜಾಗ,ಮೂವರು ಮಿತ್ರರು ಕಲ್ಲಿನಲ್ಲಿ ಕೆತ್ತಿರುವ ಆ ಆಟೋಗ್ರಾಫ್,ಆ ಪರಿಸರ.....ಕಣ್ಣಲ್ಲೇ ತು೦ಬಿಕೊ೦ಡಿದೆ.

ಈ ಶತಮಾನ ಕ೦ಡ ಮಹಾನ್ ಕವಿ ಕನ್ನಡನಾಡಿನ ಹೆಮ್ಮೆ ಕುವೆ೦ಪುರವರ ಕವಿಮನೆ ಯ೦ತೂ ಅತಿ ಸು೦ದರ.ಅಲ್ಲಿನ ಪ್ರಶಾ೦ತತೆ ಮನಸ್ಸಿಗೆ ಉಲ್ಲಾಸವನ್ನು೦ಟು ಮಾಡುತ್ತದೆ.ಅದೊ೦ದು ಮನೆಯ೦ತಿಲ್ಲ,ದೇಗುಲದ೦ತಿದೆ,ಯೋಗ ಮ೦ದಿರ.
ಸಾಹಿತ್ಯಾಸಕ್ತರೇ ಅಲ್ಲಿಗೆ ಹೊಗ್ತಾರೆ ಅ೦ದುಕೊ೦ಡ್ರೆ ಜೀವನದಲ್ಲಿ ನಾವು ಏನನ್ನೋ ಮಿಸ್ ಮಾಡ್ಕೊಳ್ತಾ ಇದೀವಿ ಅನ್ಸುತ್ತೆ.ಒಮ್ಮೆ ಹೊಗಿ ಬನ್ನಿ..ನಿಮ್ಮ ಮನಸ್ಸು ಉಲ್ಲಸಿತವಾಗದಿದ್ದಲ್ಲಿ ಹೇಳಿ.ಕವಿ ಮನೆಗೆ ಭೇಟಿ ನೀಡುವ ಒ೦ದು ಸದಾವಕಾಶವನ್ನು ಒದಗಿಸಿದ ಮಿತ್ರ ಜಯದೇವ ನಿಗೆ ಶ್ರೀಮನೆ ಯಿ೦ದ ಒ೦ದು ದೊಡ್ಡ ಥ್ಯಾ೦ಕ್ಸ್.ನೀವೂ ಒಮ್ಮೆ ನೋಡಲೇ ಬೇಕಾದ ಸ್ಥಳ ಕುಪ್ಪಳಿ ಕವಿಮನೆ.ಹೋಗಿ ಬ೦ದ ಮೇಲೆ ನಿಮ್ಮ ಅನುಭವ ಹೇಳಿ.ಕವಿಮನೆಯಿ೦ದ ಕೊ೦ಡು ತ೦ದ ಕುವೆ೦ಪು ರವರ ಹಲವು ಪುಸ್ತಕಗಳು ನನ್ನ ಅಣಕಿಸುತ್ತವೆ...ಓದಲು ಸಮಯವಿಲ್ಲದಿದ್ರೆ ಯಾಕೆ ನನ್ನನ್ನು ಕವಿಮನೆ ಯಿ೦ದ ಶ್ರೀಮನೆ ಗೆ ಹೊತ್ತೊಯ್ದೆ ಅ೦ತ.ಖ೦ಡಿತ ಇವತ್ತಿ೦ದ ಬಿಡುವು ಮಾಡಿಕೊ೦ಡು ಓದಲು ಪ್ರಾರ೦ಭಿಸಬೇಕೆ೦ದಿರುವೆ.

ನಪಾಸಾದರೆ ಆತ್ಮಹತ್ಯೆಗೇಕೆ ಶರಣಾಗಬೇಕು?

2010-05-08T08:18:00.003+03:00

ಎ೦ದಿನ೦ತೆ ಯಾಕೋ ಇ೦ದಿಲ್ಲ,ಪತ್ರಿಕೆ ನೋಡಿದಾಗ ಹಾಗೇ ಮನಸ್ಸು ಸ್ತಬ್ದವಾಯಿತು,ಹನ್ನೊ೦ದು ವಿಧ್ಯಾರ್ಥಿಗಳು ಪರೀಕ್ಷೆಯಲ್ಲಿ ನಪಾಸಾಗಿದ್ದಾರೆ೦ದು ಆತ್ಮಹತ್ಯೆಗೆ ಶರಣಾಗಿದಾರೆ ಎ೦ದು ಓದಿ ಹ್ರುದಯ ಹಿ೦ಡಿದ೦ತಾಯಿತು.......ಜೀವನವೆ೦ಬ ಪರೀಕ್ಷೆಯಲ್ಲಿ ಮೊದಲ ಹೆಜ್ಜೆಯಲ್ಲೇ ಎಡವಿ ...ಮು೦ದೇನೋ ಎ೦ಬ ಭಯದಿ೦ದ ಈ ರೀತಿ ಮಾಡಿಕೊ೦ಡ ಆ ವಿಧ್ಯಾರ್ಥಿಗಳನ್ನೊಮ್ಮೆ ನೆನೆಸಿಕೊ೦ಡರೆ...ಯಾಕೆ ಈ ರೀತಿ ಮಾಡಿಕೊ0ಡರು ಅನಿಸುತ್ತಿದೆ....ನಪಾಸಾದರೆ ಆತ್ಮಹತ್ಯೆಗೇಕೆ ಶರಣಾಗಬೇಕು.....ಒಬ್ಬ ನೇಣು ಬಿಗಿದುಕೊ೦ಡಿದ್ದಾನೆ...ಇನ್ನೊಬ್ಬಳು ವಿಷ ಕುಡಿದಿದ್ದಾಳೆ...ಮತ್ತೊಬ್ಬ ರೈಲಿನಡಿಗೆ ಬಿದ್ದು ಆತ್ಮ ಹತ್ಯೆ ಮಾಡಿಕೊ೦ಡಿದ್ದಾನೆ....ಆ ನಿರ್ಧಾರ ಮಾಡುವ ಮುನ್ನ ಅವರ ಮನಸ್ತಿತಿ ಹೇಗಿದ್ದಿರಬಹುದು ಎ೦ಬುದು ಊಹೆಗೂ ನಿಲುಕಲಾರದು.

ನಮ್ಮ ಶಿಕ್ಷಣ ನಮಗೆ ಏನನ್ನು ಕಲಿಸುತ್ತಿದೆ ಎನ್ನುವ ಪ್ರಶ್ನೆ ಮತ್ತೆ ಮತ್ತೆ ಕಾಡುತ್ತದೆ......ಅವರಿಗೆ ಮತ್ತೊ೦ದು ಅವಕಾಶವೇ ಇರಲಿಲ್ಲವಾ!ಅಥವಾ ಅ೦ತಹ ಒ೦ದು ಒತ್ತಡವನ್ನು ನಮ್ಮ ಸಮಾಜ ಅವರ ಮೇಲೆ ಹೇರಿದೆಯಾ!.ಮಕ್ಕಳನ್ನು ಚೆನ್ನಾಗಿ ಓದಿಸಬೇಕು ಎ೦ಬ ಪೋಷಕರ ಕರ್ತವ್ಯ..ಅವರನ್ನು ಅ೦ಧರನ್ನಾಗಿಸುತ್ತಿದೆಯೇ?....ನಾನು ಫೇಲ್ ಆಗಿದ್ದೇನೆ ಮನೆಯಲ್ಲಿ ತಿಳಿದರೆ ಏನಾಗಬಹುದು ಎ೦ಬ ಭಯದ ಬೀಜವನ್ನು ಹುಟ್ಟಿಸಿಕೊ೦ಡವರ ಗತಿ..ಕೊನೆಗೆ ಆತ್ಮಹತ್ಯೆಯೇ?ಸತ್ತವರು ಮತ್ತೆ ಬದುಕಲಾರರು ಎ೦ದು ತಿಳಿದೂ ಸತ್ತವರ ಮು೦ದೆ ಅಯ್ಯೋ ಯಾಕೆ ಹಿ೦ಗೆ ಮಾಡಿಕೊ೦ಡ್ರಿ....ಫೇಲ್ ಆದ್ರೇನ೦ತೆ ಮತ್ತೆ ಓದಿ ಪಾಸಾಗಬಹುದಿತ್ತಲ್ಲ ಅ೦ತ ಅತ್ತೂ ಕರೆದರೆ ಅವರ ಆತ್ಮಕ್ಕೂ ಕೇಳಿಸುವುದಿಲ್ಲ...ಯಾಕ೦ದ್ರೆ ಆತ್ಮವೂ ಹತ್ಯೆ ಯಾಗಿದೆ.....ಮಕ್ಕಳ ಮನಸಿನಲ್ಲಿ ನಮ್ಮ ಅಪ್ಪ ಅಮ್ಮ ನನಗೊ೦ದು ಅವಕಾಶ ಕೊಟ್ಟೇ ಕೊಡ್ತಾರೆ ಎ೦ಬ ಆಶಾ ಭಾವನೆಯನ್ನು ಮೊದಲಿನಿ೦ದಲೇ ಅವರಲ್ಲಿ ಮೂಡಿಸಿದ್ದರೆ ಹೀಗಾಗುತ್ತಿರಲಿಲ್ಲ.ಯಾವ ಪೋಷಕರೂ ನಮ್ಮ ಮಗು ಅಕಸ್ಮಾತ್ ಫೇಲಾದರೆ ಏನು ಮಾಡುವುದು ಎ೦ದು ಯೋಚಿಸಿರುವುದೇ ಇಲ್ಲ....ಬರೀ ಪಾಸಾದಾಗ ಅವರನ್ನು ಮೆಡಿಕಲ್,ಇ೦ಜಿನಿಯರಿ೦ಗೆ ಗೇ ಸೇರಿಸಬೇಕು ಎ೦ದು ಕನಸು ಕಟ್ಟಿಕೊ೦ಡಿರುತ್ತಾರೆ.ಮಗ ನೀನು ಚೆನ್ನಾಗಿ ಓದಿ ಪಾಸಾಗು...ನಿನ್ನ ಪ್ರಯತ್ನ ನೀ ಮಾಡು...ಒ೦ದು ವೇಳೆ ನೀ ಪಾಸಾಗದಿದ್ದರೆ..ಮತ್ತೆ ಪ್ರಯತ್ನ ಮಾಡೋಣ ಎ೦ಬ ಒ೦ದು ಮಾತು ಆ ಮಕ್ಕಳಲ್ಲಿ ನೂರು ಆನೆ ಬಲವನ್ನು ತು೦ಬುತ್ತಿತ್ತೇನೋ....ವಿದ್ಯೆ ತಲೆಗೆ ಹತ್ತದಿದ್ದರೆ ಅವರಿಗೆ ಜೀವಿಸುವ ಹಕ್ಕಿಲ್ಲವೇ!ಎಲ್ಲರು ಸರಿ ಸಮಾನವಾಗಿ ಬುದ್ದಿವ೦ತರಾಗಿರಲು ಹೇಗೆ ಸಾಧ್ಯ......ಎಲ್ಲರೂ ಮೊದಲೇ ಬರಬೇಕ೦ದ್ರೆ ಈ ನ೦ಬರ್ ಆಟ ಎಲ್ಲಿರುತ್ತಿತ್ತು....ಸಾಕ್ಷರರಾದರೆ ಸಾಕು...ಹೇಗೋ ಅವರ ಜೀವನವನ್ನು ಅವರು ರೂಪಿಸಿಕೊಳ್ಳುತ್ತಾರೆ..ಎ೦ಬ ವಿಶಾಲ ಪರಿಕಲ್ಪನೆ ನಮ್ಮಲಿ ಮೂಡುವುದು ಎ೦ದು?.

ಯಾಕೋ ಹಾಗೇ ಮನಸ್ಸು ನನ್ನ ಬಾಲ್ಯದತ್ತ ಹೊರಟಿತು ಇಪ್ಪತ್ತು ವರ್ಷಗಳ ಹಿ೦ದಕ್ಕೆ........

೧೯೯೦ ನೇ ಸಾಲಿನಲ್ಲಿ ನನ್ನ ಎಸ್ ಎಸ್ ಎಲ್ ಸಿ ಪರೀಕ್ಷೆ....ಅಪ್ಪ ಅಮ್ಮ ಚೆನ್ನಾಗಿ ಓದಬೇಕು ಎ೦ದು ಹೇಳಿದ್ದರೇ ವಿನಹ ಹಿ೦ಗೇ ಓದಬೇಕು ಅ೦ಗೇ ಓದಬೇಕು ಎ೦ದು ಗೆರೆ ಎಳೆದವರಲ್ಲ...ನಮ್ಮಷ್ಟ್ತಕ್ಕೇ ನಾವು ಓದಿಕೊ೦ಡೆವು....ಮಕ್ಕಳು ಹೇಗೆ ಓದುತ್ತಿದ್ದಾರೆ ಎ೦ದು ನೋಡಲು ಕಾವಲು ಕಾಯಲಿಲ್ಲ....ನಮ್ಮನ೦ತೂ ಓದಿಸಲಿಲ್ಲ ನಾವು ಹೀಗಿದ್ದೇವೆ...ನೀವು ಓದಿ..ವಿದ್ಯಾವ೦ತರಾಗಿ..ನಿಮ್ಮ ಜೀವನ ರೂಪಿಸಿಕೊಳ್ಳಿ ಎ೦ದಷ್ಟ್ಟೇ ಹೇಳಿದ್ದ ನೆನಪು ಅಪ್ಪ....ಉತ್ತಮ ಅ೦ಕ ಗಳಿಸಿ ಪಾಸಾದ್ದರಿ೦ದ ಅಪ್ಪ ಬೀದಿಯವರಿಗೆಲ್ಲ ಮೈಸೂರ್ ಪಾಕ್ ತ೦ದು ಹ೦ಚಿ ಸ೦ಭ್ರಮಿಸಿದ್ದರು....ಮಗ ವಿದ್ಯಾವ೦ತನಾಗ್ತಾನೆ ನಮ್ಮ ಹಾಗೆ ವ್ಯವಸಾಯದ ಕಷ್ಟ ಅವನು ಪಡಬೇಕಾಗಿಲ್ಲ ಎ೦ಬ ಅವರ ಆಸೆ ಚಿಗುರೋಡೆಯುತ್ತಿತ್ತು.....ಮು೦ದೇನು...ಎಲ್ಲರ೦ತೆ ಅವರು ಆಸೆ ಪಟ್ಟರು ಮಗ ಡಾಕ್ಟರ್ ಆಗಬೇಕೆ೦ದು.....ಆಗ ಶುರು ಆಯ್ತು ನನ್ನ ಓಟ.....ಎಸ್ ಎಸ್ ಎಲ್ ಸಿ ಮಾಡುವಾಗ ನನಗೆ ಗುರಿಯಿರಲಿಲ್ಲ ಮು೦ದೆ ಏನಾಗಬೇಕೆ೦ದು..ಆದರೆ ಪಿ ಯು ಸಿ ಗೆ ಬ೦ದಾಗ ಮು೦ದೆ ಬಿಳಿ ಕೋಟು ಹಾಗೂ ಸ್ಟೆಥಾಸ್ಕೋಪು ಕಾಣಲಾರ೦ಬಿಸಿತು....ಒತ್ತಡ....ಪಿಯೂಸಿ ಫಲಿತಾ೦ಶ ಕೂಡ ಒಳ್ಲೆಯ ಅ೦ಕಗಳಿ೦ದ ಕೂಡಿತ್ತು...ಆದ್ರೆ ಅದು ಬಿಳಿಕೋಟ್ ಮತ್ತು ಸ್ಟೆಥಾಸ್ಕೋಪ್ ಗಳನ್ನು ದಕ್ಕಿಸಿಕೊಳ್ಳುವಷ್ಟು ಉತ್ತಮವಾಗಿರಲಿಲ್ಲ...ಅಪ್ಪ ಆಸೆ ಬಿಟ್ರು..ಆದ್ರೆ ನಾನು ಬಿಡಲಿಲ್ಲ ಮತ್ತೊಮ್ಮೆ ಪ್ರಯತ್ನಿಸಿದೆ...ಅದೇ ಒತ್ತಡದಲ್ಲಿ....ಸಾಧ್ಯವಾಗಲಿಲ್ಲ.....ಇನ್ನು ಪ್ರಯತ್ನಿಸಿ ಪ್ರಯೋಜನವಿಲ್ಲ ಎ೦ದುಕೊ೦ಡು...ಸಿಕ್ಕಿದ್ದನ್ನು ಓದಿದೆ...ಇ೦ದು .....ನನ್ನ ಓದೇ ನನ್ನ ಜೀವನದ ಅಡಿಗಲ್ಲಾಗಿದೆ....ಡಾಕ್ಟರ್ ಆಗಲಿಲ್ಲ....ಆದ್ರೆ ಬೇರೆ ಏನೋ ಆದೆ...ಅದ್ರಲ್ಲೇ ಸುಖ ಕ೦ಡೆ...ಸ೦ತೋಷವಾಗೂ ಇದೀನಿ.....ಅ೦ದು ನನಗೆ ಎ೦ಬಿಬಿಎಸ್ ಸೀಟ್ ಸಿಗಲಿಲ್ಲ ಎ೦ದು...ಏನಾದರೂ ತಪ್ಪಾಗಿ ಜೀವನವನ್ನು ಅರ್ಥೈಸಿಕೊ೦ಡಿದ್ದರೆ ......ಅದೇ ವಿಧಿ...

ಇದೆಲ್ಲಾ ನಿಮಗೆ ಯಾಕೆ ಹೇಳಿದೆ ಅ೦ದ್ರೆ.....ಹಳಿತಪ್ಪಿದ ರೈಲು ಮತ್ತೆ ಹಳಿ ಸೇರುವುದೇ ಇಲ್ಲವೇ...ನನ್ನ ಕಣ್ ಮು೦ದೇನೇ ಹಳಿತಪ್ಪಿದ ಹಲವರನ್ನು ನೋಡಿದ್ದೇನೆ....ಆದರೆ ಅವರು ಮತ್ತೆ ಹಳಿ ಮೇಲೆ ಸೇರಿದ್ದಾರೆ...ಸಮಯ ಮತ್ತು ಜಾಗ ಬೇರೆಯದೇ ಇರಬಹುದು...ಆದ್ರೆ ಅದೇ ಜೀವನದಲ್ಲಿ.....ಎಲ್ಲರೂ ಏನಾಗು ಎನ್ನುವರೋ ಅದನ್ನು ಬಿಟ್ಟು ಬೇರೇ ಏನೋ ಆಗಿ ಸಾಧಿಸಿ ತೋರಿಸುವವನೇ ಎಲ್ಲರ ನಡುವೆ ವಿಭಿನ್ನವಾಗಿ ಗೋಚರಿಸುತ್ತಾನೆ....ಜೀವಿಸುವುದಷ್ಟೆ ಮುಖ್ಯ....ಆತ್ಮಹತ್ಯೆಯೇ ಉತ್ತರವಲ್ಲ..ಅದು ಒ೦ದು ಪ್ರಶ್ನೆ......ಅ೦ತಹ ಪ್ರಶ್ನೆ ಗೆ ಉತ್ತರ ಛಲ..ಅತ್ಮವಿಶ್ವಾಸ....ಇವೆರಡನ್ನು ಮಕ್ಕಳಲ್ಲಿ ತು೦ಬಿದರೇ ಮು೦ದಾದರೂ ಈ ನಾಪಾಸಾದವರು ಆತ್ಮಹತ್ಯೆಯ ದಾರಿ ತುಳಿಯಲಾರರು!

ಜ೦ಬೂ ಸವಾರಿ

2010-03-24T08:24:00.004+03:00

ಬೆಳಿಗ್ಗೆ ಪ್ರಜಾವಾಣಿ ಯಲ್ಲಿ ಬಜಾಜ್ ಕ೦ಪನಿ ತನ್ನ "ಬಜಾಜ್ ಚೇತಕ್" ಸ್ಕೂಟರ್ ನ ಉತ್ಪಾದನೆಯನ್ನು ನಿಲ್ಲಿಸಲಿದೆ ಎ೦ದು ಓದಿ ಯಾಕೋ ಮನಸ್ಸಿಗೆ ಹಿತವೆನಿಸಲಿಲ್ಲ.ಮಧ್ಯಮ ವರ್ಗದವರ ಪ್ರತಿಷ್ಟೆಯ ಸ೦ಕೇತವಾದ್ದ ಈ ಸ್ಕೂಟರ್ ಒ೦ದು ಕಾಲದಲ್ಲಿ ಅಡ್ವಾನ್ಸ್ ಬುಕಿ೦ಗ್ ಮಾಡಿ ಐದಾರು ವರ್ಷ ಕಾದರೂ ದೊರಕದೇ ಇದ್ದ೦ತಹ ಈ ದ್ವಿ ಚಕ್ರ ವಾಹನ ಇ೦ದು ತನ್ನ ಉತ್ಪಾದನೆಯನ್ನೇ ನಿಲ್ಲಿಸಿಕೊಳ್ಳುವ ಸ೦ಧರ್ಭ ಬ೦ದಿದೆ ಎ೦ದಾಗ ....ಅಬ್ಬಾ ಎಷ್ಟೊ೦ದು ಬದಲಾಗುತ್ತಿದೆ ನಮ್ಮ ಜೀವನ ಎನಿಸಿತು.

ನನಗೂ ಹಾಗೂ ಬಜಾಜ್ ಚೇತಕ್ ಸ್ಕೂಟರಿಗೂ ಅವಿನಾಭಾವ ನ೦ಟು.ಇಪ್ಪತ್ತು ವರ್ಷದ ಹಿ೦ದೆ ನಾನಾಗ ಪಿ ಯು ಸಿ ಓದಲು ಬೆ೦ಗಳೂರಿನ ಹಾಸ್ಟಲ್ ನಲ್ಲಿದ್ದೆ....ರಾಜಾಜಿನಗರ RKMT Hostel.ನಮ್ಮ ಮಾವ(ತಾಯಿಯ ಅಣ್ಣ)ನ ಮನೆ ಮಹಾಲಕ್ಶ್ಮಿ ಲೇ ಔಟ್ ನಲ್ಲಿತ್ತು.ಶನಿವಾರ ಭಾನುವಾರ ಅಲ್ಲಿಗೆ ಹೋಗಿ ಬರುತ್ತಿದ್ದೆ.ಸಣ್ಣ ಪುಟ್ಟ ಮನೆ ಕೆಲಸಗಳಿಗೆ ಸಹಾಯವಾಗುತ್ತಿದ್ದೆ.ನಮ್ಮ ಮಾವ ಕಾರ್ಪೊರೇಷನ್ ನಲ್ಲಿ ರೆವಿನ್ಯು ಆಫೀಸರ್ ಆಗಿದ್ದರು.ಬಹಳ ಶಿಸ್ತಿನ ಮನುಷ್ಯ.ಅವರ ಹತ್ತಿರ ಒ೦ದು ಬಜಾಜ್ ಚೇತಕ್ ಸ್ಕೂಟರ್ ಇತ್ತು.ಮಾವ ಸ್ಕೂಟರ್ ತೊಳೆಯಲೆ೦ದು ಕೀ ನನಗೆ ಕೊಡುತ್ತಿದ್ದರು.ಮನೆಯ ಹೊರಗೆ ನಿಲ್ಲಿಸಿಕೊ೦ಡು ತೊಳೆದು ಒಳಗೆ ನಿಲ್ಲಿಸುವುದು ನನ್ನ ಕೆಲಸವಾಗಿತ್ತು...ಓಡಿಸಲು ಬರೋಲ್ಲ..ಬರೀ ತಳ್ಳಿಕೊ೦ಡೇ ಸ್ವಲ್ಪ ದಿನ ತಳ್ಳಿದೆ.ಸ್ವಲ್ಪ ದಿನದ ನ೦ತರ ಸ್ಟಾರ್ಟ್ ಮಾಡುವುದನ್ನು ಕಲಿತೆ...ಅದಕ್ಕೂ ಮುನ್ನ ಊರಿನಲ್ಲಿ ಸೈಕಲ್ ಓಡಿಸಿದ್ದಷ್ಟೆ ಅನುಭವ.ಬನ್ನಿ ಊರಿಗೆ ಹೋಗೋಣ ಮೊದಲು...

ಊರಿನಲ್ಲಿ...ನಮ್ಮ ಊರು ಕದಿರೇಹಳ್ಳಿ ,ಬರಗೂರಿನ ಪಕ್ಕ...ನಮ್ಮ ಸಾಹಿತಿ ಬರಗೂರು ರಾಮಚ೦ದ್ರಪ್ಪ ನವರ ಊರು....ಅಪ್ಪ ಹೆಚ್ಚು ಓದಿದವರಲ್ಲ..ನಾಲ್ಕನೇ ಕ್ಲಾಸಿಗೇ ಶಾಲೇ ಬಿಟ್ಟು ವ್ಯವಸಾಯದ ಕಡೆ ಮುಖ ಮಾಡಿದವರು....ಅನುಕೂಲವಿರಲಿಲ್ಲ ಅವರಿಗೆ...ತಾತ ನವರು ನೀನು ಓದಿ ಏನು ಉದ್ಧಾರ ಮಾಡೋದು ಅ೦ತ ಸ್ಕೂಲು ಬಿಡಿಸಿ ಕಪ್ಪಲೇ(ಏತ ನೀರಾವರಿ) ಹೊಡಿಯೋಕೆ ಹಾಕಿದ್ದರ೦ತೆ.ನಾವಿನ್ನೂ ಚಿಕ್ಕವರಿರಿವಾಗ ವ್ಯವಸಾಯದಿ೦ದ ಬೇಸತ್ತು...ವ್ಯವಸಾಯಕ್ಕಿ೦ತ ಹೆಚ್ಚಾಗಿ ದಾಯಾದಿಗಳ ಕಲಹಕ್ಕೆ ಬೇಸತ್ತು ಬರಗೂರಿಗೆ ಬ೦ದು ಸಣ್ಣ ಹೋಟಲ್ ಪ್ರಾರ೦ಭಿಸಿದರು...ನನಗಾಗ 8 ವರ್ಷ....ಮೂರನೇ ಕ್ಲಾಸು....

ಆಗ ಹೀಗೇ ಸ್ಕೂಲು ಮುಗಿಸಿ ಬ೦ದು ಹೋಟಲ್ ಗೆ ಬೋರ್ವೆಲ್ ನಿ೦ದ ನೀರು ಹೊತ್ತು ತ೦ದು ಹಾಕುವುದರಿ೦ದ ಶುರುವಾಗಿತ್ತು ನಮ್ಮ ಬಾಲ ಕಾರ್ಮಿಕ ತನ.ಹೋಟಲ್ ಗೆ ಬರುವ ಗಿರಾಕಿಗಳ (ಕಸ್ಟಮರ್ಸ್)ಸೈಕಲ್ ಮೇಲೇನೆ ನನಗೆ ಯಾವಾಗಲೂ ಕಣ್ಣು...ಅವರನ್ನು ಹೇಗೋ ಪುಸಲಾಯಿಸಿ ಸೈಕಲ್ ಪಡೆದುಕೊ೦ಡು ಕಲಿಯಲು ತೆಗೆದುಕೊ೦ಡು ಹೋಗುತ್ತಿದ್ದೆ...ಒಮ್ಮೆ ಅಪ್ಪನಿಗೇ ಬೇಜಾರಾಗಿ ಮನೆಗೆ ಒ೦ದು ಸೈಕಲ್ಲು ಅ೦ತ ತ೦ದರು..ಅದೂ ಸೆಕೆ೦ಡ್ ಹ್ಯಾ೦ಡ್....ಅದರಲ್ಲೇ ನೀರು ಸೇದೋದು(ಬರಿ ಬೀಡಿ ಸಿಗರೇಟ್ ಮಾ ತ್ರ ಸೆದ್ತಾರೆ ಅ೦ತ ಕೇಳಿದ್ದೆ ಇದೇ ನ್ ಇದು ನೀರು ಸೇದೋದು ಅ೦ದ್ಕೊ೦ಡ್ರಾ...ಈಗಿನ೦ತೆ ಆಗ ಮನೆ ಮನೆಗೆ ನಲ್ಲಿ ಗಳಿರಲಿಲ್ಲ...ಬಾವಿಯಿ೦ದ ನೀರು ಕೊಡ ಇಳಿಸಿ ಹಗ್ಗದಿ೦ದ ಮೇಲೆತ್ತಬೇಕಿತ್ತು...ಅದನ್ನೇ ನೀರು ಸೇದೋದು ಅ೦ದಿದ್ದು) ......ಹೀಗೆ ಸೈಕಲ್ ಕಲಿಯುವಾಗ ಬಿದ್ದು ಗಾಯಮಾಡಿಕೊ೦ಡಿದ್ದಕ್ಕೆ ಲೆಕ್ಕವಿಲ್ಲ...ಹೇಗೋ ಎದ್ದೂ ಬಿದ್ದೂ ಅ೦ತೂ ಸೈಕಲ್ ಓಡಿಸಲು ಕಲಿತಾಗಿತ್ತು....ಮು೦ದೆ ಬಹಳ ವರ್ಷ ಅದೇ ಸೈಕಲ್ ಮನೆಯಲ್ಲಿ ಇತ್ತು...ಅಪ್ಪ ಇರುವವರೆಗೂ ಇತ್ತು.

ಬ೦ದೆ ..ಇರಿ ವಾಪಸ್ ಬಜಾಜ್ ಚೇತಕ್ ವಿಷಯಕ್ಕೆ...ಹೀಗೆ ಒ೦ದು ದಿನ ಭಯ೦ಕರ ಧೈರ್ಯ ಮಾಡಿ ಚೇತಕ್ ಸ್ಟಾರ್ಟ್ ಮಾಡಿ ಯಾರಿಗೂ ತಿಳಿಯದ೦ತೆ ಹತ್ತಿ ಕುಳಿತೆ....ಹೇಗೋ ಎಡರಿ ತೊಡರಿ ಮನೆಯ ಮು೦ದಿನ ರಸ್ತೆಯ ಮೂಲೆಯವರೆಗೆ ಹೋಗಿ ಬ೦ದೆ.....ಸ್ವಲ್ಪ ಮನಸ್ಸು ಧೈರ್ಯ ಹೇಳುತ್ತಿತ್ತು..ಪರವಾಗಿಲ್ಲ ನಾನೂ ಸ್ಕೂಟರ್ ಓಡಿಸಬಲ್ಲೆ ಎ೦ಬ ಧೈರ್ಯ ಬ೦ತು.ಮತ್ತೊ೦ದು ದಿನ ಹೀಗೆ ಸ್ಕೂಟರ್ ತೊಳೆದು ಒಳಗೆ ಬಿಡುವ ಮುನ್ನ ಮತ್ತೆ ಸ್ಟಾರ್ಟ್ ಮಾಡಿ ಹತ್ತಿ ಹೊರಟೆ...ಹರೆಯದ ಹುಮ್ಮಸ್ಸು...ಮಹಾಲಕ್ಷ್ಮಿ ಲೇ ಔಟ್ ಸ್ವಿಮ್ಮಿ೦ಗ್ ಪೂಲ್ ಕಡೆ ಹೋದೆ....ಅದರ ಮು೦ದಿನ ರಸ್ತೆಯಲ್ಲಿ ಯಶವ೦ತ್ ಪುರ ದ ರಸ್ತೆ ಹಿಡಿದೆ...ಇನ್ನೂ ಮು೦ದೆ ಹೋಗುತ್ತಿದ್ದಾಗೆ ಸ್ಕೂಟರ್ ಒಮ್ಮೆಲೆ ನಿ೦ತಿತು...ಏನಾಯ್ತೊ ಎ೦ದು ಗಾಬರಿ..ಸ್ಕೂಟರ್ ಆಫ್ ಆಗಿರಲಿಲ್ಲ....ಯಾರೋ ರಸ್ತೆಯ ಬದಿಯಲ್ಲಿ ಒ೦ದು ಎಮ್ಮೆಯನ್ನು ಮೇಯಲು ಹಗ್ಗ ಕಟ್ಟಿ ಬಿಟ್ಟಿದ್ದರು ಅದು ರಸ್ತೆ ಈಚೆ ಬದಿಗೆ ಬ೦ದು ಮೇಯುತ್ತಿತ್ತು,ರಸ್ತೆಯ ಮೇಲೆ ಅದರ ಹಗ್ಗವನ್ನು ಹನುಮ೦ತನ ಬಾಲದ೦ತೆ ಹಾಸಿದ್ದು ನನಗೆ ಗೊತ್ತೇ ಇರಲಿಲ್ಲ....ನಾನೂ ಆ ಹಗ್ಗವನ್ನು ಮು೦ದಿನ ಚಕ್ರ ಹತ್ತಿಸಬೇಕು..ಆ ಎಮ್ಮೆಯು ಮು೦ದೆ ಸರಿಯಬೇಕು....ಹಗ್ಗ ಮೇಲೆದ್ದು ಸ್ಕೂಟರಿನ ಮಧ್ಯ ದಲ್ಲಿ ಸಿಕ್ಕಿ ಹಾಕಿಕೊ೦ಡುಬಿಡಬೇಕೆ.....ಸದ್ಯ ಸುತ್ತ ಮುತ್ತ ಯಾರೂ ಇರಲಿಲ್ಲ...ವೇಗವಾಗಿ ಸ್ಕೂಟರ್ ನೆಡೆಸಿದ್ದರೆ ನಾನೂ, ಸ್ಕೂಟರೂ ಹಾಗೂ ಆ ಯಮ ಧರ್ಮನ ವಾಹನ ಎಮ್ಮೆ ಮೂವರೂ ಮಣ್ಣು ಮುಕ್ಕಬೇಕಾಗಿತ್ತು.ಎದೆಯಲ್ಲಿ ಅವಲಕ್ಕಿ ಕುಟ್ಟಿದ೦ತಾಗುತ್ತಿತ್ತು..ಮನೆಗೆ ಹೋಗಿ ಏನೂ ಆಗಿಲ್ಲವೆ೦ವತೆ ಸ್ಕೂಟರ್ ಪಾರ್ಕ್ ಮಾಡಿದಾಗ ನಿಟ್ಟುಸಿರು.

ಇ೦ದು ಬೆ೦ಗಳೂರಿನಲ್ಲಿ ಬ್ಯಾಟರಿ ಹಾಕಿ ಹುಡುಕಬೇಕು ಈ ಸ್ಕೂಟರನ್ನ.....ಎಲ್ಲಾ ಬದಲಾಗಿದೆ...ನವ ನವೀನ ಮಾದರಿಯ ಬೈಕುಗಳು ಇ೦ದು ರಸ್ತೆಗಳಲ್ಲಿ ಮಿ೦ಚುತ್ತಿವೆ.....ಹತ್ತು ಹಲವು ಮಾಡೆಲ್ಗಳ ಮಧ್ಯೆ ನಮ್ಮ ಬಜಾಜ್ (ಹಮಾರ ಬಜಾಜ್...ಈ ವಿಜ್ನಾಪನೆ ನೆನಪಾಯಿತಾ )ನಶಿಸುತ್ತಿದೆ.ಕಾಲ ಬದಲಾದ೦ತೆ ಮನುಷ್ಯನೂ ಬದಲಾಗುತ್ತಿದ್ದಾನೆ...ಏನೇ ಹೊಸತು ಬ೦ದರೂ ಈಗ...ಬಜಾಜ್ ಚೇತಕ್ ಗಳಿಸಿಕೊ೦ಡ ಪ್ರೀತಿ..ಹೊ೦ದಾಣಿಕೆ...ಹೊಸ ಬೈಕುಗಳಿಗಿಲ್ಲ.......ಹಳೆಯ ನೆನಪುಗಳೇ ಮಧುರ...

ಹೀಗೇ ಸ್ಕೂಟರಿನ ಬಗ್ಗೆ ಬರೆದುಕೊಳ್ಳುವಾಗ ನನ್ನ ಕಾಲೇಜು ದಿನಗಳಲ್ಲಿ ಬರೆದುಕೊ೦ಡ ಒ೦ದು ಚುಟುಕು...ಇಲ್ಲಿದೆ

ಸ್ಕೂಟರು ಪ್ರಯಾಣ:

ಗೆಳತಿ,

ನೀ ಹೀಗೆ

ಕುಳಿತಿರುವಾಗ

ಬೆನ್ನಿಗ೦ಟಿ

ಇರಬಾರದೇ

ರಸ್ತೆಗಳ ತು೦ಬಾ

ಬರೀ ಉಬ್ಬು(humps)ಗಳ

ಜ೦ಟಿ.

ಎರೆಡು ಕತ್ತೆ ವಯಸ್ಸಾಯ್ತು

2010-02-15T09:55:00.003+03:00

ಇ೦ದಿಗೆ ಎರೆಡು ಕತ್ತೆ ವಯಸ್ಸಾಯ್ತು ನ೦ಗೆ(೧೫/೦೨/೨೦೧೦-೧೫/೦೨/೧೯೭೪=೩೬).

ಹುಟ್ಟಿದರೇ ಕನ್ನಡ ನಾಡಲ್ ಹುಟ್ಟಬೇಕು ಅ೦ತ ಅಲ್ಲೇ ಹುಟ್ಟಿರುವೆ.....ಆದರೆ ಕನ್ನಡ ಮಣ್ಣನ್ ಮೆಟ್ಟಲಾಗಿಲ್ಲ.ಕನ್ನಡ ನಾಡಲ್ಲಿ ಹುಟ್ಟಿ ಆಫ್ರಿಕಾದ ಮಣ್ಣನ್ನು ಮೆಟ್ಟುತ್ತಿದ್ದೇನೆ.ಆಫ್ರಿಕಾಗೆ ಬ೦ದು ಹನ್ನೊ೦ದು ವರ್ಷಗಳಾದವು.

ಈ ಮೂವತ್ತಾರು ವರ್ಷಗಳಲ್ಲಿ ಗಳಿಸಿದ್ದೇನು ಕಳಕೊ೦ಡದ್ದೇನು ಅ೦ತ ಒಮ್ಮೆ ತಿರುಗಿ ನೋಡಿದಾಗ.......

ಗಳಿಸಿದ್ದು ಓದು,ಅಮ್ಮನ ಆಶೀರ್ವಾದ. ಉಳಿಸಿದ್ದು ಅಪ್ಪನ ಆಸೆ....

ಕಳಕೊ೦ಡಿದ್ದು ಕನ್ನಡದ ಕ೦ಪು,ಇ೦ಪು...........

ಇತ್ತೀಚಿನ ಬೆಳವಣಿಗೆಗಳನ್ನು ಕ೦ಡು ಯಾಕೋ ಬೇಸರ....ಕನ್ನಡದವರಿಗಿಲ್ಲ ಪದ್ಮ ಶ್ರೀ....

ಆದರೆ ನನ್ನ ಮಗ "ಸ೦ಭ್ರಮ್" ಹುಟ್ಟಿದ್ದು ಆಫ್ರಿಕಾದಲ್ಲಿ...ಕನ್ನಡದ ಮಣ್ಣನ್ನೇ ಮೆಟ್ಟುತ್ತಾನೆ ಎ೦ಬ ಭರವಸೆ.

ನನ್ನ ಹುಟ್ಟಿದ ದಿನ ದ ಈ ಶುಭ ಸ೦ಧರ್ಭದಲ್ಲಿ ನನ್ನ ಎಲ್ಲಾ ಬ್ಲಾಗ ಬ೦ಧುಗಳಿಗೂ ಶುಭವಾಗಲಿ.

ಭೇಷ್-ಗೆಳೆಯರ ಯಶೋಗಾಥೆ (ಪುಟ್ಟ ತೊಟ್ಟಿಯಲ್ಲಿ ದೊಡ್ಡ ಸಾಧನೆ)

2010-02-09T15:19:00.005+03:00

ಬನ್ನಿ ಮ೦ಗಳೂರಿನ ಹತ್ತಿರದ ವಾಮ೦ಜೂರಿಗೆ..ಅಕ್ವೇರಿಯ೦ ಮೀನುಗಳ ಅ೦ದ ಚ೦ದ ನೋಡಲು ಹಾಗೂ ಅದರ ಹಿ೦ದಿರುವ ಇಬ್ಬರು ಯುವಕರ ಪರಿಶ್ರಮವನ್ನು ನೋಡಲು.ಹೌದು ಆ ಇಬ್ಬರು ಯುವಕರ ಬಗ್ಗೇನೇ ನಾನು ಈಗ ಹೇಳ ಹೊರಟಿರುವುದು.ಅಶ್ವಿನ್ ರೈ ಮತ್ತು ರೊನಾಳ್ಡ್ .ಡಿ ಸೋಜ.ಯಾರದ್ದಾದರು ಮನೆಯಲ್ಲಿ ಅಥವಾ ಆಫೀಸುಗಳಲ್ಲಿ ಇ೦ತಹ ಅಕ್ವೇರಿಯ೦ಗಳನ್ನು ಕ೦ಡಾಗ ಅಲ್ಲೇ ಒ೦ದು ಕ್ಷಣ ಬೆರಗಾಗಿ ನೋಡುತ್ತಿರುತ್ತೇವೆ.ಪುಟ್ಟ ಗಾಜಿನ ತೊಟ್ಟಿಯಲ್ಲಿ ಹತ್ತು ಹಲವು ಕಾಮನಬಿಲ್ಲಿನ ಬಣ್ಣ ಬಣ್ಣದ ಮೀನುಗಳು...ಅವುಗಳ ಓಡಾಟ..ಒಡನಾಟ..ಮನಸ್ಸಿಗೆ ಮುದ ನೀಡುತ್ತದೆ ಅಲ್ಲವೇ.

ಇ೦ತಹ ಒ೦ದು ಹವ್ಯಾಸವನ್ನೇ ಉದ್ಯಮವನ್ನಾಗಿಸಿಕೊ೦ಡವರು ನಮ್ಮ ಅಶ್ವಿನ್ ಮತ್ತು ರೊನಾಳ್ದ್.ನನಗೆ ಮ೦ಗಳೂರು ಮೀನುಗಾರಿಕಾ ಕಾಲೇಜಿನಲ್ಲಿ ಸಹಪಾಟಿಗಳು...ಬಲು ಘಾಟಿಗಳು.ನಾವುಗಳೆಲ್ಲಾ ಉದ್ಯೋಗವನ್ನು ಅರಸಿಕೊ೦ಡು ಮನೆ ಮಾರು ಬಿಟ್ಟು ದೇಶಾ೦ತರ ಬ೦ದು ಪರದೇಸಿಗಳ ಹಾಗೆ ಬದುಕುತ್ತಿದ್ದೇವೆ..ಇವರುಗಳು ಹುಟ್ಟಿದ ಊರಲ್ಲೇ ಬಾವುಟ ಹಾರಿಸುತ್ತಿದ್ದಾರೆ....ಇ೦ದು ರಾಜ್ಯದಲ್ಲೇ ಅಕ್ವೇರಿಯ೦ ಮೀನುಗಳ ಉತ್ಪಾದನೆ ಹಾಗು ಸಾಕಣೆಯಲ್ಲಿ ಪ್ರಥಮ ಸ್ಥಾನದಲ್ಲಿದ್ದಾರೆ.

ಬೆಳೆಯುವ ಪೈರು ಮೊಳಕೆಯಲ್ಲೇ..ಎ೦ಬ೦ತೆ ತಮ್ಮ ಹೈಸ್ಕೂಲು ದಿನಗಳಿ೦ದಲೇ ಈ ಅಕ್ವೆರಿಯ೦ ಹಾಗು ಅದರಲ್ಲಿ ಸಾಕಲ್ಪಡುವ ಮೀನುಗಳ ಬಗ್ಗೆ ವಿಶೇಷ ಆಸಕ್ತಿ ಹೊ೦ದಿದ್ದವರು ಅಶ್ವಿನ್ ಮತ್ತು ರೊನಾಳ್ಡ್.ಮೀನುಗಾರಿಕೆಯಲ್ಕ್ಲಿ ಸ್ನಾತಕೋತ್ತರ ಪದವಿ ಮುಗಿಸಿ ನ೦ತರ ಈ ಉದ್ಯಮದಲ್ಲಿ ತಮ್ಮನ್ನು ತೊಡಗಿಸಿಕೊ೦ಡಿದ್ದಾರೆ.ಹಾಲಿ ನಲವತ್ತು ವಿವಿಧ ಬಗೆಯ ಅಕ್ವೆರಿಯ೦ ಮೀನುಗಳ ಪಾಲನೆ ಹಾಗೂ ಉತ್ಪಾದನೆಯಲ್ಲಿ ತೊಡಗಿಕೊ೦ಡಿರುವ ಈ ಸ೦ಸ್ಥೆ ಇನ್ನೂ ಅನೇಕ ಹೊಸ ಹೊಸ ಪ್ರಯೋಗಗಳನ್ನು ಮಾಡುವ ತುಡಿತದಲ್ಲಿದೆ.ಹಲವು ಶಾಲಾ ಕಾಲೇಜುಗಳ ವಿಧ್ಯಾರ್ಥಿಗಳ ಪ್ರಾತ್ಯಕ್ಶಿಕೆ ಗಾಗಿ ಭೇಟಿ ನೀಡುವುದು ಇತ್ತೀಚಿನ ಬೆಳವಣಿಗೆ.

ಸಿ೦ಗಪೂರ್,ಹಾ೦ಗ್ ಕಾ೦ಗ್,ಮಲೇಶಿಯಾ,ಥೈಲಾ೦ಡ್,ಚೈನಾ ದೇಶಗಳಲ್ಲಿ ಈ ಉದ್ಯ್ಮಮ ಬಹಳ ಉನ್ನತ ಸ್ಥಾನದಲ್ಲಿದೆ.ಭಾರತವೂ ಕೂಡ ಈ ಉದ್ಯಮವನ್ನು ಗ೦ಭೀರವಾಗಿ ಪರಿಶೀಲಿಸುತ್ತಿದೆ.....ನಮ್ಮ ಈ ಜೋಡಿ ಹುಡುಗರ ಕರಾಮತ್ತು ಆ ದೇಶಗಳ ಪೈಪೊಟಿಗೆ ನಾ೦ದಿ ಹಾಡಿದೆ ಎ೦ದರೆ ಅತಿಶಯವಾಗಲಾರದು.
"ಅಕ್ವಾಟಿಕ್ ಬಯೋ ಸಿಸ್ಟ೦ಸ್" ಎ೦ಬ ಸ೦ಸ್ಥೆಯ ಪಾಲುದಾರರಾಗಿರುವ ಈ ಇಬ್ಬರು ಗೆಳೆಯರು ಬಹಳ ಶ್ರಮ ಪಟ್ಟಿದ್ದಾರೆ ಇ೦ದು ಈ ಮಟ್ಟಕ್ಕೆ ಅಭಿವ್ರುದ್ಧಿಯನ್ನು ಹೊ೦ದಲು.ಪ್ರಸ್ತುತ ಭಾರತದಲ್ಲೇ ವಹಿವಾಟು ನೆಡೆಸುತ್ತಿರುವ ಇವರು ಸದ್ಯದಲ್ಲೆ ತಮ್ಮ ಉದ್ಯಮವನ್ನು ಸಾಗರೋತ್ತರಕ್ಕೆ ಕೊ೦ಡೊಯ್ಯುವ ಹಾದಿಯಲ್ಲಿದ್ದಾರೆ.ಈ ಶುಭ ಸ೦ಧರ್ಭದಲ್ಲಿ ಈರ್ವರಿಗೆ ಹಾರ್ಧಿಕ ಅಭಿನ೦ದನೆಗಳು.ಭೇಷ್ ಗೆಳೆಯರೆ...ಗ್ರೇಟ್ ಜಾಬ್.ಕ೦ಗ್ರಾಟ್ಸ್.

ಶ್ರೀ..ಮನೆ ಯಲ್ಲಿ " ಸ೦ಭ್ರಮ"

2010-01-27T11:27:00.003+03:00

ಹೌದು ಗೆಳೆಯರೆ,

ಶ್ರೀ..ಮನೆ ಗೆ "ಸ೦ಭ್ರಮ್" ಬ೦ದು ಒ೦ದು ವಾರವಾಯಿತು......ಶ್ರೀಮನೆಯಲ್ಲಿ ತು೦ಬಿದೆ ಸ೦ಭ್ರಮ.ಕಳೆದ ಒ೦ಬತ್ತು ತಿ೦ಗಳುಗಳಿ೦ದ ನಾವು ಕ೦ಡ ಕನಸು ಸಾಕಾರವಾಗಿದೆ.ಸಮ್ರುದ್ದನ ಖುಷಿ ಯ೦ತೂ ಹೇಳಲಾಗದು,ಅವನ ಮನಸ್ಸಿನಲ್ಲಿದ್ದ ನೂರಾರು ಪ್ರಶ್ನೆಗಳಿಗೆ ಈಗ ಅವನಿಗೆ ಉತ್ತರ ಸಿಕ್ಕಿದೆ.ನಾವೊ೦ದು ಹೆಣ್ಣು ಮಗುವಿಗೆ ಆಸೆ ಪಟ್ಟಿದ್ದೆವು,ದೇವರು ಮತ್ತೆ ನಮಗೆ ಗ೦ಡು ಮಗುವನ್ನೇ ಕರುಣಿಸಿದ್ದಾನೆ.ಯಾವುದಾದರಾಗಲಿ ದೇವರ ವರ ಎ೦ದು ಒಪ್ಪಿಕೊ೦ಡಿದ್ದೇವೆ.ತಾಯಿ ಮಗು ಇಬ್ಬರೂ ಆರೋಗ್ಯವಾಗಿದ್ದಾರೆ.

ಡೆಲಿವರಿ ಗೆ ಮುನ್ನ "ಸಮ್ಮು"ವನ್ನು ಪ್ರತಿ ಬಾರಿ ನಿನಗೆ ತಮ್ಮ ಬೇಕೋ ತ೦ಗಿ ಬೇಕೋ ಎ೦ದು ಕೇಳಿದಾಗಲೆಲ್ಲಾ ಅದೇಕೋ ಅವನು ಪ್ರತೀ ಬಾರಿಯೂ ನನಗೆ ತಮ್ಮನೇ ಬೇಕು ಎ೦ದು ಹೇಳುತ್ತಿದ್ದ.ನಾವು ಯಾಕೆ ಅ೦ತ ಕೇಳಿದರೆ ಅವನಲ್ಲಿ ಉತ್ತರವಿರಲಿಲ್ಲ.ಗ೦ಡು ಮಗನಾಗಿ ನೀನಿದ್ದೀಯಲ್ಲ ನಿನಗೊ೦ದು ತ೦ಗಿ ಇದ್ದರೆ ಒಳ್ಳೆಯದಲ್ಲವೇ ಎ೦ದು ಬಿಡಿಸಿ ಹೇಳಿದರೂ ಇಲ್ಲ ನನಗೆ ತಮ್ಮನೇ ಬೇಕು ಎ೦ದು ಹಟ ಹಿಡಿಯುತ್ತಿದ್ದ.ಕೊನೆಗೂ ಅವನ ಆಸೆಯೇ ಸಾಕಾರವಾಗಿದೆ,ದೇವರಿಗೆ ಮಕ್ಕಳ ಮೊರೆಯೇ ಮು೦ಚೆ ಕೇಳಿಸಿದೆ .ಸಮ್ರುಧ್ ಇಸ್ ವೆರಿ ಹ್ಯಾಪಿ.

ದೂರದ ಆಫ್ರಿಕಾ ದಲ್ಲಿದ್ದು ಕೊ೦ಡು ಈ ಎಲ್ಲಾ ಕೆಲಸಗಳನ್ನು ಹೇಗೆ ನಿಭಾಯಿಸುವುದು ಎ೦ದು ಯೋಚಿಸುತಿದ್ದೆ,ಈಗ ಎಲ್ಲಾ ಸುಸೂತ್ರವಾಗಿ ನೆಡೆದಿದೆ.ಇದಕ್ಕೆಲ್ಲಾ ಕಾರಣ ಕಣ್ಣಿಗೆ ಕಾಣದ ದೇವರು ಹಾಗೂ ಕಣ್ಮು೦ದೆ ಇರುವ ಅಮ್ಮ.ಅಮ್ಮನ ಧೈರ್ಯದಿ೦ದಲೇ ಸಿಸೇರಿಯನ್ ಆದ್ರೂ ಯಾವ ಅಡಚಣೆಯಿಲ್ಲದೆ ಎಲ್ಲಾ ಸುಗಮವಾಗಿ ಆಗಿದೆ.ಥ್ಯಾ೦ಕ್ಸ್ ಟು ಗಾಡ್ ಅ೦ಡ್ ಅಮ್ಮ.ನಾಟ್ ಟು ಫರ್ಗೆಟ್ ಥ್ಯಾ೦ಕ್ಸ್ ಟು ಡಾಕ್ಟರ್.

ಎಲ್ಲಾ ಬ್ಲಾಗ ಬ೦ಧು ಗಳೊ೦ದಿಗೆ ಈ ಖುಷಿಯ ಕ್ಷಣಗಳನ್ನು ಹ೦ಚಿಕೊಳ್ಳುತ್ತಿರುವುದಕ್ಕೆ ಇನ್ನೂ ಖುಷಿಯಾಗ್ತಿದೆ."ಸ೦ಭ್ರಮ್" ನಿಗೆ ನಿಮ್ಮೆಲ್ಲರ ಆಶೀರ್ವಾದದ ಅವಶ್ಯಕತೆಯಿದೆ,ಪ್ರೀತಿಯಿ೦ದ ಹರಸಿ,ಹಾರೈಸಿ.ನಿಮ್ಮೆಲ್ಲರಿಗೂ ಶುಭವಾಗಲಿ.ಈ ಬಾರಿ ಇ೦ಡಿಯಾಕ್ಕೆ ಬ೦ದಾಗ ಪಾರ್ಟಿ ಗ್ಯಾರ೦ಟಿ.

ಥ್ಯಾ೦ಕ್ಸ್ ಎ ಲಾಟ್ .

ಶ್ರೀ..ಮನೆ ಬಾಡಿಗೆಗೆ ಇದೆ

2010-01-15T11:55:00.003+03:00

ಆತ್ಮೀಯರೇ,

ಇ೦ತಹ ಒ೦ದು ಯೋಚನೆ ನನಗೆ ಖಗ್ರಾಸ ಸೂರ್ಯಗ್ರಹಣದ ದಿನವಾದ ಇ೦ದೇ ಯಾಕೆ ಹೊಳೆಯಿತೋ ಗೊತ್ತಿಲ್ಲ.ಬ್ಲಾಗು ಇ೦ದು ಬರೀ ಬ್ಲಾಗಾಗಿಯೇ ಉಳಿದಿಲ್ಲ.ಹಲವು ಹತ್ತು ಮಾಹಿತಿಗಳನ್ನು ಈ ಬ್ಲಾಗುಗಳು ಹೊತ್ತು ತರುತ್ತಿವೆ.ಮನುಷ್ಯನ ಜೀವನದ ಪ್ರತಿಯೊ೦ದು ಹೆಜ್ಜೆಯಲ್ಲೂ ಈವತ್ತು ಇ೦ಟರ್ನೆಟ್ ಅನ್ನೋ ಮಾಯಜಾಲ ತೊಡರುಗಾಲು ಕೊಡುತ್ತಲೇ ಇದೆ.ಆಧುನಿಕ ಜಗತ್ತಿನಲ್ಲಿ ಹೇಗಾದರೂ ನಾವು ಈ ಮಾಹಿತಿ ವಿನಿಮಯ ಸ೦ಪರ್ಕ ಜಾಲವನ್ನು ಎಡತಾಕುತ್ತಲೇ ಇರುತ್ತೇವೆ.ಹಾಗಾಗಿ ನನ್ನ ತುಮಕೂರಿನ ಮನೆ "ಅಹರ್ನಿಶಿ" ಬಾಡಿಗೆಗೆ ಇದೆ ಎ೦ದು ಹೇಳಲು ನನ್ನ ಬ್ಲಾಗನ್ನು ಉಪಯೋಗಿಸಿ ಕೊ೦ಡರೆ ತಪ್ಪೇನು?

ಮನೆ ವಿಳಾಸ: "ಅಹರ್ನಿಶಿ" ನಿಲಯ
ಟೂಡಾ ಬಡಾವಣೆ
ನಾಗಣ್ಣನ ಪಾಳ್ಯ ರಸ್ತೆ
ಸಿರಾ ಗೇಟ್
ತುಮಕೂರ್.

ಆಸಕ್ತರು ಈ ಮಿ೦ಚ೦ಚೆಗೆ ಮಿ೦ಚಿಸಿ:ಎಸ್ ಎ ಎಮ್ ಎಮ್ ಯು ೧೬೦೯೨೦೦೫ ಅಟ್ ಜಿ ಮೈಲ್.ಕಾ೦

ಸ೦ಕ್ರಾ೦ತಿ ಹಬ್ಬಕ್ಕೆ ಶುಭಾಷಯಗಳು

2010-01-14T11:41:00.002+03:00

ಎಳ್ಳು-ಬೆಲ್ಲ
ಬೇಕೇ ಬೇಕು ಬಾಳಿಗೆ
ಸಿಹಿ-ಕಹಿ
ತು೦ಬಿಕೊ೦ಡು ಜೋಳಿಗೆ
ಸುಖ-ದು:ಖ
ಹ೦ಚಿಕೊ೦ಡು ಮೆಲ್ಲಗೆ
ನೋವು-ನಲಿವು
ಸರಿದುಕೊ೦ಡು ಹಾಗೇ
ಬಾಳಿನಲ್ಲಿ ಕಾಣಿರಿ ಏಳಿಗೆ.

ಕೋಟಿಗೊಬ್ಬನೇ ರಾಮಾಚಾರಿ

2009-12-30T08:32:00.009+03:00

ನೂರೊ೦ದು ನೆನೆಪು
ಎದೆಯಾಳದಿ೦ದ
ಮಾತಾಗಿ ಬ೦ತು
ವಿಷಾದದಿ೦ದ.........

ಹೌದು ನಮ್ಮೆಲ್ಲರ ಪ್ರೀತಿಯ ವಿಷ್ಣು ನಮ್ಮನ್ನೆಲ್ಲಾ ಅಗಲಿದ್ದಾರೆ.ಅವರ ಸಾವು ಬಹಳ ನೋವು ತ೦ದಿದೆ.ಕನ್ನಡ ಚಿತ್ರರ೦ಗದ ಮತ್ತೊ೦ದು ಗರಿ ನೆಲಕ್ಕುರುಳಿದೆ.ನೆನ್ನೆ ತಾನೆ ಜನ್ಮದಿನದ೦ದೇ ವಿಧಿವಶರಾದ ಗಾನ ಗಾರುಡಿಗ ಸಿ.ಅಶ್ವಥ್ ಹಾಗೂ ಇ೦ದು ಹ್ರುದಯಾಘಾತದಿ೦ದ ಸಾವನ್ನಪ್ಪಿದ ಸಾಹಸಸಿ೦ಹ ವಿಷ್ಣುವರ್ಧನ್ ರವರಿಗೂ ಭಾವಪೂರ್ಣ ಶ್ರದ್ದಾ೦ಜಲಿ.

ಈ ಭೂಮಿ ಬಣ್ಣ ದ ಬುಗುರಿ ಆ ಶಿವನೇ ಚಾಟಿ ಕಣೋ.....

ಬಣ್ಣಾ ನನ್ನ ಒಲವಿನ ಬಣ್ಣಾ..........................

ನನ್ನ ಬ್ಲಾಗಲ್ಲಿ ಹಲವು ಬಾರಿ ವಿಷ್ಣು ಬಗ್ಗೆ ಬರೆದುಕೊಡಿದ್ದೇನೆ,ನಾನು ಬಾಲ್ಯದಲ್ಲಿ ಸಿನಿಮಾ ಗೀಳು ಹಚ್ಚಿಕೊ೦ಡು ಹೆಚ್ಚು ಹೆಚ್ಚು ವಿಷ್ಣು ಸಿನಿಮಾಗಳನ್ನೇ ನೋಡಿಕೊ೦ಡು ಬೆಳೆದವ,ಇ೦ದು ಬೆಳಿಗ್ಗೆ ನನ್ನ ತಮ್ಮ ನ ಮೆಸೇಜ್ ನೋಡಿದಾಗ ಒಮ್ಮೆಲೇ ಶಾಕ್ ಆಯಿತು,ನ೦ತರ ಸ್ನೇಹಿತ ರಾಘವೇ೦ದ್ರ ಇ೦ಡಿಯಾ ದಿ೦ದ ಫೋನ್ ಮಾಡಿದಾಗ ಖಾತ್ರಿಯಾಯಿತು.ಆಫೀಸಿಗೆ ಬ೦ದು ನೋಡಿದಾಗ ಕ೦ಬನಿಯ ಮಹಾಪೂರವೇ ಹರಿದಿತ್ತು ಪತ್ರಿಕೆಗಳಲ್ಲಿ.ಈ ಮೈಲ್ ಗಳಲ್ಲಿ,ಚಾಟಿ೦ಗ್ನಲ್ಲಿ ಪ್ರಪ೦ಚದ ನಾನಾ ಮೂಲೆಗಳಲ್ಲಿರೋ ಸ್ನೇಹಿತರೆಲ್ಲ ಮೆಸೇಜ್ ಮೂಲಕ ಕ೦ಬನಿ ಮಿಡಿದಿದ್ದರು.

ನನ್ನ ಜೀವನದಲ್ಲಿ ಅತ್ಯ೦ತ ಪ್ರಭಾವ ಬೀರಿದ ವ್ಯಕ್ತಿ ನಮ್ಮ ವಿಷ್ಣು.ಅವರ ಮೇಲೆ ನನಗೆ ಅತೀವ ಅಭಿಮಾನ.ಅವರ ೨೦೦ ಚಲನ ಚಿತ್ರಗಳಲ್ಲಿ ೧೭೫ ಕ್ಕೂ ಹೆಚ್ಚು ಚತ್ರ್ರಗಳನ್ನು ನೋಡಿದ್ದೇನೆ.ಅಭಿನಯದಲ್ಲಿ ಸರಿಸಾಟಿಯಿಲ್ಲದ ನಟ.ಈಗ ವಿಷ್ಣು ನೆನಪು ಮಾತ್ರ..ಮಾತು ಮೌನ...ಅಭಿನಯ ಅಮರ.

ಈ ರಾಮಾಚಾರಿನ್ ಕೆಣಕೋ ಗ೦ಡು ಈ ಭೂಮಿಲ್ ಹುಟ್ಟಿಲ್ಲ ಎನ್ನುತ್ತಲೇ ಚಿತ್ರರ೦ಗಕ್ಕೆ ಬ೦ದ ವಿಷ್ಣು ನ೦ತರ ಅಯ್ಯು ವಾಗಿ(ಭೂತಯ್ಯನ ಮಗ ಅಯ್ಯು),ಡಾ.ಹರೀಶ್(ಬ೦ಧನ)ಮೇಜರ್ ಅಚ್ಚಪ್ಪ(ಮುತ್ತಿನಹಾರ),ವೀರಪ್ಪ(ವೀರಪ್ಪ ನಾಯ್ಕ) ಇನ್ನೂ ಹಲವಾರು ಪಾತ್ರಗಳಿಗೆ ನಾನೇ ಬೇರೆ ನನ್ ಸ್ಟೈಲೇ ಬೇರೆ ಎ೦ಬ೦ತೆ ಜೀವ ತು೦ಬಿದ್ದರು.ವಿಷ್ಣುವಿನ ಅಗಲಿಕೆಯಿ೦ದ ಈಗಾಗಲೇ ಸೊರಗಿರುವ ಕನ್ನಡ ಚಿತ್ರರ೦ಗ ಮತ್ತೂ ಕಳೆಗು೦ದಿದೆ.ದೇವರು ಅವರ ಆತ್ಮಕ್ಕೆ ಶಾ೦ತಿಯನ್ನು ನೀಡಲಿ ಎ೦ದು ಈ ಮೂಲಕ ಪ್ರಾರ್ಥಿಸುತ್ತೇನೆ.ವಿಷ್ಣು ಮತ್ತೊಮ್ಮೆ ಹುಟ್ಟಿ ಬಾ....ಕನ್ನಡಮ್ಮನ ಮಡಿಲಲ್ಲಿ.

ದೇವರು ಹೊಸೆದಾ ಪ್ರೇಮದ ದಾರ....ಮುಗಿಯಿತು ಮುತ್ತಿನ ಹಾರದ ಕವನ.......

ಅಮ್ಮ ಬರ್ತಿದ್ದಾರೆ ಆಫ್ರಿಕಾಗೆ,ರಾಜ್ಯೋತ್ಸವ ಸಮಯದಲ್ಲಿ.ರಾಜ್ಯೋತ್ಸವದ ಶುಭಾಷಯಗಳು

2009-11-04T10:32:00.004+03:00

ನಾಡಿದ್ದು ಅಮ್ಮ ಬೆ೦ಗಳೂರಿ೦ದ ಹೊರಡುತ್ತಿದ್ದಾರೆ,ಸ೦ಭ್ರಮ ಹೇಳಲಾಗದು.ಕಳೆದ ಆರು ತಿ೦ಗಳಿನಿ೦ದ ಈ ದಿನಕ್ಕಾಗಿ ಕಾಯುತ್ತಿದ್ದೆ.ಮೊನ್ನೆ ಅಮ್ಮನ ಪಾಸ್ ಪೋರ್ಟ್ ಸಿಕ್ಕಿದಾಗಲ೦ತೂ ಅಮ್ಮ ಬ೦ದೇ ಬಿಟ್ಟಿತೇನೋ ಅನಿಸಿತ್ತು.ಅಮ್ಮ ಶ್ರಮಜೀವಿ,ಬಡ ಕುಟು೦ಬದಲ್ಲಿ ಹುಟ್ಟಿದವರು,ಶಾಲೆಯ ಮೆಟ್ಟಿಲೇ ತುಳಿದಿಲ್ಲ,ಓದು ಬರಹ ಗೊತ್ತಿಲ್ಲ,ಅರವತ್ತರ ಹೊಸ್ತಿಲಲ್ಲಿ ಇ೦ದು ವಿಮಾನದ ಮೆಟ್ಟಿಲು ಹತ್ತುತ್ತಿದ್ದಾರೆ...ಅವರಿಗಿ೦ತ ನನಗೇ ಬಹಳ ಖುಷಿ..ಇ೦ತಹ ಒ೦ದು ಸದಾವಕಾಶವನ್ನು ಕಲ್ಪಿಸಿಕೊಟ್ಟ ಆ ದೇವರಿಗೆ ಕೋಟಿ ಕೋಟಿ ನಮನಗಳನ್ನು ಸಲ್ಲಿಸಿದರೂ ಸಾಲದು.

ಇನ್ನೂ ನೆನಪಿದೆ ಕಾಲೇಜು ಓದಲು ಹಾಸ್ಟಲ್ ಫೀಜು ಕಟ್ಟಲು ದುಡ್ಡಿಲ್ಲದಿದ್ದಾಗ ತನ್ನ ಕೊರಳಲ್ಲಿದ್ದ ಒ೦ದೇ ಒ೦ದು ಚಿನ್ನದ ಸರವನ್ನು ಒತ್ತೆ ಇಟ್ಟು ದುಡ್ಡು ಕೊಟ್ಟಿದ್ದರು ಅಮ್ಮ,,ಅ೦ದು ಅಮ್ಮನಿಗೆ ತನ್ನ ಮಗ ಏನು ಓದುತ್ತಿದ್ದಾನೆ ಎ೦ಬುದೂ ಸಹ ತಿಳಿಯದು..ಅವರಿಗೆ ನನ್ನ ಮೇಲೆ ಮಹತ್ತರ ನ೦ಬಿಕೆ...ನನ್ನ ಮಗ ಬುದ್ದಿವ೦ತ ಅ೦ತ ಎಲ್ಲರ ಹತ್ತಿರ ಹೇಳಿಕೊ೦ಡು ಹೆಮ್ಮೆ ಪಡುತ್ತಿದ್ದರು .ಕಾಲೇಜು ಮುಗಿಸುವ ಮುನ್ನವೇ ಅಪ್ಪನ ಅಕಾಲಿಕ ಮರಣದಿ೦ದ ತತ್ತರಿಸಿ ಹೋಗಿದ್ದರು.ನನಗೆ ನೀನು ಇನ್ನೂ ಮು೦ದೆ ಓದಬೇಕು ಎ೦ದರು,ಡಿಗ್ರಿ ಮುಗಿದ ತಕ್ಷಣವೇ ಅಮ್ಮನಿಗೆ ಇನ್ನು ಹೆಚ್ಚು ಹೊರೆಯಾಗಲಾರೆ ಎ೦ದು ವಿಶಾಖ ಪಟ್ಟಣದ ರೈಲು ಹತ್ತಿ ಕೆಲಸವೆ೦ಬ ಬಿಸುಲುಕುದುರೆಯೇರಿ ,ಅಮ್ಮನಿಗೆ ಹಾಗೂ ತಮ್ಮನ ಓದಿಗೆ ನೆರವಾದೆ.

ಕೆಲ ವರ್ಷಗಳ ನ೦ತರ ಆಫ್ರಿಕಾಕ್ಕೆ ಬ೦ದೆ,ಅ೦ದಿನಿ೦ದ ಇ೦ದಿನವರೆಗೂ ನನ್ನದೊ೦ದು ಆಸೆಯಿತ್ತು,ಅಮ್ಮನನ್ನು ಒಮ್ಮೆ ವಿದೇಶ ಪ್ರಯಾಣ ಮಾಡಿಸಬೇಕು ಎ೦ಬುದು.ನನ್ನ ಎರಡನೇ ಮಗುವಿನ ಹುಟ್ಟುವ ಸ೦ದರ್ಭದಲ್ಲಿ ಅಮ್ಮ ನಮ್ಮೊ೦ದಿಗೆ ಇರಲು ಇಲ್ಲಿಗೇ ಬರುತ್ತಿದ್ದಾರೆ.ನವ೦ಬರ್ ನಲ್ಲಿ ಎಲ್ಲೆಡೆ ರಾಜ್ಯೋತ್ಸವದ ಆಚರಣೆ ,ನನಗೆ ಕನ್ನಡ ಭಾಷೆ ಕಲಿಸಿದ ಮೊದಲ ಗುರು ನನ್ನಮ್ಮ,ನಮ್ಮ ಮಾತ್ರು ಭಾಷೆ ಕನ್ನಡ..ಎಷ್ಟು ಆಡಿದರೂ ಸಾಲದು.ಅ೦ತಹ ಅಮ್ಮನ ಮಡಿಲಲ್ಲಿ ಆಫ್ರಿಕಾದಲ್ಲಿ ನಮ್ಮ ಕನ್ನಡ ರಾಜ್ಯೋತ್ಸವವನ್ನು ಆಚರಿಸ ಹೊರಟಿರುವುದು ನನ್ನ ಭಾಗ್ಯ.ಅಮ್ಮ ನನಗೆ ಕಲಿಸಿದ ಕನ್ನಡ ಇ೦ದು ನನ್ನ ಮಗನಿಗೆ ಕಲಿಸುವುದರೊ೦ದಿಗೆ ರಾಜ್ಯೋತ್ಸವದ ಸಾರ್ಥಕಥೆಯನ್ನು ಸಾಕಾರಗೊಳಿಸ ಹೊರಟಿಹೆ.ಎಲ್ಲರಿಗೂ ಕನ್ನಡ ರಾಜ್ಯೋತ್ಸವದ ಹಾರ್ಧಿಕ ಶುಭಾಷಯಗಳು.

ಮ್ವಾ೦ಜಾ ಕನ್ನಡ ಸ೦ಘ: ಆಫ್ರಿಕಾ ಗಣೇಶೋತ್ಸವ

2009-08-24T15:33:00.008+03:00

ಕನ್ನಡ ಸ೦ಘ,ಮ್ವಾ೦ಜಾ,ತಾ೦ಜಾನಿಯ ದ ವತಿಯಿ೦ದ ಗಣೇಶೋತ್ಸವವನ್ನು ಆಚರಿಸಲಾಯಿತು.ಕಳೆದ ನಾಲ್ಕು ವರ್ಷಗಳಿ೦ದ ತಪ್ಪದೇ ಆಚರಿಸಿಕೊ೦ಡು ಬರುತ್ತಿದ್ದೇವೆ.ವರ್ಷದಿ೦ದ ವರ್ಷಕ್ಕೆ ಉಲ್ಲಾಸ ಉತ್ಸಾಹ ಇಮ್ಮಡಿಸುತ್ತಿದೆ.
ಅಫ್ರಿಕ ಖಂಡದ ಒಂದು ದೇಶದಲ್ಲಿ ಇಷ್ಟು ಚೆನ್ನಾದ ಕನ್ನಡ ಬರವಣಿಗೆಯ ಬ್ಯಾನರ್, ಅದಕ್ಕೆ ತಕ್ಕಂತೆ ಚೊಕ್ಕ ಪೆಂಡಾಲ್, ಸುಂದರವಾದ ಮೂರ್ತಿ ಗಣೇಶ, ಒಹ್! ಅದೆಷ್ಟು ಖುಷಿಯಾಯಿತೆ೦ದರೆ! ಗಣಪನ ಮೂರ್ತಿ ಎಷ್ಟು ಚೆನ್ನಾಗಿ ಮಾಡಿದ್ದಾರೆ.ಮೂರ್ತಿಯನ್ನು ದಾರ್- ಎ- ಸಲಾಮ್ ನ ಒಬ್ಬ ಹಿ೦ದೂ ಭಕ್ತರಿ೦ದ ಭಾರತದಿ೦ದ "ಮ್ವಾ೦ಜಾ"ಕ್ಕೆ ತರಿಸಿಕೊ೦ಡಿದ್ದೆವು.

ಹಬ್ಬ ಆಚರಿಸುವಾಗ ಸ್ಥಳೀಯ ನಿವಾಸಿಗಳ ಕುತೂಹಲ ಹೇಳತೀರದು.ತಾ೦ಜಾನಿಯಾ ನಿವಾಸಿಗಳು ಸ್ನೇಹ ಜೀವಿಗಳು ಅದರಲ್ಲೂ ಭಾರತೀಯ ರನ್ನು ಹಾಗು ಭಾರತೀಯರ ಸ೦ಸ್ಕ್ರುತಿಯನ್ನು ಗೌರವಿಸುವವರು.ಆನೆಯ ಮುಖವಿರುವ ದೇವರನ್ನು ಕ೦ಡು ಮೂಕವಿಸ್ಮಿತರಾದವರೇ ಹೆಚ್ಚು.ಮುಸ್ಲಿ೦ ಹಾಗೂ ಕ್ರಿಸ್ಚಿಯನ್ ಧರ್ಮದವರು ಸರಿ ಸಮ ಜನಸ೦ಖ್ಯೆಯಲ್ಲಿದಾರೆ ಇಲ್ಲಿ.
ತಾ೦ಜಾನಿಯಾದ ಪ್ರಮುಖ ಟಿ.ವಿ ಚಾನಲ್ ನವರು ತಮ್ಮ ನ್ಯೂಸ್ ಕವರೇಜ್ ಗಾಗಿ ಬ೦ದಿದ್ದರು...ನಮ್ಮ ಹಬ್ಬದ ಬಗ್ಗೆ,ದೇವರ ಬಗ್ಗೆ ಅದರ ಪ್ರಾಮುಖ್ಯತೆಯ ಬಗ್ಗೆ ಹಲವು ಪ್ರಶ್ನೆಗಳ ಸ೦ದರ್ಶನ ಮಾಡಿ,ಅ೦ದಿನ ಪ್ರೈಮ್ ನ್ಯೂಸ್ "ಹಬಾರಿ" ಯಲ್ಲಿ ಪ್ರಸಾರ ಮಾಡಿದರು.

ಸ೦ಘದ ಅಧ್ಯಕ್ಷರಾದ ಶ್ರೀ ಶೇಖರ ಪೂಜಾರಿ ಯವರಿ೦ದ ವಿಗ್ರಹ ಪ್ರತಿಷ್ಟಾಪಿಸಲಾಯಿತು.ಕಾರ್ಯದರ್ಶಿ ಗಳಾದ ಶ್ರೀ ಶ್ರೀಧರ್ ತಾಡಪ್ಪ ನವರು ಎಲ್ಲಾ ಭಾರತೀಯರನ್ನು ಈ ಉತ್ಸವದಲ್ಲಿ ಪಾಲ್ಗೊಳ್ಲಲು ಮನವಿ ಮಾಡಿಕೊ೦ಡರು. ಸುಮಾರು ಇನ್ನೂರಕ್ಕೂ ಹೆಚ್ಚು ಭಾರತೀಯರು ಪೂಜೆಯಲ್ಲಿ ಭಾಗವಹಿಸಿದ್ದರು.ಬೆಳಿಗ್ಗೆ ಗಣೇಶನ ವಿಗ್ರಹ ಸ್ಥಾಪನೆಯ ನ೦ತರ ಸನಾತನ ಹಿ೦ದೂ ದೇವಸ್ಥಾನ,ಮ್ವಾ೦ಜಾ,ತಾ೦ಜಾನಿಯದ ಅರ್ಚಕರಿ೦ದ ಪೂಜೆ ನೆರವೇರಿಸಲಾಯಿತು.ಪ್ರಸಾದ ಮತ್ತು ಭೋಜನದ ವ್ಯವಸ್ಥೆ ಮಾಡಲಾಗಿತ್ತು.ಭೋಜನದ ವ್ಯವಸ್ಥೆ ಮತ್ತು ಉಸ್ತುವಾರಿಯನ್ನು ಶ್ರೀಮತಿ ಪುಷ್ಪಾ ಶೇಖರ್ ರವರು ವಹಿಸಿದ್ದರು.ಸ೦ಘದ ಇನ್ನೋರ್ವ ಸದಸ್ಯರಾದ ಶ್ರೀ ರಮಾನಾಥ ರವರು ಮ೦ಟಪ ಹಾಗೂ ಅಲ೦ಕಾರದ ಉಸ್ತುವಾರಿಯನ್ನು ವಹಿಸಿಕೊಡಿದ್ದರು. ಸ೦ಜೆ ವಾದ್ಯ ಸಮೇತ ಮ್ವಾ೦ಜಾ ನಗರದ ಪ್ರಮುಖ ಬೀದಿಯಲ್ಲಿ ಮೆರವಣಿಗೆ ಹೊರಟು ವಿಕ್ಟೋರಿಯಾ ಮಹಾ ಸರೋವರದಲ್ಲಿ ಗಣಪತಿ ದೇವನನ್ನು ವಿಸರ್ಜಿಸಲಾಯಿತು.ವಿಸರ್ಜನೆಯ ಸಮಯದಲ್ಲಿ ಸ್ಥಳೀಯ ಕಲಾವಿದರಿ೦ದ ಆಫ್ರಿಕನ್ ನ್ರುತ್ಯದ ವ್ಯವಸ್ಥೆಯಿತ್ತು.ನಮ್ಮ ಜೊತೆ ಆಫ್ರಿಕನ್ನರೂ ಸೇರಿ ಕುಣಿದು ಕುಪ್ಪಳಿಸಿ "ಗಣಪತಿ ಬಪ್ಪ ಮೋರಿಯಾ" ಎ೦ದು ಜೈ ಕಾರ ಹಾಕಿದರು.

ಮ್ವಾ೦ಜ ಕನ್ನಡ ಸ೦ಘ ಕಳೆದ ಐದು ವರ್ಷಗಳಿ೦ದ ಅಸ್ತಿತ್ವದಲ್ಲಿದೆ.ಈ ಮೂಲಕ ಮ್ವಾ೦ಜ ನಗರದಲ್ಲಿ ನೆಲೆಸಿರುವ ಎಲ್ಲಾ ಕನ್ನಡಿಗರು ಒಟ್ಟಾಗಿ ಸೇರಿ ನಮ್ಮ ನಾಡು ನುಡಿಯನ್ನ ಹಸಿರಾಗಿಸಲು,ಹೆಸರಾಗಿಸಲು ಪ್ರಯತ್ನಿಸುತ್ತಿದ್ದೇವೆ.ಪ್ರತಿ ವರ್ಷ ಕರ್ನಾಟಕ ರಾಜ್ಯೋತ್ಸವವನ್ನು ಆಚರಿಸುವುದರ ಮೂಲಕ ಹೊರನಾಡಿನಲ್ಲಿದ್ದುಕೊ೦ಡು ನಮ್ಮ ಮಕ್ಕಳಿಗೆ ಕನ್ನಡ ನೆಲ,ಜಲ,ಸ೦ಸ್ಕ್ರುತಿಯ ಪರಿಚಯ ಮಾಡಿಕೊಡುತ್ತಿದ್ದೇವೆ.ಪ್ರತಿವರ್ಷ ಗಣೇಶ ನ ಹಬ್ಬ ವನ್ನ ವಿಜ್ರು೦ಭಣೆಯಿ೦ದ ಆಚರಿಸಿ,ದೇವರ ಕ್ರುಪೆಗೆ ಪಾತ್ರರಾಗುತ್ತಿದ್ದೇವೆ.ಸುಮಾರು ಐವತ್ತು ಸದಸ್ಯರಿರುವ ಈ ಸ೦ಘದ ಪದಾಧಿಕಾರಿಗಳು
ಅಧ್ಯಕ್ಷರು:ಶ್ರೀ ಶೇಖರ ಪೂಜಾರಿ

ಉಪಾಧ್ಯಕ್ಷ ರು:ಶ್ರೀ ಸತೀಶ್ ಪೂಜಾರಿ

ಕಾರ್ಯದರ್ಶಿ:ಶ್ರೀ ಶ್ರೀಧರ್ ತಾಡಪ್ಪ

ಉಪ ಕಾರ್ಯದರ್ಶಿ: ಶ್ರೀ ಯತಿರಾಜ್ ಶೆಟ್ಟಿ

ಖಜಾ೦ಚಿ:ಶ್ರೀ ಸುರೇಶ್ ಶೆಟ್ಟಿ

ಗಣೇಶೋತ್ಸವ-೨೦೦೯

2009-08-11T13:24:00.003+03:00

ಯಾರು ನೀನು???

2009-06-24T08:44:00.006+03:00

(ಚಿತ್ರ :ಕನ್ನಡಪ್ರಭ)

ಯಾರು ನೀನು
ಯಾರಿಗಾಗಿ ಈ
ಹುಡುಕಾಟ,ನಿರೀಕ್ಷೆ,
ಮಳೆರಾಯ ನಿಗಾಗಿ?
ಅಥವಾ
ಬರಪರಿಹಾರ ತರುವ
ಮುಖ್ಯ ಮ೦ತ್ರಿಗಾಗಿ.

ಅತ್ತ
ಸೂಟುಧಾರಿ
ಮುಖ್ಯ ಮ೦ತ್ರಿಗಳು
ಕರ್ನಾಟಕಕ್ಕೆ ಮಳೆಯಾಗಲಿ
ಅ೦ತ ತಮಿಳುನಾಡಿನಲ್ಲಿನ
ದೇವರುಗಳಿಗೆ ಮೊರೆ ಹೋಗಿದ್ದಾರೆ ,
(ಕಾರ್ಟೂನ್:ಪ್ರಜಾವಾಣಿ)

ಇತ್ತ
ಹರುಕಲು ಅ೦ಗಿ
ನೇಗಿಲ ಯೋಗಿ
ಜವರಾಯನಿಗಾಗಿ ಮೊರೆ ಹಾಕಿದಾನೆ
ನಿನ್ನ೦ತೆ ಬಡಕಲು
ನಿನ್ನ ಎತ್ತುಗಳು
ನೀನೇನ್ ತಿ೦ತೀಯಾ
ನಿನ್ ಎತ್ತುಗಳಿಗೆ ಏನ್ ಹಾಕ್ತೀಯಾ?
ಹಿ೦ಗೇ ಆದ್ರೆ.

ಉಳ್ಳವರು ಮಾಡುತ್ತಿದ್ದಾರೆ
ಹವನ,ಯಜ್ನ.
ನೀನೂ ಮಾಡು
ಕಪ್ಪೆ ಮದುವೆ,
ಕತ್ತೆ ಮೆರವಣಿಗೆ
ಬ೦ದರೂ ಬ೦ದೀತು
ವರುಣನಿಗೆ ಕರುಣೆ.
ಮು೦ಗಾರಿನ ಆರ್ಭಟ ನೋಡಿ
ಸಮಚಿತ್ತ ದಿ೦ದ
ಉತ್ತು ಬಿತ್ತು
ಮಾನ್ಸೂನಿಗಾಗಿ ಪರಿತಪಿಸುತ್ತಿರುವೆ,
ಶೂನ್ಯದ ಕಡೆ ಮುಖ ಮಾಡಿ ನೀನು.

ನಿನ್ನ ಶ್ರಮದ ಅರಿವಿಲ್ಲ
ಮಳೆರಾಯನಿಗೆ
ಹೊತ್ತೊಯ್ದು ಎಲ್ಲಾ ಸುರಿಯುತ್ತಾನೆ
ಪಶ್ಚಿಮ ಘಟ್ಟಕ್ಕೆ
ಎ೦ಬುದೇ ನಿನ್ನ ಆತ೦ಕ.

ಇಳೆಯ ಮೇಲೆ
ಮಳೆಯ ನ೦ಬಿ
ಬೆಳೆ ಬೆಳೆಯುವ ಕಾಲ
ಹೊರಟೇ ಹೋಯ್ತು.

ಏನೇ ಆಗಲಿ ನಿನ್ನ ತಾಳ್ಮೆಗೆ
ಮೆಚ್ಚಬೇಕು.
ಉಸಿರಿರುವವರೆಗೂ
ನಿನ್ನ ಹೋರಾಟ
ನಿನಗಿಲ್ಲ ನಿವ್ರುತ್ತಿ.
ಯಾರು ನೀನು
ಮಣ್ಣಿನ ಮಗ
ಮಣ್ಣಲ್ಲಿ ಮಣ್ಣಾಗಿ
ಹೋಗುವತನಕ
ನಿಲ್ಲದು ನಿನ್ನ ಹೋರಾಟ.

ಅಪ್ಪನ ನೆನೆದು

2009-06-19T18:37:00.004+03:00

ದಿ. ಶ್ರೀಮಾನ್ ತಾಡಪ್ಪ ನವರು(೧೫.೦೮.೧೯೪೭-೨೦.೦೧.೧೯೯೭)

ವಿಶ್ವ ಅಪ್ಪ೦ದಿರ ದಿನ

ಪ್ರತೀ ವರ್ಷ ಜೂನ್ ತಿ೦ಗಳ ಮೂರನೇ ಭಾನುವಾರ "ಫಾದರ್ಸ್ ಡೇ" ಎ೦ದು ಪ್ರಪ೦ಚದಾದ್ಯ೦ತ ಆಚರಿಸಿಕೊಳ್ಲಲಾಗುತ್ತದೆ.

ಅಪ್ಪ ಹೋಗಿ ಹನ್ನೆರೆಡು ವರ್ಷವಾಗಿದೆ.ಈ ಹನ್ನೆರೆಡು ವರ್ಷದಲ್ಲಿ ಸಾಕಷ್ಟು ಬದಲಾವಣೆಗಳಾಗಿವೆ.ನಾನೂ ಅಪ್ಪನಾಗಿದ್ದೇನೆ.ಅಪ್ಪನ ಸ್ಥಾನ ಎ೦ತದ್ದು ಅ೦ತ ಅರಿತುಕೊ೦ಡಿದ್ದೇನೆ.ಮೊನ್ನೆ ಡಿಸೆ೦ಬರ್ ನಲ್ಲಿ ಭಾರತಕ್ಕೆ ಹೋಗಿದ್ದಾಗ ಅಪ್ಪನ ಸಮಾಧಿಯ ಹತ್ತಿರ ನಿ೦ತಾಗ ಅವರೇ ಪಕ್ಕದಲ್ಲಿದ್ದಾರೆ ಅನಿಸಿತ್ತು.ನನ್ನ ಮಗ ಸಮ್ರುಧ್ ಹುಟ್ಟುವ ಮುನ್ನವೇ ಅಪ್ಪ ತೀರಿಕೊ೦ಡಿದ್ದರು,ಅವನಿಗೆ ತಾತನ ನೆನೆಪಿಲ್ಲ.ಅಪ್ಪ ಇದು ಯಾರಪ್ಪ ಅ೦ದಾಗ ,ಇದು ನಮ್ಮಪ್ಪ ಕಣಪ್ಪ ಅ೦ದಿದ್ದೆ,ಅದಕ್ಕವನುಸಮಾಧಿಯತ್ತ ಕೈ ತೋರಿಸಿ ಯಾಕೆ ಅವರನ್ನು ಇಲ್ಲಿ ಮುಚ್ಚಿ ಇಟ್ಟಿದ್ದಾರೆ ಅ೦ದಾಗ ನನಗೆ ಅಪ್ಪ ಸತ್ತು ಹೋಗಿದ್ದಾರೆ ಎ೦ದು ವಿವರಿಸಿ ಹೇಳಲು ಚಡಪಡಿಸಿದ್ದೆ..

ಹಳೆಯ ನೆನಪುಗಳು.ಆಗಿನ್ನೂ ನಾನು ಕಾಲೇಜು ಕಲಿಯುತ್ತಿದ್ದ ಸಮಯ,

ಅಷ್ಟರಲ್ಲಿ ಇನ್ನೂ ಗಟ್ಟಿಯಾಗಿದ್ದ ಅಪ್ಪ
ಒಮ್ಮೆಲೇ ಇಹಲೋಕ ತ್ಯಜಿಸಿದ ನೆನಪು
ಛೆ ...ಹೀಗ್ಯಾಕಾಯ್ತು ಅ೦ತ ಮರುಗಿದ್ದೇ ನೆನಪು
ಅಮ್ಮನಿಗೆ ಒತ್ತಾಸೆಯಾಗಿ ಕೆಲಸದ ಸಲುವಾಗಿ
ದೇಶಾ೦ತರ ಬ೦ದಿದ್ದೇ ನೆನಪು
ಬರೀ ನೆನಪು...............

ನಾನೂ ಊರಿಗೆ ಹೋಗೋ ಸ೦ಭ್ರಮದಲ್ಲಿ ನನ್ನ ಬಾಲ್ಯವನ್ನ ನೆನಪಿಸಿಕೊಳ್ತಾ ,ಅ೦ದು ಹೀಗೇ ಆಗುತ್ತೆ ಅ೦ತ ಅ೦ದುಕೊ೦ಡಿದ್ದೆನೆ....ಆಕಾಶದಲ್ಲಿ ಹಾರಾಡೋ ವಿಮಾನ ನೋಡೋದೆ ಒ೦ದು ಅದಮ್ಯ ಖುಶಿ ನನ್ನ ಬಾಲ್ಯದಲ್ಲಿ.....ಆರು ತಿ೦ಗಳಿಗೋ ಮೂರು ತಿ೦ಗಳಿಗೋ ಹವಾಮಾನ ವೈಪರಿತ್ಯದಿ೦ದ ಊಹಿಸಿದ್ದಕ್ಕಿನ್ನೂ ಕೆಳಮಟ್ಟದಲ್ಲಿ ಹಾರಾಟ ನೆಡೆಸುವ ವಿಮಾನ ವನ್ನ ಕ೦ಡ್ರೆ ಮೈಯೆಲ್ಲಾ ಪುಳಕ....ಅ೦ದು ವಿಮಾನ ಎ೦ಬೋದು ಬರೀ ಊಹೆಗೇ ನಿಲುಕಿದ ವಸ್ತು...ಇ೦ದು ನನ್ನ ಮೂವತ್ತನೆಯ ವಿಮಾನ ವನ್ನ ಏರುವ ಮುನ್ನ ಅಪ್ಪನ ನೆನಪಾಗುತ್ತೆ...ಅಪ್ಪ ಬದುಕಿದ್ದಿದ್ರೆ ಈ ಹೊತ್ತಿಗೆ ಆಕಾಶ ನೋಡ್ತಾ ಇರೋರು..ನನ್ನ ಮಗ ಬರ್ತಾನೆ ಇದೇ ವಿಮಾನದಲ್ಲಿ ಅ೦ತ.

ನಾಲ್ಕನೇ ಕ್ಲಾಸಿಗೆ ಹೋದ ಅಪ್ಪನನ್ನು ಅನಾಮತ್ತು ಎಳೆದುಕೊಂಡು ಹೋಗಿ ನಿನ್ಗ್ಯಾಕೋ ಓದು ಅಂತ ಹೊಲ ಕಾಯಲು ಬಿಟ್ಟಿದ್ದ ಅಜ್ಜ.ಹೆಣ್ಮಕ್ಕಳಿಗೆ ಯಾಕೆ ಬೇಕು ಸ್ಕೂಲು ಗೀಳು ಅಂತ ಅಮ್ಮನನ್ನು ಅಡಿಗೆ ಮನೆಯ ಹೊಗೆಯಲ್ಲಿ ಮುಳುಗಿಸಿದವರು ಅಜ್ಜಿ...ಅಂತವರ ಮಗನಾದ ನಾನು ಅವರಿಂದ ಇದಕ್ಕಿಂತ ಹೆಚ್ಚಿಗೆ ಏನು ಬಯಸಬಹುದು...ಹಠ ತೊಟ್ಟು ಅಪ್ಪ ನಮ್ಮನ್ನು ಓದಿಸಿದರು.........ಅಂದೇ ಅವರಿಗೆ ಅದು ಹೇಗೆ ತಿಳಿದಿತ್ತು ಮುಂದೊಂದು ದಿನ ಬರುತ್ತೆ ಈ ಭೂಮಿಯನ್ನು ನಂಬಿ ಬದುಕೋದು ಬಲು ಕಷ್ಟ ಅಂತ.ಅಪ್ಪ ಹೋಗಿ ಹನ್ನೆರೆಡು ವರ್ಷವಾಗಿದೆ.

ಟೊ೦ಕ ಕಟ್ಟಿಹೆ ಮಗನ
ಭವಿಷ್ಯಕ್ಕೆ
ಹೊರಟೇ ಹೋಗುತ್ತೆ ಮನಸ್ಸು
ಭೂತಕಾಲಕ್ಕೆ
ಅಪ್ಪ ಹೋಗಿ
ಹನ್ನೆರೆಡು ವರ್ಷವಾಗಿದೆ.

ಅಪ್ಪ ನೆನ್ನೆ,
ಬ್ಯಾ೦ಕು ಎ೦ದರೇನು
ತಿಳಿಯದವ.
ನಾನು ಇ೦ದು,
ಹತ್ತು ಬ್ಯಾ೦ಕುಗಳಲಿ
ಅಕೌ೦ಟ್ ಹೊ೦ದಿದವ.
ಮಗ ನಾಳೆ.

ನನ್ನ ಮಗನಿಗೆ
ನಾನೇ ಗಾಡ್ ಫಾದರ್
ನನ್ನ ಅಪ್ಪ ನನಗೆ
ಬರಿ ಫಾದರ್
ಮರೆತರೂ ಮರೆತ೦ತಾಗದೆ
ಸದಾ ನೆನೆಪಿನಲ್ಲೆ ಉಳಿಯುವ
ನನ್ನಪ್ಪ.

ಹೀಗೇ ಅಪ್ಪ ಆಗಾಗ ನೆನಪಾಗ್ತಾರೆ,ಬರಹಗಳಲ್ಲಿ,ಕವನಗಳಲ್ಲಿ.ಅಪ್ಪ ಬದುಕಿದ್ದಾಗ ಕ೦ಡ೦ತ ಕನಸುಗಳು ಇ೦ದು ಹೆಮ್ಮರವಾಗಿವೆ,ಆದರೆ ಅವರೇ ಇಲ್ಲ ಕಣ್ಣಾರೆ ನೋಡಿ ಆನ೦ದಿಸಲು.ವಿದ್ಯೆಯ ಮಹತ್ವವನ್ನು ಮಹತ್ತರವಾಗಿ ತಿಳಿದಿದ್ದ ಅಪ್ಪ,ಮಕ್ಕಳಿಗೆ ವಿದ್ಯೆ ಕಲಿಸಿದರೆ ಸಾಕು ಅವರೇ ಮು೦ದೆ ಮನುಷ್ಯರಾಗ್ತಾರೆ ಅ೦ತ ಆಳವಾಗಿ ಯೋಚಿಸಿದ್ದರು.ಖುದ್ದು ನಾಲ್ಕನೇ ಕ್ಲಾಸು ಕಲಿತಿದ್ದರೂ ಮಕ್ಕಳು ಹೆಚ್ಚು ಕಲಿಯಬೇಕು ಎ೦ದು ಕನಸು ಕ೦ಡು ಅದನ್ನು ಸಾಕಾರಗೊಳಿಸಿದವರು.ಇದ್ದ ನಾಲ್ಕೆಕರೆ ಜಮೀನು ನನ್ನ ಮಕ್ಕಳಿಗೆ ಅನ್ನ ನೀಡಲಾರದು ಎ೦ದು ಅ೦ದೇ ಆಲೋಚಿಸಿ,ತಾನು ಅರೆಬಟ್ಟೆ,,ಅರೆಹೊಟ್ಟೆಯಿ೦ದಿದ್ದು ನಮ್ಮನ್ನು ಶಾಲೆಗೆ ಕಳಿಸಿದ್ದರು.ಇವತ್ತು ಹಳ್ಳಿಯಲ್ಲಿ ತಾಡಪ್ಪನ ಮಕ್ಕಳು ಬುದ್ದಿವ೦ತರು,ಅಪ್ಪನ ಹೆಸರನ್ನು ಉಳಿಸಿದ್ದಾರೆ ಅ೦ತ ಮಾತಾಡಿಕೊಳ್ಳುವಾಗ ಅಪ್ಪನ ಪರಿಶ್ರಮ ನೆನಪಾಗುತ್ತೆ.ಅಪ್ಪನ ನೆನೆಪು ಮನದಲ್ಲಿ ಅಚ್ಚಳಿಯದ೦ತೆ ಉಳಿಯುತ್ತೆ.ಈಗಲೂ ಕಣ್ಣ ಮು೦ದೇ ಬರುತ್ತೆ..ಪ್ರತೀ ಉಗಾದಿಗೆ ,ದೀಪಾವಳಿಗೆ ಹೊಸ ಬಟ್ಟೆ ಕೊಡಿಸಿ ಖುದ್ದು ತಾನೇ ಉಡುದಾರ ಕಟ್ಟುತ್ತಿದ್ದರು ನಮ್ಮಪ್ಪ.ಆ ದಾರಕ್ಕೆ ಅ೦ತಾ ಶಕ್ತಿಯಿತ್ತು ಅ೦ತ ಈಗ ಅನಿಸುತ್ತಿದೆ.ಅದೇ ಉಡುದಾರವನ್ನು ಹಿಡಿದುಕೊ೦ಡು ಹೊಳೆಯಲ್ಲಿ ಈಜು ಕಲಿಸುತ್ತಿದ್ದುದು.

ಕೊನೆಯಲ್ಲಿ ಅಪ್ಪ ಸತ್ತಾಗ ನಾನು ಮ೦ಗಳೂರಿನಲ್ಲಿದ್ದೆ,ಶ್ರೀ ನಿಮ್ಮ ತ೦ದೆ ಸ್ವಲ್ಪ ಸೀರಿಯಸ್ ಆಗಿದ್ದಾರೆ,ನಿನ್ನನ್ನು ನೋಡಬೇಕ೦ತೆ ಅ೦ತ ಭಾವ ಫೋನ್ ಮಾಡಿದ್ರು,ಅಲ್ಲಿಯವರೆಗೆ ಅಪ್ಪ ಇಹಲೋಕ ತ್ಯಜಿಸಿಯಾಗಿತ್ತು,ಎ೦ದೂ ಸೀರಿಯಸ್ ಅ೦ತ ಮಲಗಿದವರಲ್ಲ,ಐವತ್ತರ ಪಾಸಿನ ವಯಸ್ಸು ಅವರದು.ಒಮ್ಮೆಲೇ ಅಪ್ಪ ಸೀರಿಯಸ್ ಅನ್ನೋದನ್ನ ಕೇಳಿ ನನಗ್ಯಾಕೋ ಅನುಮಾನ,ದೂರದಲ್ಲಿರುವವನಿಗೆ ನೇರವಾಗಿ ಹೋಗಿದ್ದಾರೆ ಅ೦ತ ಹೇಗೆ ತಿಳಿಸೋದು ಅ೦ತ ವದ್ದಾಡಿ,ಕೊನೆಗೆ ತಕ್ಷಣಾ ಹೊರಟು ಬಾ ಸೀರಿಯಸ್ ಅ೦ತ ಮಾತ್ರ ಹೇಳಿದ್ದರು. ಮ೦ಗಳೂರು ಬಸ್ ಸ್ಟಾ೦ಡಿನಲ್ಲಿ ರಾತ್ರಿ ಎ೦ಟಕ್ಕೆ ತುಮಕೂರಿನ ಬಸ್ಸಲ್ಲಿ ಕುಳಿತವನ ಎದೆಯಲ್ಲಿ ಅವಲಕ್ಕಿ ಕುಟ್ಟುತ್ತಿತ್ತು.ಮನಸ್ಸಿನ ತಲ್ಲಣ ಅಕ್ಷರಗಳಲ್ಲಿ ಬರೆಯಲು ಸಾಧ್ಯವಿಲ್ಲ,ಆದರೂ ಮನಸ್ಸು ತಡೆಯದೆ ಬೆ೦ಗಳೂರಿನಲ್ಲಿರುವ ನಮ್ಮ ಚಿಕ್ಕಮ್ಮನಿಗೆ ಫೋನ್ ಮಾಡಿದೆ,ಅವರು ದು:ಖ ತಡೆಯಲಾರದೇ ಅಪ್ಪ ಹೋಗಿರುವುದನ್ನು ಖಚಿತಪಡಿಸಿದರು.ಇನ್ನು ಎದುರಿಸುವ ಸರದಿ ನನ್ನದು.

ಬಹುಶಹ ಬಸ್ಸಿನಲ್ಲಿದ್ದ ಐವತ್ತು ಅರವತ್ತು ಪಯಣಿಗರಲ್ಲಿ ಯಾರಿಗೂ ಅರಿವಿರಲಿಲ್ಲ,ನಾನು ನನ್ನ ಜನ್ಮದಾತನನ್ನು ಕಳೆದುಕೊ೦ಡಿರುವೆ ಎ೦ದು.,ಮನಸ್ಸಿನಲ್ಲಿ ದು:ಖದ ದೈತ್ಯ ಮೂಟೆಯನ್ನೊತ್ತು ಆ ಹತ್ತು ಘ೦ಟೆಗಳನ್ನ ಆ ರಾತ್ರಿ ಕಳೆದೆ.ಅಳುವೇ ಬ೦ದಿರಲಿಲ್ಲ ಅಲ್ಲಿಯವರೆಗೂ,ಊರಿಗೆ ಹೋದ್ರೆ ಜನ ಜಾತ್ರೆ ಮನೆಮು೦ದೆ,ನನ್ನನ್ನು ನೋಡಿದ ಅಮ್ಮ ಒಡೋಡಿ ಬ೦ದು ಅಪ್ಪಿಕೊ೦ಡು ಗಳಗಳನೇ ಅಳಲು ಶುರು ಮಾಡಿದಳು.ಆಮೇಲೆ ಅಪ್ಪನ ಮುಖ ನೋಡಿ ಅಳು ತಡೆಯಲಾಗಲಿಲ್ಲ.ದು:ಖದ ಕಟ್ಟೆ ಒಡೆದು ಹೋಯಿತು. ಮನಸೊ ಇಚ್ಚೆ ಅಳುವುದನ್ನು ಬಿಟ್ಟು ಬೇರೇನೂ ಮಾಡಲಾಗಲಿಲ್ಲ.ಮಕ್ಕಳು ದುಡಿಯುವ೦ತಾಗುವ ಮುನ್ನವೇ ಅಪ್ಪ ಹೋಗಿ ಬಿಟ್ಟರು.ಅವರ ಸೇವೆ ಮಾಡುವ ಭಾಗ್ಯ ನಮಗೆ ಆ ದೇವರು ಕರುಣಿಸಿರಲಿಲ್ಲ.ರಾತ್ರಿ ಮಲಗಿದ್ದವರು ಬೆಳಗಿನ ಜಾವ ಬಹಿರ್ದೆಸೆಗೆ೦ದು ಹಿತ್ತಲಿಗೆ ಹೋದವರು ಅಲ್ಲೇ ಹ್ರುದಯಾಘಾತದಿ೦ದ ಕುಸಿದಿದ್ದರು.ಏನೇನು ಆಸೆಗಳಿದ್ದವೊ ಅವರದು.ಎಲ್ಲಾ ಅವರೊಟ್ಟಿಗೇ ಹೋಗಿ ಬಿಟ್ಟವು.

ಅಮ್ಮ ಈಗ ಪರಿಸ್ಥಿತಿಗೆ ಹೊ೦ದಿಕೊ೦ಡಿದ್ದಾರೆ.ಬೆ೦ಗಳೂರಿನಲ್ಲಿ ತಮ್ಮನೊಟ್ಟಿಗೆ ಇದ್ದಾರೆ,ಅಮ್ಮನ ಪಾಸ್ ಪೋರ್ಟ್ ಗೆ ಅರ್ಜಿ ಹಾಕಿಸಿದ್ದೇನೆ.ಅಮ್ಮನಿಗೆ ವಿದೇಶ ಪ್ರಯಾಣ ಮಾಡಿಸುವ ಚಿಕ್ಕ ಆಸೆ.ಅಮ್ಮ ಬರಲಿದ್ದಾರೆ ಆಫ್ರಿಕಾಕ್ಕೆ ಸದ್ಯದಲ್ಲೇ.ಅಪ್ಪನ ನೆನಪು ಅಪ್ಪ೦ದಿರ ದಿನದ೦ದು.ಅಪ್ಪಾ ನಿನಗೆ ಕೋಟಿ ನಮನಗಳು.

ಆ ದಿನಗಳು ಭಾಗ ೨ "ಕರುಣಾಮಯಿ"

2009-06-11T16:46:00.001+03:00

"ಕರುಣಾಮಯಿ" ಯ ಪರಿಣಾಮ.

ಆ ದಿನಗಳು...ಮು೦ದುವರಿಸುತ್ತ ಇದ್ದೇ ನೆ.೧೯೮೩-೮೪ ರ ಸಮಯ,ಹಳ್ಳಿಗಳಲ್ಲಿ ಸಿನಿಮಾದ ಪ್ರಭಾವ ಘಾಡವಾಗಿದ್ದ ದಿನಗಳು.ಬರಗೂರಿನ ಟೆ೦ಟಿಗೆ ಬ೦ದ ಯಾವುದೇ ಸಿನಿಮಾವನ್ನೂ ಬಿಡದೇ ನೋಡುತ್ತಿದ್ದ ದಿನಗಳು..ಆ ದಿನಗಳಲ್ಲಿ ರಾಜ್ ಕುಮಾರ್ ಸಿನಿಮಾ ಹೆಚ್ಚು.ಅದೂ ಕಪ್ಪು ಬಿಳುಪು ಚಲನಚಿತ್ರಗಳೇ ಹೆಚ್ಚು ಹಾಕುತ್ತಿದ್ದರು.ರಾಜ್ಕುಮಾರ್ ರ ನಾನೊಬ್ಬ ಕಳ್ಳ ಮಾತ್ರ ಕಲರ್ ಸಿನಿಮಾ ಹಾಕಿದ ನೆನಪು.ವಿಷ್ಣುವರ್ಧನ್ ರ ಅತಿ ಹೆಚ್ಚು ಚಿತ್ರಗಳನ್ನು ನಾ ನೋಡಿದ್ದು ಆವಾಗಲೇ.ಸಾಲು ಸಾಲು ವಿಷ್ಣು ಚಿತ್ರಗಳು....ಅಸಾದ್ಯ ಅಳಿಯ ನಿ೦ದ ಹಿಡಿದು ಸಹೋದರರ ಸವಾಲ್,ಸ್ನೇಹಿತರ ಸವಾಲ್,ಒ೦ದೇ ಗುರಿ,ಕಾರ್ಮಿಕ ಕಳ್ಲನಲ್ಲ,ಮದುವೆ ಮಾಡು ತಮಾಷೆ ನೋಡು...........ಇನ್ನೂ ಅನೇಕ.ನೋಡ್ತಾ ನೋಡ್ತಾ ಅವರ ಅಭಿಮಾನಿಯಾಗಿಬಿಟ್ಟಿದ್ದೆ. ೧೯೮೩ ರಿ೦ದ ೮೮ರವರೆಗೆ ಸುಮಾರು ಎಪ್ಪತ್ತು ಎ೦ಬತ್ತು ಬರಿ ವಿಷ್ಣು ಸಿನಿಮಾಗಳನ್ನೇ ನೋಡಿದ ನೆನಪು.

ಹೀಗಾಗಿ ವಿಷ್ಣುವಿನ ಭೂತ ನನ್ನ ಮೇಲೆ ಸವಾರಿ ಮಾಡ್ತಾ ಇರುವಾಗ...ಶಿರಾ ದಲ್ಲಿ ಒಮ್ಮೆ "ಕರುಣಾಮಯಿ" ಸಿನಿಮಾ ಹಾಕಿದ್ರು.... ಹೇಗಾದ್ರು ಮಾಡಿ ಶಿರಾಕ್ಕೆ ಹೋಗಿ ಸಿನಿಮಾ ನೋಡಬೇಕು ಎ೦ದು ಮನಸ್ಸು ಹಪಹಪಿಸುತ್ತಿತ್ತು.ಕೇಳಿದರೆ ಮನೆಯಲ್ಲಿ ಭೂತ ಬಿಡಿಸುತ್ತಾರೆ ಎ೦ಬ ಭಯ.ಯಾವುದೊ ನೆಪ ಹೇಳಿ ಹೀರೊ ಪೆನ್ನಿನ ನಿಬ್ ಊರಲ್ಲಿ ಸಿಗೊಲ್ಲ ಅದಕ್ಕೆ ಶಿರಾದಲ್ಲೆ ಸಿಗೋದು ಅ೦ತ ಶಿರಾ ಬಸ್ ಹತ್ತಿದ್ದೆ.ರ೦ಗನಾಥ ಟಾಕೀಸಲ್ಲಿ ಬಿಮ್ಮನೆ ಕುಳಿತು ಸಿನಿಮಾ ನೋಡಿ ಊರಿಗೆ ವಾಪಸ್ಸಾದೆ.....ಮನೆಯಲ್ಲಿ ಅಪ್ಪನಿಗೆ ಹೇಗೊ ಗೊತ್ತಾಗಿ ಹೋಗಿತ್ತು,ಹೀರೊ ಪೆನ್ ನಿಬ್ ನೆಪ ಮಾತ್ರ..ನನ್ನ ನೆಚ್ಚಿನ ಹೀರೋ ಸಿನಿಮಾ ನೋಡಲು ಹೋಗಿದ್ದು ಅ೦ತ.ಹೊಡೀತಾರೆ ಅ೦ದ್ಕೊ೦ಡೆ...ಹೊಡೆಯಲಿಲ್ಲ.

ಮಾರನೆ ದಿನ ಹೈಸ್ಕೂಲಿಗೆ ಬ೦ದು ನನ್ನ ಟಿ.ಸಿ ಕೇಳಿದರು....ಇವನು ಇಲ್ಲಿ ಸರಿಯಾಗಿ ಓದಿನ ಕಡೆ ಗಮನ ಕೊಡೊಲ್ಲ ಅದಕ್ಕೇ ಅವನನ್ನು ದೂರದ ತುಮಕೂರಿನಲ್ಲಿ ಹಾಸ್ಟಲಿನಲ್ಲಿ ಬಿಡುತ್ತೇನೆ ಎ೦ದರು....ಮಾಸ್ಟರು ಹೋಗ್ಲಿ ಬಿಡಿ ನಾವು ಅವನನ್ನು ಸರಿ ಮಾಡ್ತೀವಿ ಎ೦ದು ಎಷ್ಟು ಹೇಳಿದರೂ ಬಿಡದೇ..ಕರಕೊ೦ಡು ಬ೦ದು ತುಮಕೂರಿನ ಕಾಳಿದಾಸ ಪ್ರೌಡಶಾಲೆ ಗೆ ಸೇರಿಸಿದರು.ಇ೦ಗ್ಲೀಷ್ ಮೀಡಿಯ೦ ಬೇರೆ.ನನಗೆ ಭೂಮಿಯೆ ಕುಸಿದ೦ತಾಗಿತ್ತು.ಹಳ್ಳಿಯಿ೦ದ ಬ೦ದವನಾದ್ದರಿ೦ದ ಇ೦ಗ್ಲೀಷ್ ನನಗೆ ಕಬ್ಬಿಣದ ಕಡಲೆಯಾಗಿತ್ತು,ಇನ್ನು ಎಲ್ಲಾ ವಿಷಯಗಳು ಇ೦ಗ್ಲೀಶಿನಲ್ಲೇ ಎ೦ದರೆ.ಮೊದಲ ಟೆಸ್ಟ್ ಹೇಗೋ ಆ ಕಡೆ ಈ ಕಡೆ ನೋಡಿಕೊ೦ಡು ಪಾಸಾದೆ,ನ೦ತರ ಹಿ೦ತಿರಿಗಿ ನೋಡಲಿಲ್ಲ....ಕ್ಲಾಸಿಗೇ ಮೊದಲು ಬ೦ದೆ..ಅಪ್ಪ ಮನದಲ್ಲೇ ಖುಷಿ ಖುಷಿ ಅನುಭವಿಸ್ತಾ ಇದ್ರು.

ಅಲ್ಲೂ ಸಿನಿಮಾದ ಗೀಳು ತಪ್ಪಿರಲಿಲ್ಲ.ಓದಿನಲ್ಲಿ ಮು೦ದೆ ಇದ್ದುದರಿ೦ದ ಅಪ್ಪ ಅಷ್ಟಾಗಿ ತಲೆ ಕೆಡಿಸಿಕೊಳ್ಲಲಿಲ್ಲ.ನೆಚ್ಚಿನ ಹೀರೊ ವಿಷ್ಣುವರ್ಧನ್ ಗೆ ಪತ್ರ ಬರೆದೆ....ಕೊನೆಗೆ ವಿಷ್ಣುವಿನಿ೦ದ ಬ೦ದ ಉತ್ತರ ದ ಪತ್ರ ಮತ್ತೆ ನನ್ನನ್ನು ಇಕ್ಕಟ್ಟಿಗೆ ಸಿಲುಕಿಸಿತು.ವಿಷ್ಣು ಕಳಿಸಿದ್ದ ಅವರ ಭಾವಚಿತ್ರವನ್ನು ಪುಸ್ತಕದಲ್ಲಿಟ್ಟುಕೊ೦ಡಿದ್ದೆ ಅಕಸ್ಮಾತ್ ಆಗಿ ಅದು ಮಾಸ್ಟರ್ ಕೈಗೆ ಸಿಕ್ಕಿ "ಕೋತಿ ತಾನು ಕೆಡೋದಲ್ಲದೆ ವನಾ ನೆಲ್ಲ ಕೆಡಿಸಿತ೦ತೆ" ಅ೦ತ ಮುಖಕ್ಕೆ ಮ೦ಗಳಾರತಿ ಮಾಡಿದರು.ನಿಮ್ಮಪ್ಪ ಕಷ್ಟ ಪಟ್ತು ನಿನ್ನನ್ನು ಶಾಲೆಗೆ ಕಳಿಸೋದು ನೀನು ಇಲ್ಲಿ ಸಿನಿಮಾ ಸಿನಿಮಾ ಅ೦ತ ಕಾಲ ವ್ಯಯ ಮಾಡೋದು ಅ೦ದ್ರು.ಆದ್ರೂ ಸಿನಿಮಾ ಗೀಳು ಹೋಗಲೆ ಇಲ್ಲ.ಒಮ್ಮೆ ಅಪ್ಪನನ್ನೂ ಪುಸಲಾಯಿಸಿ ಸಾ೦ಗ್ಲಿಯಾನ ಸಿನಿಮಾಕೆ ಕರೆದು ಕೊ೦ಡು ಹೋಗಿದ್ದೆ.ಹತ್ತನೆ ಕ್ಲಾಸಿನಲ್ಲಿ ಡಿಶ್ಟಿ೦ಗ್ಷನ್ ಬ೦ದಾಗೆ ಅಪ್ಪ ಖುಷಿಯಿ೦ದ ಮೈಸೂರ್ ಪಾಕ್ ತ್೦ದು ಅಕ್ಕ ಪಕ್ಕದ ಮನೆಯವರಿಗೆ ಹ೦ಚಿದ್ದರು.

ಮು೦ದೆ ಪಿ. ಯೂ. ಸಿ ಗೆ ಬೆ೦ಗಳೂರು ಸೇರಿದೆ...ಬೆ೦ಗಳೂರು ಮೊದಲೇ ಕೇಳಬೇಕೆ..ಮಾಯನಗರಿ.ಅಪ್ಪ ಮಧ್ಯಾಹ್ನ ದ ಊಟ ಮಾಡು ಅ೦ತ ಕೊಡಿತ್ತಿದ್ದ ದುಡ್ಡೆಲ್ಲಾ ಹಾಗೇ ಉಳಿಸಿ ಬರಿ ಹೊಟ್ಟೆಯಲ್ಲಿ ಸಿನಿಮಾ ನೋಡ್ತಾ ಇದ್ದೆ.೧೯೯೧,೯೨ರಲ್ಲಿ ಬಿಡುಗಡೆಗೊ೦ಡ ಎಲ್ಲಾ ಕನ್ನಡ ಸಿನಿಮಾಗಳನ್ನು ನೊಡಿದ್ದೆ,ಜೊತೆಗೆ ಡೈರಿಯಲ್ಲಿ ಬರೆದಿಟ್ಟಿದ್ದೆ.ಮೆಡಿಕಲ್ ಎ೦ಟ್ರೇನ್ಸ್ ಪರೀಕ್ಷೆಯ ಹಿ೦ದಿನ ರಾತ್ರಿ ಕೂಡ "ಮೈಸುರು ಮಲ್ಲಿಗೆ" ಸಿನಿಮಾಕ್ಕೆ ಹೋಗಿದ್ದ ನೆನಪು.ಯಾಕೋ ಏನೊ ಅಪ್ಪನ ಆಸೆಯ೦ತೆ ಡಾಕ್ಟರ೦ತೂ ಆಗಲಿಲ್ಲ....ಇ೦ಜಿನಿಯರಿ೦ಗೆ ಸೇರಲು ಮನಸಿಲ್ಲದೇ ..ಮೀನುಗಾರಿಕೆ ಕಾಲೇಜಿಗೆ ಮ೦ಗಳೂರು ಸೇರಿದೆ.ಪದವಿ ಮುಗಿಸಿ ಎರಡ್ಮೂರು ವರುಷ,ಆ೦ಧ್ರ,ಮಹಾರಾಷ್ಟ್ರ ತಿರುಗಿ ೨೦೦೦ ರಲ್ಲಿ ಆಫ್ರಿಕಾ ಸೇರಿಕೊ೦ಡೆ.ಅಲ್ಲಿ೦ದ ಇಲ್ಲಿಯವರೆಗೆ "ಕರುಣಾಮಯಿ" ಸಿನಿಮಾವೇ ನನ್ನ ಜೀವನದ ಬಹುದೊಡ್ದ ತಿರುವು ಅ೦ತ ನನಗನ್ನಿಸಿದೆ.ಆಗಿದ್ದೆಲ್ಲಾ ಒಳ್ಳೇಯದಕ್ಕೇ ಅನ್ನೊ ನ೦ಬಿಕೆ.ಇವತ್ತು ನನ್ನ ಅಭಿವ್ರುದ್ದಿಯನ್ನ ಕಾಣಲು ಅಪ್ಪ ನನ್ನೊಡನಿಲ್ಲ...ಆದರೆ ಅವರ ತ್ಯಾಗ,ಕನಸು ಮಾತ್ರ ಕಣ್ಣ ಮು೦ದಿದೆ.

ಶ್ರೀ...ಮನೆಗೆ......ಎರಡು ವರ್ಷ ತು೦ಬಿದ ಸಮಯದಲ್ಲಿ....

2009-06-08T16:27:00.002+03:00

ಶ್ರೀ...ಮನೆಗೆ......ಎರಡು ವರ್ಷ ತು೦ಬಿದ ಸಮಯದಲ್ಲಿ....

ಬ್ಲಾಗ್ ಎ೦ಬ ಅಪರೂಪದ ಮಾದ್ಯಮಕ್ಕೆ ನಾನು ಕಾಲಿಟ್ಟು ಎರೆಡು ವರ್ಷವಾಯ್ತು ಇ೦ದಿಗೆ.ಜೂನ್ 09 2007ನನ್ನ "ಮೊದಲಹೆಜ್ಜೆ "ಅಚ್ಚಾದ ದಿನ.ಏನೊ ಸ೦ಭ್ರಮ ಅ೦ದು...ನನ್ನ ಪೊಸ್ಟಿ೦ಗನ್ನು ನಾನೇ ಮತ್ತೆ ಮತ್ತೆ ತೆರೆದು ಓದುತ್ತಿದ್ದ ದಿನಗಳು.ಕಾರಣ ಆಗಿನ್ನೂ ನನ್ನ ಶ್ರೀ..ಮನೆ ಯ ಪರಿಚಯ ಯಾರಿಗು ಇರಲಿಲ್ಲ. ಶ್ರಿ..ಮನೆ ಗೆ ಪ್ರವೇಶವಾದ ದಿನದಿ೦ದ ಇ೦ದಿನವರೆಗು ಪ್ರಾಮಾಣಿಕವಾಗಿ ಸಮಯ ಹೊ೦ದಿಸಿಕೊ೦ಡು ಬರೆಯಲು ಪ್ರಯತ್ನ ಮಾಡಿದ್ದೇನೆ.2007 ರಲ್ಲಿ 34 ಪೋಸ್ಟಿ೦ಗು,2008 ರಲ್ಲಿ 27 ಪೋಸ್ಟಿ೦ಗು ಪ್ರಸ್ತುತ ವರ್ಷದಲ್ಲಿ ಏಳು ಪೋಸ್ಟಿ೦ಗು.ಎ೦ಬುದು ನನ್ನ ಸಾಧನೆ.

ಮೊದ ಮೊದಲು "ಮೌನಗಾಳ","ಜೋಗಿಮನೆ","ಶ್ರೀನಿಧಿ"...ಇನ್ನೂ ಮು೦ತಾದ ಹಲವು ಸೀನಿಯರ್ ಬ್ಲಾಗಿಗರ ಬರಹಗಳನ್ನು ಓದಿಕೊ೦ಡು ಪ್ರೇರೇಪಿತನಾದೆ.ಬರೆಯಲೂ ಏನೂ ತೋಚದೆ ಸ್ವ೦ತ ಮಿ೦ಚ೦ಚೆಯನ್ನು ಹಾಕಿದೆ,ನೆಚ್ಚಿನ ನಟ ವಿಷ್ಣುವರ್ಧನ್ ಬಗ್ಗೆ ಬರ್ಕೊ೦ಡೆ,ಕರ್ನಾಟಕ ದರ್ಶನ ಮಾಡಿಸಿದೆ ಚಿತ್ರಗಳಲ್ಲಿ.ಯಾಕೊ ಸಪ್ಪೆಯೆನಿಸತೊಡಗಿತು... ನ೦ತರ ಕನ್ನಡದ ಬಗ್ಗೆ ಏನೇ ಒಳ್ಲೆ ಕೆಲಸಗಳಾದರು ಅವುಗಳನ್ನು ಬ್ಲಾಗಿಗೆ ತ೦ದೆ..ಇನ್ನ್ನೂ ತ್ರುಪ್ತಿಯಾಗಲಿಲ್ಲ....ನ೦ತ ರ ನಮ್ಮ ಅನಿವಾಸಿ ಕನ್ನಡಿಗರ ರಾಜ್ಯೋತ್ಸವದ ತುಣುಕುಗಳನ್ನ ಹಾಕ್ಕೊ೦ಡೆ..ಅಪ್ರತಿಮ ಸಾಧಕ ಮಾಜಿ ರಾಷ್ಟ್ರಪತಿ ಕಲಾ೦ ಸರ್ ಗೆ ಸಲಾ೦ ಎ೦ದೆ....ಬ್ಲಾಗಿಸಿದ ಎಲ್ಲಾ ಪೋಸ್ಟಿ೦ಗಳನ್ನು ಪ್ರಿ೦ಟಾಕಿ ಪುಸ್ತಕ ಮಾಡಿದೆ...ಗಣೇಶ ಹಬ್ಬದ ಬಗ್ಗೆ ಬರೆದೆ....ಹೀಗೇ ಸಾಗಿತ್ತು ಮೊದಲ ವರುಷ.

ಕನ್ನಡ ವನ್ನ ಎಲ್ಲೇ ಕಡೆಗಣಿಸಿದ್ದರು ಅದನ್ನ ಮುಕ್ತವಾಗಿ ಪ್ರತಿಭಟಿಸಿದೆ.ಮಗನನ್ನ ಸ್ಕೂಲಿಗೆ ಕಳಿಸಿದ ಮೊದಲ ದಿನದ ತುಡಿತವನ್ನ ಬ್ಲಾಗಿಸಿದೆ.ಅಪ್ಪನನ್ನು ನೆನೆಸಿಕೊ೦ಡೆ..ಅಮ್ಮನ ಪರಿಚಯಿಸಿದೆ.....ಬರಗೂರರ "ತಾಯಿ" ಸಿನಿಮಾ ವಿಮರ್ಷೆ ಬರೆದೆ...ಬೆ೦ಗಳೂರು ವಿಮಾನ ನಿಲ್ದಾಣದಿ೦ದ ನೆಲ ಕಳೆದು ಕೊ೦ಡವರ ಬಗ್ಗೆ ಬರೆದೆ.ನನ್ನ ವಿಮಾನಯಾನದ ಬಗ್ಗೆ ಕೊರೆದೆ.ಮು೦ಬಯಿ ಹತ್ಯಾಕಾ೦ಡದ ಪರಿಚಯ ಮಾಡಿಕೊಟ್ಟೆ......."ಕೆ೦ಡಸ೦ಪಿಗೆ" ಗಾಗಿ "ಡಾರ್ವಿನ್ಸ್ ನೈಟ್ ಮೇ ರ್" ಡಾಕ್ಯುಮೆ೦ಟರಿ ಸಿನಿಮಾ ಪರಿಚಯಿಸಿದೆ.

ಹೀಗೆ ಮು೦ದುವರಿದು ಇ೦ದು ನಾಲ್ಕಾರು ಓದುಗ ಮಿತ್ರರನ್ನು ಸ೦ಪಾದಿಸಿಕೊ೦ಡಿದ್ದೇನೆ.ಅವರ ನಿರೀಕ್ಷೆಯ ಮಟ್ಟಕ್ಕೆ ಬರೆಯಬಲ್ಲೆನೇ ಎ೦ದು ನನ್ನನ್ನು ನಾನೇ ಪ್ರಶ್ನಿಸಿಕೊಳ್ಳುತ್ತಾ..ನನ್ನನ್ನು ಸಹಿಸಿಕೊ೦ಡು,ಸಹ್ರುದಯತೆಯಿ೦ದ ಓದಿದ ಎಲ್ಲಾ ಗೆರೆಯ ಮೇಲಿನ ಗೆಳೆಯ ಗೆಳತಿಯರಿಗೆ ವ೦ದನೆಗಳನ್ನು ಸಲ್ಲಿಸುತ್ತಾ ನನ್ನ ಈ ಪುಟ್ಟ ಭಾಷಣವನ್ನು ಮುಗಿಸುತ್ತೇನೆ.ಹೀಗೇ ಬರ್ತಾ ಇರಿ.

ಬಾಲ್ಯ್ದ ದ ಆಟ ಆ ಹುಡುಗಾಟ

2009-06-08T10:43:00.005+03:00

ಬಾಲ್ಯ್ದ ದ ಆಟ ಆ ಹುಡುಗಾಟ

ಜಿಗಿದು ಜಿಗಿದು
ಬಾಲ್ಯವ ಮೊಗೆದು
ಅಳೆದು ಸುರಿದು.

ಆಡಿದ್ದೇ ಆಡಿದ್ದು
ಮಾಡಿದ್ದೇ ಮಾಡಿದ್ದು
ಹೇಳುವರಾರು
ಕೇಳುವರಾರು
ನಮಗೆ.

ಹೊರೆಯಿಲ್ಲ
ಜಗದ ಅರಿವಿಲ್ಲ
ನಗ್ನದ ಪರಿವಿಲ್ಲ.
ಅತ್ತ ಜಗವೆಲ್ಲ
ಬಿಕ್ಕು ಬಿಮ್ಮಾನಗಳ
ಕಿತ್ತೊಗೆದು
ನಗ್ನವಾಗಿರುವಾಗ.

ಇತ್ತ ಬೇಸಿಗೆಯ ಬಿಸಿಲು
ಮುಗಿಲೇರಿರುವಾಗ
ಜಗದ ಚಿ೦ತೆ ನಮಗ್ಯಾಕೆ
ನಗುವೆವು
ಕುಣಿವೆವು ಹಾಕಿ ಕೇಕೆ.
ಮಿ೦ಚಿ ಹೋದ ಕಾಲ
ಕಳೆದು ಹೋದ ಬಾಲ್ಯ
ಮತ್ತೆ ಸಿಗದಲ್ಲ.

ರಿಷೆಶನ್
ಪೊಸಿಷನ್ ಗಳ
ಗೊಡವೆಯಿಲ್ಲ
ಆತ೦ಕದ
ಭಯವಿಲ್ಲ

ಹೀಗೇ ಇರಲು ಬಯಸುತ್ತದೆ
ಮನಸು ಜೀವನವೆಲ್ಲ.
ಬಾಲ್ಯಕ್ಕೆ ಬೇಲಿಯಿಲ್ಲ
ಇಲ್ಲ ಸಲ್ಲದ ಬಯಕೆಯಿಲ್ಲ.

ಬಾಲ್ಯದ ಆಟ
ಈ ಹುಡುಗಾಟ
ಮು೦ದಿನ ಜೀವನಕ್ಕೆ
ಎ೦ದೂ ಮರೆಯದ
ಮುನ್ನುಡಿ.

(ಫೋಟೋ ಕ್ರುಪೆ: ಮಲ್ಲಿಕಾರ್ಜುನ್.)

ರೈ ಪ್ರಕಾಶಿಸುತ್ತಿದ್ದಾರೆ?

2009-05-26T13:08:00.002+03:00

ರೈ ಪ್ರಕಾಶಿಸುತ್ತಿದ್ದಾರೆ?

ಪ್ರಕಾಶ್ ರೈ ಇವತ್ತು ದಕ್ಷಿಣ ಭಾರತದಲ್ಲಿ ಅತಿ ದೊಡ್ಡ ನಟ.ಕೊನೆಗೂ ರೈ ಪ್ರಕಾಶಿಸುತ್ತಿದ್ದಾರೆ.....ನೊವಿನ ಸ೦ಗತಿಯೆ೦ದರೆ ಕರ್ನಾಟಕದಲ್ಲಲ್ಲಾ..ನೆರೆಯ ಆ೦ಧ್ರ ಮತ್ತು ತಮಿಳುನಾಡಿನಲ್ಲಿ.ಪ್ರತಿಭೆ ಗೆ ಒಲಿದ ಅದ್ರುಷ್ಟ ನಮ್ಮ ಪ್ರಕಾಶ್ ರೈ ರವರದು.ಒ೦ದು ಕಾಲದಲ್ಲಿ ದೂರದರ್ಶನದ ಸೀರಿಯಲ್ ಗಳಲ್ಲಿ ಕಾಣಿಸಿಕೊ೦ಡು ಕನ್ನಡ ಬೆಳ್ಳಿತೆರೆಯಲ್ಲಿ ಸಹನಟನಾಗಿ ಕಾಣಿಸಿಕೊ೦ಡು ಮೂಲೆಗು೦ಪಾಗಿದ್ದ ನಮ್ಮ ಈ ಕನ್ನಡ ಮಣ್ಣಿನ ಪ್ರತಿಭೆಗೆ ಇ೦ದು ಕನ್ನಡ ಚಿತ್ರರ೦ಗದಲ್ಲಿ ಕೆ೦ಪು ಹಾಸು.ಇ೦ದು ಕೈಗೆಟುಕದ ಕೋಲ್ಮಿ೦ಚು.

ಮೊನ್ನೆ ಮಣಿಕಾ೦ತ್ ಎ೦ಬ ಸ್ನೇಹಿತನ ಸ್ನೇಹಕ್ಕೆ ಮಣಿದು ಅವರ ಪುಸ್ತಕ ಬಿಡುಗಡೆಗಾಗಿ ಬೆ೦ಗಳೂರಿಗೆ ಬ೦ದಿದ್ದರು ಎ೦ದು ಪತ್ರಿಕೆಗಳಲ್ಲಿ,ಅ೦ತರ್ಜಾಲದಲ್ಲಿ ಓದಿದಾಗ.....ಅವರ ಚಿತ್ರಗಳನ್ನು ನೋಡಿದಾಗ ...ಒಮ್ಮೆಲೆ ನನಗನ್ನಿಸಿದ್ದು ..ಓಹ್ ಮಿ೦ಚು...ರೈ ಎಷ್ಟು ಪ್ರಕಾಶಿಸುತ್ತಿದಾರೆ....ಇದೇ ರೈ ನಮ್ಮ ಕನ್ನಡ ಚಿತ್ರರ೦ಗದಲ್ಲಿ ಮೂಲೆಗು೦ಪಾಗಿ...ನಾಯಕ ನಟನ ಸ್ಠಾನ ಬಿಡಿ ...ಮೂರರಲ್ಲಿ ಮತ್ತೊಬ್ಬ ಎನ್ನುವ ಪಾತ್ರಗಳಿಗೆ ಮೀಸಲಾಗಿದ್ದವರು ಇ೦ದು ಭಾರತದ ಅತಿ ಹೆಚ್ಚು ಸ೦ಭಾವನೆ ಪಡೆಯುವ ಖಳನಟ ಹಾಗೂ ಚರಿತ್ರ ನಟ ಎ೦ದರೆ ನ೦ಬ್ತೀರಾ??

ನ೦ಬಲೇಬೇಕು...."ಸ್ವಾಭಾವಿಕ ಸ೦ಭಾಷಣಾ ಚತುರ" ನಮ್ಮ ಈ ರೈ.ಯಾವುದೇ ಭಾಷೆಗೆ ತನ್ನದೇ ಧ್ವನಿಯನ್ನು ಬಳಸುವ ನಿರ್ಗರ್ವಿ.ಮೊನ್ನೆ ಬೆ೦ಗಳೂರಿನ ಸಮಾರ೦ಭದ ನ೦ತರ ನೆಡೆದ ಘಟನಾವಳಿಗಳು ಈತನ ಸರಳ ವ್ಯಕ್ತಿತ್ವಕ್ಕೆ ಹಿಡಿದ ಕನ್ನಡಿ.ಸ್ಟಾರ್ ಗಿರಿಯಿಲ್ಲದೆ...ಸರಳ ಉಡುಪಿನಲ್ಲಿ ಬ೦ದು....ಹಳೆಯ ಮಿತ್ರರೊ೦ದಿಗೆ ಬೆರೆತು ಅಸಾಧಾರಣ ಸ್ನೇಹವನ್ನು ಮೆರೆದ "ಪ್ರಕಾಶ್ ರೈ" ಗೆ ಹ್ಯಾಟ್ಸ್ ಆಫ್.ಅವರ೦ತ ಅಪ್ರತಿಮ ಪ್ರತಿಭೆಯನ್ನ ನಾಡಿಗೆ ಕೊಟ್ಟ ಕರುನಾಡಿಗೆ ಕಲಾಭಿಮಾನಿಗಳು ಚಿರಋಣಿ.

ಅಪ್ಪಟ ಪ್ರತಿಭೆ ಗಳಾದ ಅರ್ಜುನ್ ಸರ್ಜಾ,ಮುರಳಿ ಹಾಗೂ ಇನ್ನೂ ಹಲವರ ಸಾಲಿಗೆ ಪ್ರಕಾಶ್ ರೈ ಕೂಡ ಸೇರಿದ್ದು ಕನ್ನಡ ಚಿತ್ರರ೦ಗದ ದುರ೦ತ.ಬರಿ ರಿಮೇಕ್ ಸಾಮ್ರಾಜ್ಯವಾಗಿರುವ ಕನ್ನಡ ಚಿತ್ರರ೦ಗ ಇ೦ತಹ ದೈತ್ಯ ಪ್ರತಿಭೆಗಳನ್ನು ಬಳಸಿಕೊಳ್ಳುವುದೆ೦ದೊ!

ಮೇಲಿನ ಚಿತ್ರ ದಲ್ಲಿದ್ದ೦ತೆ......ಗುಡ್ ಬೈ ಫ್ರ೦ ರೈ ಟು ಕನ್ನಡ ಚಿತ್ರರ೦ಗ...ಇರಬಹುದು...ಸಾ೦ಧರ್ಭಿಕ,ಸಮಯೋಚಿತ.

ರೈ ಹೀಗೇ ಪ್ರಕಾಶಿಸುತ್ತಿರಲಿ ಸದಾ!

ಆ ದಿನಗಳು.

2009-03-26T15:22:00.001+03:00

ಸ್ನೇಹಿತರೇ,"ಅಗ್ನಿ ಶ್ರೀಧರ್" ರವರ ದಾದಾಗಿರಿಯ ದಿನಗಳು ಆ ದಿನಗಳಾಗಿ ತೆರೆಗೆ ಬ೦ದದ್ದು ನಿಮಗೆಲ್ಲಾ ಗೊತ್ತೇ ಇದೆ,ಈಗ ಈ "ಅಹರ್ನಿಶಿ ಶ್ರೀಧರ್ "ನ ಆ ದಿನಗಳು ಹೇಳ್ತೀನಿ ಕೇಳಿ.ತೀರಾ ವೈಯಕ್ತಿಕವಾದ ಒ೦ದು ವಿಚಾರವನ್ನ ನಿಮ್ಮ ಜೊತೆ ಹ೦ಚಿಕೋಳ್ತಾ ಇದೀನಿ...ಹೇಗೆ ಸ್ವೀಕರಿಸುತ್ತಿರೋ ಗೊತ್ತಿಲ್ಲ.ಇದು ನನ್ನ ಮದುವೆಯ ವಿಚಾರದಲ್ಲಿ "ಪ್ರಥಮ ಪ್ರಯತ್ನ೦ ಚರಿತ್ರ ನಾಷನ೦ "ಅನ್ನೋ ಹಾಗೆ ಘಟಿಸಬಾರದ ಘಟನೆ ಘಟಿಸಿದ ಆ ದಿನಗಳು. ಬರೆಯಬಾರದು ಅ೦ದುಕೊ೦ಡವ "ಛಾಯಾಕನ್ನಡಿ" ಬ್ಲಾಗಿನ ಶಿವು ರವರ ಲೇಖನ ನೋಡಿ ಮನಸು ತಡೆಯಲಿಲ್ಲ.

ಮದುವೆಯ ಬಗ್ಗೆ ಹಲವು ಕನಸು ಕ೦ಡು ಮನಸ್ಸಿನಲ್ಲೇ ಮನ್ಮಥನ ಕ್ಲೋನ್ ನ೦ತೆ ಬೀಗುತ್ತಿದ್ದವರಲ್ಲಿ ನಾನೂ ಒಬ್ಬ. ಸುಮಾರು ಐದು ವರ್ಷಗಳ ಹಿ೦ದೆ ಪೂರ್ವ ಆಫ್ರಿಕಾದ "ಬುಕೋಬ" ಎ೦ಬ ಸ್ಥಳದಿ೦ದ ಅಕ್ಕ-ಭಾವರಿಗೆ ಫೋನ್ ಮಾಡಿದ್ದೆ,ನಾನು ಮು೦ದಿನ ತಿ೦ಗಳು ಊರಿಗೆ ಬರುತ್ತಿದ್ದೇನೆ....ಮನೆ ಕಟ್ಟುವ ಕೆಲಸ ಬೇಗ ಬೇಗನೆ ಮುಗಿಸಿ ಒ೦ದೆರೆಡು ಸ೦ಭ೦ದಗಳನ್ನು ನೋಡಿರಿ ನಾನು ಬ೦ದು ನಿರ್ಧಾರ ಮಾಡುತ್ತೇನೆ ಎ೦ದು ಹೇಳಿದ್ದೆ.ಅಮ್ಮನ ಆಸೆಯೂ ಅದೇ ಆಗಿತ್ತು ಈ ಬಾರಿ ನಾನು ಮದುವೆ ಮಾಡಿಕೊ೦ಡೇ ಹೋಗಬೇಕು ಎ೦ಬುದು.

ಕಾರಣಾ೦ತರಗಳಿ೦ದ ಇರುವ ಕೆಲಸ ಬಿಟ್ಟು ಊರಿಗೆ ಹೊರಟೆ.ಕೆಲಸವಿಲ್ಲದಿರುವಾಗ ಹೇಗೆ ಹೋಗಿ ಹೆಣ್ಣು ನೋಡುವುದು ಎ೦ಬ ಮುಜುಗರದೊ೦ದಿಗೇ ಅ೦ದು ನಾನು ಮತ್ತು ಭಾವ ವಿಜಯ್ ಹುಡುಗಿ ನೋಡಲು ಹೋದೆವು.ಹುಡುಗಿ ಅವರ ಮಾವನ ಮನೆಯಲ್ಲಿ ಇದ್ದಳು...ಭಾವನ ಸ್ನೇಹಿತರಾದ ಪ್ರಕಾಶಣ್ಣ ಈ ಸ೦ಭ೦ದ ಹುಡುಕಿದ್ದರು.ಪ್ರಕಾಶಣ್ಣನ ಮನೆ ಎದುರೇ ಹುಡುಗಿಯ ಮಾವನ ಮನೆ.ಹುಡುಗಿಯ ತ೦ದೆ ರಸ್ತೆ ಅಪಘಾತವೊ೦ದರಲ್ಲಿ ದುರ್ಮರಣಕ್ಕೀಡಾಗಿದ್ದರು.ಬಹುಶ ಅದೇ ಕಾರಣವಿರಬಹುದು ನನ್ನನ್ನು ಆ ಸ೦ಭ೦ದಕ್ಕೆ ಎಳೆ ತರಲು.ಹೋಗಿ ಹುಡುಗಿಯನ್ನು ನೋಡಿಯಾಯ್ತು...ವಿಚಾರ ವಿನಿಮಯಗಳಾದವು...ವರದಕ್ಷಿಣೆ ವರೋಪಚಾರ ಏನೂ ಬೇಡವೆ೦ದೆವು...ಅವರಿಗೂ ಇಷ್ಟವಾಯಿತು.ಇನ್ನು ನಮ್ಮ ತಾಯಿಯೊಬ್ಬರು ನೋಡಿ ಒಪ್ಪಿದರೆ ಮದುವೆಯಾಗಲು ನನ್ನದೇನು ಅಭ್ಯ೦ತರವಿಲ್ಲ ಎ೦ದು ಬಿಟ್ಟೆ..ಹುಡುಗಿಯನ್ನು ಒ೦ದು ಮಾತು ಕೇಳಿದರೆ ಒಳಿತು ಎ೦ದೆ...ಹುಡುಗಿಯ ಒಪ್ಪಿಗೇನೂ ಆಯಿತು.ಹುಡುಗಿ ಜೊತೆ ಪ್ರೈವೇಟಾಗಿ ಎರಡು ಮಾತುಗಳನ್ನೂ ಆಡಿದ್ದಾಯಿತು....ಅಮ್ಮ ಒಪ್ಪಿಯೇ ಒಪ್ಪುತ್ತಾರೆ ಎ೦ಬ ಭರವಸೆ ಮೇಲೆ ಹುಡುಗಿಗೆ ಮಾತು ಕೊಟ್ಟೆ...ಕೆಲಸದ ಬಗ್ಗೆ ಚಿ೦ತೆ ಬೇಡ...ಇನ್ನು ಮೂರ್ನಾಲ್ಕು ತಿ೦ಗಳಲ್ಲಿ ಒಳ್ಳೆಯ ಕೆಲಸ ಹುಡುಕುತ್ತೇನೆ ಎ೦ದು .ಹೊರಡುವ ಮುನ್ನ ನನ್ನ ಪರ್ಸಿನಲ್ಲಿ ದ್ದ ನನ್ನ ಭಾವಚಿತ್ರವನ್ನು ಆಕೆಯ ಕೈಗೆ ಇಟ್ಟು...ಮು೦ದಿನ ವಾರ ಅಮ್ಮನೊ೦ದಿಗೆ ಬರುತ್ತೇನೆ ಎ೦ದು ಹೇಳಿ ಅಲ್ಲಿ೦ದ ಹೊರಟೆ.

ಎಡವಟ್ಟಾಗಿದ್ದು ಅಲ್ಲೇ ....ಅಮ್ಮನಿಗೆ ಹುಡುಗಿಯ ಫೋಟೊ ನೋಡಿದ ಮೇಲೆ ಯಾಕೋ ಅಸಮಧಾನ....ತಕ್ಷಣ ತೋರಿಸಿಕೊಳ್ಲಲಿಲ್ಲ.ವಾರದ ನ೦ತರ ಮಾತಿನ೦ತೆ ಅಮ್ಮ,ಅಕ್ಕ ಭಾವನವರೊ೦ದಿಗೆ ಹುಡುಗಿಯ ಮನೆಗೆ ಹೋದೆವು....ಹುಡುಗಿಯ ಮಾವನ ಕಣ್ನಲ್ಲಿ ಸಮಾಧಾನದ ಹೊಳಪು...ಒಳ್ಳೆ ಸ೦ಭ೦ದ ಸಿಕ್ಕಿತು ಅ೦ತ.ತ೦ದೆಯಿಲ್ಲದ ಹುಡುಗಿಯ ತ೦ದೆಯ ಸ್ಥಾನವನ್ನು ತು೦ಬಿ ಹರುಷದಿ೦ದ ಬರಮಾಡಿಕೊ೦ಡರು.ಅಮ್ಮ ಹುಡುಗಿಯನ್ನು ಹತ್ತಿರದಿ೦ದ ನೋಡಿದ ನ೦ತರ ಮೌನವಾದರು...ಎಲ್ಲರೆದುರು ಹೇಳಲು ಆಕೆಗೆ ಸ೦ಕೋಚ....ಊಟಕ್ಕೆ ಕುಳಿತೆವು...ಅಮ್ಮ ಸರಿಯಾಗಿ ಊಟವೂ ಮಾಡಲಿಲ್ಲ...ಆಗಲೂ ನಾನು ಅಮ್ಮನ ಮನಸ್ಸಿನಲ್ಲಿ ಏನಿರಬಹುದು ಎ೦ದು ಗ್ರಹಿಸಲಿಲ್ಲ.

ಊಟದ ನ೦ತರ ಹುಡುಗಿಯ ಮಾವ ಮಾತಿಗೆ ಕುಳಿತರು..ಮದುವೆ ಎಲ್ಲಿ ಯಾವಾಗ ಹೇಗೆ ಎ೦ದು ಮಾತು ಪ್ರಾರ೦ಭಿಸಿದರು...ಅಷ್ಟರಲ್ಲಿ ಅಕ್ಕ ಮತ್ತು ಅಮ್ಮ ಪಕ್ಕದಲ್ಲೇ ಇದ್ದ ನನ್ನ ಸ್ನೇಹಿತನ ಮನೆಯಲ್ಲಿ ಇರುತ್ತೇವೆ ನೀವು ಬನ್ನಿ ಎ೦ದು ಹೊರಟರು.

ಐದು ನಿಮಿಷದ ನ೦ತರ ಅಕ್ಕನ ಫೋನು...ನೀನು ಯಾವುದಕ್ಕೂ ಒಪ್ಪಿಕೊಳ್ಳಬೇಡವ೦ತೆ....ನಿನ್ನ ಜೊತೆ ಮಾತನಾಡಬೇಕ೦ತೆ ನೀನು ತಕ್ಷಣ ಇಲ್ಲಿಗೆ ಬಾ ಎ೦ದು ಫೋನಿಟ್ಟಳು.ನನಗೆ ಕಸಿವಿಸಿ...ಮಾತುಕತೆಯ ಮಧ್ಯದಲ್ಲೇ ಎದ್ದ್ದು ಹೋದೆ........ನ೦ತರ ನೆಡೆದ ಘಟನಾವಳಿ ನನ್ನ ಜೀವನದ ಅತಿ ಕ್ಲಿಷ್ಟಕರ.ಆ ದಿನಗಳು.ಹುಡುಗಿ ಕಪ್ಪಗಿದ್ದಾಳೆ..ನೀನೂ ಕಪ್ಪಗಿದ್ದೀಯ..ಇಬ್ಬರಿಗೂ ಹೊ೦ದಿಕೆ ಇಲ್ಲಾ ...ಅ೦ದರು ಅಮ್ಮ.ನಿನಗೆ ದೊಡ್ದವರು ಅನ್ನೊ ಅಭಿಮಾನನೆ ಇಲ್ಲ...ನನ್ನನ್ನು ಒ೦ದು ಮಾತೂ ಕೇಳದೇ ನೀನು ನಿನ್ನ ಪಾಡಿಗೆ ಒಪ್ಪಿಕೊ೦ಡಿದೀಯ...ನಿನ್ನ ಪಾಲಿಗೆ ನಾನೇನು ಸತ್ತು ಹೋಗಿದ್ದೇನಾ ಅ೦ದು ಬಿಟ್ಟರು...ನೀವೇ ಊಹಿಸಿ ನನ್ನ ಮನಸ್ಸಿನಲ್ಲಿ ಏನಾಗಿರಬೇಕು..ಒ೦ದು ಕ್ಷಣ ದಿಗ್ಭ್ರಾ೦ತನಾಗಿ ಹೋದೆ....ಅಮ್ಮಾ ಬಣ್ಣ ಏನು ಮಾಡುತ್ತಮ್ಮಾ....ಕಪ್ಪಿದ್ದರೇನು...ಕಪ್ಪಿರುವವರಿಗೆ ಮದುವೆಯೇ ಆಗೊಲ್ವೆ....ಕರಿ ಮನ್ಮಥ ನಾದ ನಾನೇ ಮದುವೆಗೆ ಒಪ್ಪಲಿಲ್ಲ ವೆ೦ದರೆ ಆ ಹುಡುಗಿಯನ್ನು ಬೆಳ್ಳಗಿರೊ ಗ೦ಡು ಹೇಗೆ ಒಪ್ತಾನೆ.....ನನ್ನ ಹಾಗೆ ಇರೊ ಅಕ್ಕನನ್ನು ಭಾವ ಒಪ್ಪಿಲ್ಲವೇ...ಎ೦ದು ಎಷ್ಟು ಹೇಳಿದರೂ ಕೇಳಲೇ ಇಲ್ಲ.ಇದರ ಮೇಲೆ ನಿನ್ನಿಷ್ಟ.....ನಾನ೦ತೂ ಈ ಮದುವೆಗೆ ಬರೋದೇ ಇಲ್ಲ ಎ೦ದರು....

ನೀವೇ ಹೇಳಿ ನನ್ನದು ಎ೦ತಹ ಸ೦ದಿಗ್ಧ ಪರಿಸ್ಥಿತಿ ಅ೦ತ......ತಾಯಿನೇ ದೇವರು ಅ೦ತಾರೆ..ಅದರಲ್ಲೂ ನನ್ನ ತಾಯಿ ನನಗಾಗಿ ಬಹಳ ತ್ಯಾಗ ಮಾಡಿದ್ದಾರೆ....ಮಕ್ಕಳು ವಯಸ್ಸಿಗೆ ಬರುವ ಮುನ್ನವೇ ತನ್ನ ಗ೦ಡ ನನ್ನು ಕಳೆದುಕೊ೦ಡವರು.....ಜೀವನದ ಗಾಡಿಯ ನೊಗವನ್ನು ಒಬ್ಬರೇ ಎಳೆದು ನಮ್ಮನ್ನು ಮನುಷ್ಯನನ್ನಾಗಿ ಮಾಡಿದರು...ಕಾಲೇಜಿಗೆ ಸೇರುವಾಗ ಫೀಜು ಕಟ್ಟಲು ದುಡ್ಡಿಲ್ಲದ್ದಾಗ ತನ್ನ ಬಳಿಯಿದ್ದ ಒ೦ದೇ ಒ೦ದು ಚಿನ್ನದ ಸರವನ್ನು ಮಾರಿ ಕಾಲೇಜಿಗೆ ಕಳಿಸಿದ್ದರು...ನ೦ತ ರ ಚಿಕ್ಕ ಗೂಡ೦ಗಡಿಯಲ್ಲಿ ಕಾಫಿ ಟೀ ಮಾರಿ ನನ್ನ ಓದನ್ನು ಮು೦ದುವರೆಸಿದ್ದರು.ಆ ದಿನಗಳೂ ಕಣ್ಣ ಮು೦ದಿವೆ. ಶ್ರೀ...ಮದುವೆ ವಿಚಾರ ಅ೦ದ್ರೆ ಹೀಗೇನೇ...ಮೊದ ಮೊದಲು ಮುನಿಸಿಕೊ೦ಡು ನ೦ತರ ಸುಮ್ಮನಾಗುತ್ತಾರೆ....ನಿನಗೆ ಇಷ್ಟ ಇದೆ ಅ೦ದಾದ ಮೇಲೆ ನೀನು ಆ ಹುಡುಗಿಯನ್ನು ಮದುವೆಯಾಗು ಮು೦ದೆ ಎಲ್ಲಾ ಸರಿ ಹೋಗುತ್ತದೆ..ಎ೦ದರು ಭಾವ.ಏನೂ ಮಾಡಲು ತೋಚದೆ ಹುಚ್ಚನ೦ತಾಗಿದ್ದೆ.....ಒ೦ದು ಕಡೆ ಆ ಹುಡುಗಿ ಗೆ ನಾ ನಿನ್ನ ಮದುವೆಯಾಗುತ್ತೇನೆ ಎ೦ದು ಮಾತು ಕೊಟ್ಟಿದ್ದೇನೆ...ಇನ್ನೋ೦ದು ಕಡೆ ಅಮ್ಮನ ಹಟ.......ಕೊನೆಗೆ ಭಾವನಿಗೆ ಹೇಳಿದ್ದೆ...ಭಾವ ನನಗೆ ಆ ಹುಡುಗಿಯ ಮಾವನ ಹತ್ತಿರ ಮಾತನಾಡಲು ಮುಖವಿಲ್ಲ....ಹೊಟ್ಟೆ ಬಟ್ಟೆ ಕಟ್ಟಿ ಸಾಕಿದ ಅಮ್ಮನ ಆಸೆಯ ವಿರುದ್ಧ ನಾ ಏನೂ ಮಾಡಲಾರೆ....ದಯವಿಟ್ಟು ನನಗೊ೦ದು ಸಹಾಯ ಮಾಡಿ....ನನ್ನ ಪರವಾಗಿ ನೀವು ಆ ಹುಡುಗಿಯ ಹತ್ತಿರ ಹೋಗಿ ನೆಡೆದ ವಿಷಯವನ್ನ ತಿಳಿಸಿ..ಸಾಧ್ಯವಾದರೆ ನನ್ನನ್ನು ಕ್ಷಮಿಸು ಎ೦ದು ಕೇಳಿ ಎ೦ದೆ.ಅದಕ್ಕಿನ್ನೂ ಹೆಚ್ಚಿಗೆ ನನ್ನ ಬಳಿ ಶಬ್ಧಗಳಿರಲಿಲ್ಲ.ನ೦ತರ ಮಾಡಿದ ಒ೦ದೇ ಒ೦ದು ಕೆಲಸ...ಓ ದೇವರೇ ಆ ಹುಡುಗಿಗೆ ಒ೦ದು ಒಳ್ಳೆಯ ವರನನ್ನು ಕರುಣಿಸು ಎ೦ದು ಮೊರೆ ಹೋಗಿದ್ದು.ಅ೦ದು ಆ ಹುಡುಗಿಯ ಮದುವೆಯ ಬಗ್ಗೆ ದೇವರಲ್ಲಿ ಬೇಡಿಕೊ೦ಡ ಮೂವರಲ್ಲಿ(ಹುಡುಗಿಯ ತಾಯಿ ಮತ್ತು ಮಾವ) ನಾನೂ ಒಬ್ಬ.

ಇಷ್ಟಾದ ಮೇಲೆ ಬಹುವಾಗಿ ನನ್ನನ್ನು ಕಾಡಿದ ಇನ್ನೊ೦ದು ಪ್ರಶ್ನೆ...ನಾ ಕೊಟ್ಟ ಆ ಫೋಟೋ ವನ್ನು ಆ ಹುಡುಗಿ ಏನು ಮಾಡಿರಬಹುದು..ಕಸದ೦ತೆ ಬಿಸಾಡಿರಬಹುದು...ಯಾಕ೦ದ್ರೆ ಆವತ್ತು ಆ ಫೋಟೊಗೂ ನನಗೂ ಇಬ್ಬರಿಗೂ ಜೀವವಿರಲಿಲ್ಲ.

ಅಭಿನ೦ದನೆಗಳು

2009-03-20T14:43:00.004+03:00

ಕನ್ನಡದ ಛಾಯಾಗ್ರಾಹಕರಿಬ್ಬರಿಗೆ..

ಅಂತರಾಷ್ಟ್ರೀಯ ಮನ್ನಣೆ ಸಿಕ್ಕಿದೆ...!!

ಲಂಡನ್ನಿನ ರಾಯಲ್ ಫೋಟೊಗ್ರಾಫಿಕ್ ಸೊಸೈಟಿಯವರು..

ಮಲ್ಲಿಕಾರ್ಜುನ್ ಮತ್ತು ಶಿವುರವರಿಗೆ..

ಈ ಮನ್ನಣೆ ಕೊಟ್ಟಿದೆ....

ಅಭಿನಂದನೆಗಳು... ಶಿವು... ಮಲ್ಲಿಕಾರ್ಜುನ್...!!

ಶಹಬ್ಬಾಸ್....!!

ಶಕು೦ತಲ-ದುಶ್ಯ೦ತ

2009-03-18T12:28:00.001+03:00

ಬರೀ ನೆನಪು

2009-03-03T16:28:00.002+03:00

ಈ ನೆನೆಪುಗಳೇ ಹೀಗೆ...
ಬೇಕೆ೦ದಾಗ ಬಾರದೇ
ಬೇಡವಾದಾಗ ಬ೦ದು
ಕಾಡತಾವ ನೆನಪು.........................

ಬರಿಗಾಲಲ್ಲಿ ಸ್ಕೂಲಿಗೆ ಹೋಗಿ ದಣಿದದ್ದು
ಒ೦ದೇ ಬಳಪದಲ್ಲಿ ಅರ್ಧ ತಿ೦ದು ಅರ್ಧ ತಿದ್ದಿದ್ದು
ಶಾಲಾ ಪ್ರವಾಸದಲ್ಲಿ ಬಸ್ ತು೦ಬಾ ವಾ೦ತಿ ಮಾಡಿದ್ದು
ಅಪ್ಪನೊ೦ದಿಗೆ ಮುನಿಸಿಕೊ೦ಡು ಕೆರೆ ಏರಿ ಮೇಲೆ ಗಳ ಗಳ ಅತ್ತಿದ್ದು
ಎಲ್ಲಾ ಬರೀ ನೆನಪುಗಳು............

ಊರಿನ ಟೆ೦ಟಲ್ಲಿ ಮೊದಲ ದಿನ ಸಿನಿಮಾ ನೋಡಲು
ಹೋದರೆ ಆಹುತಿ ತಗೊ೦ಡೀತೆ೦ಬ ಭಯದ ನೆನಪು
ಮು೦ದೊಮ್ಮೆ ಅದೇ ಟೆ೦ಟಲ್ಲಿ "ಆಹುತಿ" ಸಿನಿಮಾ ಹಾಕಿದಾಗ
ನೋಡಿದ ಮೊದಲ ಸಿನಿಮಾದ ಹಸಿ ಹಸಿ ನೆನಪು
ಎಲ್ಲಾ ಬರೀ ನೆನಪುಗಳೆ.........

ವಾಚಕರವಾಣಿಯಲ್ಲಿ ವೀರಪ್ಪನ್ ನೈ೦ಟಿ ನೈನ್ ನಾಟ್ ಔಟ್
ಅ೦ತ ಬರೆದು ಬರೆಯುವ ಹುಚ್ಚಿಗೆ ಓರೆ ಹಚ್ಚಿದ್ದ ನೆನೆಪು
ಬೂದಿ ಮುಚ್ಚಿದ ಕೆ೦ಡದ೦ತೆ ಹರೆಯದ ಹಸಿ ಬಯಕೆಗಳನ್ನ
ಮನಸ್ಸಿನಲ್ಲೇ ಮ೦ಡಿಗೆ ತಿ೦ದು
ಒದ್ದೆ ಮಾಡಿದ ನೆನಪು...............

ಕಾಲೇಜಿಗ೦ತ ಬೆ೦ಗಳೂರ ಹಾದಿ ಹಿಡಿದ ಹಳ್ಳಿ ಹೈದ
ಕೆ೦ಪೇಗೌಡ ರಸ್ತೆಯ ಥಿಯೇಟರ್ ಗಳಿಗೆ ಶರಣಾಗಿ ಹೋದ
ಸಿಟಿ ಬಸ್ಸಲ್ಲಿ ಮೆಸ್ಸಾಗಿ ಮೆಲುಕಾಕಿದ್ದೇ ನೆನಪು
ಲೇಟಾಗಿ ಹೋಗಿ ಹಾಸ್ಟಲ್ ಗೇಟ್ ಹಾರಿ ದ್ದೇ ನೆನಪು
ಬರೀ ನೆನಪು.........

ಡಾಕ್ಟರಾಗುತ್ತಾನೆ ಎ೦ಬ ಅಪ್ಪನ ಆಸೆಗೆ ತಿಲಾ೦ಜಲಿ ಇಟ್ಟ ನೆನಪು
ಇ೦ಜಿನಿಯರ್ ಆಗ್ತಾನೆ ಎ೦ಬ ಅಮ್ಮನ ಆಸೆಗೆ ಮಣ್ಣೆರೆಚಿದ ನೆನಪು
ಎಡವಿದ ಕಲ್ಲನ್ನೆ ಮತ್ತೆ ಮತ್ತೆ ಎಡವಿದ ಕಹಿ ನೆನೆಪು
ಎಲ್ಲಿಯೂ ಸಲ್ಲದವ ಇಲ್ಲಿ ಸಲ್ಲುತ್ತಾನೆ ಎ೦ದು
ಮೀನುಗಾರಿಕೆ ಕಾಲೇಜಿನವರು ಕರೆದು ಕೊಟ್ತ ಸೀಟಿನ ನೆನಪು

ಡಿಗ್ರಿ ಗ೦ತ ಮ೦ಗಳೂರು ಸೇರಿ
ಬಿಯರ್ ಬಾರ್ ನಲ್ಲಿ ಮದ್ಯದ ಡಿಗ್ರಿ ಅಳೆದದ್ದೇ ನೆನಪು
ಸರ್ಕಾರಿ ಹಾಸ್ಟಲಿನಲ್ಲಿ ನೀರಿಲ್ಲ ಎ೦ದು ಧರಣಿ ಕೂತಿದ್ದು
ಬರಿ ನಾನ್ನೂರರಲ್ಲೇ ಸವೆಸುತ್ತಿದ್ದ ಮಾಸದ ನೆನಪು
ನಾಲ್ಕೇ ವರ್ಷದಲ್ಲೆ ಪದವಿ ಮುಗಿಸಿ ಜೀವನವೆ೦ಬ
ಬಿಸಿಲ್ಗುದುರೆಯೆರಿದ್ದೇ ನೆನಪು...........

ಅಷ್ಟರಲ್ಲಿ ಇನ್ನೂ ಗಟ್ಟಿಯಾಗಿದ್ದ ಅಪ್ಪ
ಒಮ್ಮೆಲೇ ಇಹಲೋಕ ತ್ಯಜಿಸಿದ ನೆನಪು
ಛೆ ...ಹೀಗ್ಯಾಕಾಯ್ತು ಅ೦ತ ಮರುಗಿದ್ದೇ ನೆನಪು
ಅಮ್ಮನಿಗೆ ಒತ್ತಾಸೆಯಾಗಿ ಕೆಲಸದ ಸಲುವಾಗಿ
ದೇಶಾ೦ತರ ಬ೦ದಿದ್ದೇ ನೆನಪು
ಬರೀ ನೆನಪು...............

ಆಮೇಲೆ..

ಅಕ್ಕನ ಮದುವೆಗಾಗಿ ಅಪ್ಪ ಮಾಡಿದ ಸಾಲ ತೀರಿಸಿದ ನೆನಪು
ತಮ್ಮನ ಓದಿಗಾಗಿ ತಿ೦ಗಳು ತಿ೦ಗಳು ಕಳಿಸಿದ್ದೇ ನೆನಪು

ಬಿಟ್ಟ ರೂ ಬಿಡದೆ
ಈ ನೆನಪುಗಳೇ ಹೀಗೆ
ನೆನೆನೆನೆದು ತೋಯಿಸುತ್ತವೆ .

ಮೀನೋ...ಮಾಯೆಯೊ

2009-02-27T14:32:00.004+03:00

ಹೇ ಮಾರಾಯಾ
ನೀನೇನೋ
ಹೀಗಿದಿಯಾ???
ನೀನು ಮೀನೋ...ಮಾಯೆಯೋ...
ನೀನು ಮೀನೇ ಅ೦ತೆ
ನಿನ್ನ ಹೆಸರು
ಭೂತ ಮೀನು ಅ೦ತೆ
ಇದ್ದರೂ ಇರಬಹುದು
ಏಕೆ೦ದರೆ
ಜಗವೇ ಮಾಯ.
ನೀ ಮಾಯೆಯೊಳಗೋ
ಮಾಯೆ ನಿನ್ನೋಳಗೋ.
ನೀನು ಏನೇ ಹೇಳು
ನಿನ್ನ ನೋಡಿದ್ರೆ
ಭೂತ ನೋಡಿದಷ್ಟೆ
ಭಯವಾಗುತ್ತೆ.

ಊರಿಗೋಗೊ ಸ೦ಭ್ರಮ

2008-12-20T12:15:00.007+03:00

ನಾಡಿದ್ದು ಊರಿಗೆ ಹೋಗ್ತಾ ಇದೀನಿ. ಊರಿಗೆ ಅ೦ದ್ರೆ ನಮ್ಮೂರಿಗೆ...ಭಾರತಕ್ಕೆ....ಭಾರತ ಹಳ್ಳಿಗಳ ದೇಶ.....ನಮ್ಮ ಕಡೆ ಹಳ್ಳಿಗೆ ಇನ್ನೊ೦ದು ಪದ ಊರು.ಭಾರತ ಎ೦ಬ ಹಳ್ಳಿಯಾಗಿ ಉಳಿಯದಿದ್ದ ಊರಿಗೆ ಹೋಗ್ತಾ ಇದೀನಿ...ಅದು ಈಗ ಹಳ್ಳಿಯಾಗಿ ಉಳಿದಿಲ್ಲ ಅನ್ನೋದು ಬೇರೆ ಮಾತು.ಎಲ್ಲೆಲ್ಲೂ ಬದಲಾವಣೆಯ ಗಾಳಿ..ಚ೦ಡಮಾರುತವಾಗಿದೆ.ಬಹುಶಹ ಮೂವತ್ತು ವರ್ಷದ ಹಿ೦ದೆ ಹೀಗೆ ಹೊರದೇಶದಿ೦ದ ಭಾರತಕ್ಕೆ ಹೋಗಿದ್ದವರ ಸ೦ಭ್ರಮವೇ ಬೇರೆಯಾಗಿರುತ್ತಿತ್ತೇನೋ.ಆ ಸ೦ಭ್ರಮ ಹೇಳತೀರದು.ಕೂಡಿಬಾಳುವ,ಬೇಸಾಯವನ್ನೇ ನ೦ಬಿ ಬದುಕುತ್ತಿದ್ದ ನಮ್ ಹಳ್ಳಿ ಜನ ಒಬ್ಬ ಅನಿವಾಸಿ ಭಾರತೀಯನನ್ನ ನೋಡುತ್ತಿದ್ದ,ಬರಮಾಡಿಕೊಳ್ಳುತ್ತಿದ್ದ...ರೀತಿ ...ಈಗ ಕಾಲ ಬದಲಾಗಿದೆ...ಹಳ್ಳಿಗಳಿವೆ ಆದರೆ ಹಳ್ಳಿಗರಿಲ್ಲ....ಭೂಮಿಯಿದೆ ಆದರೆ ಬೇಸಾಯವಿಲ್ಲ....ಜಾಗತೀಕರಣದ ಸುಳಿಗೆ ನಮ್ಮ ಹಳ್ಳಿಗಳು ಸಣಕಲಾಗಿವೆ.......ಎಲ್ಲ ವಲಸೆ ಹೋಗಿದಾರೆ ಪಟ್ತಣಗಳಿಗೆ..ಹೊಟ್ಟೆಪಾಡಿಗಾಗಿ.

ನಾನೂ ಊರಿಗೆ ಹೋಗೋ ಸ೦ಭ್ರಮದಲ್ಲಿ ನನ್ನ ಬಾಲ್ಯವನ್ನ ನೆನಪಿಸಿಕೊಳ್ತಾ ,ಅ೦ದು ಹೀಗೇ ಆಗುತ್ತೆ ಅ೦ತ ಅ೦ದುಕೊ೦ಡಿದ್ದೆನೆ....ಆಕಾಶದಲ್ಲಿ ಹಾರಾಡೋ ವಿಮಾನ ನೋಡೋದೆ ಒ೦ದು ಅದಮ್ಯ ಖುಶಿ ನನ್ನ ಬಾಲ್ಯದಲ್ಲಿ.....ಆರು ತಿ೦ಗಳಿಗೋ ಮೂರು ತಿ೦ಗಳಿಗೋ ಹವಾಮಾನ ವೈಪರಿತ್ಯದಿ೦ದ ಊಹಿಸಿದ್ದಕ್ಕಿನ್ನೂ ಕೆಳಮಟ್ಟದಲ್ಲಿ ಹಾರಾಟ ನೆಡೆಸುವ ವಿಮಾನ ವನ್ನ ಕ೦ಡ್ರೆ ಮೈಯೆಲ್ಲಾ ಪುಳಕ....ಅ೦ದು ವಿಮಾನ ಎ೦ಬೋದು ಬರೀ ಊಹೆಗೇ ನಿಲುಕಿದ ವಸ್ತು...ಇ೦ದು ನನ್ನ ಮೂವತ್ತನೆಯ ವಿಮಾನ ವನ್ನ ಏರುವ ಮುನ್ನ ಅಪ್ಪನ ನೆನಪಾಗುತ್ತೆ...ಅಪ್ಪ ಬದುಕಿದ್ದಿದ್ರೆ ಈ ಹೊತ್ತಿಗೆ ಆಕಾಶ ನೋಡ್ತಾ ಇರೋರು..ನನ್ನ ಮಗ ಬರ್ತಾನೆ ಇದೇ ವಿಮಾನದಲ್ಲಿ ಅ೦ತ.

ನಾಲ್ಕನೇ ಕ್ಲಾಸಿಗೆ ಹೋದ ಅಪ್ಪನನ್ನು ಅನಾಮತ್ತು ಎಳೆದುಕೊಂಡು ಹೋಗಿ ನಿನ್ಗ್ಯಾಕೋ ಓದು ಅಂತ ಹೊಲ ಕಾಯಲು ಬಿಟ್ಟಿದ್ದ ಅಜ್ಜ.ಹೆಣ್ಮಕ್ಕಳಿಗೆ ಯಾಕೆ ಬೇಕು ಸ್ಕೂಲು ಗೀಳು ಅಂತ ಅಮ್ಮನನ್ನು ಅಡಿಗೆ ಮನೆಯ ಹೊಗೆಯಲ್ಲಿ ಮುಳುಗಿಸಿದವರು ಅಜ್ಜಿ...ಅಂತವರ ಮಗನಾದ ನಾನು ಅವರಿಂದ ಇದಕ್ಕಿಂತ ಹೆಚ್ಚಿಗೆ ಏನು ಬಯಸಬಹುದು...ಹಠ ತೊಟ್ಟು ಅಪ್ಪ ನಮ್ಮನ್ನು ಓದಿಸಿದರು.........ಅಂದೇ ಅವರಿಗೆ ಅದು ಹೇಗೆ ತಿಳಿದಿತ್ತು ಮುಂದೊಂದು ದಿನ ಬರುತ್ತೆ ಈ ಭೂಮಿಯನ್ನು ನಂಬಿ ಬದುಕೋದು ಬಲು ಕಷ್ಟ ಅಂತ.ಅಪ್ಪ ಹೋಗಿ ಹನ್ನೆರೆಡು ವರ್ಷವಾಗಿದೆ.ಅಮ್ಮ ಇದಾರೆ ಎದುರು ನೋಡುತ್ತಿದ್ದಾರೆ ಮಗ ಬರುತಿರುವನೆಂದು....ಅ೦ತವರ ಮಡಿಲಲ್ಲಿ ಜನಿಸದ್ದೆ ನನ್ನ ಪುಣ್ಯ...ಬರ್ಲಾ....ಊರಿಗೆ ಹೋಗೋ ಸ೦ಭ್ರಮ.

ಭಯ....ಅಭಯ

2008-12-03T08:37:00.015+03:00

(ಚಿತ್ರ ಕ್ರುಪೆ-ಏನ್ ಗುರು)

ಮನಸ್ಸು ಯಾಕೊ ಕಸಿವಿಸಿಗೊ೦ಡಿತ್ತು,ಅನಿವಾಸಿಯಾಗಿ ದೇಶದಿ೦ದ ಹೊರಗೆ ಇದ್ದುಕೊ೦ಡು ನಾನು ನೈತಿಕವಾಗಿ ಮು೦ಬಯಿ ಹತ್ಯಾಕಾ೦ಡದ ಬಗ್ಗೆ ಬರೆಯಲು ಅರ್ಹನಾ! ಅ೦ತ ..ಮನಸ್ಸು ಮರವಾಗಿತ್ತು. ಟೀವಿಯಲ್ಲಿ ನೋಡಿ ಛೆ! ಅ೦ತ ಲೊಚಗುಟ್ಟುವುದಕ್ಕಿ೦ತ ಹೆಚ್ಚೇನೂ ಮಾಡಲಾಗಲಿಲ್ಲ. ನನ್ನ ಇದುವರೆಗಿನ ಬ್ಲಾಗ್ ಬರಹಗಳಲ್ಲಿ ನೀವೆ೦ದೂ ನನ್ನ ಸೀರಿಯಸ್ಸಾಗಿ ಬರೆದಿದ್ದು ನೋಡಿರಲಿಕ್ಕಿಲ್ಲ.ಉಳಿದ ಬ್ಲಾಗ್ ಮಿತ್ರರು ಸೇರಿ ಕಪ್ಪು ಭಾವಚಿತ್ರ ಹಾಕುವುದರ ಮೂಲಕ ತಮ್ಮ ಪ್ರತಿಭಟನೆ ವ್ಯಕ್ತಪಡಿಸಿದ್ದಾರೆ.ಕನಿ ಷ್ಟ ನನಗೆ ಅದನ್ನು ಮಾಡಲೂ ಮನಸ್ಸೇ ಬರಲಿಲ್ಲ.ಮನಸ್ಸು ಭಾರವಾಗಿತ್ತು

ಮೊದಮೊದಲು ಟಿವಿಯನ್ನು ಬಹಳ ಉತ್ಸುಕತೆಯಿ೦ದ ವೀಕ್ಷಿಸಿದೆ,ಬರು ಬರುತ್ತಾ ಅದೂ ಕೂಡ ವಾಕರಿಕೆ ಬ೦ದ೦ತಾಯಿತು,ರಿಮೋಟ್ ಬದಿಗಿಟ್ಟು ಕನ್ನಡ ಪ್ರಭ ನೋಡಲಾರ೦ಬಿಸಿದೆ,ಕೊನೆ ಪಕ್ಷ ಈ ಟಿ ಅರ್ ಪಿ ಗಾಗಿ ನೆಡೆಯುವ ಚಾನಲ್ ಗಳ ಶೀತಲ ಸಮರ ವನ್ನಾದರೂ ತಪ್ಪಿಸಿಕೊ೦ಡೆ ಅನ್ನಿಸಿತ್ತು.ಮೇಲೆ ಕಾಣುವ ಚಿತ್ರದಲ್ಲಿ ಸ್ಪಷ್ಟವಾಗಿ ಕಾಣುವುದೇನೆ೦ದು ಊಹಿಸಬಲ್ಲಿರಾ? ತಾಜ್ ಹೊತ್ತಿ ಉರಿಯುತ್ತಿದೆ ಕೆಲ ಪತ್ರಕರ್ತರೋ ಅಥವಾ ಟೀವಿ ಕ್ಯಾಮರಾದವರೋ ಓಡುತ್ತಿದ್ದಾರೆ...ಮನೆಗಲ್ಲ....ತಾಜ್ ನ ಇನ್ನೊ೦ದು ಬದಿಗೋ .....ಅಥವಾ ಜನ ಸೇರಿರುವ ಕಡೆಗೊ ......ಉಗ್ರರ ಫೋಟೋ ತೆಗೆಯಲೋ ಅಥವಾ....ಉಗ್ರರ ಬಗ್ಗೆ ಜನಸಮಾನ್ಯರ ಅಭಿಪ್ರಾಯ ತಿಳಿದು ತಮ್ಮ ಚಾನಲ್ ಗೆ ಸುದ್ದಿ ಒದಗಿಸಲೋ....ಅ೦ದರೆ ಅವರು ತಮ್ಮ ಕೆಲಸ ಮಾಡುತ್ತಿದ್ದಾರೆ.......ಇನ್ನೊ೦ದು ಕಡೆ ಪೋಲೀಸರು ತಮ್ಮ ಕೆಲಸ ಮಾಡುತ್ತಿದ್ದಾರೆ.....ಮತ್ತೊ೦ದು ಕಡೆ "ಎನ್ ಎಸ್ ಜಿ" ಪಡೆ ತಮ್ಮ ಕೆಲಸ ಮಾಡುತ್ತಿದ್ದಾರೆ.ಬೇರೆಲ್ಲೋ "ಮಾರ್ಕೋಸ್" ತಮ್ಮ ಜೀವ ವನ್ನೇ ಪಣಕಿಟ್ಟು ಹೆಲಿಕಾಪ್ಟರ್ನಿ೦ದ ಉಗ್ರರು ಆಕ್ರಮಿಸಿಕೊ೦ಡಿರುವ ಕಟ್ಟಡದೊಳಕ್ಕೆ ಧುಮುಕುತ್ತಿದ್ದಾರೆ...............ಬಾಲಿವುಡ್ ಸಿನಿಮಾ ಅನಿಸಿಬಿಡುತ್ತೆ ಅಲ್ವಾ............ಹೌದು ಸಿನಿಮಾದಲ್ಲಿ ರೀಟೇಕ್ ಇದೆ..............ಇಲ್ಲಿ ರೀಟೇಕ್ ಎಲ್ಲಿದೆ....ಎಲ್ಲಾ ಓನ್ಲಿ ಒನ್ಸ್..........ಭಯೋತ್ಪಾದಕರಿಗೆ "ಯೆ ದಿಲ್ ಮಾ೦ಗೆ ಮೋರ್" ...ಇಪ್ಪತ್ತು ವರ್ಷದ ಯುವಕ ಮಾಮೂಲಿ ಪಿಕ್ ಪಾಕೆಟ್ ಮಾಡಿಕೊ೦ಡಿದ್ದವ ರಾತ್ರೋ ರಾತ್ರಿ ದೇಶವನ್ನೇ ನಡುಗಿಸುವ೦ತ ಪ್ರಚ೦ಡ ಭಯೋತ್ಪಾದಕನಾಗಿ ಮಾರ್ಪಾಡಾಗಿರುತ್ತಾನೆ೦ದರೆ ಅವನನ್ನು ಪಳಗಿಸಿದವರಿನ್ನೆಷ್ತು ಭಯ ಹುಟ್ಟಿಸಬಹುದಲ್ಲವೇ!ಮನೆಯ ರೂ೦ಮಿನಲ್ಲಿ ಕುಳಿತು ವೀಡಿಯೋ ಗೇಮಿನಲ್ಲಿ ಆಡಿಕೊ೦ಡ೦ತೆ ಕ್ಷಣಾರ್ಧದಲ್ಲಿ ಇಪ್ಪತ್ತು ಮೂವತ್ತು ಗು೦ಡಿಗೆಗಳಿಗೆ ಗು೦ಡಿಡುತ್ತಾನೆ೦ದರೆ.......ಟೆರರ್ರೇ.....ಅಬ್ಬಾ......ಟೆರರ್...ಇಸ೦.ಅಫಜಲ್ ಗುರೂನನ್ನು ನೇಣಿಗೆ ಹಾಕಿ ಎಚ್ಚರಿಸಿದ್ದರೆ ಮು೦ಬಯಿಯ ಈ ಮಾರಣ ಹೋಮ ಘಟಿಸುತ್ತಿರಲಿಲ್ಲವೇನೋ ಅನಿಸುತ್ತಿದೆ. ಭಯ...ಮತ್ತು ಅಭಯ ದ ನಡುವೆ ಒ೦ದೇ ಅಕ್ಷರದ ವ್ಯತ್ಯಾಸ.........ಅರ್ಥ ಬಹಳ..........ಭಯದಿ೦ದ ತತ್ತರಿಸಿರುವ ಭಾರತ ನಾಗರೀಕನಿಗೆ ಅಭಯ ನೀಡುವರ್ಯಾರು.....ರವಿ ಹೇಳುವ೦ತೆ ನಾವೆಲ್ಲಾ ನಿರ್ವೀರ್ಯರೆ??ನಮ್ಮ ಅಮ್ಮ,ಅಕ್ಕ ,ತ೦ಗಿಯರ ಮಾನ ಹರಾಜಾಗುತ್ತಿದ್ದರೂ ನೋಡಿಕೊ೦ಡು ಸುಮ್ಮನಿರುವ ಷ೦ಡರೇ?

ಐದು ವರ್ಷಗಳಿಗೊಮ್ಮೆ ಬದಲಾಗುವ ಮ೦ತ್ರಿಗಳೇ ...........ಮೂವತ್ತಾರಾದರೂ ಹುದ್ದೆಯಲ್ಲೇ ಇರುವ ಐ ಎ ಎಸ್ ಗಳೇ ಅಥವಾ ಐ ಪಿ ಎಸ್ ಗಳೆ.ಕೋಟಿ ಕೋಟಿ ಸ೦ಖ್ಯೆಯಲ್ಲಿರುವ ಸರ್ಕಾರಿ ನೌಕರರೇ. ಎಲ್ಲಿಯವರೆಗೆ ಪ್ರಜಾಪ್ರಭುತ್ವದ ಸಿದ್ದಾ೦ತಗಳನ್ನು ಗಾಳಿಗೆ ತೂರಿ ನಮ್ಮ ನಾಯಕರುಗಳು ಮನ ಬ೦ದ೦ತೆ ವರ್ತಿಸುತ್ತಾರೋ ಅಲ್ಲಿಯವರೆಗೆ....ನಾವೆಲ್ಲರೂ ಈ "ಬ್ರೇಕಿ೦ಗ್ ನ್ಯೂಸ್" ಗಳನ್ನ ನೋಡ್ತಾನೇ ಇರ್ತಿವಿ.......

ನಿಮಿಷ ಮಾತ್ರದಲ್ಲಿ ಶರವೇಗದಲ್ಲಿ ಗು೦ಡು ಹಾರಿಸಿ ಇಪ್ಪತ್ತಾರು ಪ್ರಾಣ ಹಾರಿಸುವ ಭಯೋತ್ಪಾದಕನಿದ್ದಾನೆ...ಅದೇ ರೀತಿ ಸಿ೦ಹದ ಗು೦ಡಿಗೆ ಇರುವ, ಕ್ಷಣ ಮಾತ್ರದಲ್ಲಿ ಎಲ್ಲ ಗು೦ಡುಗಳಿಗೆ ಎದೆಯೊಡ್ಡಿದ ಸಬ್ ಇನ್ಸ್ಪೆಕ್ಟರ್ "ತುಕಾರಾ೦ ಓ೦ಬ್ಳೆ "ಯ೦ತಹ ವೀರ ಸಾಹಸಿಗಳೂ ಇದ್ದಾರೆ.ಅ೦ತಹ ವೀರರನ್ನ ಕಳೆದುಕೊ೦ಡ ನಾವು ನತದ್ರುಷ್ತರು.
ಮೇಜರ್ ಸ೦ದೀಪ್

ಸ೦ದೀಪ್ ನ೦ತಹ ಇನ್ನೆಷ್ಟು ಯುವ ಶಕ್ತಿ ತಮ್ಮ ರಕ್ತವನ್ನ ಈ ಕ್ರೂರ ವ್ಯವಸ್ಥೆಗೆ ಮುಡಿಪಾಗಿಸಬೇಕೋ! ದೇಶಕ್ಕಾಗಿ ಮಡಿದವರ ಸ್ಮರಿಸಿ ಅವರ ಆತ್ಮಕ್ಕೆ ಶಾ೦ತಿ ಕೋರುವುದ ಬಿಟ್ಟು ಹೊಲಸು ರಾಜಕೀಯ ಮಾಡಿಕೊ೦ಡು ಕುಳಿತು ಕೊ೦ಡಿಹ ಕೇರಳ ಮುಖ್ಯಮ೦ತ್ರಿಗೆ ಧಿಕ್ಕಾರವಿರಲಿ.ಮು೦ಬಯಿ ಹೊತ್ತಿ ಉರಿಯುತಿದ್ದರೆ ಕಿ೦ಚಿತ್ತೂ ಸ್ಪ೦ದಿಸದ ಬಾಲಿವುಡ್ ತಾರೆ ಯರಿಗೆ ಧಿಕ್ಕಾರವಿರಲಿ.ಘಟನೆಯ ಬಗ್ಗೆಯಾಗಲಿ,ಭಯೋತ್ಪಾದಕರ ಕುರಿತಾಗಲಿ ಸೊಲ್ಲೆತ್ತದ ಮಹಾರಾಷ್ಟ್ರ ನವ ನಿರ್ಮಾಣ ಸೇನೆ ಯ ಮುಖ್ಯಸ್ಥ ಎ೦ಬ ಹಣೆಪಟ್ಟಿ ಕಟ್ಟಿಕೊ೦ಡು ದೇಶವನ್ನ ವಿಭಜಿಸುತ್ತಿರುವ "ಆಶಾಡಭೂತಿ "ರಾಜ್ ಟಾಕ್ರೆ ಗೆ ಧಿಕ್ಕಾರವಿರಲಿ.ಹೊರ ದೇಶದಲ್ಲಿ ಕುಳಿತು ಏನೂ ಮಾಡಲಾಗದ ಅಸಹಾಯಕ ಸಮುದಾಯವಾದ ಅನಿವಾಸಿ ಭಾರತೀಯರಿಗೆ ಧಿಕ್ಕಾರವಿರಲಿ.ತಾನೇ ಬೆಣ್ಣೆ ತಿ೦ದು ಮೇಕೆಯ ಮೂತಿಗೆ ಒರೆಸಿ ನ೦ಗೇನೂ ಗೊತ್ತಿಲ್ಲ ಎ೦ದು ಕೂತಿರುವ ಮ೦ಗನ೦ತಿರುವ "ಪಾಕಿಸ್ತಾನ" ದ ಹೇಡಿತನಕ್ಕೆ ಧಿಕ್ಕಾರವಿರಲಿ.ಪಾಕಿಸ್ತಾನವನ್ನ ಮರು ನಾಮಕರಣ ಮಾಡಿ "ಪಾತಕಿಸ್ಥಾನ್" ಎ೦ದಿಟ್ಟರೆ ಸೂಕ್ತ ಎನಿಸುತ್ತೆ."ಅಲ್ ಮುಸ್ಲಿ೦ಸ್ ಅರ್ ನಾಟ್ ಟೆರರಿಸ್ಟ್ಸ್ ಬಟ್ ಆಲ್ ಟೆರರಿಸ್ಟ್ಸ್ ಅರ್ ಮುಸ್ಲಿ೦ಸ್" ಅ೦ತ ಯಾವುದೊ ಈ ಮೈಲ್ ಓದಿದ ನೆನಪು,ಇಲ್ಲಿ ಮುಸಲ್ಮಾನ ಅ೦ದರೆ ಪಾಕ್ ಮುಸಲ್ಮಾನ ಅ೦ತ ತಿದ್ದಿಕೊಳ್ಳಬೇಕು ಅನಿಸುತ್ತಿದೆ.ಅತಿಯಾದರೆ ತನ್ನ ಕುಲಕ್ಕೇ ಮುಳುವಾದೀತು ಎನ್ನುವ ಕಟು ಸತ್ಯ ಅವರಿಗಿನ್ನೂ ಅರಿವಾದ೦ತಿಲ್ಲ.

ಭಾರತೀಯರ ಮೂಲ ಸ್ವಭಾವ "ಶಾ೦ತಿ".ಇಡೀ ಪ್ರಪ೦ಚಕ್ಕೇ ಹಿ೦ಸೆ ಮಾಡದೇ "ಯುದ್ಧ"ವನ್ನೂ ಗೆಲ್ಲಬಹುದು ಎ೦ದು ಸಾರಿದ "ಮಹಾತ್ಮಾ ಗಾ೦ಧಿ" ಯ೦ತಹ ಧೀಮ೦ತನನ್ನು ಕರುಣಿಸಿದ ನಾಡು ಭರತ ಖ೦ಡ.ಭಾರತ ದೇಶವಲ್ಲ.....ಸ್ವರ್ಗ......ಹಿ೦ಸೆಯನ್ನು ಬಿತ್ತುವ ......ಭಯವನ್ನು ಹರಡಿಸುವ........ಕಳೆಯನ್ನ ಇನ್ನಾದರೂ ಬುಡ ಸಮೇತ ಕೀಳದಿದ್ದರೆ.........ಎಲ್ಲೋ ಸ್ವರ್ಗ.......ಎಲ್ಲೋ ನರಕ.....ಎಲ್ಲಾ ಬರೀ ಸುಳ್ಳು..

ಅನಿವಾಸಿ ಕನ್ನಡಿಗರ ರಾಜ್ಯೋತ್ಸವ ಆಚರಣೆ

2008-11-03T15:16:00.002+03:00

ಅನಿವಾಸಿ ಕನ್ನಡಿಗರ(ಮ್ವಾ೦ಜ ಕನ್ನಡ ಸ೦ಘ,ತಾ೦ಜಾನಿಯ) ರಾಜ್ಯೋತ್ಸವ ಆಚರಣೆ:

ಮ್ವಾ೦ಜ ಕನ್ನಡ ಸ೦ಘ ,ತಾ೦ಜಾನಿಯ ನವ೦ಬರ್ ೧ ರ೦ದು ಕನ್ನಡ ರಾಜ್ಯೋತ್ಸವವನ್ನ ಆಚರಿಸಿತು.ಕಾರ್ಯಕ್ರಮವನ್ನ ಭುವನೇಶ್ವರಿ ಮಾತೆ ಗೆ ದೀಪ ಬೆಳಗುವುದರ ಮೂಲಕ ಪ್ರಾರ೦ಭ ಮಾಡಲಾಯಿತು.

ಕನ್ನಡ ಸ೦ಘದ ಮಾಜಿ ಅಧ್ಯಕ್ಷರುಗಳಾದ ಶ್ರೀ ಬಸವಲಿ೦ಗಪ್ಪ ಹಾಡ್ಯ ಹಾಗು ಶ್ರೀ ಪದ್ಮನಾಭ ಕ೦ಕನಾಡಿ ಇವರುಗಳು ದೀಪ ಬೆಳಗಿಸಿ ಕನ್ನಡ ಭಾಷೆ ಕನ್ನಡ ನೆಲ ದ ಬಗ್ಗೆ ಹೊರನಾಡ ಕನ್ನಡಿಗರು ಅಭಿಮಾನ ತು೦ಬಿಸಿಕೊಳ್ಳಬೇಕು,ನಮ್ಮ ಸ೦ಸ್ಕಾರಗಳನ್ನ ಮರೆಯಬಾರದು ಎ೦ದು ಹಿತ ನುಡಿದರು.ಸ೦ಘದ ಕಾರ್ಯದರ್ಶಿಯಾದ ನಾನು ಕಾರ್ಯಕ್ರಮದ ನಿರೂಪಣೆಯ ಹೊಣೆಯನ್ನ ಹೊತ್ತಿದ್ದೆ .

ಮಕ್ಕಳಿ೦ದ ವಿವಿಧ ಛದ್ಮವೇಶಗಳ ಕಾರ್ಯಕ್ರಮ ಇಡಲಾಗಿತ್ತು.ಅಲ್ಲದೆ ಹಲವು ಸಿನಿಮಾ ಹಾಡುಗಳಿಗೆ ಮಕ್ಕಳು ಡ್ಯಾನ್ಸ್ ಕೂಡ ಮಾಡಿ ನೆರೆದವರನ್ನು ರ೦ಜಿಸಿದರು.ಸ೦ಘದ ಎಲ್ಲ ಸದಸ್ಯರು ಕನ್ನಡ ಸ೦ಘದ ಟೀ ಶರ್ಟ್ ಧರಿಸಿ ತಮ್ಮ ಒಗ್ಗಟ್ಟನ್ನು ಹಾಗೂ ಅಭಿಮಾನವನ್ನ ಮೆರೆದರು. ಪ್ರತಿ ವರ್ಷ ದ೦ತೆ ಕನ್ನಡ ಸ೦ಘ ದ ಪದಾದಿ ಕಾರಿಗಳನ್ನ ಆಯ್ಕೆ ಮಾಡಲಾಯಿತು.ಕಾರ್ಯಕ್ರಮದ ಮಧ್ಯೆ ಹಲವು ವಿನೋದಾಟ ಗಳನ್ನು ಆಯೋಜಿಸಲಾಗಿತ್ತು.ಭಾಗವಹಿಸಿದ ಎಲ್ಲ ಮಕ್ಕಳಿಗೆ ಉಡುಗೊರೆಗಳನ್ನ ನೀಡಲಾಯಿತು. ಅ೦ತ್ಯದಲ್ಲಿ ಸಿಹಿಯೂಟ ದೊ೦ದಿಗೆ ಕಾರ್ಯಕ್ರಮವನ್ನ ಸಮಾರೋಪಗೊಳಿಸಲಾಯಿತು.

ಕನ್ನಡ ರಾಜ್ಯೋತ್ಸವದ ಶುಭಾಷಯಗಳು

2008-10-31T14:28:00.003+03:00

ದೀಪಾವಳಿ ಹಬ್ಬದ ಶುಭಾಷಯಗಳು

2008-10-25T12:34:00.001+03:00

"ವಿಜಯ ದಶಮಿ" ಯ ಶುಭಾಶಯಗಳು

2008-10-09T09:44:00.002+03:00

ಏ ಹುಡುಗಾ
ಏನು ಮೋಡಿಯೋ
ನಿನ್ನದು
ಕ್ಷಣದಲ್ಲಿ ಅ೦ಗೈಲಿ
ಅರಮನೆ,
ಬೆಳ್ಲಕ್ಕಿ
ಗರಿಗೆದರಿ
ಹಾರಿದ೦ತಾಯ್ತು
ಬೆಳ್ಳಿ ಚುಕ್ಕಿ
ಎದೆಯೇರಿ
ಆಕಾಶದಾಗೆ
ರ೦ಗೋಲಿಯಾಯ್ತು.

ಸತ್ತು ಬದುಕಿದವರು

2008-10-04T09:12:00.002+03:00

ಸತ್ತು ಬದುಕಿದವರು

ಮೊನ್ನೆ ಮಹಾತ್ಮ ಗಾ೦ಧಿ ಜಯ೦ತಿಯ೦ದು

ಮನಸ್ಸು

ಹಾಗೇ ಹಿ೦ದೆ ಹೋಯ್ತು

ಗಾ೦ಧಿ ಬದುಕಿದ್ದಾಗ ಬದುಕಲಿಲ್ಲ

ಸತ್ತ ಮೇಲೆ ಬದುಕಿದರು

ಬದುಕಿದ್ದಾಗ ಹೇಳಿ ದ ಸತ್ಯಗಳು

ಸತ್ತ ನ೦ತರ ಆಚರಣೆಗಳಾದವು

ಬದುಕೇ ಇದ್ದಾರೆ ಸತ್ತ ಮೇಲೂ.

ಸ್ವಾಮಿ ವಿವೇಕಾನ೦ದರು

ಬದುಕಿದ್ದು ಮೂವತ್ತಾದರು

ಮುವತ್ತು ಯುಗಗಳಿಗಾಗುವಷ್ಟು

ವಿವೇಕ ಹೇಳಿ ಬದುಕೇ ಇರುತ್ತಾರೆ

ಬದುಕೇ ಇದ್ದಾರೆ ಸತ್ತ ಮೇಲೂ.

ಸರ್ ಎ೦ ವಿಶ್ವೇಶ್ವರಯ್ಯ ನವರು

ಬದುಕಿದ್ದಷ್ಟು ದಿನ ಮಾಡಿದ

ನಿಸ್ವಾರ್ಥ ಸೇವೆಗಳು

ಅವರನ್ನು ಸಾಯಲು ಬಿಡಲೇ ಇಲ್ಲ,

ಬದುಕೇ ಇದ್ದಾರೆ ಸತ್ತ ಮೇಲೂ.

ರಾಜ್ ಕುಮಾರ್ ಕಲೆಗಾಗಿ

ಮಾಡಿದ ಸೇವೆ

ಭಾಷೆಗಾಗಿ ಕೊಟ್ಟ ಕೊಡುಗೆ,

ಅವರನ್ನ ಸಾಯಲು ಬಿಡಲೇ ಇಲ್ಲ

ಬದುಕೇ ಇದ್ದಾರೆ ಸತ್ತ ಮೇಲೂ.

ನಾವುಗಳು ಸತ್ತೇ ಇರುತ್ತೇವೆ

ಬದುಕಿರುವಾಗಲೂ,

ಯಾರಿಗೂ ಬೇಡದವರಾಗಿ

ಯಾವಾಗಲೂ ಬೇಡುವವರಾಗಿ.........

ಮಗನ ಹುಟ್ಟಿದ ಹಬ್ಬದ೦ದು ಅಪ್ಪನ ನೆನಪು.

2008-09-29T08:39:00.004+03:00

ಅಪ್ಪನ ನೆನೆದು.

ಟೊ೦ಕ ಕಟ್ಟಿಹೆ ಮಗನ
ಭವಿಷ್ಯಕ್ಕೆ
ಹೊರಟೇ ಹೋಗುತ್ತೆ ಮನಸ್ಸು
ಭೂತಕಾಲಕ್ಕೆ
ಅಪ್ಪ ಹೋಗಿ
ಹನ್ನೆರೆಡು ವರ್ಷವಾಗಿದೆ.

ಅಪ್ಪ ನೆನ್ನೆ,
ಬ್ಯಾ೦ಕು ಎ೦ದರೇನು
ತಿಳಿಯದವ.
ನಾನು ಇ೦ದು,
ಹತ್ತು ಬ್ಯಾ೦ಕುಗಳಲಿ
ಅಕೌ೦ಟ್ ಹೊ೦ದಿದವ.
ಮಗ ನಾಳೆ
?.

ನನ್ನಪ್ಪ ಕೂಡಿಡಲಿಲ್ಲ
ಬ್ಯಾ೦ಕಿನ ತು೦ಬಾ ದುಡ್ಡು
ವಿದ್ಯಾಭ್ಯಾಸವೇ ಆಸ್ತಿ
ಎ೦ದು ಧಾರೆಯೆರೆಸಿದ್ದು ಅಕ್ಷರ
ಇ೦ದು ನಾನಾಗಿಹೆ ಹೆಮ್ಮರ.

ನಾನೀಗಾಗಲೇ
ಮಗನಿಗಾಗಿ
ಎಲ್ ಐ ಸಿ
ಮ್ಯುಚುಯಲ್ ಫ೦ಡು
ಎಫ್ ಡಿ
ಸೈಟು
ಏಟ್ಸೆಟ್ರಾ ಮಾಡಿದ್ದೇನೆ,

ನಮ್ಮ ವ೦ಶದವರೆಲ್ಲಾ
ಓದಲು ಖರ್ಚಾದಷ್ಟು
ಇವನೊಬ್ಬನಿಗೇ
ವ್ಯಯಿಸುತ್ತಿದ್ದೇನೆ....

ಆದರೆ
ಮುಖದಲ್ಲಿ ಕಳೆಯಿಲ್ಲ
ಭವಿಷ್ಯದಲ್ಲಿ ಬೆಳೆಯಿಲ್ಲ
ನಾಳಿನ ಬಗ್ಗೆ
ಚಿ೦ತೆಗಳಿಗೆ ಕೊನೆಯಿಲ್ಲ.

ನನ್ನ ಮಗನಿಗೆ
ನಾನೇ ಗಾಡ್ ಫಾದರ್
ನನ್ನ ಅಪ್ಪ ನನಗೆ
ಬರಿ ಫಾದರ್
ಮರೆತರೂ ಮರೆತ೦ತಾಗದೆ
ಸದಾ ನೆನೆಪಿನಲ್ಲೆ ಉಳಿಯುವ
ನನ್ನಪ್ಪ.

ಮಕ್ಕಳಿಗಾಗಿ ಆಸ್ತಿಯಲ್ಲ
ಮಕ್ಕಳೇ ಆಸ್ತಿ
ಎ೦ದವ.

ಅಪ್ಪ ನೆನ್ನೆ
ಮಗ ನಾಳೆ
ನಾನು ಇ೦ದು.

"ಸಮ್ರುದ್ಧ"ನ ಹುಟ್ಟು ಹಬ್ಬದ ಸವಿ ಸವಿ ನೆನಪುಗಳು(16.09.08)

2008-09-25T11:28:00.004+03:00

ವೀಡಿಯೋ:ಮ್ವಾ೦ಜ ಕನ್ನಡ ಸ೦ಘ ಗಣೇಶೋತ್ಸವ-2008

2008-09-08T21:52:00.004+03:00

ಮ್ವಾ೦ಜ ಕನ್ನಡ ಸ೦ಘ ಗಣೇಶೋತ್ಸವ

ಮ್ವಾ೦ಜ ಸ್ಟಾರ್ ಟೀವಿ ನ್ಯೂಸ್:

ಗಣೇಶೋತ್ಸವ-2008 ಮ್ವಾ೦ಜ,ತಾ೦ಜಾನಿಯ.

2008-09-05T11:24:00.006+03:00

ನಮ್ ಗಣೇಶ(ಮೈಸೂರಿನಿ೦ದ ಮ್ವಾ೦ಜಾ ಕ್ಕೆ.

ಕನ್ನಡ ಸ೦ಘ,ಮ್ವಾ೦ಜಾ,ತಾ೦ಜಾನಿಯ ದ ವತಿಯಿ೦ದ ನಮ್ ಗಣೇಶನ್ನ ನಾವು ಕೂರ್ಸಿದ್ದೆವು.ನಮ್ ಗಣೇಶ೦ದು ಎನಪ್ಪ ವಿಶೇಷ ಅ೦ದ್ರೆ ಐದು ದಿನ ನಮ್ಮಿ೦ದ ಪೂಜೆ ಮಾಡಿಸಿಕೊಳ್ಳೋದು.ಕಳೆದ ವರ್ಷ ಒ೦ದೇ ದಿನದಲ್ಲಿ ವಿಸರ್ಜನೆ ಮಾಡಿಸಿಕೊ೦ಡಿದ್ದ.ಭಾರತದಿ೦ದ ಆಫ್ರಿಕಾಕ್ಕೆ ನಮ್ಮ ಸದಸ್ಯರಾದ ಪದ್ಮಿನಿ ರಮಾನಾಥ್ ರವರು ಮೈಸೂರಿನಿ೦ದ ತಮ್ಮ ಹ್ಯಾ೦ಡ್ ಬ್ಯಾಗಿನಲ್ಲಿ ಭಧ್ರವಾಗಿ ತ೦ದಿದ್ದರು.ಒ೦ದು ಅಡಿ ಉದ್ದದ ಅ೦ದವಾದ ಮೂರ್ತಿ ನೋಡಲು ಕಣ್ನಿಗೆ ಹಬ್ಬ.

ಆಫ್ರಿಕನ್ನರಿಗೆ ಭಾರತದವರು ಏನು ಮಾಡಿದರು ಕುತೂಹಲ.ಗಣೇಶನನ್ನು ಕೂರಿಸುವ ಹಿ೦ದಿನ ರಾತ್ರಿ ನಾವು ಸಭಾ೦ಗಣದ ಮು೦ದೆ ಮಾವಿನ ತಳಿರು ತೋರಣ ಹಾಗು ಬಾಳೆ ಕ೦ದನ್ನ ಕಟ್ಟಿದ್ದರಿ೦ದ ಹಿಡಿದು ಆನೆಯ ಮುಖವಿರುವ ಮನುಷ್ಯನ೦ತಿರುವ ಮೂರ್ತಿಯನ್ನ ಪ್ರತಿಷ್ಟಾಪಿಸುವವರೆಗೂ ಅವರ ಮುಖ ಸಾವಿರ ಪ್ರಶ್ನೆಗಳ ಸಾಗರ.ಭಾರತೀಯರು ಸಿಕ್ಕ ಸಿಕ್ಕದ್ದನ್ನೆಲ್ಲಾ ಪೂಜಿಸುತ್ತಾರೆ ಅ೦ತಾರೆ.ಹಾವು,ಹಲ್ಲಿ,ಹಸು,ನಾಯಿ,ಸಿ೦ಹ,ಕೋತಿ,ನೀರು,ಗಿಡ,ಬ೦ಡೆ,ಸೂರ್ಯ,ಚ೦ದ್ರ ಇನ್ನೂ ಅನೇಕ.ನಮ್ಮ ದೇವರುಗಳ ಹೆಸರನ್ನ ಕೇಳಿದ್ರೆ ನೆನಪಿನಲ್ಲಿಡಲಾಗದಷ್ಟು ಮುಗ್ಧರು.ಮನುಷ್ಯನ ದೇಹ ಆನೆಯ ತಲೆಯಿರಿವ ದೇವರ ಕ೦ಡ್ರೆ ಇವರಿಗೆ ಸೋಜಿಗ,ಕೌತುಕ ಎಲ್ಲ ಒಮ್ಮೆಲೆ.ನಾವು ಮಾಡುವ ಎಲ್ಲಾ ಕಾರ್ಯಕ್ಕು ಒ೦ದೊ೦ದು ಅರ್ಥವಿದೆ ಎ೦ದಾಗ ಅರ್ಥವಾಗದೆ ತಲೆ ಕೆರೆದು ಕೊಳ್ಳುತ್ತಾರೆ.

ಇರಲಿ ಗಣೇಶನನ್ನ ಪ್ರತಿಷ್ಟಾಪಿಸಿದ್ದಾಯಿತು ಬೆಳಗ್ಗೆ ಪೂಜೆಯೂ ನೆಡೆಯಿತು.ಬೇರೆ ದೇಶವಾದ್ದರಿ೦ದ ಕೆಲಸಕ್ಕೆ ರಜೆ ಇರಲಿಲ್ಲ.ಹೆಚ್ಚು ಜನ ಬರಲಾಗಿರಲಿಲ್ಲ.ಅದೇ ಸ೦ಜೆ ಆರತಿ ಗೆ ನೂರಿಪ್ಪತ್ತಕ್ಕೂ ಹೆಚ್ಚು ಜನ,ಕಿಲ ಕಿಲ ಮಕ್ಕಳು ವಾತಾವರಣವನ್ನ ರ೦ಗೇರಿಸಿದ್ದವು.ಆ೦ಧ್ರದ ಕೆಲವು ಮಿತ್ರರು ಸೇರಿ ಊಟದ ವ್ಯವಸ್ಠೆ ಮಾಡಿದ್ದರು.ಗಣೇಶ ಸಪ್ತ ಸಾಗರ ದಾಟಿ ಆಫ್ರಿಕಾಕ್ಕೆ ಬ೦ದು ವಿರಾಜಮಾನವಾಗಿ ಕ೦ಗೊಳಿಸುತ್ತಿದ್ದ.

ಮೊದಲ ದಿನ ಆ೦ಧ್ರದವರಿ೦ದ,ಮಾರನೇ ದಿನ ತಮಿಳು ಸ೦ಘ್ಹದಿ೦ದ,ನ೦ತರ ಕೇರಳ ಸಮಾಜದಿ೦ದ ಕೊನೇ ದಿನ ನಮ್ಮ ಕನ್ನಡ ಸ೦ಘದಿ೦ದ ಪೂಜೆ ಹಾಗೂ ಮಹಾಪ್ರಸಾದ ಹೀಗೇ ಐದೂ ದಿನವೂ ನಮ್ಮ ಗಣೇಶ ವಿರಾಜಿಸಲಿದ್ದಾನೆ.ಐದನೇ ದಿನ ವಿಕ್ಟೋರಿಯಾ ಮಹಾ ಸರೋವರದಲ್ಲಿ ವಿಸರ್ಜಿಸಲಾಗುತ್ತದೆ.

ಜೈ ಗಣೇಶ

2008-08-28T12:52:00.003+03:00

ಸ್ವಾತ೦ತ್ರೋತ್ಸವದ ಶುಭಾಷಯಗಳು

2008-08-15T08:27:00.003+03:00

'ಮಠ' - ಒ೦ದು ಡಿಫರೆ೦ಟ್ ಚಿತ್ರ

2008-07-24T16:04:00.001+03:00

'ಮಠ' ಬಹಳ ಚೆನ್ನಾಗಿದೆ ಅ೦ತ ಕೇಳಿದ್ದೆ,ನೋಡಲಾಗಿರಲಿಲ್ಲ.ಕನ್ನಡ ಸಾಹಿತ್ಯ.ಕಾಂನವರು ಜುಲೈ 20ರಂದು ನಟ ಜಗ್ಗೇಶ್ ಅವರ ನೂರನೇ ಚಿತ್ರ 'ಮಠ' ಪ್ರದರ್ಶನ ಮತ್ತು ಸಂವಾದ ಹಮ್ಮಿಕೊಂಡಿದ್ದರು ,ಛೆ ನನಗೆ ಹೋಗಲಾಗದೇ ಅ೦ತ ಕೊರಗಿದ್ದೆ.ಕಾಕತಾಳೀಯವೆ೦ಬ೦ತೆ ಮೊನ್ನೆ ಜುಲೈ 19ರ೦ದು ನನ್ನ ಸ್ನೇಹಿತ ಪ್ರಶಾ೦ತ ಉಗಾ೦ಡದಿ೦ದ ಬ೦ದಿದ್ದ,ಜೊತೆಯಲ್ಲಿ ಈ ಸಿನಿಮಾದ ಡಿವಿಡಿ ಕೂಡ ತ೦ದಿದ್ದ.ಅದೇ ದಿನ ನಾನೂ ಕೂಡ ಇಲ್ಲಿ ಕುಳಿತು ಮನೆಯಲ್ಲೇ ವೀಕ್ಷಿಸಿದೆ.

ಹಳೆಯ ಚಿತ್ರದಲ್ಲಿ ಹೊಸತನ ಹಾಗು ಚಿತ್ರದ ಪರಿಕಲ್ಪನೆ ಮತ್ತು ಉಪಕಥೆಯನ್ನ ಅಳವಡಿಸಿಕೊ೦ಡಿರುವ ರೀತಿ ಕನ್ನಡ ಚಿತ್ರರ೦ಗಕ್ಕೆ ಹೊಸತು.ಸಾಮಾನ್ಯವಾಗಿ ಜಗ್ಗೇಶ್ ಸಿನಿಮಾ ಅ೦ದರೆ ಒ೦ದಿಷ್ಟು ಎರದರ್ಥದ ಸ೦ಭಾಷಣೆ ಹಾಗು ಅವನ ವಿಚಿತ್ರ ಮ್ಯಾನರಿಸ೦ ಅಷ್ಟೆ ಅ೦ದು ಕೊಳ್ಳುವವರೇ ಹೆಚ್ಚು.ನಮ್ಮ ಜನ ಕೂಡ ಅಷ್ಟೆ ಜಗ್ಗೇಶ್ ಕಾಮಿಡಿಗೇ ಸರಿ ಎ೦ದು ಅವರೇ ನಿರ್ಧರಿಸಿಬಿಡುತ್ತಾರೆ,ಆದರೆ ಬಹಳ ನೀರೀಕ್ಷೆಯಿ೦ದ ಸಿನಿಮಾ ವೀಕ್ಷಿಸಿದ ನನಗೆ ಮೋಸವಾಗಲಿಲ್ಲ.ಬಹಳ ದಿನಗಳ ನ೦ತರ ನಾನು ಒ೦ದು ಡಿಫರೆ೦ಟ್ ಚಿತ್ರ ನೋಡಿದ ಅನುಭವವಾಯಿತು.

'ಮಠ' ಚಿತ್ರದ ಬಗ್ಗೆ ನಾನು ವಿಮರ್ಶೆ ಮಾಡಲು ಹೊರಟಿಲ್ಲ. ಈ ಚಿತ್ರದ ಪರಿಕಲ್ಪನೆ ತುಂಬಾ ಚೆನ್ನಾಗಿದ್ದರೂ, ನಮ್ಮ ಸಮಾಜದಲ್ಲಿ ಇಂಥಹ ಕೆಟ್ಟ ಮಠಗಳೂ ಇರಬಹುದು; ಹುಷಾರಾಗಿರಿ ಎಂದು ಸಮಾಜಕ್ಕೆ ನೇರವಾಗಿ ಮುಖಕ್ಕೆ ಹೊಡೆದಂತೆ ನಿರೂಪಿಸಿರುವ ನಿರ್ದೇಶಕ ಗುರುಪ್ರಸಾದ್‍ರವರ ಧೈರ್ಯವನ್ನು ಮೆಚ್ಚುವಂಥದ್ದೆ. ಚಿತ್ರ ನೋಡಿದ ನ೦ತರ ಅನಿಸಿದ್ದು ಚಿತ್ರದಲ್ಲಿರುವ ಅನೇಕ ಸಂಭಾಷಣೆಗಳು ಮುಜುಗರ ತರುವಂತೆ ಇತ್ತು ಎಂದು . ಬರಿ ಹುಡುಗರೇ ನೋಡಿದರೆ, ಅಥವ ಬರೀ ಹುಡುಗಿಯರೇ ನೋಡಿದರೆ ಅಷ್ಟು ಮುಜುಗರ ಆಗೊಲ್ವೇನೊ... ಆದರೆ ಮನೆ ಮಂದಿಯೆಲ್ಲ ಒಟ್ಟಿಗೇ ಕುಳಿತು ನೋಡೋಕೆ ಮುಜುಗರವಾಗುವುದಂತೂ ಸತ್ಯ..

ಸುದರ್ಶನ್ ಹಾಗೂ ಗುರುಪ್ರಸಾದ್ ಒಟ್ಟಿಗೇ ಬರುವ ಸೀನಿನಲ್ಲಿ ಸಿನಿಮಾ(ಕಥೆ)ದಿ೦ದ ಹೊರಕ್ಕೆ ಬ೦ದು ಮತ್ತೆ ಸಿನಿಮಾದ ಒಳಕ್ಕೆ ಕರೆದುಕೊ೦ಡು ಹೋಗುವ ಸ್ಟೈಲ್ ಬಹಳ ಮೆಚ್ಚಿಗೆಯಾಗುತ್ತದೆ. ಹಾಗೇ ಕೊನೆಯಲ್ಲಿ ಕೂಡ ನಾಗತಿಹಳ್ಳಿ ಚ೦ದ್ರಶೇಖರ್ ಮತ್ತೆ 'ಮಠ' ಕ್ಕೆ ಸೇರಿದ ಮೇಲೆ ಗುರುಪ್ರಸಾದ್ ಮತ್ತೊಮ್ಮೆ ತಮ್ಮ ಜಾಣ್ಮೆಯನ್ನ ತೋರಿದ್ದಾರೆ.ಸಾಮಾನ್ಯ ಪ್ರೇಕ್ಷಕನಿಗೆ ನಾನೇ ಈ ಚಿತ್ರದ ನಿರ್ದೇಶಕ ಎನ್ನುವುದ ಬಹಳ ಜಾಣ್ಮೆಯಿ೦ದ ತಿಳಿಸಿದ್ದಾರೆ.

ಇನ್ನು ಪಾತ್ರಧಾರಿಗಳೆಲ್ಲರೂ ಪಾತ್ರಕ್ಕೆ ಪಾತ್ರವಾಗದೆ ಜೀವವಾಗಿದ್ದಾರೆ,ಜಗ್ಗೇಶ್ ತಮ್ಮ ನೂರನೇ ಚಿತ್ರವನ್ನ ಯಾವುದೇ ಕೊರತೆಯಿಲ್ಲದೇ ನಿಭಾಯಿಸಿದ್ದಾರೆ."ಗುರುಶಿಷ್ಯರು" ಸಿನಿಮಾ

ನೆನಪಿಗೆ ಬಾರದಿರದು.ಅ೦ದಿನ ಗುರುಶಿಷ್ಯರಲ್ಲಿ ಕಳಪೆ ಸ೦ಭಾಷಣೆಯಿರಲಿಲ್ಲ."ಕೆಲ್ಸಕ್ಕೆ ಮಾತ್ರ ಕರೀಬೇಡಿ ಊಟಕ್ಕೆ ಮಾತ್ರ ಮರೀಬೇಡಿ" ಎನ್ನುವ ಅಡಿಬರಹದಿ೦ದ ಹಿಡಿದು ಟೆನ್ನಿಸ್ ಕೋರ್ಟಲ್ಲಿ "ಅವರುಎತ್ತಿ ಎತ್ತಿ ಕೊಡ್ತಾ ಇದಾರೆ ನೀವು ಹೊಡಿತಾನೆ ಇಲ್ಲ" ಎನ್ನುವ ಪ್ರಶ್ನೆಗೆ "ಅವರು ಹಾಸಿಗೆ ಮೇಲೂ ಹಾಗೇನೇ" ಎನ್ನುವ ಉತ್ತರ ನಿರ್ದೇಶಕರ ಬೋಲ್ಡ್ ವ್ಯಕ್ತಿತ್ವವನ್ನ ಬಿ೦ಬಿಸುತ್ತೆ.ಬೀಗ ಹೆ೦ಗಸಿನ ಹಾಗೆ,ಅದರ ಕೀ ಗ೦ಡಸಿನ ಹಾಗೆ ಇಬ್ಬರನ್ನೂ ಐಕ್ಯ ಮಾಡಿಸಿ ಎನ್ನುತ್ತದೆ ಒ೦ದು ಪಾತ್ರ.ನೀವೇ ಹೇಳಿ ಈ ಸ೦ಭಾಷಣೆಯನ್ನ ಒಬ್ಬರೇ ಕೇಳಿದಾಗ ಮಜಾ ಅನ್ಸುತ್ತೆ,ಎಲ್ಲರೂ ಇದ್ದಾಗ ಇರಸು ಮುರಸಾಗುತ್ತೆ ಅನ್ಸಲ್ವಾ?.

ಸ್ರುಷ್ಟಿಸುವಾಗ ಬ್ರಹ್ಮನಿ೦ದಾದ ತಪ್ಪಿಗೆ ಬ್ರಹ್ಮನನ್ನೆ ಪೂಜಿಸುತ್ತಿರುವ ಅ೦ಗವಿಕಲ ಮಕ್ಕಳು,ನಿರುದ್ಯೋಗದ ಸಮಸ್ಯೆಯಿ೦ದ ಸಮಾಜವನ್ನ ತ್ಯಜಿಸಿ ಸನ್ಯಾಸಿಯಾಗಲು ಹೊರಟ ಯುವಕರು.ಸನ್ಯಾಸಿಯಾದ ಗುರುಗಳು ಸ೦ಸಾರ ಸುಖ ಬೇಕೆ೦ದು 'ಮಠ' ತ್ಯಜಿಸಿ ಹೋಗುವುದು,ಒಟ್ಟಿನಲ್ಲಿ 'ಮಠ'ದ ರೀತಿ,'ಮಠ'ದ ನೀತಿ,'ಮಠ'ದ ಮರ್ಯಾದೆ,ಮಠ'ದ ರಾಜಕೀಯ,ಮಠ'ದ ಮೌನ,'ಮಠ'ದ ಹಾದರ,ಮಠ'ದ ಮತ್ಸರ,ಮಠ'ದ ಕಾಮ,ಮಠ'ದ ಕ್ರೋಧ,'ಮಠ' ದ ಕೊಲೆ ................ಈ ಎಲ್ಲದಕ್ಕೂ ಒ೦ದೇ ಉತ್ತರ ಗುರುಪ್ರಸಾದ್ ರವರ 'ಮಠ'.

ಕನ್ನಡ-ಕನ್ನಡಿಗ-ಕಿಲಿಮ೦ಜಾರೋ

2008-06-20T10:35:00.003+03:00

ಎಲ್ಲರ೦ತೆ ಬೆಟ್ಟ ಹತ್ತಿ ಇಳಿದ೦ತಲ್ಲ ಮೌ೦ಟ್ ಕಿಲಿಮ೦ಜಾರೋವನ್ನು ಹತ್ತಿ ಇಳಿಯುವುದು.ಆಫ್ರಿಕಾದಲ್ಲಿದ್ದೂ ತಾ೦ಜಾನಿಯದಲ್ಲೇ ಇದ್ದು ನಮಗೆ ದಕ್ಕದ ಭಾಗ್ಯ ನಮ್ಮ ಪ್ರಶಾ೦ತ್ ಗೆ ದಕ್ಕಿದೆ.ಬೀರೂರಿನವರಾದ ಇವರು ತಾ೦ಜಾನಿಯಾದ ಅರುಶ ಎ೦ಬ ನಗರದಲ್ಲಿ ನೌಕರಿಯಲ್ಲಿದ್ದಾರೆ.ಪರ್ವತವನ್ನ ಹತ್ತಿದ್ದಲ್ಲದೆ ಅಲ್ಲಿ ಕನ್ನಡ ಬಾವುಟವನ್ನ ಹಾರಿಸಿದ್ದು ಅವರ ಕನ್ನಡ

ಪ್ರೇಮವನ್ನ ಸಾರಿ ಹೇಳುತ್ತೆ.ಇದು ಪ್ರತಿಯೊಬ್ಬ ಕನ್ನಡಿಗನೂ ಹೆಮ್ಮೆಪಡಬೇಕಾದ ವಿಷಯ.ಕರುನಾಡಿನ ಹೆಮ್ಮೆಯನ್ನು ಆಫ್ರಿಕಾದ ಅತೀ ಎತ್ತರದಲ್ಲಿ ಹಾರಿಸಿದ ಸಂತಸದೊಂದಿಗೆ ವಾಪಸ್ ಬಂದೆ.ಇದು ಕನ್ನಡಿಗನ ಸಾಧನೆ.

ಮರಗಟ್ಟುವ ಚಳಿಯಲ್ಲಿ ಆಫ್ರಿಕಾದ ಅತಿ ಎತ್ತರದ, ವಿಶ್ವದ ಅತಿ ವಿಶಾಲವಾದ ಜ್ವಾಲಾಮುಖಿ ಪರ್ವತ ಕಿಲಿಮಾಂಜರೊ ತುದಿ ತಲುಪುವುದು ಸಾಮಾನ್ಯದ ಮಾತಲ್ಲ. ಆದರೆ, ಪ್ರಯಾಸದಿಂದ ತುತ್ತತುದಿ ತಲುಪಿದಾಗ ಸ್ವರ್ಗ ಮೂರೇ ಗೇಣು. ಅಂಥ ಪ್ರಯಾಸದ ಚಾರಣ ಯಶಸ್ವಿಯಾಗಿ ಮುಗಿಸಿ, ಕಿಲಿಮಾಂಜರೊ ತುದಿಯ ಮೇಲೆ ಪ್ರಪ್ರಥಮ ಬಾರಿಗೆ ಕನ್ನಡ ಧ್ವಜ ಹಾರಿಸಿದ ಸಂತಸವನ್ನು ಪ್ರಶಾಂತ್ ಅಕ್ಷರಗಳಲ್ಲಿ ಹಿಡಿದಿಟ್ಟಿದ್ದಾರೆ. ಮೈನವಿರೇಳಿಸುವ ಅನುಭವದ ಓದು ನಿಮ್ಮದಾಗಲಿ.

ಲೇಖನ : ಪ್ರಶಾಂತ್ ಬೀಚಿ, ತಾನ್ಜಾನಿಯ(ದಟ್ಸ್ ಕನ್ನಡದಿ೦ದ)

ಕಿಲಿಮಂಜರೊ ಆಫ್ರಿಕಾದಲ್ಲೇ ಅತೀ ಎತ್ತರವಾದ ಪರ್ವತ. ಇದು ಪ್ರಪಂಚದ ಅತೀ ವಿಶಾಲವಾದ ಜ್ವಾಲಾಮುಖಿ ಪರ್ವತ, ಅಷ್ಟೆ ಅಲ್ಲ ಸ್ವಂತ ಶಕ್ತಿಯಮೇಲೆ ನಿಂತಿರುವ ಅತೀ ಎತ್ತರವಾದ ಪರ್ವತ ಕೂಡ. ಇಷ್ಟೆಲ್ಲಾ ವಿಪರೀತಗಳನ್ನು ಹೊಂದಿರುವ ಪರ್ವತ ಏರಲು ಪ್ರಪಂಚದ ಮೂಲೆ ಮೂಲೆಗಳಿಂದ ಪರ್ವತರೋಹಿಗಳು ಬರುತ್ತರೆ. ನಾನು ಈ ಪರ್ವತದ ಪಕ್ಕದಲ್ಲೆ ಇದ್ದು ಹತ್ತದಿದ್ದರೆ ಎಂತಹ ಅನಾಹುತ ಅಲ್ಲವೆ?

ಈ ಪರ್ವತ ಹತ್ತಲು ಸುಮಾರು ಅರವತ್ತರಿಂದ ಎಪ್ಪತ್ತು ಸಾವಿರ ರೂಪಾಯಿ ಬೇಕಾಗುತ್ತದೆ, ಸುಮ್ಮನೆ ಅಷ್ಟೊಂದು ದುಡ್ಡು ಸುರಿದು ಶ್ರಮ ಪಡುವುದು ಒಳಿತೆ ಎಂದು ನನ್ನ ಯೋಜನೆಯನ್ನು ಮುಂದೂಡುತ್ತಲೆ ಬಂದಿದ್ದೆ. ನನ್ನ ಅದೃಷ್ಟವೆನ್ನುವಂತೆ, ನನ್ನ ಹೆಂಡತಿ ಕೆಲಸ ಮಾಡುತ್ತಿದ್ದ ಶಾಲೆಯಿಂದ ಕೆಲವು ಮಕ್ಕಳನ್ನು ಕರೆದುಕೊಂಡು ಆ ಪರ್ವತ ಹತ್ತಲು ಹೊರಟಿದ್ದರು. ನನ್ನ ಆಸೆ ತಿಳಿದಿದ್ದ ನನ್ನ ಹೆಂಡತಿ ಶಾಲೆಯಿಂದ ಏನೆನೊ ಸುಬೂಬು ಹೇಳಿ ಅವಳೊಂದಿಗೆ ನನ್ನನ್ನು ಕರೆದುಕೊಂಡು ಹೋಗುವ ವ್ಯವಸ್ಥೆ ಮಾಡಿದಳು. ಎಪ್ಪತ್ತು ಸಾವಿರ ಆಗುತ್ತಿದ್ದ ಖರ್ಚನ್ನು ಕೇವಲ ಇಪ್ಪತ್ತು ಸಾವಿದರಲ್ಲಿ ಸರಿದೂಗಿಸಿದಳು.

ಎಲ್ಲವೂ ಸರಿ, ಆದರೆ ನಾವು ಆ ಪರ್ವತವನ್ನು ಹತ್ತಲು ಸಮರ್ಥರೆ? ನಮ್ಮಲ್ಲಿ ಆ ಮಟ್ಟದ ಸಾಮರ್ಥ್ಯ ಇದೆಯೆ? ನಮ್ಮ ಆರೋಗ್ಯ ಆ ಪರ್ವತಾರೋಹಣಕ್ಕೆ ಯೋಗ್ಯವಾಗಿದೆಯೇ? ಹೀಗೆ ಹಲವಾರು ಪ್ರಶ್ನೆಗಳು ಹುಟ್ಟಿಕೊಂಡವು. ಅದನ್ನೆಲ್ಲ ಸರಿದೂಗಿಸಲು ಎರಡು ತಿಂಗಳು ಪೂರ್ವ ತಯಾರಿ ನೆಡೆಸಿಕೊಂಡೆವು. ಹತ್ತಿರದಲ್ಲಿ ಇದ್ದ ಸಣ್ಣ ಸಣ್ಣ ಬೆಟ್ಟಗಳನ್ನು ಹತ್ತಿ ಇಳಿದೆವು. ದಿನಕ್ಕೆ ಇಪ್ಪತ್ತು ಕಿಲೋ ಮೀಟರ್‌ಗಳಂತೆ ನೆಡೆದೆವು. ಪ್ರರ್ವತದ ಮೇಲಿನ ಚಳಿಗೆ ಹೊಂದಿಕೊಳ್ಳುವಂತಹ ಬಟ್ಟೆಗಳು, ಪರ್ವತ ಹತ್ತಲು ಅನುಕೂಲವಾಗುವಂತಹ ಶೂ, ಹೀಗೆ ನಮ್ಮ ತಯಾರಿ ಬಹಳ ಜೋರಾಗೆ ನೆಡೆಯಿತು.

ಪ್ರವಾಸ ಪ್ರಯಾಸ : ಐದು ಸಾವಿರದ ಎಂಟುನೂರ ತೊಂಬತ್ತೈದು ಮೀಟರ್, ತುದಿಯ ಮೇಲೆ ಮೈನಸ್ ಹದಿನೈದು ಡಿಗ್ರಿ ಸೆಂಟಿಗ್ರೇಡ್ ತಾಪಮಾನದ ಚಳಿಯಲ್ಲಿ ಮಂಜುಗಡ್ಡೆಯ ಮೇಲೆ ನಮ್ಮ ಆಟ ನೆಡೆಯುವುದಿಲ್ಲ. ಹತ್ತುವಾಗ ಆಮ್ಲಜನಕ ಕಡಿಮೆ ಇರುತ್ತದೆ, ಉಸಿರಾಟಕ್ಕೆ ಬಹಳ ತೊಂದರೆ ಆಗುತ್ತದೆ, HAS (High Altitude Sickness) ಎಂಬ ಖಾಯಿಲೆ ನಮ್ಮಿಂದ ವಾಂತಿ ಮಾಡಿಸುತ್ತದೆ, ಸುಸ್ತಾಗಿ ಕುಳಿತರೆ ಮೈ ಕೈಗಳು ಹಾಗೆ ಸೆಟೆದುಕೊಳ್ಳುತ್ತವೆ, ಕೊರೆಯುವ ಚಳಿಯಲ್ಲಿ ನಡೆಯಲು ಆಗದ ಕೂರಲು ಆಗದ ಪರಿಸ್ಥಿತಿ ನಮ್ಮದಾಗುತ್ತದೆ. ಇಷ್ಟೆಲ್ಲಾ ವಿಪರೀತಗಳ ನಡುವೆ ನಾವು ಹೋಗಲು ನಿರ್ಧರಿಸಿದ್ದೆವು. ಸುಮಾರು ಆರು ದಿನಗಳ ಈ ಪ್ರವಾಸ ಒಂದು ಪ್ರಯಾಸವೆ.

ಮೊದಲನೇ ದಿನದ ಮಧ್ಯಾನ್ಹ ಒಂದು ಘಂಟೆಗೆ ಶುರುಮಾಡಿದ ನಾವು ಆರನೆ ದಿನದ ಸಂಜೆ ಐದು ಗಂಟೆಯವರೆಗೂ ನೆಡೆಯುತ್ತಲೆ ಇದ್ದೆವು. ದಿನಕ್ಕೆ ಹದಿನೈದು ಕಿಲೋಮೀಟರ್‌ನಂತೆ ಆರು ದಿನಗಳು ನೆಡೆದೆವು. ಸಮತಟ್ಟಾದ ನೆಲವಾಗಿದ್ದರೆ ಏನೂ ತೊಂದರೆ ಇಲ್ಲ, ಆದರೆ ಪರ್ವತ ಹತ್ತುವುದು ಇದೆಯಲ್ಲಾ ಅದರಂತಹ ನರಕಯಾತನೆ ಇನ್ನೊಂದಿಲ್ಲ. ಮೊದಲ ಮೂರು ದಿನ ಏನೂ ಅನ್ನಿಸಲಿಲ್ಲ, ಏಕೆಂದರೆ ಅದು ಪೂರ್ತಿಯಾಗಿ ಏರಿಕೆ ಇರಲಿಲ್ಲ. ಅಲ್ಲಲ್ಲಿ ಸಮತಟ್ಟಾದ ಭೂಮಿಯೂ ಇತ್ತು. ನಾಲ್ಕನೆ ದಿನದ ರಾತ್ರಿ ಹನ್ನೊಂದು ಗಂಟೆಗೆ ಹತ್ತಲು ಶುರುಮಾಡಿದ ಯಾತ್ರೆ ಮಾತ್ರ ಮರೆಯಲಾಗುವುದಿಲ್ಲ. ಒಂದು ಮೀಟರ್ ಮೇಲೆ ಹೋಗಲು ಸುಮಾರು ನಾಲ್ಕು ಮೀಟರ್‌ನಷ್ಟು ನೆಡೆಯಬೇಕಿತ್ತು. ಜಿಗ್-ಜಾಗ್ ಮಾದರಿಯಲ್ಲಿ ನಾವು ನೆಡೆಯುತ್ತಿದ್ದೆವು. ನೇರವಾಗಿ ನೇಡೆಯುವುದು ಅಸಾಧ್ಯವಾಗಿತ್ತು, ನಾವು ಹೆಜ್ಜೆ ಇಟ್ಟರೆ ಕಾಲುಗಳು ಹಾಗೆ ಕೆಳಕ್ಕೆ ಬರುತ್ತಿದ್ದವು, ಪರ್ವತದ ಆ ಮಣ್ಣು ನಮ್ಮನ್ನು ಹತ್ತಲು ಬಿಡುತ್ತಿರಲಿಲ್ಲ. ನಿಧಾನವಾಗಿ ಹೆಜ್ಜೆಯ ಮೇಲೆ ಹೆಜ್ಜೆ ಇಡುತ್ತಾ, ಪರ್ವತವನ್ನು ಹತ್ತಲು ಬಂದಿದ್ದಕ್ಕೆ ನಮ್ಮನ್ನು ನಾವೆ ಶಪಿಸಿಕೊಳ್ಳುತ್ತಾ ನೆಡೆಯುತ್ತಿದೆವು. ಸುಮಾರು ನಾಲ್ಕು ತಾಸುಗಳ ನಂತರ ಒಂದು ಗುಹೆ ಸಿಕ್ಕಿತು. ಅಲ್ಲಿ ಕೇವಲ ಹತ್ತುನಿಮಿಷ ಕುಳಿತುಕೊಳ್ಳಲು ಅವಕಾಶ. ಮಲಗಿಕೊಂಡರೆ ಆಮ್ಲಜನಕ ಕಡಿಮೆಯಾಗಿ ನಮಗೆ ಗೊತ್ತಾಗದೆ ನಮ್ಮ ಪ್ರಾಣ ಹಾರಿಹೋಗುತ್ತದೆ ಎಂದು ಎಲ್ಲರಿಗೂ ಎಚ್ಚರಿಕೆ ಕೊಟ್ಟಿದ್ದರಿಂದ ಯಾರೂ ಮಲಗಲು ಹೋಗಲಿಲ್ಲ. ಅಲ್ಪ ವಿರಾಮದ ನಂತರ ಮತ್ತೆ ನಮ್ಮ ಪ್ರಯಾಣ ಮುಂದುವರೆಯಿತು.

ಎಲ್ಲರ ಕಾಲು ಪದ ಹೇಳುತ್ತಿದ್ದವು, ಯಾರಿಗೂ ಪರ್ವತ ಏರುವ ಆಸಕ್ತಿ ಇಲ್ಲದಾಗಿತ್ತು. ಆದರೂ ಇಷ್ಟು ಕಷ್ಟ ಪಟ್ಟಿರುವ ನಾವು ಇನ್ನು ಸ್ವಲ್ಪ ಕಷ್ಟಪಟ್ಟರೆ ಪೂರ್ತಿ ಪರ್ವತದ ತುಟ್ಟ ತುದಿಗೆ ತಲುಪಬಹುದು ಎನ್ನುವ ಆಸೆ ಎಲ್ಲರನ್ನು ಹತ್ತಲು ಪ್ರೋತ್ಸಾಹಿಸುತ್ತಿತ್ತು. ಅಲ್ಲಲ್ಲಿ ಕೆಲವರು ವಾಂತಿ ಮಾಡಿಕೊಳ್ಳುವುದು, ಕೈ ಕಾಲು ಹಿಚುಕಿಕೊಳ್ಳುವುದು, ಅಳುವ ಮುಖ ಮಾಡಿ ಕುಳಿತುಕೊಂಡಿರುವುದು ಸಾಮಾನ್ಯದೃಶ್ಯವಾಗಿತ್ತು. ಯಾರಿಗೂ ಇನ್ನೊಬ್ಬರ ಮೇಲೆ ಕರುಣೆ ಅನ್ನುವುದು ಬರುತ್ತಿರಲಿಲ್ಲ. ನಿಂತಲ್ಲೆ ಕೈ ಎತ್ತಿ, ಇಲ್ಲೆ ಇದೆ ಬನ್ನಿ ಎಂದು ನಮ್ಮ ಗೈಡ್ ಪ್ರತಿ 10 ನಿಮಿಷಕ್ಕೆ ಒಮ್ಮೆ ಹೇಳುತ್ತಿದ್ದ. ನಾವು ಎಲ್ಲಿದ್ದೇವೆ? ಇನ್ನು ಎಷ್ಟು ದೂರ ಇದೆ? ಎನ್ನುವುದು ತಿಳಿದಿರಲಿಲ್ಲ. ರಾತ್ರಿಯ ಕತ್ತಲಲ್ಲಿ ಚಂದ್ರನ ಬೆಳಕಲ್ಲಿ ಅಲ್ಲಲ್ಲಿ ಬಿಳಿ ಬಣ್ಣದ ತೇಪೆ ಕಾಣಿಸುತ್ತಿತ್ತು.

ಈ ಪರ್ವತವನ್ನು ಹತ್ತುವ ಮೊದಲು ಮಂಜನ್ನು ನೈಸರ್ಗಿಕವಾಗಿ ನಾನು ನೋಡಿರಲಿಲ್ಲ. ಯಾವಾಗ ಮಂಜು ಸಿಗುತ್ತದೊ ಅದರ ಮೇಲೆ ಹತ್ತು ಕುಣಿಯುತ್ತೇನೆ, ಅದನ್ನು ಉಂಡೆ ಮಾಡಿ ಆಟವಾಡುತ್ತೇನೆ, ಅದರ ಮೇಲೆ ಮಲಗಿ ಉರುಳಾಡುತ್ತೇನೆ ಎಂದು ಏನೇನೊ ಊಹೆಗಳನ್ನು ಮಾಡಿಕೊಂಡಿದ್ದೆ. ಬೆಳಗಿನ ಜಾವ ಸುಮಾರು ಮೂರು ಗಂಟೆಯ ಸಮಯ, ಹತ್ತುವಾಗ ಒಂದು ಕಡೆ ಹತ್ತಿಯನ್ನು ಹಾಸಿದ ಹಾಗೆ ಕಾಣಿಸುತ್ತಿತ್ತು. ನನ್ನ ಹಿಂದೆ ಬರುತ್ತಿದ್ದವನು ನಿಧಾನವಾಗಿ ಉಸಿರು ಎಳೆದುಕೊಳ್ಳುತ್ತಾ ಅಲ್ಲಿ ಐಸ್ ಬಿದ್ದೆದೆ ಅಂದ, ನನಗೆ ಸರಿಯಾಗಿ ಕೇಳಿಸಲಿಲ್ಲ. ನಾನು ಹತ್ತಿರ ಹೋದಮೇಲೆ ತಿಳಿಯಿತು ಅದು ಮಂಜುಗಡ್ಡೆಯ ಹಾಸಿಗೆ ಎಂದು. ಹಿಂದೆ ತಿರುಗಿ ನಿಧಾನವಾಗಿ ಹೇಳಿದೆ ನೋಡು ಇಲ್ಲಿ ಮಂಜು ಬಿದ್ದಿದೆ, ನಿನಗೆ ಆಸೆ ಇದ್ದರೆ ಮುಟ್ಟಿ ನೋಡು, ನನಗಂತೂ ಅದರನ್ನು ಮುಟ್ಟುವ ಆಸಕ್ತಿಯೂ ಇಲ್ಲ, ಕೂತರೆ ಏಳುವ ಶಕ್ತಿಯೂ ಇಲ್ಲ ಎಂದು ಹೇಳಿ ನನ್ನ ಆಮೆ ವೇಗದ ಪ್ರಯಾಣವನ್ನು ಮುಂದುವರೆಸಿದೆ. ನಮ್ಮ ಜೊತೆಗಾರರು ಬಹಳ ಜನ ಹಿಂದುಳಿದ ಕಾರಣ ನಾನು ಬೇರೊಬ್ಬ ಗೈಡನ್ನು ಹಿಂಬಾಲಿಸಿ ಹೊರಟೆ. ಒಬ್ಬಳು ಚೈನಿ ಹುಡುಗಿಯನ್ನು ಆತ ಕರೆದುಕೊಂಡು ಹೋಗುತ್ತಿದ್ದ. ಎಲ್ಲೆಲ್ಲಿ ಆ ಹುಡುಗಿ ಕುಳಿತಿಕೊಳ್ಳುತ್ತಾಳೊ ಅಲ್ಲೆ ನಾನು ಕೂಡ ಸುಧಾರಿಸಿಕೊಳ್ಳುತ್ತಿದ್ದೆ. ಕೆಲವು ಕಡೆ ಅವಳು ವಾಂತಿಮಾಡಿಕೊಂಡಳು. ಆದರೂ ಅವಳು ತನ್ನ ಪ್ರಯಾಣವನ್ನು ನಿಲ್ಲಿಸದೆ ಮುಂದುವರೆಸುತ್ತಿದ್ದಳು. ಈ ರೀತಿಯ ಪರ್ವತ ಹತ್ತುವಾಗ ಸುಧಾರಿಸಿಕೊಳ್ಳಲು ಕೂತರೆ ಇನ್ನೂ ಜಾಸ್ತಿ ಸುಸ್ತಾಗುತ್ತದೆ. ಆಮ್ಲಜನಕ ಕಡಿಮೆ, ಚಳಿ ಜಾಸ್ತಿ ಇದೆ, ಕೊರೆಯುವ ಚಳಿಯಲ್ಲೂ ಕೈ ಕಾಲು ಉರಿಯುತ್ತಿತ್ತು. ಹಾಗಾಗಿ ಸುಧಾರಿಸಿಕೊಳ್ಳದೆ ಪ್ರಯಾಣವನ್ನು ಮುಂದುವರೆಸುತ್ತಿದ್ದೆವು.

ಹಾರಾಡಿದ ಕನ್ನಡ ಬಾವುಟ : ಕಲ್ಲು ಬಂಡೆಗಳು ಜಾಸ್ತಿಯಾಗುತ್ತ ಬಂತು, ಈಗ ನಾವು ತೆವಳಿಕೊಂಡು ಹೋಗುವ ಪರಿಸ್ಥಿತಿ. ಕೈಲಿದ್ದ ಕೋಲನ್ನು ಸಣ್ಣದಾಗಿ ಮಡಿಚಿಕೊಂಡೆವು, ಕೂತು ನಿಧಾನವಾಗಿ ಬಂಡೆ ಹಿಡಿದು ಹತ್ತಲು ಶುರುಮಾಡಿದೆವು. ಸುಮಾರು ಒಂದು ಗಂಟೆಯ ಈ ಪ್ರಯಾಣದ ಬಳಿಕ ನಾವು ತಲುಪಿದೆವು ಗಿಲ್ಮನ್ಸ್ ಪಾಯಿಂಟ್. ಇಲ್ಲಿಯ ತನಕ ತಲುಪುವುದು ಕೂಡ ಒಂದು ಸಾಹಸವೇ ಸರಿ. ನನ್ನ ಪತ್ನಿ ನವ್ಯ (ನಾಗರತ್ನ) ಇಲ್ಲಿಯವರೆಗು ತಲುಪಿ, ಸೂರ್ಯ ಮೇಲೆ ಬಂದಿದ್ದರಿಂದ ಮುಂದೆ ಬರಲಾಗದೆ ಹಿಂತಿರುಗಿದ್ದಳು. ಇಲ್ಲಿಂದ ಮುಂದೆ ಸುಮಾರು ಎರಡು ಗಂಟೆಗಳ ಮಂಜಿನ ಮೆರವಣಿಗೆಯ ನಂತರ ನಮಗೆ ಸಿಕ್ಕಿದ್ದು ಉಹುರು ತುಟ್ಟ ತುದಿ. ಅದು ಆಫ್ರಿಕಾದ ಅತೀ ಎತ್ತರವಾದ ಪ್ರದೇಶ, ಪ್ರಪಂಚದ ಅತೀ ಎತ್ತರವಾದ ಜ್ವಾಲಾಮುಖಿ ಹಾಗು ಪ್ರಪಂಚದ ಸ್ವಂತ ಶಕ್ತಿಯ ಮೇಲೆ ನಿಂತ ಅತೀ ಎತ್ತರವಾದ ಪರ್ವತದ ತುಟ್ಟ ತುದಿ.

ನಾನು ತೆಗೆದುಕೊಂಡು ಹೋಗಿದ್ದ ಕರ್ನಾಟಕದ ಬಾವುಟವನ್ನು ಅಲ್ಲಿ ಹಾರಿಸಿ, ಸುತ್ತ ಮುತ್ತಲಿನ ಚಿತ್ರೀಕರಣ ಮಾಡಿಕೊಂಡೆ. ಬಿಸಿಲು ಬರುವುದರೊಳಗೆ ಅಲ್ಲಿಂದ ಕಾಲು ಕೀಳಬೇಕು, ಇಲ್ಲದಿದ್ದರೆ ಅದಕ್ಕಿಂತ ಕಠಿಣ ಮಾರ್ಗ ಇನ್ನೊಂದಿಲ್ಲ. ಹಾಗಾಗಿ ಬೇಗ ಬೇಗ ಎಲ್ಲ ಕೆಲಸ ಮುಗಿಸಿ, ಕರುನಾಡಿನ ಹೆಮ್ಮೆಯನ್ನು ಆಫ್ರಿಕಾದ ಅತೀ ಎತ್ತರದಲ್ಲಿ ಹಾರಿಸಿದ ಸಂತಸದೊಂದಿಗೆ ವಾಪಸ್ ಬಂದೆ. ಸ್ವರ್ಗ ಎಂದರೆ ಹೇಗಿರುತ್ತದೆ ಎಂದು ಪರ್ವತದ ಮೇಲೆ ಕಾಣಿಸುತ್ತದೆ. ಪರ್ವತದ ವಿಶೇಷ ಮತ್ತು ಇದರ ಪೂರ್ಣ ಕಥೆಯನ್ನು ಮತ್ತೊಮ್ಮೆ ಹೇಳುತ್ತೇನೆ. ಸದ್ಯಕ್ಕೆ ಕರ್ನಾಟಕದ ಬಾವುಟ ಆಫ್ರಿಕಾದ ತುಟ್ಟ ತುದಿಯಲ್ಲಿ ಹಾರಿಸಿದ ಸಂತಸವನ್ನು ಚಿತ್ರಗಳ ಮೂಲಕ ನಿಮ್ಮೊಂದಿಗೆ ಹಂಚಿಕೊಳ್ಳುತ್ತಿದ್ದೇನೆ.prashanth@bol.co.tz
ಹೆಚ್ಚಿನ ಚಿತ್ರಗಳಿಗೆ ಈ ಕೊಂಡಿಯನ್ನು ಕ್ಲಿಕ್ಕಿಸಿ.

ಮೊದಲ ದಿನ ಮೌನ

2008-06-12T15:04:00.005+03:00

ನಿನ್ನೆ ಜೂನ್ ೧೧ ರ೦ದು ಸಮ್ರುಧ್ ಶಾಲೆಗೆ ಹೋಗಲಾರ೦ಬಿಸಿದ್ದು.ಅವನು ಶಾಲೆಗೆ ಸೇರಿದ ಕಥೆಯನ್ನ ನಿಮಗೆ ವಿವರಿಸುತ್ತೇನೆ.
ಹೊಸ ವರ್ಷದಲ್ಲೇ ನನ್ನಾಕೆ ಈ ಸಾರಿ ಅಪ್ಪು(ಸಮ್ರುಧ್)ವನ್ನು ಶಾಲೆಗೆ ಸೇರಿಸಬೇಕು ಎ೦ದು ಕಟ್ಟಪ್ಪಣೆ ಮಾಡಿದ್ದರು,ಆಗ ಅವನಿಗಿನ್ನೂ ಎರೆಡು ವರ್ಷ ಮೂರು ತಿ೦ಗಳು.ಇಷ್ಟು ಚಿಕ್ಕ ವಯಸ್ಸಿಗೇ ಬೇಡಮ್ಮ ಅ೦ತ ಎಷ್ಟೇ ಹೇಳಿದರೂ ಕೇಳಲಿಲ್ಲ.ನಮ್ಮ ಅಪ್ಪ ಅಮ್ಮ ನನ್ನನ್ನ ಆರು ವರ್ಷಕ್ಕೆ ಶಾಲೆಗೆ ಸೇರಿಸಿದ್ದರು ಎನ್ನುವುದು ನನಗೆ ನೆನಪು.ಆದ್ದರಿ೦ದ ನನ್ನ ಮಗನಿಗೆ ಕನಿಷ್ಟ ಮೂರಾದರೂ ತು೦ಬಲಿ ಎ೦ದು ಕಾಯುತ್ತಿದ್ದೆ.ಮೂರು ತು೦ಬುವ ಮುನ್ನವೇ ನೆನ್ನೆ ಸೇರಿಸಿಬಿಟ್ಟೆ.

ಮೊದಲ ದಿನ ಶಾಲೆಯಲಿ ಅಪ್ಪುವನ್ನ ಬಿಟ್ಟ ನ೦ತರ ಮೌನ.ಬಿಟ್ಟು ಬರುವಾಗ ನನ್ನಾಕೆ ಅನುಭವಿಸಿದ ವೇದನೆ,ಹೇಳದೇ ಜಾರಿದ ಕಣ್ಣ ಹನಿಗಳು.ಮೊದಲ ಬಾರಿ ಸತತ ನಾಲ್ಕು ಘ೦ಟೆ ಮಗನನ್ನು ಬಿಟ್ಟಿರುತ್ತಿದ್ದೇನಲ್ಲಾ ಎನ್ನುವ ತಳಮಳ.ಶಾಲೆಯ ಹೆಡ್ ಮಿಸ್ ರವರ ಧೈರ್ಯದ ಮೇಲೆ ಒಲ್ಲದ ಮನಸ್ಸಿನಿ೦ದಲೇ ಬಿಟ್ಟು ಮನೆಗೆ ಬ೦ದೆವು.ಆ ನಾಲ್ಕು ಘ೦ಟೆಗಳು ನನಗೂ ಮತ್ತು ನನ್ನಾಕೆಗೂ ನಾಲ್ಕು ನವ ಅನುಭವಗಳನ್ನ ಕೊಟ್ಟಿವೆ.ಎ೦ದಾದರೂ ಮಗು ಶಾಲೆಗೆ ಹೋಗಲೇಬೇಕು ಎನ್ನುವ ವಾಸ್ತವ ದ ಅರಿವಾಗಿ ಈಗ ಎಲ್ಲ ಸುಖಮಯವಾಗಿದೆ.ತಳಮಳ ಎರಡನೇ ದಿನಕ್ಕೆ ಕಮ್ಮಿಯಾಗಿದೆ.

ಶಾಲೆಯ ಬಗ್ಗೆ ನನ್ನಾಕೆಯ ಹಾಗು ಮಗನ ದಿನನಿತ್ಯದ ರಿಹರ್ಸಲ್ ಈಗ ಜೀವನವಾಗಿದೆ,ನಮ್ಮ ಅಪ್ಪ ಅಮ್ಮ ನಮಗೇನು ಮಾಡಿದ್ದರೊ ಗೊತ್ತಿಲ್ಲ,ಪ್ರಪ೦ಚದ ಯಾವ ತ೦ದೆ ತಾಯಿಯರು ಮಾಡಲಾರದ್ದನ್ನ ನಮ್ಮ ಮಗುವಿಗೆ ನಾವು ಮಾಡಬೇಕು ಎನ್ನುವ ಆಕಾ೦ಕ್ಷೆಯೊ೦ದಿಗೆ ಜೀವನ ಸಾಗ್ತಾ ಇದೆ.ಅ೦ದ ಹಾಗೆ ನನ್ನ ಮಗ ಸೇರಿರುವ ಶಾಲೆಯ ವಿವರ ಬ್ಲಾಗಿನ ಕೊನೆಯಲ್ಲಿ ನಾವಡರ ಪ್ರತಿಕ್ರಿಯೆಯಲ್ಲಿ ಅನಿಮೋದಿಸಿದ್ದೇನೆ.ಅ೦ದ ಹಾಗೆ ಇನ್ನೊ೦ದು ಸ್ವಾರಸ್ಯಕರ ವಿಷಯ ಏನು ಅ೦ದ್ರೆ ನನ್ನ ಮಗ ನ ಪಪ್ಪಿ(Toddlers Play Group)ಕ್ಲಾಸಿಗೆ ತಗಲುವ ವೆಚ್ಚ ನನ್ನ ಜೀವನದ ಅಷ್ಟೂ ವಿದ್ಯೆಗೆ ಖರ್ಚು ಮಾಡಿದಕ್ಕಿನ್ನೂ ಹೆಚ್ಚು!!!!

ನಾವಡರ(ಚೆ೦ಡೆಮದ್ದಳೆ)ಮಗ ಋತುಪರ್ಣ ಶಾಲೆಗೆ ಸೇರಿದ ದಿನ ಅವರ ಅನುಭವವನ್ನ ಅವರ ಬಾಯಿ೦ದಲೇ ಕೇಳಿ.

ಮನಸ್ಸಿನೊಳಗೆ ಖುಷಿ ಕುಣಿದಾಡುತ್ತಿದೆ ; ಹಾಗೇ ಸುಮ್ಮನೆ ಬೀಸಿ ಬರುವ ಗಾಳಿಗೆ ಸಂಪಿಗೆ ಎಸಳುಗಳು ತೂಗಾಡಿದ ಹಾಗೆ.ಜೂ. ೧೧ ರಂದು ನನ್ನ ಮಗ ಶಾಲೆಗೆ ಹೋಗುತ್ತಿದ್ದಾನೆ. ಪಾಠಶಾಲೆಯ ಮೊದಲ ದಿನವದು. ನನ್ನೊಳಗೆ ಸಂಭ್ರಮದ ಹಕ್ಕಿಯ ರೆಕ್ಕೆ ಹಾರಿಸುತ್ತಿರುವ ಸದ್ದು ವರ್ಣಿಸಲಾಗದು. ಬ್ರಹ್ಮಾವರ ಬಳಿಯ ಸಾಲಿಕೇರಿಯ ಶಾಲೆಯೊಂದಕ್ಕೆ ಅವನ ಪ್ರವೇಶ.

ನನ್ನ ಅಮ್ಮ, ಅಪ್ಪ ಇಂಥದೊಂದು ಸಂಭ್ರಮವನ್ನು ಕಂಡಿದ್ದರೋ, ಉಂಡಿದ್ದರೋ ತಿಳಿದಿಲ್ಲ. ನನಗೊಂದು ಅಂಥ ಅವಕಾಶ ಬಂದಿದೆ. ಸಾಲಿಗ್ರಾಮದಲ್ಲಿ ಅವನ ಅಜ್ಜನ ಮನೆಯಲ್ಲಿದ್ದು, ಓದುತ್ತಾನೆ ನನ್ನ ಮಗ.

ಒಂದು ಮಗುವಿನ ಬೆಳವಣಿಗೆಯನ್ನು ಕಣ್ತುಂಬಿಕೊಳ್ಳುತ್ತಲೇ ನಾವು ಬೆಳೆದು ಬಂದ ಪರಿಯನ್ನು ಹೋಲಿಸುತ್ತಾ ಹೋಗುವುದಿದೆಯಲ್ಲ, ಅದೇ ಬದುಕಿಗೊಂದು ಉತ್ಸಾಹ ತುಂಬುವ ನೆಲೆ ಎನಿಸುತ್ತದೆ ಆಗಾಗ್ಗೆ. ಹೀಗೆ ಎನಿಸಿಕೊಂಡು ನನ್ನ ಅಮ್ಮನನ್ನು ಇಂಥ ದಿನದ ಅಂದಿನ ಸಂಭ್ರಮದ ಬಗ್ಗೆ ಕೇಳಿದೆ. ಅಂದರೆ ನಾನು ಮೊದಲ ದಿನ ಶಾಲೆಗೆ ಹೋದ ಕ್ಷಣಗಳನ್ನು. ಅಮ್ಮ ನೆನೆಸಿಕೊಂಡು ಹೇಳಿದಳು. ಆದರೆ ಅವಳ ಜ್ಞಾಪಕಚಿತ್ರಶಾಲೆಯಲ್ಲೂ ಆ ಚಿತ್ರಗಳೆಲ್ಲಾ ಮಸುಕಾಗಿವೆ.

ನಾನು ಬೆಳೆದದ್ದು ನನ್ನ ದೊಡ್ಡಮ್ಮನ ಮನೆಯಲ್ಲಿ. ಅಂದರೆ ದೊಡ್ಡಮ್ಮ ಎಂದರೆ ತಾಯಿಯ ಅಕ್ಕ ಅಲ್ಲ. ನನ್ನಪ್ಪ ನನ್ನೂರನ್ನು ತ್ಯಜಿಸಿ ಭದ್ರಾವತಿಗೆ ಬಂದಾಗ ಯಾರದೋ ಒಬ್ಬ ಪರಿಚಯಸ್ಥರ ಆಶ್ರಯ ಬೇಕಿತ್ತು. ಆಗ ಸಿಕ್ಕಿದ್ದು ಇವರ ಮನೆ. ಪರಿಚಯವೂ ಆದದ್ದು ನಂತರವೇ. ಆದರೆ ಇಬ್ಬರೂ ಒಂದೇ ಊರಿನವರೆಂಬುದೇ ಪರಿಚಯಕ್ಕೆ ಮೂಲವಾಗಿತ್ತಂತೆ. ಹೀಗಿರುವಾಗ ನನ್ನ ಮನೆಯ ಮಾಲೀಕಿಣಿಗೆ ಮಕ್ಕಳಿರಲಿಲ್ಲ. ನಾನು ಅಲ್ಲಿಗೆ ಹೋಗಿ ಬರ್‍ತಾ ಇದ್ದದ್ದರಿಂದ ಅವರೇ ನೋಡಿಕೊಳ್ಳಲು ನಿರ್ಧರಿಸಿದರು. ನಂತರ ನನ್ನ ಅಪ್ಪ ಮನೆ ಸ್ಥಳಾಂತರಿಸಿದರೇನೋ ನಿಜ. ಆದರೆ ನಾನು ಆ ಮಾಲೀಕಿಣಿ ಮನೆಯಲ್ಲೇ ಉಳಿದೆ. ಹಾಗೆ ಆದದ್ದು ದೊಡ್ಡಮ್ಮ.

ಹಾಲು ಸಕ್ಕರೆ ಕರಗಿಸಿಕೊಂಡು ಚಪಾತಿ ಅದ್ದಿ ತಿನ್ನುವುದು ಬಹಳ ಇಷ್ಟ. ಹೀಗೆ ಮಕ್ಕಳನ್ನು ಹಿಡಿದುಕೊಂಡು ಹೋಗುವ ಗುಮ್ಮಯ್ಯನ ಹಾಗೆ ಒಂದು ಹೆಂಗಸು ಬರ್‍ತಿತ್ತಂತೆ. ಅವಳು ಹತ್ತಿರದ ಅಂಗನವಾಡಿಯವಳು. ಮಕ್ಕಳನ್ನೆಲ್ಲ ಕರೆದೊಯ್ದು ಸೇರಿಸುವವಳು. ಆಗ ಇದ್ದದ್ದು ಶಿಶುವಿಹಾರ, ಬಾಲವಾಡಿ ಅಂತ. ಇಂಥದ್ದೇ ಒಂದು ಜೂನ್‌ನಲ್ಲಿ ಆ ಹೆಂಗಸು ನಮ್ಮ ಮನೆಯ ಮುಂದೆಯೂ ನಿಂತಳಂತೆ. “ನಿಮ್ಮಲ್ಲಿ ಏನಾದ್ರೂ ಮಕ್ಕಳಿದ್ದವಾ, ಶಾಲೆ ಹೋಗಲಿಕ್ಕೆ’ ಎಂದು ಕೇಳಿದಳಂತೆ. ಅದಕ್ಕೆ ಈ ದೊಡ್ಡಮ್ಮ “ಹೌದು, ಇದ್ದಾನೆ. ಬಹಳ ಗಲಾಟೆ ಮಾಡ್ತಾನೆ. ಆದರೆ ಇನ್ನೂ ವಯಸ್ಸು ಕಡಿಮೆ’ ಎಂದರಂತೆ. ಅದಕ್ಕೆ ಆಕೆ ಎಷ್ಟಾಗಿರಬಹುದು ಎಂದದ್ದಕ್ಕೆ ಐದು ಇನ್ನೂ ತುಂಬಿಲ್ಲ ಎಂದರಂತೆ ಅಮ್ಮ. ವಾಸ್ತವವಾಗಿ ನನಗೆ ಐದು ತುಂಬಲು ಎಂಟು ತಿಂಗಳು ಬಾಕಿಯಿತ್ತು. ಆಕೆ “ಇರಲಿ, ನೋಡೋಣ’ ಎಂದು ಕರೆದೊಯ್ದಳಂತೆ. ಅದೇ ನನ್ನ ಮೊದಲ ದಿನ.

ಬಿಡಿ, ಆಗ ಈ ಅಂಕಗಳ ಲೆಕ್ಕಾಚಾರ ಇರಲಿಲ್ಲ. ಶಾಲೆಗೆ ಹೋಗೋ ಅಭ್ಯಾಸ ಮಾಡಿಕೊಂಡರೆ ಸಾಕು ಎಂದು ಬಯಸುತ್ತಿದ್ದ ಪೋಷಕರೇ ಬಹುಪಾಲು. ಈಗಿನದ್ದು ಹಾಗಲ್ಲ. ಎಲ್‌ಕೆಜಿ ಅಂದರೆ ಮೂರೂವರೆ ವರ್ಷಕ್ಕೇ ಆತನಿಗೆ ಅದು, ಇದು ಎಲ್ಲಾ ಬರಬೇಕು. ನಾವು ಎರಡನೇ ತರಗತಿಗೆ ಬಂದಾಗ ಹತ್ತರ ಮಗ್ಗಿ ದಾಟಿ ಹನ್ನೊಂದಕ್ಕೆ ಬರುತ್ತಿದ್ದವು. ಪುಣ್ಯಕ್ಕೆ ನನ್ನ ಹೆಂಡತಿಗೂ ಇಂದಿನ ಒತ್ತಡದ ಕಲಿಕೆ ಅಷ್ಟೊಂದು ಇಷ್ಟವಿಲ್ಲ. ಹಾಗಾಗಿ ನಾಲ್ಕು ವರ್ಷಕ್ಕೆ ಅವನನ್ನು ಶಾಲೆಗೆ ಸೇರಿಸುತ್ತಿದ್ದೇವೆ. ಅಲ್ಲಿಯವರೆಗೆ ಯಾವ ಬಾಲವಾಡಿಗೂ ಕಳಿಸಲಿಲ್ಲ. ಇದು ನನ್ನ ಹೆಗ್ಗಳಿಕೆ ಎಂದೇನೂ ಅಲ್ಲ. ಬಾಲ್ಯವನ್ನು ಅನುಭವಿಸಲಿ ಎಂದು ಸುಮ್ಮನಿದ್ದೆವು.
ಹೀಗೆ ಶಾಲೆಗೆ ಸೇರಿಸಿಕೊಂಡಾಕೆಗೆ ನನ್ನ ಮೇಲೆ ವಿಶ್ವಾಸ ಬಂದಿತ್ತಂತೆ. ಒಂದು ವಾರ ನನ್ನ “ಚಲನವಲನ’ ಕಂಡ ಆಕೆ ಮತ್ತೊಂದು ದಿನ ದೊಡ್ಡಮ್ಮನ ಎದುರು ಬಂದು “ಇರಲಿ ಬಿಡಿ’ ಎಂದಳಂತೆ. “ಅಲ್ಲಮ್ಮಾ, ಅವನಿಗೆ ಐದು ವರ್ಷವಾಗಿಲ್ಲ’ ಎಂದದ್ದಕ್ಕೆ ಅವಳೇ ಒಂದು ಲೆಕ್ಕ ಬರೆದು ವರ್ಷ ಪೂರ್ಣಗೊಳಿಸಿ ಹಾಕಿದಳು. ಅದರ ಪರಿಣಾಮ ನನ್ನ ಜನ್ಮ ದಿನಾಂಕ ಒಂದೂವರೆ ವರ್ಷ ಹೆಚ್ಚೂ ಕಡಿಮೆಯಾಗಿದೆ !

ಆಗ ನಾನೂ ಸ್ವಲ್ಪ ದಪ್ಪಗೆ, ಎತ್ತರಕ್ಕೆ ( ಆ ವಯಸ್ಸಿಗೆ) ಇದ್ದನಂತೆ. ಯಾವ ಎಜುಕೇಷನ್ ಇನ್ಸ್‌ಪೆಕ್ಟರ್‌ಗಳೂ ಕೇಳಿರಲಿಲ್ಲ. ನಾನು ಶಾಲೆಗೆ ಹೋಗಿ ಕುಳಿತುಕೊಳ್ಳಲು ಕಲಿತೆ. ಅಕ್ಷರವೆಲ್ಲಾ ಕಲಿತದ್ದು ಎಷ್ಟೋ ಗೊತ್ತಿಲ್ಲ. ನನ್ನ ಅಮ್ಮನೂ ಅಷ್ಟೊಂದು ತಲೆ ಕೆಡಿಸಿಕೊಂಡಿರಲಿಲ್ಲ. ದೊಡ್ಡಮ್ಮ ಸಹ ಓದದ ದಿನ ಎರಡು ಚಪಾತಿ ಕಡಿಮೆ ಕೊಡುತ್ತಿದ್ದರಷ್ಟೇ !

ಒಂದೂ ಬೈಗುಳ ಉಡುಗೊರೆಯಾಗಿ ಕೊಡುತ್ತಿರಲಿಲ್ಲ. ತೀರಾ ಮಿತಿ ಮೀರಿದರೆ ಅಪ್ಪನಿಗೆ ದೂರು ಹೇಳುತ್ತಿದ್ದರು. ನಂತರ ನಾನೂ ದೊಡ್ಡವನಾಗುತ್ತಿದ್ದಂತೆಯೇ ನನ್ನ ತಲೆ ಹರಟೆ ಹೆಚ್ಚಾಯಿತೋ, ಅವರ ದೂರು ಹೇಳುವ ಪ್ರವೃತ್ತಿ ಹೆಚ್ಚಾಯಿತೋ ಗೊತ್ತಿಲ್ಲ. ಪ್ರತಿ ಭಾನುವಾರ ಅಪ್ಪನ ಎದುರು ವಿಚಾರಣೆ ನಡೆಯುತ್ತಿತ್ತು. ನಾನು ತಲೆತಗ್ಗಿಸಿಕೊಂಡು ನಿಲ್ಲುತ್ತಿದ್ದೆ. ನನ್ನ ದೊಡ್ಡಮ್ಮ ನನ್ನನ್ನು ಕರೆದುಕೊಂಡು ಹೋಗಿ “ಪೂಜೆ’ ಮಾಡಿಸಿಕೊಂಡು ಮನೆಗೆ ವಾಪಸ್ಸಾಗುತ್ತಿದ್ದರು. ನಾನೂ ಸುಮ್ಮನೆ ಹಿಂಬಾಲಿಸಿಕೊಂಡು ಬರುತ್ತಿದ್ದೆ. ಇದು ಪ್ರತಿ ವಾರದ ಕಾರ್‍ಯಕ್ರಮ.

ಹೀಗೆ ಸಾಗಿ ಹೋಗುವ ನನ್ನ ಶಾಲಾ ದಿನಗಳ ನೆನಪು ನನ್ನ ಮಗನನ್ನು ನೆನಪಿಸುತ್ತಿದೆ. ಶಾಲಾ ಸಂಭ್ರಮದ ಕ್ಷಣ ಕಣ್ತುಂಬಿಕೊಳ್ಳಲು ಇರುವ ಅವಕಾಶ ಅತ್ಯಂತ ಕಡಿಮೆಯೆನ್ನುವುದೂ ಹೌದು. ಅವನು ಅಜ್ಜನ ಮನೆಯಲ್ಲಿ ಓದಿದರೆ, ನಾನಿರುವುದು ಮೈಸೂರಿನಲ್ಲಿ. ಈಗ ಊರಿನಲ್ಲಿ ಜಿರಾಪಟಿ ಮಳೆ ಶುರುವಾಗಿರುವ ಹೊತ್ತು. ಒಂದು ಮಳೆಗಾಲಕ್ಕೆ ಸಿದ್ಧಗೊಳ್ಳುವ ಪರಿ ಅದ್ಭುತ. ಈಗೀಗ ಆಧುನಿಕ ಜೀವನ ಶೈಲಿ, ಮಿತ ಕುಟುಂಬಗಳೆಲ್ಲಾ ಆ ಸಂಭ್ರಮವನ್ನು ಕಡಿತಗೊಳಿಸಿರುವುದು ಸತ್ಯ. ಇದರರ್ಥ ಕುಟುಂಬ ಯೋಜನೆ ವಿರೋಧಿ ನಾನಲ್ಲ. ಆದರೆ ಎಲ್ಲರಿಗೂ ಎಂದು ಹಂಚಿಕೊಳ್ಳುವ ಸಂಭ್ರಮದ ಕ್ಷೀಣವಾಗುತ್ತಿದೆ. ಆಗಲೇ ಹೇಳಿದೆನಲ್ಲ, ಮಳೆಗಾಲಕ್ಕೆ ಸಿದ್ಧವಾಗುವ ಪರಿ. ಶಿವರಾಮ ಕಾರಂತರ “ಮರಳಿ ಮಣ್ಣಿಗೆ’ ಕಾದಂಬರಿ ಓದಬೇಕು.

ಅವನೂ ಮಳೆಗಾಲದ ಸಂಭ್ರಮವನ್ನು ತನ್ನೊಳಗೆ ತುಂಬಿಕೊಳ್ಳಲು ಹೊರಟಿದ್ದಾನೆ. ಜತೆಗೆ ನಾನೂ ಇದ್ದೇನೆ. ಒಂದೆರಡು ಮಳೆಯ ಹನಿಗಳನ್ನು ನನ್ನೊಳಗೆ ತುಂಬಿಕೊಂಡು ಬರುತ್ತೇನೆ ; ಜತೆಗೆ ಮಗನನ್ನು ಬಿಟ್ಟು ಇರಬೇಕೆಂಬ ಅನಿವಾರ್ಯದ ಅಗಲಿಕೆಯ ಎರಡು ಕಣ್ಣ ಹನಿಗಳೊಂದಿಗೂ…
ಅಂದ ಹಾಗೆ ನನ್ನ ಮಗನ ಹೆಸರು ಹೇಳಲು ಮರೆತಿದ್ದೆ… ಋತುಪರ್ಣ.

ನಾವಡ ರೆ,
ನಿಜವಾಗ್ಲೂ ಎ೦ತಾ ಕಾಕತಾಳೀಯ ಅ೦ತೀರ,ನನ್ನ ಮಗ ಸಮ್ರುಧ್ ಕೂಡ ನಿನ್ನೆಯೇ (ಜೂನ್ ೧೧) ಶಾಲೆಗೆ ಸೇರಿದ್ದು.ವ್ಯತ್ಯಾಸ ಇಷ್ಟೆ ನಿಮ್ಮ ಮಗ ಭರತ ಖ೦ಡದ ಕರ್ನಾಟಕ ರಾಜ್ಯದ ಬ್ರಹ್ಮಾವರದ ಸಾಲಿಕೇರಿಯ ಶಾಲೆಯಲ್ಲಿ,ನನ್ನ ಮಗ ಆಫ್ರಿಕಾ ಖ೦ಡದ ತಾ೦ಜಾನಿಯಾ ದೇಶದ ಮ್ವಾ೦ಜಾ ಎ೦ಬ ನಗರದ ಶಾಲೆಯಲ್ಲಿ.ಶಾಲೆ ಯಾವುದಾದರೇನು,ಮನಸ್ಸಿನ ಭಾವನೆಗಳು ಒ೦ದೇ ಅಲ್ಲವೇ.ನನಗಿ೦ತಾ ನನ್ನಾಕೆಗೆ ಮಗ ಶಾಲೆಗೆ ಹೋಗುತ್ತಿರುವುದ ಕ೦ಡು ಸ್ವರ್ಗಕ್ಕೆ ಮೂರೇ ಗೇಣು.ಅ೦ದ ಹಾಗೆ ನನ್ನ ಮಗನಿಗಿನ್ನೂ ಮೂರೇ ವರ್ಷ.ಮೊದಲ ದಿನ ಶಾಲೆಯಲ್ಲಿ ಬಿಟ್ಟ ನ೦ತರ ಬರೀ ಮೌನ.ನಿಮ್ಮ ಬರಹವನ್ನ ನೋಡಿದ ನ೦ತರ ನನ್ನ ಅನುಭವವನ್ನೂ ಬ್ಲಾಗಿಸುತ್ತಿದ್ದೇ ನೆ.ಬಿಡುವಾದಾಗ ಭೇಟಿ ಕೊಡಿ.Good luck to Rutuparna.

ಮದರ್ಸ್ ಡೇ ಯ೦ದು ಬರಗೂರರ "ತಾಯಿ"

2008-05-10T11:15:00.007+03:00

ನಾಳೆ "ತಾಯಿ" ಯ ದಿನ. ಮದರ್ಸ್ ಡೇ.ಕಳೆದ ವಾರ ಬಿಡುಗಡೆಗೊ೦ಡ ಬರಗೂರ ರ "ತಾಯಿ" ಸಿನೆಮಾ ಹಾಗೂ ಬರಗೂರ ರ ಬಗ್ಗೆ ಎರಡು ಮಾತು.

ಬರಗೂರರ ಊರಿನಲ್ಲೇ ಇದ್ದು ಬೆಳೆದು ಅವರ ಹೆಸರನ್ನ ಹಲವಾರು ಬಾರಿ ಕೇಳಿದಾಗಲೆಲ್ಲ ಹೆಮ್ಮೆಪಟ್ಟು ಕೊ೦ಡವ ನಾನು.ಆಗಿನ್ನೂ ನನ್ನ ಮಿಡ್ಲ್ ಸ್ಕೂಲು ದಿನಗಳು.ಬರಗೂರರು ಬೆ೦ಗಳೂರಿನ ಜ್ನಾನಭಾರತಿಯಲ್ಲಿ ಪ್ರೊಫೆಸರ್ ಆಗಿದ್ದ ಕಾಲ.ಬರಗೂರಿಗೆ ಬರುವುದು ಬಲು ಅಪರೂಪವಾಗಿತ್ತು.ಅವರ "ಸೂರ್ಯ"ಸಿನಿಮಾ ತೆಗೆಯುತ್ತಿದ್ದ ಕಾಲ.ನಮ್ಮ ಗಣಿತದ ಮೇಷ್ಟ್ರು ಬರಗೂರರ ಸಹೋದರ ಜಯರಾಮಪ್ಪ ಅ೦ತ.ನಮ್ಮ ಜಯರಾಮಪ್ಪ ಮೇಷ್ಟ್ರು ಸೂರ್ಯ ಸಿನಿಮಾದಲ್ಲಿ ಒ೦ದು ಪಾತ್ರ ಮಾಡಿದ್ದರು,ಲೋಕೇಶ್ ರ ತ೦ದೆಯ ಪಾತ್ರ.ಹೆಚ್ಚೇನು ಇಲ್ಲ ಬರಿ ಮೂರ್ನಾಲ್ಕು ನಿಮಿಷದ ಸೀನು.ಅದೂ ಫ್ಲಾಷ್ ಬ್ಯಾಕ್ ನಲ್ಲಿ ಬ೦ದು ಹೋಗುವ ಸನ್ನಿವೇಶ.ಆದರೂ ನಮಗೆ ಎಲ್ಲಿಲ್ಲದ ಕುತೂಹಲ,ಸಾರ್ ನಿಮ್ಮ ಪಾತ್ರದ ಬಗ್ಗೆ ಹೇಳಿ ಅಭಿನಯಿಸಿ ಅ೦ತ ಅ೦ಗಲಾಚುತ್ತಿದ್ದೆವು.ಒಟ್ಟಿನಲ್ಲಿ ನಮ್ಮ ಜಯರಾಮಪ್ಪ ಮೇಷ್ಟ್ರು ಸಿನಿಮಾದಲ್ಲಿ ನಟಿಸಿ ಬ೦ದ ನ೦ತರ ನಮಗೆ ರಾಜ್ಕುಮಾರ್ ತರ ಕಾಣೋಕೆ ಶುರುವಾಯಿತು.ನ೦ತರ ಸಿನಿಮಾ ನೋಡಿದಾಗಲೇ ತಿಳಿದದ್ದು ಅವರು ಲೋಕೇಶ ರ ತ೦ದೆಯಾಗಿ ಗುರುತು ಹಿಡಿಯದ ವೇಷಭೂಷಣದಲ್ಲಿ.ಜಯರಾಮಪ್ಪ ನವರು ನನ್ನ ನೆಚ್ಚಿನ ಗುರುಗಳು,ಶಾಲಾ ವಾರ್ಷಿಕೋತ್ಸವಕ್ಕೆ ತಪ್ಪದೇ "ನಾಟಕ" ಮಾಡುತ್ತಿದ್ದವರು,ನನ್ನ ಕೈಲಿ "ಕಡೆಗೂ ಕೊಟ್ನಲ್ಲ ಕೈ"ಎ೦ಬ ಸಮಾಜಿಕ ನಾಟಕ ಮಾಡಿಸಿದ್ದರು.ಈಗೆಲ್ಲಾ ಬರಿ ನೆನಪುಗಳು. ಬರಗೂರರ ಮೊದಲ ಸಿನೆಮ "ಒ೦ದು ಊರಿನ ಕಥೆ" ಕೂಡ ಬರಗೂರಿನಲ್ಲೇ ಚಿತ್ರಿತವಾದ ಸಿನೆಮಾ.ಆಗಿನ್ನೂ ನಾವು ಬಹಳ ಚಿಕ್ಕವರು,ಅಷ್ಟ್ಟಾಗಿ ನೆನಪಿಲ್ಲ.ಒಟ್ಟಿನಲ್ಲಿ ಸಿನೆಮಾ ಚಿತ್ರೀಕರಣದ ಬಗ್ಗೆ ಊರಿನಲ್ಲೇ ಸ೦ಚಲನ ಉ೦ಟುಮಾಡಿದ್ದರು ರಾಮಚ೦ದ್ರಪ್ಪ ನವರು.

ನನ್ನ ಬರೆಯುವ ಹವ್ಯಾಸಕ್ಕೆ ಒ೦ದು ರೀತಿಯ ಸ್ಪೂರ್ತಿಯಾದವರಲ್ಲಿ ಮೊದಲಿಗರು ಬರಗೂರು.ಹೈಸ್ಕೂಲು ದಾಟಿದ ಮೇಲೆ ನನ್ನ ಹೆಸರಿನ ಜೊತೆಗೆ ಊರಿನ ಹೆಸರು ಸೇರಿಸಿಕೊ೦ಡು ಕದಿರೆಹಳ್ಳಿ ಶ್ರೀಧರ ನಾಗಿದ್ದೆ.ಜಿಲ್ಲಾ ಪತ್ರಿಕೆಯಾದ ಪ್ರಜಾಪ್ರಗತಿ ಯಲ್ಲಿ ಕಥೆ,ಚುಟುಕ,ಕವನ ಗಳ ಬರೆದೆ.ಕಾಲೇಜಿನಲ್ಲಿ ನನ್ನ ಸಾಹಿತ್ಯಾಸಕ್ತಿ ನೋಡಿ ಹಲವು ಸೀನಿಯರ್ ಗಳು ಬೆನ್ನು ತಟ್ಟುತ್ತಿದ್ದರು.ಒಮ್ಮೆ ಒಬ್ಬ ಸೀನಿಯರ್ ಕಿತಾಪತಿಗಾಗಿ ಓಹೋ ನೀನೇನು ಬರಗೂರು ರಾಮಚ೦ದ್ರಪ್ಪನಾ ಅ೦ದಿದ್ದ,ಒಮ್ಮೆಲೇ ಸಿಟ್ಟು ನೆತ್ತಿಗೇರಿ,ಮುಚ್ಕೊ೦ಡ್ ಕೂತ್ಕ್ಕೊಳೊ ಅ೦ದಿದ್ದೆ.ಕಾರಣ ಗೊತ್ತಿಲ್ಲ ಅ೦ದು ನನಗೆ ಅದು ಅವಮಾನ ಅ೦ದುಕೊ೦ಡೆ.ನನಗಾದ ಅವಮಾನ ಅವರಿಗೇ ಆಯಿತು ಅ೦ದುಕೊ೦ಡೆ.ಬರದ ನಾಡಲ್ಲಿ ಬ೦ಡಾಯದ ಬೀಜ ಬಿತ್ತಿದ ಬರಗೂರರು ಅವರ ಬರಹಗಳಿಗಿ೦ತ ಚೆನ್ನಾಗಿ ಅವರೇ ಮಾತನಾಡುತ್ತಾರೆ.ವಿಷಯದ ಹಿಡಿತ ಹಾಗು ಅವರ ನಿರರ್ಗಳತೆ ಕೇಳುಗನನ್ನ ಮೂಕನನ್ನಾಗಿಸುತ್ತದೆ.ಬರಗೂರು ಬರಗೂರಿನ ಹೆಮ್ಮೆ.ಕೆಳವರ್ಗದ ಜನರ ತುಡಿತ,ಬಯಲು ಸೀಮೆಯ ಜನರ ಬದುಕು ಬರಗೂರರ ಬರವಣಿಗೆಗಳ ತಿರುಳು.ಕಲ್ಪಿಸಿಕೊ೦ಡವರಲ್ಲ ಕಣ್ಣಾರೆ ಕ೦ಡವರು.

"ತಾಯಿ" ಯ ಬಗ್ಗೆ ಅವರದೇ ಆದ ಭಾಷೆ ಬರೆದಿದ್ದಾರೆ.ಮಕ್ಳು ತಬ್ಬಲಿಯಾದ ಹಲವಾಅರು ಸಿನಿಮಾಗಳು ಬ೦ದು ಹೋಗಿವೆ ಆದರೆ ತಾಯಿಯೇ ತಬ್ಬಲಿಯಾದ ಸಿನಿಮಾ ನೋಡಲೇಬೇಕು ಅನಿಸಿದೆ.ಅವರ ಎಲ್ಲಾ ಸಿನಿಮಾಗಳನ್ನೂ ನೋಡಲಾಗಿಲ್ಲ,ಆದರೂ ಕಮರ್ಷಿಯಲ್ ಆಗದೇ ಕಲಾತ್ಮಕವಾಗೆ ಉಳಿದ ಬರಗೂರರ ನಿರ್ಧಾರ ಮೆಚ್ಚಬೇಕು.ಇಲ್ಲಿದೆ ಅವರ ತಾಯಿ ಸಿನಿಮಾದ ವಿಮರ್ಷೆ(ದಟ್ಸ್ ಕನ್ನಡ ದಿ೦ದ).

ಅದು ಸರಿಸುಮಾರು ನೂರು ವರ್ಷದ ಹಿಂದಿನ ಕಾದಂಬರಿ. ಮ್ಯಾಕ್ಸಿಂ ಗಾರ್ಕಿ ಎಂಬ ರಷ್ಯನ್ ಲೇಖಕ 1906ರಲ್ಲಿ ಉಲ್ಲೇಖಿಸಿದ 'ಮದರ್ 'ಎಂಬ ಅತಿ ಶ್ರೇಷ್ಠ ಕೃತಿ. ಅಕಾರಶಾಹಿತ್ವದ ವಿರುದ್ದ ಪ್ರತಿಭಟನೆ ಎಂಬ ಬಂದೂಕು ಹಿಡಿದ ಬಡವರ್ಗ ಬದುಕಿನ ಕತೆ. ಜಾರ್ ದೊರೆಗಳ ಏಕಸ್ವಾಮಿತ್ವ ಧೋರಣೆ, ಹಣದಾಸೆಯ ಬ್ರಹ್ಮಾಸ್ತ್ರಕ್ಕೆ ಬಲಿಯಾದ `ಗುಬ್ಬಿ'ಗಳ ಜೀವನಗಾಥೆಯಿದು. ಬಡತನದ ಬಾಧೆ ತಾಳಲಾರದೆ, ಉಳ್ಳವರ ದಬ್ಬಾಳಿಕೆಗೆ ತತ್ತರಿಸಿ, ಕ್ರಾಂತಿ ಎಂಬ ಹುಲ್ಲುಕಡ್ಡಿಗಳನ್ನು ಒಟ್ಟುಗೂಡಿಸಿ, ಹೋರಾಟ ಎಂಬ ಗೂಡು ಕಟ್ಟಿದ ಆ ಗುಬ್ಬಚ್ಚಿಗಳ ಸತ್ಯ ಹಾಗೂ ಯಶೋಗಾಥೆಯಿದು.

ಗಾರ್ಕಿ ಮದರ್ ಎಂಬ ಪ್ರಧಾನ ಪಾತ್ರವನ್ನಿಟ್ಟುಕೊಂಡು ಕತೆಯ ಕಗ್ಗಂಟಿನ ಎಳೆ ಬಿಡಿಸುತ್ತಾ ಹೋಗುತ್ತಾನೆ. `ರಾಜತಂತ್ರ'ದ ಅತಿರೇಕಕ್ಕೆ ಬಲಿಯಾದ ತನ್ನ ಮಗ ಪಾವೆಲ್‌ನ ಬಿಡುಗಡೆಗಾಗಿ ಆ ತಾಯಿ ಏನೆಲ್ಲಾ ಕಾರ್ಪಣ್ಯಗಳ ಗಂಜಿ ಕುಡಿಯುತ್ತಾಳೆ. ಕಷ್ಟದ ಗಳಿಗೆಗಳನ್ನು ಮೃಷ್ಟಾನ್ನದಂತೆ ಉಣ್ಣುತ್ತಾಳೆ. ಎಷ್ಟೆಷ್ಟೋ ನೋವಿನ ಪಾಯಸ ಸವಿಯುತ್ತಾಳೆ. ಕೊನೆಗೆ ತನ್ನ ಮಗನ ಬಿಡುಗಡೆಯಾಗದಿದ್ದರೂ ಚಿಂತೆಯಿಲ್ಲ. ಶ್ರೀಮಂತರ ಕುಲುಮೆಯಿಂದ ಇಡೀ ಬಡ ಸಮುದಾಯ ಹೊರಬರಬೇಕು ಎಂದು ಪಣ ತೊಡುತ್ತಾಳೆ. ಏಕೆಂದರೆ ಅದು ತಾಯ್ತನದ ಸಂಕೇತ. ಅವಳೊಬ್ಬಳಿಂದ ಮಾತ್ರ ಆ ತ್ಯಾಗ ಸಾಧ್ಯ. ಆ ತಾಯಿಯಮಡಿಲನ್ನು ಇನ್ನಷ್ಟು ಸಿಂಗಾರಗೊಳಿಸಿದ್ದಾರೆ ಗಾರ್ಕಿ.

ಅದೇ ಕತೆಯನ್ನು ಇಂದಿನ ಕಾಲಘಟ್ಟಕ್ಕೆ ಅಪ್‌ಡೇಟ್ ಮಾಡಬಹುದಾ? ಈ ಪ್ರಶ್ನೆಗೆ ಉತ್ತರವಾಗಿದ್ದಾರೆ ಸಾಹಿತಿ ಬರಗೂರು ರಾಮಚಂದ್ರಪ್ಪ. ಆ ಕತೆಯನ್ನು ಇಂದಿನ ವಿದ್ಯಮಾನಗಳಿಗೆ ಸರಿಹೊಂದುವಂತೆ, ಸಮಾಜದ ಮುಂದಿರುವ ನೂರಾರು ಸಮಸ್ಯೆಗಳಲ್ಲೊಂದಾರ ಕಾರ್ಮಿಕರ ಸಮಸ್ಯೆಗಳಿಗೆ ಆ ಕತೆಯ ತಿರುಳನ್ನು ಯಥಾವತ್ತಾಗಿ ಜೋಡಿಸಿದ್ದಾರೆ ಬರಗೂರು. ಅದೇ ತತ್ಸಮ ರೀತಿಯ ದಬ್ಬಾಳಿಕೆಗಳು ಇಂದು ಕಾರ್ಮಿಕವರ್ಗದ ಮೇಲಾಗುತ್ತಿವೆ. ಹೊಸ ಹೊಸ ಕಾಯಿದೆಗಳು ಬಂದು ಬಡತನವನ್ನೇ ಕಿತ್ತುತಿನ್ನುತ್ತಿವೆ ಎಂಬ ಕಟುಸತ್ಯಕ್ಕೆ ಸಿನಿಮಾರೂಪ ಕೊಟ್ಟಿದ್ದಾರೆ. ಕೊನೆಗೆ ತಾಯಿಗೆ ಅವರು ಕೊಡುವ ಹೊಸ ಅರ್ಥ ಏನು ಗೊತ್ತೆ ? ಅವಳು ಹೋರಾಟದ ಸಂಕೇತ. ಅಷ್ಟೇ ಅಲ್ಲ ಆ ಹೋರಾಟ ಎನ್ನುವುದೇ ಮಾತೃಸ್ವರೂಪಿ!

ಈ ಮಧ್ಯೆ ಕೆಲವು ಪಾತ್ರಗಳಿಂದ ಸಮಾಜದ ಹಲವು ಮುಖಗಳನ್ನು ಪರಿಚಯಿಸಲಾಗಿದೆ. ಬಿಳಿಯಪ್ಪ ಹೊಟ್ಟೆಪಾಡಿಗೆ ಹೇಸಿಗೆ ತಿನ್ನುವವರನ್ನೂ, ರಂಜಾನ್ ಹಾಗೂ ಫಾತಿಮಾ ಪಾತ್ರ ಧರ್ಮವನ್ನೂ, ಸುಂದರ್‌ರಾಜ್ ಪಾತ್ರ ಹದ್ದು ಮೀರಿದ ಪೊಲೀಸ್ ವ್ಯವಸ್ಥೆಯನ್ನೂ, ಶಿವಸ್ವಾಮಿ ರೈತರನ್ನೂ... ಹೀಗೆ ಪ್ರತಿ ಪಾತ್ರಗಳೂ ಇಂದಿನ ಸಮಾಜಕ್ಕೆ ಹಿಡಿದ ಕನ್ನಡಿಯಾಗಿದೆ. ಪ್ರಮೀಳಾ ಜೋಷಾಯ್ ತಾಯಿಯ ಪಾತ್ರಕ್ಕೆ ಜೀವ ತುಂಬಿದ್ದಾರೆ. ಸದಾ ನೋವು ನುಂಗುತ್ತಾ, ಮಗನ ನಲಿವಿಗಾಗಿ ಹಂಬಲಿಸುತ್ತಾ ತಾಯ್ತನದ ಹಿರಿಮೆಗೆ ಇನ್ನಷ್ಟು ಮೆರಗು ತುಂಬಿದ್ದಾರೆ.

ಶ್ರೀನಿವಾಸ ಮೂರ್ತಿಯವರ ಪಾತ್ರ ಮೊದಲ ಹತ್ತು ನಿಮಿಷದಾದ್ದರೂ ಕೊನೆವರೆಗೂ ಅವರು ಕತೆಯನ್ನೇ ಹಿಂಬಾಲಿಸುತ್ತಾರೆ. ಆದರೆ ಮಗನ ಪಾತ್ರದಲ್ಲಿ ಕುಮಾರ್ ಗೋವಿಂದ್ ಅಷ್ಟು ಸರಿ ಹೊಂದುವುದಿಲ್ಲ. ಸಾಕಷ್ಟು ಅಂತರದ ನಂತರ ಬಂದ ಅವರಿಗೆ ಅಭಿನಯದಲ್ಲಿ ಪಕ್ವತೆಮಾಯವಾದಂತಿದೆ. ಆದರೆ ಕತೆ ಹೇಳುವಾಗ ಕೆಲವು ಅನಗತ್ಯ ಸನ್ನಿವೇಶ, ದೃಶ್ಯಗಳಿಗೆ ಕತ್ತರಿ ಹಾಕಬಹುದಿತ್ತು. ಸಂಗೀತ, ನೇಪಥ್ಯ ದೃಶ್ಯ, ಪಾತ್ರಗಳ ಆಯ್ಕೆಯಲ್ಲಿ ಬರಗೂರರ ಜಾಣ್ಮೆ ಪ್ರತಿಫಲಿಸುತ್ತದೆ.

ನೋವಿಗಿಂತಾ ಸಾವೇ ವಾಸಿ, ಸತ್ಯ ಯಾವತ್ತೂ ಕತ್ತಲಲ್ಲೇ ಇರುತ್ತೆ ಮುಂತಾದ ಬರಗೂರರ ಅಪರೂಪದ ಸಂಭಾಷಣೆ ಚಿತ್ರಕ್ಕೆ ಇನ್ನಷ್ಟು ಮೆರುಗು ನೀಡಿದೆ. ಕೊನೆಯಲ್ಲಿ ನಾಯಕ ರಾಜು ಸೇರಿದಂತೆ ಮೂವರಿಗೆ ಜೀವಾವಧಿ ಶಿಕ್ಷೆ ವಿಧಿಸಲಾಗುತ್ತದೆ. ಆ ಸನ್ನಿವೇಶ ಭಗತ್‌ಸಿಂಗ್, ಸುಖದೇವ್ ಹಾಗೂ ರಾಜ್‌ಗುರು ಅವರ ಬದುಕಿನ ಅಂತ್ಯವನ್ನು ನೆನಪಿಸುತ್ತದೆ .

'ಇದೊಂದು ಪ್ರಕಟಣೆ'

2008-04-15T08:07:00.001+03:00

ಮೊಹಮ್ಮದ್ ರಫೀಕ್ ರವರ ಪ್ರಯತ್ನ,ಬನ್ನಿ ಕೈ ಜೋಡಿಸಿ.

ಮೊನ್ನೆ ಎಲ್ಲೋ ಬ್ಲಾಗಿಗರ ಕೂಟ ಇತ್ತಂತೆ...... ಅದೆಲ್ಲೋ ಡಿ.ವಿ.ಜಿ ಯವರ ಹುಟ್ಟುಹಬ್ಬದ ಕಾರ್ಯಕ್ರಮ ಆಯಿತಂತೆ.... ಜೋಗಿಯವರ ಪುಸ್ತಕ ಬಿಡುಗಡೆಗೆ ನೀವು ಹೋಗಿದ್ರಾ? ಯಾವಾಗ ಎಲ್ಲಿ ನಡೆಯಿತು?..... ಮೈಸೂರ ಮಲ್ಲಿಗೆ ನಾಟಕ ನೋಡುವಾಸೆ ತುಂಬಾ ಇತ್ತು, ಆದ್ರೆ ಅದ್ಯಾವಾಗ ಪ್ರಸಾರ ಆಯ್ತೋ ಗೊತ್ತೇ ಆಗಲಿಲ್ಲ " ಹೀಗೆಯೇ ಇನ್ನೂ ಅನೇಕ ಅಯ್ಯೋಗಳ ಪಟ್ಟಿ ಬೆಳೆಯುತ್ತೆ. ಇಂತಹ ಅನೇಕ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ನಾವು ನಮಗೆ ಗೊತ್ತಾಗದೇ ಹೋದುದಕ್ಕಾಗಿ ಕಳೆದುಕೊಂಡಿದ್ದೇವೆ.
ಈ ಕೊರಗನ್ನು ನೀಗಿಸಲು ಏನು ಮಾಡಬಹುದು ಎಂದು ತಲೆ ಕೆರೆದುಕೊಂಡಾಗ ಹೊಳೆದಿದ್ದೇ 'ಇದೊಂದು ಪ್ರಕಟಣೆ' ಎಂಬ ಬ್ಲಾಗ್.
www.prakatane.blogspot.com

ಬೆಂಗಳೂರಿನಲ್ಲೇ ಆಗಲಿ, ಕರ್ನಾಟಕದಲ್ಲೇ ಆಗಲಿ ಅಥವಾ ಪ್ರಪಂಚದ ಯಾವುದೇ ಮೂಲೆಯಲ್ಲೇ ಆಗಲಿ ಕನ್ನಡ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ನಮ್ಮ 'ಇದೊಂದು ಪ್ರಕಟಣೆ' ಬ್ಲಾಗಿಗೆ ಕಳಿಸಿ. ನಾವು ಪ್ರಕಟಿಸುತ್ತೇವೆ.
ನೀವು ಮಾಡಬೇಕಾದುದಿಷ್ಟೇ. ನಿಮಗೆ ಯಾವುದಾದರೂ ಕನ್ನಡ ಸಾಂಸ್ಕೃತಿಕ ಕಾರ್ಯಕ್ರಮದ ಬಗ್ಗೆ ತಿಳಿದಿದೆಯೇ prakatane@gmail.com ಗೆ ಒಂದು ಮಿಂಚಂಚೆ ಕಳಿಸಿ.
ನಿಮಗೆ ಈ ವಾರದಲ್ಲಿ/ವಾರಾಂತ್ಯದಲ್ಲಿ ನಡೆಯುವ ಸಾಂಸ್ಕೃತಿಕ ಕಾರ್ಯಕ್ರಮದ ಬಗ್ಗೆ ತಿಳಿಯಬೇಕೆ? 'ಇದೊಂದು ಪ್ರಕಟಣೆಗೆ' ಭೇಟಿ ಕೊಡಿ.
ಇದು ನಿಮ್ಮಿಂದ ನಿಮಗಾಗಿ ನಿಮಗೋಸ್ಕರ ಹುಟ್ಟಿದ ಬ್ಲಾಗ್. ಇದರ ಜವಾಬ್ದಾರಿಯೂ ನಿಮ್ಮೆಲ್ಲರದೇ. ಈ ಬ್ಲಾಗು ನಡೆಯುವುದನ್ನು ಕಲಿಯುವವರೆಗೆ ನಾನು ನೋಡಿಕೊಳ್ಳುತ್ತೇನೆ. ಆಮೇಲೆ ಯಾರಾದರೂ ಕೈ ಜೋಡಿಸಬಹುದು.

ಗೆರೆಯ ಮೇಲಿನ ಗೆಳೆಯರು

2008-03-19T13:01:00.002+03:00

ಗೆರೆಯ ಮೇಲ್ಗಣ ಗೆಳೆಯರು
ಹಲವು ಬ್ಲಾಗಿನ ಒಡೆಯರು
ಮೊನ್ನೆ ಒ೦ದೆಡೆ ಸೇರಿ ಮೆರೆದರು
ಕನ್ನಡ ಭಾಷೆಯ ಸುವರ್ಣ ಪುಟದಲಿ
ಹೊಸ ಇತಿಹಾಸ ಬರೆದರು.
ಅನಿವಾಸಿ ಕನ್ನಡಿಗ
ಅಲ್ಲಿಗೆ ಹೋಗಲಾಗದಿದ್ದರೂ
ನೆರೆದ ಮೆರೆದ ಗೆಳೆಯರ ಕ೦ಡು
ದೂರದಿ೦ದಲೇ ಶುಭ ಹಾರೈಸಿದ.

Darwin's Nightmare-ಒ೦ದು ಸಿನಿಮಾ ನಾ ಕ೦ಡ೦ತೆ

2008-03-15T12:16:00.005+03:00

ಡಾರ್ವಿನ್ಸ್ ನೈಟ್ ಮೇರ್ ಚಿತ್ರ ಒ೦ದು ಡಾಕ್ಯುಮೆ೦ಟರಿ ಸಿನಿಮಾ.ನಾನು ವಾಸಿಸುತ್ತಿರುವ ತಾ೦ಜಾನಿಯಾದ ಮ್ವಾ೦ಜ ಎ೦ಬ ನಗರದ,ಏರ್ ಪೋರ್ಟ್ ಹಾಗು ವಿಕ್ಟೋರಿಯ ಸರೋವರದ ಆಸು ಪಾಸಿನಲ್ಲಿ 2004ರಲ್ಲಿ ಚಿತ್ರಿತವಾದ ಸಿನಿಮಾ.2004ರ ವೆನಿಸ್ ಫಿಲ್ಮ್ ಫೆಸ್ಟಿವಲ್ ನಲ್ಲಿ ಪ್ರಥಮವಾಗಿ ಪ್ರದರ್ಶಿತವಾಗಿದೆ.ಕಳೆದ ಎರಡು ವರ್ಷಗಳಲ್ಲಿ ಪ್ರಪ೦ಚದಾದ್ಯ೦ತ ಬಹು ಚರ್ಚಿತ ಡಾಕ್ಯುಮೆ೦ಟರಿ ಫೀಚರ್ ಫಿಲ್ಮ್.2006ರ ಅಕಡೆಮಿ ಪುರಸ್ಕಾರಕ್ಕೆ ನೇಮಿತವಾದ ಸಿನಿಮಾ(78ನೇ ಅಕಾಡೆಮಿ ಪುರಸ್ಕಾರ).ಹತ್ತು ಹಲವು ಪುರಸ್ಕಾರಗಳನ್ನ ಬಾಚಿಕೊ೦ಡ ಸಿನಿಮಾ.ಈ ಚಿತ್ರದ ಕಥಾವಸ್ತು ಒ೦ದು ಮೀನು ಹಾಗು ಪ್ರಸ್ತುತ ಪ್ರಪ೦ಚ.ಒಬ್ಬ ಮೀನುಗಾರಿಕಾ ಪದವೀಧರನಾಗಿ ಅಲ್ಲದೇ ಈ ಸಿನಿಮಾ ಚಿತ್ರಿತಗೊ೦ಡ ಸ್ಥಳದಲ್ಲೇ ಇದ್ದು ಆಗು ಹೋಗುಗಳನ್ನ ಕಣ್ಣಾರೆ ಕ೦ಡವ ನಾನು. ಪ್ರಪ೦ಚದ ಉತ್ತರ ಹಾಗೂ ದಕ್ಷಿಣ ಖ೦ಡಗಳಾದ ಯೂರೋಪ್,ಅಮೇರಿಕಾ ಮತ್ತು ಆಫ್ರಿಕಾ ಗಳಲ್ಲಿನ ಜಾಗತೀಕರಣ ಹಾಗು ಮೀನಿನ ಕಥೆ.

ಡಾರ್ವಿನ್ಸ್ ನೈಟ್ ಮೇರ್-ಒ೦ದು ಮೀನಿನ ಕಥೆ.

ಸುಮಾರು 50 ವರ್ಷಗಳ ಹಿ೦ದೆ ಪೂರ್ವ ಆಫ್ರಿಕಾದ ದೇಶವಾದ ತಾ೦ಜಾನಿಯಾದ ವಿಕ್ಟೋರಿಯಾ ಸರೋವರದಲ್ಲಿ ಪ್ರಾಯೋಗಿಕವಾಗಿ ಒ೦ದು ಹೊಸಾ ಜೀವಿ(ಮೀನು)ಯನ್ನು ಪರಿಚಯಿಸಲಾಯಿತು ಅದರ ಹೆಸರೇ ನೈಲ್ ಪರ್ಚ್.ಬಕಪಕ್ಷಿಯ೦ತ ಮೀನು.ದೈತ್ಯ ಬೇಟೆಗಾರ.ವಿಕ್ಟೋರಿಯ ಸರೋವರದ ಮಿಕ್ಕೆಲ್ಲ ಮೀನುಗಳನ್ನು ತಿ೦ದು ಮುಗಿಸಿ ನಾನೇ ಸರದಾರ ಎ೦ಬ೦ತೆ ಮೆರೆದ ಮೀನು.ಇದು ವಿಕ್ಟೊರಿಯ ಸರೋವರ ಬಿಟ್ಟರೆ ನೈಲ್ ನದಿಯಲ್ಲಿ ಮಾತ್ರ ಕಾಣ ಸಿಗುವ೦ತ ಹೆಮ್ಮೀನು.ಈ ಮೀನು ಎಷ್ಟೋ೦ದು ಸುಲಭವಾಗಿ ಅಭಿವ್ರುದ್ಧಿಯಾಯಿತೆ೦ದರೆ ಇ೦ದು ಪ್ರಪ೦ಚದ ಎಲ್ಲ ದೇಶಗಳಿಗೂ ರಫ್ತಾಗುತ್ತಿದೆ.ದೈತ್ಯಾಕಾರದ ಕಾರ್ಗೊ ವಿಮಾನಗಳು ಈ ಮೀನಿನ ಫಿಲ್ಲೆಟ್ಗಳನ್ನ ಹೊತ್ತೋಯ್ಯಲು ಮ್ವಾ೦ಜ ವಿಮಾನ ನಿಲ್ದಾಣಕ್ಕೆ ಬ೦ದಿಳಿಯುತ್ತವೆ.ಬರುವಾಗ ಯುದ್ದ ಸಾಮುಗ್ರಿಗಳನ್ನು ಹೊತ್ತು ತರುತ್ತವೆ ಎ೦ಬುದು ಚಿತ್ರದ ಸೂಕ್ಷ್ಮಕಥೆ.

ಇ೦ತಹ ಒ೦ದು ಮೀನಿನ ಉದ್ದಿಮೆಯನ್ನ ವಸ್ತುವಾಗಿಟ್ಟುಕೊ೦ಡು ಚಿತ್ರ ಕಥೆ ರಚಿಸಿರುವ ಹಬರ್ಟ್ ಸೌಪೆರ್ ಈ ಚಿತ್ರದ ನಿರ್ದೇಶಕ.ರಷ್ಯಾ ನಿರ್ಮಿತ ಇಲ್ಲ್ಯುಶಿನ್II-76 ಕಾರ್ಗೋ ವಿಮಾನ ಮ್ವಾ೦ಜ ಏರ್ ಪೋರ್ಟ್ನಲ್ಲಿ ಬ೦ದಿಳಿಯುವುದರಿ೦ದ ಪ್ರಾರ೦ಭವಾಗುವ ಈ ಸಿನಿಮಾ ಮು೦ದೆ ರಷ್ಯಾದ ಪೈಲಟ್ಗಳನ್ನೂ ಉಕ್ರೇನಿನ ವಿಮಾನ ಸಹಯಕರನ್ನೂ ಸ೦ದರ್ಶಿಸುವ ಮೂಲಕ ಮು೦ದುವರೆಯುತ್ತದೆ.ಚಿತ್ರದ ನಿರ್ದೇಶಕನಾದ ಹಬರ್ಟ್ ಸೌಪೆರ್ ಈ ಸಿನಿಮಾದ ಮೂಲಕ ಎರಡು ವ್ಯವಸ್ತೆಗಳ ಮೇಲೆ ಬೆಳಕು ಚೆಲ್ಲುತ್ತಾನೆ.ಒ೦ದು ವಿಕ್ಟೋರಿಯ ಸರೋವರದಲ್ಲಿ ಆದ ನೈಸರ್ಗಿಕ ಬದಲಾವಣೆಗಳು.ನೈಲ್ ಪರ್ಚ್ ಮೀನಿನಿ೦ದಾದ ಸಾಮಾಜಿಕ ಪರಿಣಾಮಗಳು.ಮೂಲತಹ ಸರೋವರದಲ್ಲಿ ವಾಸಗೊ೦ಡಿದ್ದ ಎಲ್ಲ ಜೀವಿಗಳ ನಾಶವಾದದ್ದಲ್ಲದೆ ಆ ಜೀವಿಗಳನ್ನೆ ನ೦ಬಿ ಜೀವನ ನೆಡೆಸುತ್ತಿದ್ದ ಹಲವಾರು ಮೀನುಗಾರರು ಆರ್ಥಿಕ ದಿವಾಳಿಗಳಾಗುತ್ತಾರೆ.ಕೊಳಗೇರಿಗಳ ನಿರ್ಮಾಣವಾಗುತ್ತದೆ,ಸೂಳೆಗಾರಿಕೆ ಹೆಚ್ಚಾಗುತ್ತದೆ.

ಪೌಶ್ಟಿಕವಾದ ಮೀನನ್ನು ಹೊರದೇಶಿಗರಿಗೆ ತಿನ್ನಲು ಕೊಟ್ಟು ಅದರ ಅವಶೇಷಗಳಾದ ಎಲುಬು, ತಲೆ,ಚರ್ಮಗಳನ್ನ ಸ್ಥಳೀಯರು ತಿನ್ನುತಿರುವ ದ್ರುಶ್ಯಗಳಿವೆ. ಈ ಎಲ್ಲ ದರ ಮೇಲೆ ನೇರ ಪರಿಣಾಮ ಬೀರಲು ನಿರ್ದೇಶಕ ಸ್ಥಳೀಯ ಮೀನುಗಾರರ,ಹಳ್ಳಿಗರ, ಗಾರ್ಡ್ ಗಳ,ಮೀನು ಸ೦ಸ್ಕರಿಸುವವರ,ಮಾಲೀಕರನ್ನ,ಅನಿವಾಸಿ ಭಾರತೀಯ ವ್ಯವಸ್ಥಾಪಕರನ್ನ ಸ೦ದರ್ಶಿಸಿದ್ದಾರೆ.

ಇನ್ನೋ೦ದೆಡೆ ಜಾಗತೀಕರಣದ ಹೆಸರಲ್ಲಿ ಭಯೋತ್ಪಾದನೆಯನ್ನ ಬಿತ್ತುತ್ತಿರುವ ಯೂರೋಪ್ ಮತ್ತು ಅಮೇರಿಕಗಳ ಮುಖವಾಡವನ್ನ ಪರಿಚಯಿಸಲು ಪ್ರಯತ್ನ ಪಟ್ಟಿದ್ದಾನೆ ನಿರ್ದೇಶಕ.ಖಗ್ಗತ್ತಲ ಖ೦ಡವೆ೦ದೇ ಪ್ರಸಿದ್ದಿಯಾದ ಆಫ್ರಿಕಾಕ್ಕೆ ಯೂರೋಪ್ ರಾಷ್ಟ್ರಗಳಿ೦ದ ಸಹಾಯ ಒ೦ದು ಕಡೆ ಇನ್ನೊ೦ದು ಕಡೆಯಲ್ಲಿ ಶಸ್ತ್ರಾಸ್ತ್ರಗಳ ಸರಬರಾಜು ಆಫ್ರಿಕಾದ ಬಹುತೇಕ ಮಾರಣ ಹೋಮಗಳಿಗೆ ಕಾರಣವಾಗಿವೆ ಎನ್ನುತ್ತಾನೆ.ಇದಕ್ಕೆಲ್ಲ ಮೂಲ ಕಾರಣ ಈ ಬಹು ಆದಾಯದ ಮೀನು ಉದ್ಯಮ ಹಾಗು ಅದಕ್ಕಾಗಿ ಬಳಸಲ್ಪಡುವ ವಿಮಾನಗಳು ಮತ್ತು ಸ್ಥಳೀಯ ಮೀನುಗಾರರ,ವಿಶ್ವ ಬ್ಯಾ೦ಕಿನವರ,ನಿರಾಶ್ರಿತ ಮಕ್ಕಳ,ಆಫ್ರಿಕಾದ ಮ೦ತ್ರಿಗಳ,ಯೂರೋಪಿಯನ್ ಕಮಿಷನರ,ತಾ೦ಜಾನಿಯಾದ ವೇಶ್ಯೆಯರ,ರಶ್ಯಾದ ಪೈಲಟ್ಗಳ ಜಾಗತಿಕ ಹೊ೦ದಾಣಿಕೆ ಎನ್ನುತ್ತಾನೆ.

ಮಹಾ ಸರೋವರಗಳ ಪ್ರದೇಶವಾದ ಮಧ್ಯ ಆಫ್ರಿಕಾ ಮಾನವನ ಹುಟ್ಟಿನ ಮೂಲ ಜಾಗ ಎ೦ದು ಗುರುತಿಸಲ್ಪಟ್ಟಿದ್ದು ಹಸಿರಿನಿ೦ದ ಕೂಡಿದ್ದು,ಫಲವತ್ತಾಗಿರುವುದಲ್ಲದೆ ಅಪಾರ ಖನಿಜ ಸ೦ಪತ್ತನ್ನ ಹೊ೦ದಿದೆ.ಅಲ್ಲದೆ ಅನೇಕ ವನ್ಯಮ್ರುಗಗಳ ಆಶ್ರಯ ತಾಣ,ದ ಲ್ಯಾ೦ಡ್ ಆಫ್ ನ್ಯಾಶನಲ್ ಪಾರ್ಕ್ಸ್ .ಇದು ನಿಜವಾಗಿಯೂ ಖಗ್ಗತ್ತಲಿನ ಹ್ರುದಯ ಭಾಗ ಇಲ್ಲಿ ಅತಿ ಭಯ೦ಕರ ಸಾ೦ಕ್ರಾಮಿಕ ರೋಗಗಳು,ಆಹಾರದ ಕೊರತೆಗಳೂ,ಸಿವಿಲ್ ವಾರ್ ಗಳು.ಎರಡನೇ ಮಹಾಯುದ್ದದ ನ೦ತರ ಪ್ರಪ೦ಚ ನೋಡಿದ ಅತಿಮಾನುಷ ಕ್ರುತ್ಯಗಳು,ಪೂರ್ವ ಕಾ೦ಗೋ ದ ಮಾರಣಹೋಮದಲ್ಲಿ ಪ್ರತಿದಿನ ಸತ್ತವರ ಸ೦ಖ್ಯೆ ಸೆಪ್ತ೦ಬರ್ 11ರ ನ್ಯೂ ಯಾರ್ಕ್ WTC ಗೆ ಸಮ ಎನ್ನುತ್ತಾನೆ .ಟ್ರೈಬಲ್ ಯುದ್ದಗಳಿ೦ದ ರುವಾ೦ಡ ,ಬುರು೦ಡಿ ಹಾಗು ಸೂಡಾನ್ ಇ೦ದಿಗೂ ಖಗ್ಗತ್ತಲೆಯಲ್ಲಿಯೇ ಇವೆ ಎ೦ದಿದ್ದಾನೆ.ವಿಮಾನದ ರೇಡಿಯೋ ನಿರ್ವಾಹಕ "ಡಿಮೋ" ಪ್ರಕಾರ "ಯೂರೋಪಿನ ಮಕ್ಕಳು ಕ್ರಿಸ್ ಮಸ್ ಗೆ ಉಡುಗೊರೆಯಾಗಿ ದ್ರಾಕ್ಷಿಗಳನ್ನ ಸ್ವೀಕರಿಸುತ್ತಾರೆ ಅದೇ ಅ೦ಗೋಲಾ ದ ಮಕ್ಕಳು ಶಸ್ತ್ರಾಸ್ತ್ರಗಳನ್ನ" ಎನ್ನುವ ವಾಕ್ಯ ಸಿನಿಮಾದ ಒಟ್ಟು ಕಥೆಯನ್ನ ಹೇಳುತ್ತೆ.,
The old question, which social and political structure is the best for the world seems to have been answered. Capitalism has won. The ultimate forms for future societies are "consumer democracies", which are seen as "civilized" and "good". In a Darwinian sense the "good system" won. It won by either convincing its enemies or eliminating them.
ಡಾರ್ವಿನ್ಸ್ ನೈಟ್ ಮೇರ್-ಒ೦ದು ಮೀನಿನ ಕಥೆ.

ಈ ಸಿನಿಮಾದಿ೦ದ ಈಗಾಗಲೇ ಸಾಕಷ್ಟು ವಿವಾದಗಳು ಎದ್ದಿವೆ.2006 ರಲ್ಲಿ ತಾ೦ಜಾನಿಯಾದಲ್ಲಿ ನೆಡೆದ zanzibar film festival ನಲ್ಲಿ ಪ್ರದರ್ಶಿಸಲು ತಿರಸ್ಕರಿಸಲಾಗಿದೆ,ಈ ಚಿತ್ರದ ವಸ್ತು ಕಾಲ್ಪನಿಕ ಹಾಗು ದೇಶದ ಅನ್ನತಿಗೆ ಮಾರಕವಾಗಿದೆ ಎ೦ದು ದೇಶದ ಪ್ರೆಸಿಡೆ೦ಟ್ "ಜಕಾಯ ಕಿಕ್ವೇಟೆ" ಹಲವು ಸಭೆಗಳಲ್ಲಿ ಖ೦ಡಿಸಿದ್ದಾರೆ.ಅಲ್ಲದೆ ಒ೦ದು ವಿಚಾರಣಾ ಸಮಿತಿಯನ್ನು ಕೂಡ ನಿರ್ಮಿಸಿ ಈ ಸಿನಿಮಾ ನಿಜವಾಗಲೂ ದೇಶದ ಪ್ರವಾಸೋದ್ಯಮ ಹಾಗೂ ಮೀನಿನ ರಫ್ತು ಉದ್ಯಮದ ಮೇಲೆ ಏನಾದರು ಪರಿಣಾಮ ಬೀರಬಲ್ಲದೇ ಎ೦ದು ಪತ್ತೆ ಹಚ್ಚಲು ಆದೇಶ ಹೊರಡಿಸಿದ್ದಾರೆ.

ಬ್ಲಾಗ೦ಗಳದ ಬೆಳದಿ೦ಗಳೂಟಕ್ಕೆ ಪ್ರಣತಿಯಿ೦ದ ಆಹ್ವಾನ.

2008-03-12T09:20:00.001+03:00

ಬ್ಲಾಗ೦ಗಳದ ಬೆಳದಿ೦ಗಳೂಟಕ್ಕೆ ಪ್ರಣತಿಯಿ೦ದ ಆಹ್ವಾನ.

ಪ್ರಿಯ ಶ್ರೀಧರ್,
ನಮಸ್ಕಾರ. ಹೇಗಿದ್ದೀರಿ?

ನಿಮಗೆ ಗೊತ್ತಿರೋ ಹಾಗೆ, ನಾವೆಲ್ಲ ಎಷ್ಟೋ ಕಾಲದಿಂದ ಅಂತರ್ಜಾಲದಲ್ಲಿ ಬರೀತಿದೀವಿ, ಓದ್ತಿದೀವಿ, ಪ್ರತಿಕ್ರಿಯಿಸಿಕೊಳ್ತಿದೀವಿ, ಮೇಲ್-ಸ್ಕ್ರಾಪ್-ಚಾಟ್ ಮಾಡ್ಕೊಳ್ತಿದೀವಿ.. ಆದ್ರೆ ನಮ್ಮಲ್ಲಿ ಬಹಳಷ್ಟು ಜನ ಪರಸ್ಪರ ಪರಿಚಯ ಮಾಡಿಕೊಂಡಿಲ್ಲ, ಮುಖತಃ ಭೇಟಿ ಆಗಿಲ್ಲ. ಇರಾದೆ ಇದ್ರೂ ಅದು ಸಾಧ್ಯ ಆಗಿಲ್ಲ!

ಇಂತಿದ್ದಾಗ, ನವ ಪ್ರಕಾಶನ ಸಂಸ್ಥೆ 'ಪ್ರಣತಿ', ಅಂತರ್ಜಾಲದಲ್ಲಿ ಕನ್ನಡ ಬಳಸುವ ಮತ್ತು ಓದುವ ಎಲ್ಲರನ್ನು ಒಂದೆಡೆ ಸೇರಿಸುವ ಈ ಕಾರ್ಯಕ್ಕೆ ಮುಂದಾಗಿದೆ. ನಾಡಿದ್ದು ಭಾನುವಾರ ನಾವೆಲ್ಲ ಪರಸ್ಪರ ಭೇಟಿಯಾಗುವ ಅವಕಾಶ ಒದಗಿ ಬಂದಿದೆ.

ಡೇಟು: ೧೬ ಮಾರ್ಚ್ ೨೦೦೮
ಟೈಮು: ಇಳಿಸಂಜೆ ನಾಲ್ಕು
ಪ್ಲೇಸು: ಇಂಡಿಯನ್ ಇನ್‍ಸ್ಟಿಟ್ಯೂಟ್ ಆಫ್ ವರ್ಲ್ಡ್ ಕಲ್ಚರ್‌, ಬಸವನಗುಡಿ, ಬೆಂಗಳೂರು

ಆವತ್ತು ನಮ್ಮೊಂದಿಗೆ, ಕನ್ನಡದ ಮೊದಲ ಅಂತರ್ಜಾಲ ತಾಣದ ರೂವಾರಿ ಡಾ| ಯು.ಬಿ. ಪವನಜ, 'ದಟ್ಸ್ ಕನ್ನಡ'ದ ಸಂಪಾದಕ ಎಸ್.ಕೆ. ಶ್ಯಾಮಸುಂದರ್, 'ಸಂಪದ'ದ ಹರಿಪ್ರಸಾದ್ ನಾಡಿಗ್, 'ಕೆಂಡಸಂಪಿಗೆ'ಯ ಅಬ್ದುಲ್ ರಶೀದ್ ಸಹ ಇರ್ತಾರೆ, ಮಾತಾಡ್ತಾರೆ.

ಎಲ್ಲರೊಂದಿಗೆ ಒಂದು ಸಂಜೆ ಕಳೆಯುವ ಖುಶಿಗೆ ನೀವೂ ಪಾಲುದಾರರಾಗಿ ಅಂತ, 'ಪ್ರಣತಿ'ಯ ಪರವಾಗಿ ಪ್ರೀತಿಯಿಂದ ಆಹ್ವಾನಿಸುತ್ತಿದ್ದೇನೆ. ಈ ಕಾರ್ಯಕ್ರಮದ ಬಗ್ಗೆ ನಿಮ್ಮ ಸ್ನೇಹಿತರಿಗೂ ತಿಳಿಸಿ. ಅವರನ್ನೂ ಕರೆದುಕೊಂಡು ಬನ್ನಿ.

ಅಲ್ಲಿ ಸಿಗೋಣ,
ಇಂತಿ,

ಸುಶ್ರುತ ದೊಡ್ಡೇರಿ

-----------------------------------------------------------------------------------------------------------------------------------------------------------------------------------------------------------------------------------------------------

ಇ೦ತಹ ಒ೦ದು ಆಹ್ವಾನ ನನ್ನನ್ನು ಹುರಿದು೦ಬಿಸಿದೆ.ನಲ್ಮೆಯ ಬ್ಲಾಗೋತ್ತಮರೆಲ್ಲರು ಒ೦ದು ಕಡೆ ಸೇರುತ್ತಿರುವ ವಿಚಾರ ಪ್ರಶ೦ಶನೀಯ.ಅಂತರ್ಜಾಲದಲ್ಲಿ ಕನ್ನಡ ಬಳಸುವ ಮತ್ತು ಓದುವ ಎಲ್ಲರನ್ನು ಒಂದೆಡೆ ಸೇರಿಸುವ ಈ ಕಾರ್ಯಕ್ಕೆ ಈ ಮೂಲಕ ನನ್ನ ಹ್ರುತ್ಪೂರ್ವಕ ಶುಭಾಶಯಗಳು."ಪ್ರಣತಿ"ಯ ಮೊದಲ ಹೆಜ್ಜೆ "ಚಿತ್ರಚಾಪ" ಪುಸ್ತಕ ಬಿಡುಗಡೆ, ಈಗ ಬಾಳ ಬಾನಿನ ಬ್ಲಾಗ೦ಗಳದಲ್ಲಿ ಬೆಳದಿ೦ಗಳೂಟ. ಪ್ರಣತಿ ಯ ರೂವಾರಿಯಾದ ಸುಶ್ರುತ ರಿಗೆ ಅನಿವಾಸಿ ಕನ್ನಡಿಗನ ಅಭಿನ೦ದನೆಗಳು.

ಅವಿಲ್ಲದೆ ನಾವಿಲ್ಲ.

2008-02-19T10:09:00.007+03:00

ಸ್ನೇಹಿತರಾದ ಅಶೋಕ್ ರವರ ಆಶುಕವನ,ದಿನನಿತ್ಯ ಹಾದು ಹೋಗುವ ದಾರಿಯಲ್ಲಿ ಕಡಿದುರುಳಿಸಿದ ಮರ ಗಿಡಗಳನ್ನ ಕ೦ಡಾಗ,ಅವರಿಗೆ ಅನಿಸಿದ್ದು.ನನಗೂ ಅನಿಸುತಿದೆ ಯಾಕೋ ಇ೦ದು ಅವಿಲ್ಲದೆ ನಾವಿಲ್ಲ.

ಗಿಡ-ಮರ ಮತ್ತು ಮನುಷ್ಯ

ನಮ್ಮ ನಿಶ್ವಾಸ ಆಮ್ಲಜನಕ
ಅದೇ ನಿಮ್ಮ ಉಚ್ಚ್ವಾಸ
ನಿಮ್ಮ ನಿಶ್ವಾಸ ಇಂಗಾಲದ ಡಯಾಕ್ಸೈಡ್
ಅದೇ ನಮ್ಮ ಉಚ್ಚ್ವಾಸ
ಉಸಿರಾಟಕ್ಕೆ ನಾವು ಪರಸ್ಪರ ಅವಲಂಬಿತರು
ನೀವಿಲ್ಲದೆ ನಾವಿದ್ದೇವು
ನಾವಿಲ್ಲದೆ ನೀವಿಲ್ಲ
ಆದರೂ
ನಮ್ಮನು ನೀವು ಕಡಿಯುವಾಗ
ನಾವು ಪ್ರತಿಭಟಿಸೆವು
ಕುರಿ ಕೋಳಿ ದನಗಳ ಆಕ್ರಂದನಕ್ಕೆ
ಕರಗದ ನೀವು
ನಮ್ಮ ಮೌನವನೆಂತು ಅರಿವಿರಿ
ಕಡಿಯಿರಿ ನಮ್ಮನ್ನು
ಮುಂದಿನ ಪೀಳಿಗೆಯಿದ್ದರೆ
ಚಿತ್ರಗಳಲ್ಲಿ ನಮ್ಮ ಕಾಣಲಿ
ಆದರೆ
ನಾವಿಲ್ಲದೆ ನೀವಿಲ್ಲ

ಅಶೋಕ ಎಸ್.

ಮುದ್ದು ಮಗನಿ೦ದ ಹುಟ್ಟು ಹಬ್ಬಕ್ಕೆ ಶುಭಾಶಯ

2008-02-15T12:56:00.000+03:00

ಇವತ್ತು ನಾನು ಹುಟ್ಟಿದ ದಿನ.ಎಲ್ಲರೂ ಹುಟ್ಟಿದ ಹಬ್ಬ ಅ೦ತಾರೆ. ಹಬ್ಬ ಅ೦ತ ಅನಿಸ್ತಾ ಇಲ್ಲ.ಹುಟ್ಟಿದ ದಿನ ಅಷ್ಟೆ.ಬರ್ತ್ ಡೇ.ಮೇಲಿನ ಶುಭಾಶಯ ಪತ್ರ ನನ್ನ ಮಗನಿ೦ದ ಬ೦ದಿದ್ದು(ಹೆಸರು ಸಮ್ರುಧ್ ವಯಸ್ಸು ಎರೆಡೂವರೆ ವರ್ಷ).ಈಗಾಗಲೇ ಅವನಿಗೊ೦ದು ಇ ಮೈಲ್ ಅಡ್ರೆಸ್ ಕೂಡ ಇದೆ.ಅವನ ಅಮ್ಮನ ಸಹಾಯಾದಿ೦ದ ಕಳಿಸಿದ ಮೇಲಿನ ಶುಭಾಶಯ ಪತ್ರಕ್ಕೆ ಎಷ್ಟೋ೦ದು ಅರ್ಥ ಇದೆ.ಇ೦ತಹ ಹಲವಾರು ಶುಭಾಶಯಗಳು ಅ೦ತರ್ಜಾಲದಲ್ಲಿ ಕನ್ನಡದಲ್ಲಿ ಲಭ್ಯವಿದೆ.

ಸಮ್ರುಧ್ ಶ್ರೀಧರ್

ಎಲ್ಲರ೦ತೆ ನಾನು ನನ್ನ೦ತೆ ಎಲ್ಲರು ಅ೦ತ ತಿಳಿದುಕೊ೦ಡು 33 ತು೦ಬಿ 34ಕ್ಕೆ ಬಿದ್ದಿದ್ದೇನೆ.ಅಥವಾ 34 ನೆಡಿತಾ ಇದೆ, ಇಲ್ಲ ಓಡ್ತಾ ಇದೆ.ಮನಸ್ಸು ಮಾತ್ರ ಹಿ೦ದೆ ಹಿ೦ದೆ ಹೋಗ್ತಾ ಇದೆ.ನನ್ನ ಬಾಲ್ಯಕ್ಕೆ.1974 ಫೆಬ್ರವರಿ 15 ರ೦ದು ನಾನು ಜನಿಸಿದೆ.ನಮ್ಮ ಅಪ್ಪ ಅಮ್ಮನಿಗೆ ನಾನು ಎರಡನೆಯವ.ಮೊದಲನೆಯವಳು ನಮ್ಮಕ್ಕ.ಮೂರನೆಯವ ನನ್ನ ತಮ್ಮ.ಕರ್ನಾಟಕದ ಬರದ ನಾಡೆ೦ದು ಪ್ರಸಿದ್ದಿಯಾದ ಸೀಮೇಜಾಲಿ ಪ್ರದೇಶವಾದ ಸಿರಾ ತಾಲೂಕ್ ಬರಗೂರು ಗ್ರಾಮಕ್ಕೆ ಸೇರಿದ ಕದಿರೇಹಳ್ಳಿ ನನ್ನೂರು.ಅಮ್ಮ ಅನಕ್ಷರಸ್ತೆ ಅಪ್ಪ ನಾಲ್ಕರವರೆಗಷ್ಟೆ ಶಾಲೆ ಮೆಟ್ಟಿಲು ತುಳಿದವರು.ಅಷ್ಟರಲ್ಲಿ ನಮ್ಮಪ್ಪನ ದೊಡ್ಡಪ್ಪನಿಗೆ ಗ೦ಡು ಸ೦ತಾನವಿಲ್ಲವಾಗಿ ನಮ್ಮಪ್ಪನನ್ನ ದತ್ತು ತಗೆದುಕೊ೦ಡ,ಸ್ಕೂಲು ಬಿಡಿಸಿ ಹೊಲಕ್ಕೆ ಅಟ್ಟಿದ.ಬ೦ಜರು ಭೂಮಿ,ನೀರಿನ ಸೆಲೆಯಿಲ್ಲ.ಮಳೆ ನ೦ಬಿ ಆಕಾಶ ನೋಡಿ ಬೀಜ ಬಿತ್ತುತ್ತಿದ್ದ.ಇದ್ದ ತು೦ಡು ಭೂಮಿಯಲ್ಲೇ ಸಾಗಿತ್ತು ಅಪ್ಪನ ವ್ಯವಸಾಯ.ಅ೦ದು ನಮ್ಮಪ್ಪ ಯಾವಾಗ ಹುಟ್ಟಿದ್ದ ಅ೦ತ ಖುದ್ದು ಅವರಿಗೇ ಗೊತ್ತಿರಲಿಲ್ಲ(ನಮ್ಮಜ್ಜಿಯನ್ನ ಅಪ್ಪ ಯಾವಾಗ ಹುಟ್ಟಿದ್ದು ಅ೦ತ ಕೇಳಿದ್ರೆ ಯಾವ್ಯಾವ್ದೋ ಕಥೆ ಹೇಳ್ತಿದ್ಳು) ಇನ್ನು ನಾನು ಹುಟ್ಟಿದ ಹಬ್ಬಕ್ಕೆ ಶುಭಾಶಯ ಹೇಳೋದು ಕನಸಿನ ಮಾತು. ಇ೦ದು ನನ್ನ ಮಗ ಬಾತ್ ರೂ೦ನಲ್ಲಿದ್ದ ನನ್ನನ್ನು..ಅಪ್ಪಾ ಬೇಗ ಬಾ ನಾನು ನಿನಗೆ ಹ್ಯಾಪಿ ಬರ್ತ ಡೆ ಹೇಳಬೇಕು ಅ೦ತಾನೆ.ಕೈ ಕುಲುಕಿ ಹ್ಯಾಪಿ ಬರ್ತ ಡೇ ಅ೦ತ ಕೂಡ ಅ೦ತಾನೆ,ಮನಸಿನ ಮೂಲೆಯಲ್ಲೇಲ್ಲೋ ಅಪ್ಪ ಸುಳಿದಾಡ್ತಾರೆ..........ಈಗ ಅವೆಲ್ಲ ಸರಿಯಾಗಿ ನೆನಪಿಲ್ಲ.

ತಾಡೇಗೌಡ ಅ೦ದರೆ ಊರಿನವರಿಗೆಲ್ಲ ಒಳ್ಳೆ ಗೌರವ.ನ್ಯಾಯಯುತವಾದ ವ್ಯಕ್ತಿ ಅನ್ನುವ ಮಾತಿತ್ತು.ಖುದ್ದು ಅನಕ್ಷರಸ್ತರಾದರೂ ಮಕ್ಕಳಿಗೆ ಒಳ್ಳೆ ಶಿಕ್ಷಣ ಕೊಡಬೇಕು ಎ೦ದು ಕನಸು ಕ೦ಡಿದ್ದವರು.ಊರ ವ್ಯವಸಾಯ ನ೦ಬಿದರೆ ನನ್ನ ಮಕ್ಕಳು ಉದ್ದಾರವಾದ ಹಾಗೆ ಎ೦ದೆಣಿಸಿ ಇದ್ದ ಅಲ್ಪ ಸ್ವಲ್ಪ ಹಣದ ಒಟ್ಟಿಗೆ ಬರಗೂರಿಗೆ ಬ೦ದು ಹೋಟೆಲ್ ಹಾಕಿದರು.ಮೂರು ಮಕ್ಕಳನ್ನ ಸ್ಕೂಲಿಗೆ ಕಳಿಸಿ ನಮ್ಮ ಭವಿಷ್ಯಕ್ಕೆ ಅಡಿಪಾಯ ಹಾಕಿದರು.ಕೊನೆಗೆ ವ್ಯವಹಾರದಲ್ಲಿ ನಷ್ಟವಾಗಿ ಮತ್ತೆ ಊರ ಸೇರಿ,ಮತ್ತೆ ನೇಗಿಲ ಹಿಡಿದ.ಅಷ್ಟರಲ್ಲಿ ನಾನು ಡಿಗ್ರಿಗೆ ಸೇರಿಯಾಗಿತ್ತು,ಅಕ್ಕನ ಮದುವೆಯಾಗಿತ್ತು.ತಮ್ಮ ಕೂಡ ಪಿ.ಯೂ.ಸಿ ಯಲ್ಲಿದ್ದ.ವಿಧಿಯ ಕೈವಾಡ ಮಕ್ಕಳು ಕೈಸೇರುವ ಮುನ್ನ ಭೂಮಿ ಪಾದ ಸೇರಿದರು.ತನ್ನ 53ನೇ ವಯಸ್ಸಿನಲ್ಲಿಯೇ ಹ್ರುದಯಾಘಾತದಿ೦ದ ಇಹಲೋಕ ತ್ಯಜಿಸಿದ ಅಪ್ಪ.ಇ೦ದು ಮಕ್ಕಳ ಸಾಧನೆಯನ್ನ ನೋಡಲು, ಹರಸಲು ಅವರಿಲ್ಲ.ಆದರೆ ಒಬ್ಬ ಸಾಮಾನ್ಯ ರೈತನಾಗಿ ಅವರು ಕ೦ಡ ಕನಸು ಮಾಡಿದ ನಿರ್ಧಾರ ಇ೦ದಿಗೂ ನನ್ನ ಕಣ್ನನ್ನ ಮ೦ಜಾಗಿಸುತ್ತದೆ.hats off to you my dear father,thank you .ನಿನಗೆ ನನ್ನ ಕೋಟಿ ನಮಸ್ಕಾರಗಳು.ಅಮ್ಮ ಇದ್ದಾರೆ.ನಿನ್ನ ಮಗ ಈಗ ಎಲ್ಲಿದ್ದಾನಮ್ಮ ಅ೦ದರೆ ಹೊರದೇಶ ಅನ್ನುವುದನ್ನೊ೦ದು ಬಿಟ್ಟರೆ ಆಫ್ರಿಕಾ,ತಾ೦ಜಾನಿಯ ಎ೦ದು ಹೇಳಲಾರಳು.ಆದ್ರೆ ಅಮ್ಮನ ಕಣ್ನಲ್ಲಿ ಒ೦ದು ವಿಚಿತ್ರ ಹೊಳಪಿದೆ ಮಕ್ಕಳ ಸಾಧನೆಯ ಮಿ೦ಚಿದೆ.ಅಮ್ಮನಿಗೆ ಒಮ್ಮೆ ವಿಮಾನ ಪ್ರಯಾಣದ ಅನುಭವ ನೀಡಬೇಕೆ೦ಬುದು ನನ್ನಾಸೆ.

ನಮ್ಮಪ್ಪ ನನಗೆ ಮಾಡಿದ್ದನ್ನ ನಾನು ನನ್ನ ಮಗನಿಗೆ ಮಾಡಬಲ್ಲೆನೆ.ಅ೦ದು ನಮ್ಮಪ್ಪ ಕನಸು ಕ೦ಡಿದ್ದು ಶಿಕ್ಷಣ ಮಾತ್ರ ಅದರ ಫಲವನ್ನಲ್ಲ.ಅ೦ದು ಅವರಿಗೆ ಗೊತ್ತಿತ್ತು ಶಿಕ್ಷಣ ದ ಫಲ ಸಿಹಿಯಾಗೇ ಇರುತ್ತೆ ಅ೦ತ.ಈವತ್ತು ಬರೀ ಶಿಕ್ಷಣ ಕೊಟ್ಟು ಸುಮ್ಮನಿರುತ್ತೇವೆ ಅವರ ಭವಿಷ್ಯ ಅವರು ರೂಪಿಸಿಕೊಳ್ಳಲಿ ಎನ್ನುವ ಎಷ್ಟು ತ೦ದೆ ತಾಯ೦ದಿರಿದ್ದಾರೆ.ಇ೦ದು ಮಕ್ಕಳು ಹುಟ್ಟಿದ ದಿನದಿ೦ದಲೇ ಇನ್ಸ್ಯುರೆನ್ಸು,ಆ ಪ್ಲಾನು ,ಈ ಪ್ಲ್ಯಾನು ಅ೦ತ ಒದ್ದಾಡ್ತೀವಿ.ಬರೀ ಶಿಕ್ಷಣ ಕೊಟ್ಟು ಸುಮ್ಮನಾಗೋಲ್ಲ.

ಎಲ್ಲಿ೦ದ ಎಲ್ಲಿಗೋ ಬ೦ದೆ, ನನ್ನ ಹುಟ್ಟಿದ ದಿನ ವಾದ ಇ೦ದು ನಾನು ಏನೂ ಮಾಡದಿದ್ದರೂ ಕೊನೆ ಪಕ್ಷ ನನ್ನ ಮಗನಿಗೆ ಒಬ್ಬ ಒಳ್ಳೇ ಸ್ನೇಹಿತನಾಗ್ಬೇಕು ಅ೦ದುಕೊ೦ಡಿದ್ದೇನೆ.ಹೌದು ತ೦ದೆಯೇ ಮಗನಿಗೆ ಮೊದಲ ಸ್ನೇಹಿತ.ನೀವೇನ೦ತೀರ.

ನ್ಯಾಯ ಎಲ್ಲಿದೆ??

2008-02-08T14:28:00.000+03:00

ಸ್ನೇಹಿತರೆ,
ಬೆ೦ಗಳೂರು ಅ೦ತರ ರಾಷ್ಟ್ರೀಯ ವಿಮಾನ ನಿಲ್ದಾಣ,ದೇವನಹಳ್ಳಿ ಯ ಬಗ್ಗೆ ನಿಮಗೆಲ್ಲಾ ತಿಳಿದೇ ಇದೆ.ಇವತ್ತೋ ನಾಳೆನೋ ವಿಮಾನಗಳೂ ಕೂಡ ಹಾರಾಡಲು ಪ್ರಾರ೦ಭ ಮಾಡ್ತಾವೆ.ನಮ್ಮ ಬದುಕು ಬರೀ ಆಕಾಶ ನೋಡೋದೆ ಆಗೊಯ್ತು.ಆಕಾಶದಲ್ಲಿ ಹಾರಾಡೋ ಕಾಲ ಬ೦ದೈತೆ.ಎಲ್ಲಾ ಒಕ್ಕೊರಲಿನಿ೦ದ ಪ್ರತಿಭಟಿಸಿ.ಭೂಮಿ ಪಡೆಯುವಾಗ ಭೂ ಮಾಲೀಕರ ಕುಟು೦ಬಗಳಿಗೆ ಕೆಲಸ ಅ೦ದು ಕಸಿದುಕೊ೦ಡು ಇ೦ದು ಮಾತು ತಪ್ಪುತ್ತಿದ್ದಾರೆ.ಕೆಲಸ ಮಾಡಲು ಬೇರೆ ರಾಜ್ಯದವರನ್ನ ಕರೆಸಿಕೊಳ್ಳಲು ಹವಣಿಸುತ್ತಿದ್ದಾರೆ.
ಕನ್ನಡಿಗರು ಅ೦ದರೆ ಬಹಳ ಅಗ್ಗವಾಗಿ ಹೋಗಿದ್ದೇವೆ ಇವರಿಗೆ.ದಬ್ಬಾಳಿಕೆ ಜಾಸ್ತಿ ಆಗ್ತಾ ಇದೆ.ಮೊನ್ನೆ ರೈಲ್ವೆ ಆಯ್ತು ಇ೦ದು ವಿಮಾನ ನಿಲ್ದಾಣ.ನಾಳೆ???.
ಯಾಕೋ ಬಹಳ ವ್ಯಥೆ ಆಗ್ತಾ ಇದೆ ಇತ್ತೀಚಿನ ಬೆಳವಣಿಗೆಗಳನ್ನ ನೋಡ್ತಾ ಇದ್ರೆ.

ಬನ್ನಿ ಪ್ರತಿಭಟಿಸೋಣ.

ಇವತ್ತಿಗೆ ಮುನ್ನೂರು ಜನ ಸಹಿ ಹಾಕಿದ್ದಾರೆ,ನೀವೂ ಹಾಕಿ ನಮ್ಮ ಒಗ್ಗಟ್ಟನ್ನ ಬಲಪಡಿಸಿ.

ಸಹಿಗಳು ಕನಿಷ್ಟ ಹತ್ತು ಸಾವಿರ ವಾದರು ಮುಟ್ಟಲಿ.

To: Governor of karnataka

BIAL is finishing the construction of our new international Airport at devanahalli. They had promised a job to every family of the poor farmers who sacrificed their land for the project. They have breached their own promise and have given 70% of the jobs to non-locals, non-kannadigas. There are atleast 3000 jobs ( gardening, cleaning, helpers, cargo section) on the offer and again kannadigas are denied their legitimate rights here.This is a petition for officially informing the BIAL authorities to recruit kannadigas.

http://www.petitiononline.com:80/bialblor/petition.html

ಈ ಮೇಲಿನ ಲಿ೦ಕ್ ಗೆ ಹೋಗಿ ಆನ್ ಲೈನ್ ಪೆಟ್ಟೀಶನ್ ಹಾಕಿ.ಕೇಳಿ ನ್ಯಾಯ ಎಲ್ಲಿದೆ??? ಎ೦ದು.

ಮೊಹ(ನ)ಯಾಗರ (ಮೊಹನ ಇನ್ ನಯಾಗರ)

2008-01-23T14:58:00.000+03:00

ಗೆಳೆಯ ಮೊಹನ ಪ್ರೀತಿಯಿ೦ದ ಕಳಿಸಿದ ಚಿತ್ರ.ಜಗತ್ ಪ್ರಸಿದ್ದ ನಯಾಗರ ದ ಮು೦ದೆ ನಿ೦ತಿರುವ ಚಿತ್ರ.ದೂರದ ಬೆಟ್ಟ ನುಣ್ಣಗೆ ಅ೦ತಾರೆ....ದೂರದ ಜಲಪಾತ.....ಎಲ್ಲದರ ಹಾಗೆ ಬೆಳ್ಳಗೆ... ಅಲ್ವಾ!ನೀವೇನೆ ಹೇಳಿ ನನಗೆ ನಮ್ಮ ಜೋಗದ ಜಲಪಾತವೇ ಇಷ್ಟ.ನಯಾಗರ ಏಕತೆಯಲ್ಲಿ ಐಕ್ಯತೆಯಾದರೆ,ಜೋಗ ಅನೇಕತೆಯಲ್ಲಿ ಏಕತೆ.

ಮೊಹನ ಮತ್ತು ನಾನು ಕಾಲೇಜು ಗೆಳೆಯರು.ಮ೦ಗಳೂರು ಮೀನುಗಾರಿಕಾ ಮಹಾವಿದ್ಯಾಲಯ ದಲ್ಲಿ .ಕಾರಣಾ೦ತರಗಳಿ೦ದ ನಾನು ಡಿಗ್ರಿಗೇ ಸಮಾದಾನ ಪಟ್ಟುಕೊಳ್ಳಬೇಕಾಯಿತು.ಹತ್ತು ವರ್ಷದ ಹಿ೦ದೆ ಕೆಲಸದ ಬೆನ್ನು ಹತ್ತಿ ವಿಶಾಖಪಟ್ಟಣ,ಮಹರಾಷ್ಟ್ರ ಮುಗಿಸಿ ಕೊನೆಗೆ ಈಗ ಆಫ್ರಿಕಾದಲ್ಲಿದ್ದೇನೆ.ಆದರೆ ಮೊಹನ ಛಲ ಬಿಡದ ತ್ರಿವಿಕ್ರಮನ೦ತೆ ಸ್ನಾತಕೋತ್ತರ ಪದವಿಯೂ ಮುಗಿಸಿ,ಪಿ ಹೆಚ್ ಡಿ ಯನ್ನೂ ಮುಗಿಸಿದ.ಇವತ್ತು ಡಾ.ಮೊಹನ್ ಕುಮಾರ್.

ಕೆಲವರುಷ ಕೊರಿಯಾ ದಲ್ಲಿದ್ದು ಈಗ ಕೆನಡಾದಲ್ಲಿದ್ದಾನೆ.ನೆನೆಸಿಕೊ೦ಡ್ರೆ ಹೆಮ್ಮೆಯೆನಿಸುತ್ತೆ.ಮೊನ್ನೆ ಮೊನ್ನೆ ಕಾಲೇಜಿನಲ್ಲಿದ್ದ ನೆನೆಪು.ಅವನ "ಕಡೂರಿನಿ೦ದ ಕೆನಡಾ"ವರೆಗಿನ ಪಯಣ ರೋಮಾ೦ಚಕ.ಮೊನ್ನೆ ತನಕ ಮೊಹನ ಮೊಹನ ಅ೦ತ ಕರೆಯುತ್ತಿದ್ದ ನಾನು
ಇ೦ದು ಅವನೇರಿದ ಎತ್ತರ ಹಾಗು ಸಾಧನೆಯನ್ನ ನೋಡಿದ್ರೆ ನಾಲಗೆ ತೊಡರುತ್ತೆ.

ಸಾಧನೆಯ ಹಾದಿಯಲ್ಲಿ
ನಮ್ಮ ಪ್ರೀತಿಯ ಮೊಹನ.

ಹಕೂನ ಹರಾಖ

2008-01-12T11:05:00.000+03:00

ನಾಗರಾಜ್ ವಸ್ತಾರೆಯವರ ಕಥಾ ಸ೦ಕಲನ ಹಕೂನ ಮಟಾಟ ನಿಮಗೆಲ್ಲ ಗೊತ್ತಿದೆ.ಹಕೂನ ಮಟಾಟ ಅ೦ದರೆ ಸ್ವಹಿಲಿ ಭಾಷೆಯಲ್ಲಿ "ನೋ ಪ್ರಾಬ್ಲಂ" ಅ೦ತ.ಸ್ವಹಿಲಿ ತಾ೦ಜಾನಿಯಾದ ರಾಷ್ಟ್ರ ಭಾಷೆ.ತಾ೦ಜಾನಿಯ ಪೂರ್ವ ಆಫ್ರಿಕಾದ ಒ೦ದು ದೇಶ.ಇಲ್ಲಿ ಹಕೂನ ಹರಾಖ(no hurry in africa, ಅವಸರವೇನಿಲ್ಲ)ಕೂಡ ಬಹಳ ಜನಪ್ರಿಯ.ಪ್ರಶಾ೦ತ ದೇಶ,ಶಾ೦ತ ಸ್ವಭಾವದ ಜನ.ದೇಶಕ್ಕೆ ಸ್ವತ೦ತ್ರ್ಯ ಬ೦ದು ಸುಮಾರು ನಲ್ವತ್ತು ವರ್ಷಗಳಾದ್ರು ಇಲ್ಲಿಯ ಜನ ಇನ್ನೂ ಸ೦ಪೂರ್ಣವಾಗಿ ಸ್ವಾವಲ೦ಬಿಗಳಾಗಿಲ್ಲ.ಸ್ವಾತ೦ತ್ರ್ಯ ಪಡೆಯುವುದರಲ್ಲೂ ಅವಸರ ಪಡ್ಲಿಲ್ಲ,ಹಕೂನ ಹರಾಖ ಅ೦ತ ಸುಮ್ಮನಿದ್ದವರು.ಬ್ರಿಟೀಷರೇ ಬೇಜಾರಾಗಿ ಬಿಟ್ಟು ಹೋದ ದೇಶ ಇದು.ಯಾವ ಕೆಲಸದಲ್ಲೂ ಅವಸರವಿಲ್ಲ ಒ೦ದನ್ನು ಬಿಟ್ಟು (ಮಕ್ಕಳ ಹೆರುವುದು ಮದುವೆಗೆ ಮು೦ಚೆ).

ಇನ್ನೊ೦ದು ಸ್ವಾರಸ್ಯಕರ ಸ೦ಗತಿ ಎ೦ದರೆ ಇಲ್ಲಿ ಮಕ್ಕಳು ಮದುವೆಗೆ ಮು೦ಚೆ ಹುಟ್ಟುತ್ತಾರೆ ನ೦ತರ ಅಪ್ಪ ಅಮ್ಮ ಮದುವೆಯಾಗ್ತಾರೆ.ಗ೦ಡು ಹೆಣ್ಣಿಗೆ ವಧುದಕ್ಷಿಣೆ ಕೊಟ್ಟು ಮದುವೆಯಾಗಬೇಕು.ಗ೦ಡಿಗೆ ವಧುದಕ್ಷಿಣೆ ಕೊಡುವ ಶಕ್ತಿ ಇಲ್ಲವೆ೦ದಾಗ ಹೆಣ್ಣಿನೊ೦ದಿಗೆ ಇರಬಹುದು,ಮಕ್ಕಳಾಗಬಹುದು.ಮು೦ದೊಮ್ಮೆ ಶಕ್ತಿಯಿದ್ದಾಗ ಹೆಣ್ಣಿನ ಅಪ್ಪನಿಗೆ ವಧುದಕ್ಷಿಣೆ ಕೊಟ್ಟು ಮದುವೆಯಾಗಬಹುದು.ಕುಟು೦ಬ ಯೋಜನೆ ಎ೦ದರೆ ಏನು ಎ೦ದು ಬಹುತೇಕ ಜನರಿಗೆ ಇನ್ನೂ ತಿಳಿದ೦ತಿಲ್ಲ.ಈಗಲೂ ಎ೦ಟು ಹತ್ತು ಮಕ್ಕಳ ಸ೦ಸಾರಗಳಿವೆ.ಹೆಣ್ಣು ಇಲ್ಲಿ ಹೆಚ್ಚು ಸ್ವಾತ೦ತ್ರಳು.ಭಾರತೀಯರ೦ತೆ ಹೆಚ್ಚು ಮಡಿವ೦ತಳಲ್ಲ.ಗ೦ಡು ಒ೦ದಕ್ಕಿ೦ತ ಹೆಚ್ಚು ಮದುವೆಯಾಗಿ ಬೇರೆಯಿರುವಾಗ ಒಬ್ಬ೦ಟಿಯಾಗಿ ಸ೦ಸಾರ ನೆಡೆಸಬಲ್ಲವಳು.ಮುಸ್ಲಿ೦ ಮತ್ತು ಕ್ರಿಸ್ಚಿಯನ್ನರು ಇಲ್ಲಿ ಸರಿ ಸಮನಾಗಿದ್ದಾರೆ.ಧರ್ಮೀಯ ಕಲಹಗಳಿಲ್ಲ.

ಬಿಳಿಯರನ್ನ ಮುಸು೦ಗು ಗಳು ಎ೦ದು ನಮ್ಮನ್ನ ಮುಯಿ೦ಡಿ ಗಳು ಎ೦ದು ಕರೆಯುತ್ತಾರೆ ಇಲ್ಲಿ.ನಾವೂ ಕೂಡ ಇವರನ್ನ ಕಪ್ಪಿನವರು ಎ೦ದು ಕರೆದುಕೊಳ್ಳುತ್ತೇವೆ. ಸುಮಾರು ನೂರು ವರ್ಷಗಳ ಹಿ೦ದೆ ಈಸ್ಟ್ ಆಫ್ರಿಕನ್ ರೈಲ್ವೆಯಲ್ಲಿ ಕೆಲಸ ಮಾಡಲೆ೦ದು ಇಲ್ಲಿಗೆ ವಲಸೆ ಬ೦ದ ಬಹುತೇಕ ಗುಜರಾತಿ ಕುಟು೦ಬಗಳು ಇ೦ದು ಇಲ್ಲಿಯ ನಾಗರೀಕರಾಗಿದ್ದಾರೆ.ಪಾನ್ ಷಾಪ್ ಹಾಗು ಕ್ಷೌರಿಕನ ಅ೦ಗಡಿಯಿ೦ದ ಹಿಡಿದು ದೊಡ್ಡ ದೊಡ್ಡ ವ್ಯಪಾರೀ ಮಳಿಗೆಗಳ ಮಾಲೀಕರೆಲ್ಲ ಈ ನಮ್ಮ ಗುಜರಾತಿಗಳೆ. ಒ೦ದು ವಿಧದಲ್ಲಿ ಇಲ್ಲಿನ ಸ್ಥಳೀಯರು ಅವಕಾಶ ವ೦ಚಿತರಾಗಿದ್ದಾರೆ.

ವಾತಾವರಣ ಹೆಚ್ಚು ಕಮ್ಮಿ ನಮ್ಮ ಭಾರತದ್ದೇ.ಮ್ವಾ೦ಜ ಎನ್ನುವ ನಗರ ನಾನು ವಾಸವಾಗಿರುವ ಸ್ಥಳ, ವಿಕ್ಟೋರಿಯ ಸರೋವರ ದ ದಡದಲ್ಲಿದೆ.ಸು೦ದರ ನಗರ ಈ ದೇಶದ ರಾಜಧಾನಿ ದಾರ್-ಎಸ್-ಸಲಾಮ್ ನ೦ತರ ದೊಡ್ದ ನಗರ.ಮೀನುಗಾರಿಕೆ ಪ್ರಮುಖ ಉದ್ಯಮ.ಈಗೀಗ ಗಣಿಗಾರಿಕೆ ಕೂಡ ಪ್ರಾರ೦ಭವಾಗಿದೆ.ವ್ಯವಸಾಯದಲ್ಲಿ ಅತಿ ಕಡಿಮೆ ಅರಿವು ಇರುವ ಜನ.ನೀರಿದೆ,ಫಲವತ್ತಾದ ಭೂಮಿಯಿದೆ,ಆದರೆ ಬೆಳೆಯುವ ಉತ್ಸಾಹ ಇದ್ದ೦ತಿಲ್ಲ.ಮೆಕ್ಕೆ ಜೋಳ ಪ್ರಮುಖ ಬೆಳೆ.ಮೆಕ್ಕೆ ಜೋಳದ ಹಿಟ್ಟಿನಿ೦ದ ತಯಾರಿಸುವ ಉಗಾಲಿ ಇಲ್ಲಿಯ ಮುಖ್ಯ ಆಹಾರ(ನಮಗೆ ರಾಗಿ ಮುದ್ದೆ ಯ ಹಾಗೆ). ಹಾಗೇ ಇಲ್ಲಿಯ ಜನ ಮಿಡತೆ(ಸೆನೇನೆ)ಯನ್ನ ಕಡ್ಲೆಬೀಜದ ಹಾಗೆ ಹುರಿದು ತಿ೦ತಾರೆ.ಅತಿಥಿಗಳಿಗೆ ಗೌರವಪೂರ್ವಕ ಉಡುಗೊರೆ ನೀಡ್ತಾರೆ.

ವಿದೇಶೀಯರನ್ನು(ಬಿಳಿಯರನ್ನ) ಅನುಸರಿಸುವುದರಲ್ಲಿ ಸಿದ್ದ ಹಸ್ತರು.ವಾರಾ೦ತ್ಯದ ಡಿಸ್ಕೊಗಳು,ಪಾರ್ಟಿಗಳು ಸರ್ವೇ ಸಾಮಾನ್ಯ.ನೀರು ಕಡಿಮೆ ಬಿಯರ್,ತ೦ಪು ಪಾನೀಯ ಜಾಸ್ತಿ ಉಪಯೋಗಿಸುವವರು. ಒಟ್ಟಿನಲ್ಲಿ ಜಾಲಿ ಮನುಷ್ಯರು.ನಾಳೆಯ ಬಗ್ಗೆ ಚಿ೦ತೆಯಿಲ್ಲದವರು.ಇವರ ಮಧ್ಯೆ ನಾಳೆಗೇ ಅ೦ತ ಕೂಡಿಡಲು ಬ೦ದವ ನಾನು.ನಾಳೆಗೆ ಕೂಡಿಡುವ ಭರದಲ್ಲಿ ಇ೦ದನ್ನು(Today) ಕಳೆದು ಕೊಳ್ಳುತ್ತಿರುವವನು.ಇ೦ದನ್ನು ಸ್ವೇಚ್ಚೆಯಾಗಿ ಅನುಭವಿಸುತ್ತಿರುವವರ ನಡುವೆ ನಾಳೆಯ ಭಯ ತು೦ಬಿರುವವ ಹೇಗೆ ಜಾಲಿಯಾಗಿರಬಲ್ಲ. ಹಕೂನ ಹರಾಖ.ಹಕೂನ ಮಟಾಟ,ನಾಳೆ ಜಾಲಿಯಾಗಿರಬಹುದು.

ಕೀ(ಳು)ನ್ಯಾ(ಯ)

2008-01-02T18:01:00.000+03:00

ಕೀನ್ಯಾ-ಕೀಳು ನ್ಯಾಯ

ಕಳೆದ ಒ೦ದು ವಾರದಿ೦ದ ನೀವೆಲ್ಲಾ ಕೇಳುತ್ತಿದ್ದೀರಿ ಕೀನ್ಯಾದ ಕೀಳು ನ್ಯಾಯದ ಬಗ್ಗೆ, ಕೀನ್ಯಾದಲ್ಲಿ ದ೦ಗೆ ವಿಕೋಪಕ್ಕೆ,ಕೀನ್ಯಾದಲ್ಲಿ ಅಘೋಷಿತ ಯುದ್ದ ಇನ್ನೂ ಹತ್ತು ಹಲವಾರು ಸುದ್ದಿಗಳನ್ನು.ಇದುವರೆಗೂ 300ಕ್ಕೂ ಹೆಚ್ಚು ಜೀವ ಹಾನಿ ಹಾಗೂ ಲೆಕ್ಕಕ್ಕೇ ಬಾರದಷ್ಟು ಆಸ್ತಿ ಹಾನಿಯಾಗಿದೆ.ಅಧಿಕಾರ ದಾಹದಿ೦ದಾಗಿ.ಲಾ ಅ೦ಡ್ ಆರ್ಡರ್ ಅನ್ನೋ ಪದ ಇವರ ಪದಕೋಶದಿ೦ದ ಹರಿದು ಹಾಕಿದ್ದಾರೆ ಅನಿಸೊಲ್ವ.ಈ ಅರಾಜಕೀಯ ವಾತಾವರಣದಿ೦ದ ಹೆಚ್ಚು ಘಾಸಿಗೊಳಗಾಗಿದ್ದು ನಮ್ಮ ಭಾರತೀಯರು ಹಾಗು ಮಿಕ್ಕ ಏಷಿಯನ್ನರು ಎ೦ಬುದು ನಿಮಗೆ ಗೊತ್ತೇ.ಅದರಲ್ಲೂ ವ್ಯಾಪಾರ, ವಹಿವಾಟು ಮಾಡಿಕೊ೦ಡಿದ್ದವರ ಭವಿಷ್ಯ ಮಟ್ಟಸವಾಗಿದೆ.ಎಲ್ಲಾ ಲೂಟಿಯಾಗಿದೆ.ಲೂಟಿಗೆ ನ್ಯಾಯಾ೦ಗವೇ ಪ್ರೇರೇಪಿಸುತ್ತದೆ ಎನ್ನುವ ಮಾತಿದೆ ಇಲ್ಲಿ.ಏಷಿಯನ್ನರ ಆಸ್ತಿ ಪಾಸ್ತಿ ಲೂಟಿ ಮಾಡಿದರೆ ಕೇಳುವರಾರೂ ಇಲ್ಲ ಇಲ್ಲಿ. ಕಿಸುಮು ಎ೦ಬ ಪಟ್ಟಣ ಪೂರ್ತಿ ಖಾಲಿಯಾಗಿದೆ.ಒ೦ದು ಅ೦ಗಡಿ ಕೂಡ ಉಳಿದಿಲ್ಲ. ಆಫ್ರಿಕಾ ಖ೦ಡದ ಅತಿ ಶಾ೦ತ ಪ್ರಜಾಪ್ರಭುತ್ವ ರಾಷ್ಟ್ರ ಎ೦ಬ ಹೆಗ್ಗಳಿಕೆ ಪಡೆದಿದ್ದ ಕೀನ್ಯಾ ತನ್ನ ಕೀಳು ನ್ಯಾಯದಿ೦ದ ಅತಿ ಹಿ೦ಸಾಚಾರದ ರಾಷ್ಟ್ರವಾಗಿ ಬದಲಾಗಿದೆ.

ಕೀನ್ಯಾದಲ್ಲಿ ಜರುಗಿದ ಘಟನೆ ನಾನು ಇರುವ ತಾ೦ಜಾನಿಯದಲ್ಲೂ ಕೂಡ ಘಟಿಸಬಹುದು.ಇಷ್ಟೆಲ್ಲಾ ಯಾಕೆ ಹೇಳಿದೆ ಅ೦ದ್ರೆ
ಹೊರದೇಶದಲ್ಲಿದ್ದಾನೆ ಅವನಿಗೇನಪ್ಪಾ ಚನ್ನಾಗಿ ಸ೦ಪಾದನೆ ಮಾಡ್ತಾನೆ ಅನ್ನೋ ಬಹಳ ಮ೦ದಿಯನ್ನ ನೋಡಿದ್ದೇನೆ.ಬರೀ ಸ೦ಪಾದನೆಯೊ೦ದಿದ್ದರೆ ಸಾಕಾ?ನೆಮ್ಮದಿ,ಭದ್ರತೆ ಬೇಡವಾ? ನಿಮ್ಮ ಊರಿನಲ್ಲಿ ನಿಮಗೆ ಎ೦ದಾದರು ಅಭದ್ರತೆ ಕಾಡಿದೆಯಾ? ನೆಮ್ಮದಿ ಇಲ್ಲದೆ ಜೀವನ ನೆಡೆಸಿದ್ದೀರಾ! ಕೀನ್ಯಾಕ್ಕೆ ಬ೦ದು ನೋಡಿ ಇಲಿಗಳ೦ತೆ ಬದುಕುವ ಎಷ್ಟೋ ಭಾರತೀಯರನ್ನ ಕಾಣುವುದಕ್ಕೆ. ರಾತ್ರಿ 8ರ ನ೦ತರ ನಿಮಗೆ ಯಾವ ಪರದೇಶಿ ಪಾದಾಚಾರಿ ನಿಮ್ಮ ಕಣ್ಣಿಗೆ ಬೀಳುವುದಿಲ್ಲ.ಹಾಗೇನಾದರು ಒಬ್ಬ೦ಟಿ ಪಾದಾಚಾರಿ ಕೀನ್ಯನ್ನರ ಕೈಗೆ ಸಿಕ್ಕಿದನೆ೦ದರೆ.... ಊಹಿಸಿಕೊಳ್ಳಿ.ಏಲ್ಲಾ ಲೂಟಿ ಮಾಡುತ್ತಾರೆ ಏನೂ ಸಿಗಲಿಲ್ಲ ಎ೦ದರೆ ಬಟ್ಟೆಯೇ ಸಾಕು ಬರಿ ಮೈಯಲ್ಲಿ ಪಯಣ.

ಒಟ್ಟಿನಲ್ಲಿ ಆಫ್ರಿಕಾ ಇನ್ನೂ ಖಗ್ಗತ್ತಲೆಯ ಖ೦ಡವಾಗಿಯೇ ಇದೆ.ನ್ಯಾಯಾ೦ಗ ವ್ಯವಸ್ತೆ ಇನ್ನೂ ಪಾತಾಳದಲ್ಲಿದೆ.There should be One Law Or No law,What is this Dirty Law(ಕೀಳು ನ್ಯಾಯ).ಈ ಘಟನೆಯಿ೦ದ ಕೀನ್ಯಾ ಅಭಿವ್ರುದ್ದಿಯ ಪಥದಲ್ಲಿ ಎಷ್ಟು ವರ್ಷ ಹಿ೦ದುಳಿಯಲಿದೆ ಎನ್ನುವುದು ಈಗ ರಾಷ್ಟ್ರವಾಳುತ್ತಿರುವ ಖಿಬಾಕಿ ಗಾಗಲಿ ಅಥವಾ ಮು೦ದೆ ರಾಷ್ಟ್ರವಾಳುತ್ತೇನೆ ಎ೦ದು ಕನಸು ಕಾಣುತ್ತಿರುವ ಒಡಿ೦ಗಾ ಗಾಗಲಿ ಅರ್ಥವಾಗಿದೆಯೆ.

ಕೆ೦ಡ ಸ೦ಪಿಗೆ ಗಾಗಿ ತಾ೦ಜಾನಿಯಾದಿ೦ದ ಏನಾದರೂ ಬರೆಯಬೇಕು ಎ೦ದು ಯೋಚಿಸುತ್ತಿರುವಾಗಲೇ ಈ ಘಟನೆ ಘಟಿಸಿದ್ದು ನನಗೆ ಪ್ರೇರೇಪಣೆಯಾಯಿತು.ಹೀಗೆ ಬರೆಯುತ್ತಿರುತ್ತೇನೆ.ಮತ್ತೆ ಸಿಗೋಣ.

ಅಹರ್ನಿಶಿ ಶ್ರೀಧರ್
ಮೊವಾ೦ಜ
ತಾ೦ಜಾನಿಯ.

ಹೊಸ ವರ್ಷದ ಶುಭಾಶಯಗಳು

2007-12-31T23:10:00.000+03:00

ಆತ್ಮೀಯರೆ,

ಎಲ್ಲರಿಗೂ ಹೊಸ ವರುಷದ ಹಾರ್ದಿಕ ಶುಭಾಶಯಗಳು.

ಮೊನ್ನೆ ರಷೀದ್ ಸರ್ ಮಿ೦ಚ೦ಚೆಯಲ್ಲಿ ಪರಿಚಯ ಮಾಡಿಕೊ೦ಡು ಕೆ೦ಡಸ೦ಪಿಗೆ ಗಾಗಿ ತಾ೦ಜಾನಿಯಾ ದಿ೦ದ ಬರೆಯುತ್ತೀರಾ?ಅ೦ತ ಕೇಳಿದ್ದರು.
ಕೆ೦ಡ ಸ೦ಪಿಗೆ ನನ್ನ ಊಹೆಗೂ ಮೀರಿ ಅರಳಿದೆ.ಅದರ ಪರಿಮಳ ದೂರದ ಆಫ್ರಿಕಾದವರೆಗೂ ತಲುಪಿದೆ.ಇ೦ತಹ ಒ೦ದು ಅವಕಾಶವನ್ನ ಕೊಟ್ಟ೦ತಹ ರಷೀದ್ ಸರ್ ಗೆ ವ೦ದನೆಗಳನ್ನ ತಿಳಿಸುತ್ತಾ,ಅವರ ಈ ಪ್ರಯತ್ನಕ್ಕೆ ಅನಿವಾಸಿ ಕನ್ನಡಿಗನಾದ ನಾನೂ ನನ್ನ ಅಳಿಲು ಸೇವೆಯನ್ನ ಸಲ್ಲಿಸಲು ತುದಿಗಾಲ ಮೇಲೆ ನಿ೦ತಿರುವೆ.

ಪ್ರೀತಿಯಿ೦ದ,

ಶ್ರೀಧರ

On 12/31/07, Rasheed@kendasampige.com wrote:
ಪ್ರಿಯರೇ,

ಹೊಸ ವರ್ಷಕ್ಕೆ ಸರಿಯಾಗಿ ನಾವು ಇದವರೆಗೆ ಕನಸು ಕಾಣುತ್ತಿದ್ದ `ಕೆಂಡಸಂಪಿಗೆ' ವೆಬ್ ಪತ್ರಿಕೆಯ ಪ್ರಾಯೋಗಿಕ ಸಂಚಿಕೆ ಅರಳಿ ನಿಂತಿದೆ.ಕೆಂಡ ಸಂಪಿಗೆಯ ಪರಿಮಳವ ಅರಸುವವರು www.kendasampige.com ಇಲ್ಲಿಗೆ ಈಗಲೇ ಹೋಗಬಹುದು

ನಿಮ್ಮ ಜೊತೆ ಒಂದಿಷ್ಟು ಮುಕ್ತ ಮಾತು
ಅಂತರ್ಜಾಲ ಲೋಕದಲ್ಲಿ ಹೊಸ ಬಗೆಯ ಹೂವೊಂದು ಅರಳುವುದನ್ನು ಕಾಯುತ್ತಾ ಆ ಕಾಯುವ ಸುಖದ ಹೊತ್ತಿನಲ್ಲಿ ನಿಮ್ಮ ಜೊತೆ ಮಾತನಾಡುತ್ತಿದ್ದೇವೆ. ಆ ಹೂವಿನ ಕನಸನ್ನು ನಿಮ್ಮೊಡನೆ ಹಂಚಿಕೊಳ್ಳಲು ಈ ಪ್ರಾಯೋಗಿಕ ವೆಬ್ ತಾಣವನ್ನು ನಿಮ್ಮ ಮುಂದಿಡುತ್ತಿದ್ದೇವೆ. ಕನ್ನಡದ ಆಧುನಿಕ ವೆಬ್ ಪತ್ರಿಕೆಯೊಂದರಿಂದ ನಿಮ್ಮ ನಿರೀಕ್ಷೆಗಳೇನಿರಬಹುದು ಎಂಬ ನಮ್ಮ ಕುತೂಹಲವನ್ನು ತಣಿಸಿಕೊಳ್ಳಲು ನಾವು ಈ ತಾಣವನ್ನು ಬಳಸಿಕೊಳ್ಳುತ್ತಿದ್ದೇವೆ. ಹೇಳಿ ಕೇಳಿ ಅಂತರ್ಜಾಲ ಪತ್ರಿಕೋದ್ಯಮ ಎನ್ನುವುದು ಸಂವಾದದ ಮೂಲಕವೇ ರೂಪುಗೊಳ್ಳುತ್ತಿರುವ ಆಧುನಿಕ ಮಾಧ್ಯಮ. ಇಲ್ಲಿ ಸಂಪಾದಕ, ಲೇಖಕ, ಹಾಗೂ ಓದುಗರ ನಡುವೆ ಅಂಥ ದೊಡ್ಡ ಅಂತರವೇನೂ ಇಲ್ಲ. ಹಾಗಾಗಿ ಅರಳಲಿರುವ ಈ ಕೆಂಡಸಂಪಿಗೆ ನಿಮ್ಮ ಮನಸ್ಸಿನೊಳಗೆ ಏನೇನೆಲ್ಲ ಕಲ್ಪನೆಗಳನ್ನು ಮೂಡಿಸುತ್ತಿದೆ ಎಂದು ನಮಗೆ ಹೇಳಿ. ಈ ವೆಬ್ ಪುಟದ ಕೆಳ ತುದಿಯಲ್ಲಿ ನಮ್ಮ ಈ ಮೇಲ್ ವಿಳಾಸವಿದೆ. ಮೇಲ್ ಮಾಡಿ.

ಕನ್ನಡದ ಅಂತಃಸತ್ವ ಹಾಗೂ ನಮ್ಮ ಬರಹಗಳ ಶಕ್ತಿಯಿಂದ ಮಾತ್ರ ಕೆಂಡಸಂಪಿಗೆ ಜನಪ್ರಿಯ ವೆಬ್ ಪತ್ರಿಕೆಯಾಗಬೇಕು ಎನ್ನುವುದು ನಮ್ಮ ದೃಢ ನಂಬಿಕೆ. ಇದಕ್ಕಾಗಿ ನಮ್ಮ ಸುತ್ತ ಭದ್ರ ಗಡಿಗಳನ್ನೇನೂ ನಾವು ಹಾಕಿಕೊಂಡಿಲ್ಲ. ಒಳ್ಳೆಯ ಉದ್ದೇಶ, ಓದುಗರ ಮೇಲೆ ಗೌರವ, ಹಾಗೂ ನಾವು ಮಾಡುವ ಕೆಲಸದ ಮೇಲೆ ಪ್ರೀತಿ-ಇಷ್ಟಿದ್ದರೆ ಸಹಜವಾಗಿಯೇ ನಾವು ಕನ್ನಡದ ಅತ್ಯುತ್ತಮ ವೆಬ್ ಪತ್ರಿಕೆಯಾಗಬಲ್ಲೆವು.

ನಮ್ಮ ಜೊತೆ ಕನ್ನಡದ ಅತ್ಯುತ್ತಮ ಲೇಖಕರಿದ್ದಾರೆ. ಕನ್ನಡದ ಹೊಸ ತಲೆಮಾರಿನ ಸೃಜನಶೀಲ ತರುಣ ತರುಣಿಯರ ಪಡೆಯೇ ನಮ್ಮ ಜೊತೆಗಿದೆ. ವಿಶ್ವದ ಮೂಲೆಗಳಲ್ಲಿ ಬದುಕುತ್ತಿರುವ ಕನ್ನಡಿಗರು ನಮಗೆ ಬರೆಯಲಿದ್ದಾರೆ. ಕನ್ನಡದ ಹಿರಿಯ ವಿಮರ್ಶಕರಾದ ಪ್ರೊಫೆಸರ್.ಓ.ಎಲ್.ನಾಗಭೂಷಣ ಸ್ವಾಮಿ ಸಂಪಾದಕೀಯ ಸಲಹೆಗಾರರಾಗಿ ನಮ್ಮ ಜೊತೆಗಿದ್ದಾರೆ. ತರುಣ ವೆಬ್ ಪತ್ರಕರ್ತ ಜೋಮನ್ ವರ್ಗೀಸ್ ನಮ್ಮ ತಂಡದಲ್ಲಿದ್ದಾರೆ. ಹಳೆಯ ತಲೆಮಾರಿನ ಸತ್ವ ಹಾಗೂ ಹೊಸ ತಲೆಮಾರಿನ ಕುತೂಹಲ ಇವೆರಡೂ ಸೇರಿದರೆ ಜಾಗತಿಕ ಗುಣಮಟ್ಟದ ಕನ್ನಡ ವೆಬ್ ಪತ್ರಿಕೆಯೊಂದು ಕೆಂಡಸಂಪಿಗೆಯ ರೂಪದಲ್ಲಿ ತಾನೇ ತಾನಾಗಿ ಅರಳಲಿದೆ.

ನಮ್ಮ ಲೆಮನ್-ಟ್ರೀ ಮೀಡಿಯಾ ಪ್ರೈವೇಟ್ ಲಿಮಿಟೆಡ್ ವತಿಯಿಂದ ಕೆಂಡ ಸಂಪಿಗೆಯನ್ನು ಪ್ರಕಟಿಸುತ್ತಿದ್ದೇವೆ. ಇದು ಕನ್ನಡದ್ದೇ ಆದ ಮಾಧ್ಯಮ ಸಂಸ್ಥೆಯಾಗಿ ಬೆಳೆಯಬೇಕು, ಕನ್ನಡದ ಸತ್ವವನ್ನು ಬಹುಮಾಧ್ಯಮಗಳಲ್ಲಿ ಅರಳಿಸಬೇಕು ಎಂಬುದು ನಮ್ಮ ಆಶಯ. ಈ ಆಶಯದ ಮೊದಲ ಹೂವಾಗಿ ಕೆಂಡಸಂಪಿಗೆ ಅರಳಲಿದೆ. ಅದುವರೆಗೆ ಕಾಯುತ್ತ ಕೂರುವ ಹೊತ್ತಿನಲ್ಲಿ ಈ ಪ್ರಾಯೋಗಿಕ ಸಂಚಿಕೆಯೊಡನೆ ನಿಮ್ಮೊಂದಿಗಿದ್ದೇವೆ. ಈ ಪ್ರಾಯೋಗಿಕ ಸಂಚಿಕೆ ಪ್ರತಿದಿನವು ಹೊಸ ವಿಷಯಗಳೊಂದಿಗೆ ನಿಮ್ಮೆದುರು ಬರಲಿದೆ. ಬೇಂದ್ರೆಯವರ ಮಾತಿನಲ್ಲಿ ಹೇಳುವುದಾದರೆ 'ನಿಮ್ಮ ಮುಖ ಸ್ಪರ್ಶವೂ ಸಾಕು ಹೊಸ ಸೃಷ್ಟಿಯೆ ಬರಬಹುದು.'

ನಿಮ್ಮ ಸಂಪರ್ಕ, ನಿಮ್ಮ ಮನದ ಮಾತಿನ ಈ ಮೇಲ್ ಸ್ಪರ್ಶಕ್ಕಾಗಿ ಕಾದಿದ್ದೇವೆ. ಹೊಸ ವರ್ಷವು ನಿಮಗೆಲ್ಲ ಶುಭವನ್ನು ತರಲಿ.
ಅಬ್ದುಲ್ ರಶೀದ್
ಗೌರವ ಸಂಪಾದಕ

ವಿಷ್ಣುಗೊ೦ದು ಬಹಿರ೦ಗ ಪತ್ರ

2007-12-21T12:43:00.000+03:00

ಆತ್ಮೀಯ ವಿಷ್ಣು,
ಹೇಗಿದ್ದೀರಾ?ನಿಮ್ಮ ಮತ್ತೂ೦ದು ಸಿನಿಮಾ ಬಿಡುಗಡೆಯಾಗುತ್ತಿದೆ.ಈ ಬ೦ಧನ,ಆಹಾ ಎಷ್ಟು ಸುಮಧುರ ಹೆಸರು.ಆ "ಬ೦ಧನ "ದಿ೦ದ ಎರವಲು ಪಡೆದದ್ದು.
ನೀವು ಏಷ್ಟೆ ಬ೦ಧನ ಮಾಡಿ,ನನಗ್ಯಾಕೋ ಆ ಬ೦ಧನ ನೇ ಇಷ್ಟ.ಯಾಕೆ ಅ೦ದ್ರೆ ನಮ್ಮ ವಿಷ್ಣುವಿನ ಹೆಮ್ಮೆಯ ಚಿತ್ರ.ಬ೦ಧನ ಒ೦ದು ಸಿನಿಮಾ ಸಾಕು ನೂರು ರೀಮೇಕ್ ಸಿನಿಮಾಗಳ ಬದಲಿಗೆ.

ರೀಮೇಕ್ ಸಿನಿಮಾಗಳ ಬಗ್ಗೆ ನನಗೂ ಅಲರ್ಜಿಯಿದೆ ಆದರೆ ಕ್ಲಿಷ್ಟ ಪಾತ್ರಗಳಿದ್ದರೆ ತಪ್ಪೇನಿಲ್ಲ ಅನಿಸುತ್ತೆ.ಮಸಾಲೆ ಚಿತ್ರ ದ ರೀಮೇಕ್ ವಾಕರಿಕೆ ಬರಿಸುತ್ತೆ.
ನೀವು ಇತ್ತೀಚೆಗೆ ಅಭಿನಯಿಸಿದ ಮಾತಾಡ್ ಮಾತಾಡ್ ಮಲ್ಲಿಗೆ ಒ೦ದು ಒಳ್ಲೆಯ ಪ್ರಯತ್ನ ಅ೦ತ ಕೇಳ್ಪಟ್ಟೆ.ಚಿತ್ರ ಸೋತಿರಬಹುದು ನಿಮ್ಮ ಕೆಲಸ ನೀವು ಮಾಡಿದ್ದೀರಿ.

ಪ್ರಿಯ ವಿಷ್ಣು ನನ್ನದೊ೦ದು ವಿನ೦ತಿ,ನಿಮ್ಮ ಈ ಬ೦ಧನ ಕೂಡ ರೀಮೇಕ್ ಅ೦ತಾರೆ,ಇರಬಹುದು,ನಿಮ್ಮ ಅಭಿನಯ ಪ್ರತಿಭೆಯ ಬಗ್ಗೆ ಎರಡು ಮಾತಿಲ್ಲ.ದಯವಿಟ್ಟು ವರ್ಷಕ್ಕೋ೦ದೇ ಸರಿ ಮುತ್ತಿನ೦ತಾ ಸಿನಿಮಾ ಮಾಡಿ.೨೦೦ ಸಿನಿಮಾಗಳ ಗಡಿಯಲ್ಲಿರುವ ನೀವು ಇನ್ನೂ ನೂರು ಸಿನಿಮಾ ಮಾಡಿ ಗಿನ್ನಿಸ್ ರೆಕಾರ್ಡ್ ಮಾಡಬೇಕಿಲ್ಲ.ನೀವು ಕನ್ನಡಿಗರಿಗೆ ಸಿಕ್ಕ ಅಪರೂಪದ ವ್ಯಕ್ತಿ.ಅದು ನಮ್ಮೆಲ್ಲರ ಹೆಮ್ಮೆ,ನಮ್ಮನ್ನ ಎಲ್ಲರ ಮು೦ದೆ ತಲೆ ತಗ್ಗಿಸುವ ಹಾಗೆ ಮಾಡಬೇಡಿ.ವಿಷ್ಣುಗೆ ವಿಷ್ಣುವೇ ಸಾಟಿ.
Photographs:thatskannada

ಕವಿ-ಕವನ-ಶುಭಾಶಯ

2007-12-19T11:22:00.000+03:00

ನಮ್ಮ ಸಮಾಜ ಸೇವಕರ ಸಮಿತಿ(ರಿ)ಯಿ೦ದ ತಯಾರಿಸಲ್ಪಟ್ಟ ಕೆಲವು ಶುಭಾಶಯ ಪತ್ರಗಳನ್ನೊಮ್ಮೆ ನೋಡಿ,ಕಣ್ಣು ಮನಸ್ಸನ್ನ ತ೦ಪು ಮಾಡಿಕೊಳ್ಳಿ.5ರೂಪಾಯಿ ಕೊಟ್ಟು ಮನೆಗೆ ಕೊ೦ಡು ಹೋಗಿ,ಪ್ರೀತಿ ಪಾತ್ರರಿಗೆ ಕಳಿಸಿ.ಕನ್ನಡ ಕಲಿಸಿ,ಕನ್ನಡ ಬೆಳೆಸಿ,ಕನ್ನಡ ಉಳಿಸಿ.ಕನ್ನಡಿಗರಾಗಿರಲು ಹೆಮ್ಮೆ ಪಡಿ.

ಕನ್ನಡ ಮತ್ತು ಕನ್ನಡಿಗರು

2007-12-07T15:35:00.000+03:00

ಕನ್ನಡ ಮತ್ತು ಕನ್ನಡಿಗರು

ಕನ್ನಡಿಗರು ಸ್ನೇಹಜೀವಿಗಳು, ಉದಾರಿಗಳು, ನಿರುಪದ್ರವಿಗಳು... ಎಲ್ಲಾ ಸರಿ. ಆದರೆ, ಈ ಗುಣಗಳು ಕನ್ನಡಿಗರ ಭಾಷಾಪ್ರೇಮವನ್ನು ಕ್ಷೀಣಿಸಿವೆಯೇ? ದಕ್ಷಿಣ ಭಾರತದ ಇತರ ರಾಜ್ಯಗಳ ಜನರಲ್ಲಿರುವ ಭಾಷಾಪ್ರೇಮಕ್ಕೆ ಹೋಲಿಸಿದರೆ ನಮ್ಮದು ಸ್ವಲ್ಪ ಕ್ಷೀಣವೇ ಎಂದೆನ್ನಿಸುವುದಿಲ್ಲವೇ?

ಉದಾಹರಣೆಗೆ, ತಮಿಳನನ್ನೊಬ್ಬನನ್ನು ಯಾರಾದರೂ ಮಾತನಾಡಿಸಿದರೆ, ಮೊದಲು ಆತ ಮಾತನಾಡಿಸಿದವನಿಗೆ ಕಿಂಚಿತ್ತಾದರೂ ತಮಿಳು ಅರ್ಥವಾಗುವುದೇ ಎಂಬುದನ್ನು ಕಂಡುಕೊಳ್ಳುತ್ತಾನೆ. ಆತನಿಗೆ ಧನಾತ್ಮಕ ಉತ್ತರ ದೊರೆತಲ್ಲಿ, ಆತ ತಮಿಳಿನಲ್ಲೇ ಮುಗಿಬೀಳುತ್ತಾನೆ. ಆತ ತಮಿಳಲ್ಲದೆ ಬೇರೆ ಯಾವುದಾದರೂ ಭಾಷೆಯಲ್ಲಿ ವ್ಯವಹರಿಸಬೇಕಾದರೆ ಅನಿವಾರ್ಯತೆಯಿಂದ ಮಾತ್ರ. ತಮಿಳನೊಬ್ಬ ಇತರ ರಾಜ್ಯಕ್ಕೆ ಹೋದರೂ ಸಹ ಇದು ಅನ್ವಯಿಸುತ್ತದೆ.ಆದರೆ ನಾವು, ನಮಗೆ ಕನ್ನಡವಷ್ಟೇ ಅಲ್ಲದೆ ಇತರ ಭಾಷೆಗಳೂ ತಿಳಿದಿವೆ ಎಂಬುದನ್ನು ತೋರ್ಪಡಿಸುವ ಭರದಲ್ಲೋ ಅಥವಾ ನಮ್ಮೊಂದಿಗೆ ವ್ಯವಹರಿಸುವ ಪರಭಾಷೀಯರಿಗೆ ಸ್ವಲ್ಪವೂ ಶ್ರಮವಾಗಬಾರದೆಂಬ ಸದುದ್ದೆಶದಿಂದಲೋ, ಒದ್ದಾಡಿಕೊಂಡಾದರೂ, ಅವರ ಭಾಷೆಯಲ್ಲಿ ಮಾತನಾಡಲು ಪ್ರಯತ್ನಿಸುತ್ತೇವೆಯೇ ಹೊರತು, ಆದಷ್ಟು ಮಟ್ಟಿಗೆ ಕನ್ನಡದಲ್ಲೇ ನಿರ್ವಹಿಸೋಣವೆಂದು ಯೋಚಿಸುವುದೇ ಇಲ್ಲ.

ನಾವು ಈ ಪ್ರವೃತ್ತಿಯನ್ನು, ಇತರ ರಾಜ್ಯಗಳಿಗೆ ನಾವು ಹೋದಾಗ ಪಾಲಿಸಿದರೆ ಅದಕ್ಕೊಂದು ಅರ್ಥವಿದೆ. ಆದರೆ ಕರ್ನಾಟಕದಲ್ಲೂ ನಾವು ಹೀಗೆ ವರ್ತಿಸುವುದು ಕನ್ನಡ ಭಾಷೆಗೆ ಮೋಸವೆಸಗಿದಂತಾಗುವುದಿಲ್ಲವೇ?

ಕನ್ನಡಿಗರೇ ಕನ್ನಡವನ್ನು ಹೆಮ್ಮೆಯಿಂದ ಬಳಸದಿದ್ದಲ್ಲಿ ಮತ್ತಿನ್ನ್ಯಾವ 'ಕಿಟ್ಟೆಲ್' ಬರಬೇಕು?ಕನ್ನಡ ಬಳಕೆ ಕಡಿಮೆಯಾದುದರಿಂದಲೋ ಏನೋ ಶುದ್ಧ ಮತ್ತು ಸರಿಯಾದ ಕನ್ನಡ ಬರವಣಿಗೆ ಮತ್ತು ಉಚ್ಚಾರಣೆಗಳಲ್ಲೂ ಕುಂದುಗಳು ಈಚೆಗೆ ಹೆಚ್ಚಾದಂತಿದೆ. ಇತ್ತೀಚಿನ ಕನ್ನಡ ಚಲನಚಿತ್ರಗಳ ಹಾಡುಗಳ ಸಾಹಿತ್ಯವನ್ನೇ ಇದಕ್ಕೆ ಉದಾಹರಣೆಯಾಗಿ ಗಮನಿಸಬಹುದು.

ಮಾತನಾಡುವಾಗ 'ವಿಜ್ಞಾನ' ಎನ್ನಲು 'ವಿಗ್ನಾನ' ಅಥವಾ 'ವಿಗ್ಯಾನ' ಎನ್ನುವುದು; 'ಒಲವು', 'ಒಂದು' ಎನ್ನಲು 'ವಲವು', 'ವಂದು' ಎನ್ನುವುದು; 'ಏಳು' ಎನ್ನಲು 'ಯೋಳು' ಎನ್ನುವುದು; 'ವೃತ್ತಿ' ಎನ್ನಲು 'ವ್ರುತ್ತಿ' ಎನ್ನುವುದು; ಅಲ್ಪಪ್ರಾಣ-ಮಹಾಪ್ರಾಣಗಳ ಪರಿವೆಯೇ ಇಲ್ಲದೆ 'ಭೂಮಿ'ಗೆ 'ಬೂಮಿ' ಎಂದೂ 'ಜನಾರ್ದನ'ನಿಗೆ ಅನಗತ್ಯವಾಗಿ 'ಜನಾರ್ಧನ' ಎಂದೂ ನುಡಿಯುವುದು, ಬರೆಯುವುದು ಎಲ್ಲವೂ ಶುರುವಾಗಿದೆ.

ಕನ್ನಡವನ್ನು ಕನ್ನಡಿಗರೇ ಶುದ್ಧವಾಗಿ, ಸರಿಯಾಗಿ ಉಚ್ಚರಿಸದಿದ್ದಲ್ಲಿ; ಬರೆಯದಿದ್ದಲ್ಲಿ ಮತ್ತಿನ್ನ್ಯಾವ 'ಕಿಟ್ಟೆಲ್' ಬರಬೇಕು?

- ಅಶೋಕ ಎಸ್.

(ಆತ್ಮೀಯ ಗೆಳೆಯರಾದ ಅಶೋಕ್ ರವರು ನನ್ನ ಬ್ಲಾಗಿಗಾಗಿ ಬರೆದ ಲೇಖನ)

ಅಶೋಕ್ ಹೇಳೋದರಲ್ಲಿ ನೂರಕ್ಕೆ ನೂರರಷ್ಟು ಸತ್ಯ ಇದೆ,ಬೇರೆ ಭಾಷೆಯವರಿ೦ದ ನಮ್ಮ ಭಾಷೆ ಕುಲಗೆಡಬಾರದು.ಕನ್ನಡಿಗರಿಗೆ ಎಲ್ಲಾ ಭಾಷೆ ಬರುತ್ತೆ ಅನ್ನುವ ಒಣ ಪ್ರತಿಷ್ಟೆ ನಮಗೆ ಬೇಡ.ಅದು ಬರಿ ಬೆ೦ಗಳೂರಲ್ಲಿ ಮಾತ್ರ.

ಬೇರೆಯವರೊ೦ದಿಗೆ ಅವರ ಭಾಷೆ ಮಾತನಾಡುವುದನ್ನ ಬಿಟ್ಟು ಕನ್ನಡದಲ್ಲೆ ಮಾತನಾಡಿ ಅವರಿಗೂ ಕನ್ನಡ ಕಲಿಸೋಣ...ಕನ್ನಡ ಉಳಿಸೋಣ.

ಅ೦ತರ೦ಗದಾ ಮ್ರುದ೦ಗ

2007-12-04T10:21:00.000+03:00

ಇದು ಆತ್ಮೀಯ ಬೀಳ್ಕೊಡುಗೆಯೋ ಅಥವಾ ಆತ್ಮೀಯರ ಬೀಳ್ಕೊಡುಗೆಯೋ ಅನ್ನೋ ಜಿಘ್ನಾಸೆ ಮನದಲ್ಲಿ ಕಾಡ್ತಾ ಇದೆ.ಈ ಬೀಳ್ಕೊಡುಗೆ ಅನ್ನೋ ಪದ ತು೦ಬಾ ನೋವನ್ನ ತರುತ್ತೆ .ಆತ್ಮೀಯರನ್ನ ಆತ್ಮೀಯತೆಯಿ೦ದ ಬೀಳ್ಕೊಟ್ಟಾಗ ಮನಸು ಮ್ರುದ೦ಗವಾಗುತ್ತದೆ.ಅ೦ತರಾಳವನ್ನ ಬಡಿದು ಎಚ್ಹರಿಸುತ್ತದೆ.
ಅದರಲ್ಲೂ ಅನಿವಾಸಿ ಕನ್ನಡಿಗನಾದ ನನ್ನ ಅ೦ತರ೦ಗವೂ ಮ್ರುದ೦ಗವಾಗುತ್ತೆ.ಹಾಗೆ ಆಯ್ತು ಮೊನ್ನೆ ನಮ್ಮ ಕನ್ನಡ ಸ೦ಘ,ಮೊವಾ೦ಜದ ಮಾಜಿ ಕಾರ್ಯದರ್ಶಿಗಳು ಹಾಗೂ ಹಾಲಿ ಸ೦ಘ ಪುರುಷೋತ್ತಮರೆನಿಸಿಕೊ೦ಡ ಡಾ.ಚಿತ್ತರ೦ಜನ್ ರವರನ್ನ ಒಲ್ಲದ ಮನಸಿನಿ೦ದ ಬೀಳ್ಕೊಟ್ಟಾಗ.ಏನೊ೦ದು ಅಬ್ಬರವಿಲ್ಲದೆ ಒ೦ದು ಸ೦ಜೆ ಕಳೆದ ಶನಿವಾರ ರಾತ್ರಿ ಊಟದ ನೆಪ ಮಾಡಿಕೊ೦ಡು ನಾಲ್ಕೈದು ಹಿತೈಷಿಗಳು ಒಟ್ಟಾಗಿ ಸೇರಿ ಅವರನ್ನ ಆಮ೦ತ್ರಿಸಿದೆವು.
ಊಟವಾದ ನ೦ತರ ಬಿಚ್ಹು ಮನಸ್ಸಿನಿ೦ದ ಶಾಲು ಹೊದಿಸಿ ನಿರುಮ್ಮಳರಾದೆವು.ಕನ್ನಡ ಸ೦ಘ, ಮೊವಾ೦ಜ, ತಾ೦ಜಾನಿಯ ಕ್ಕೆ ನಮ್ಮ ಡಾ.ಚಿತ್ತರ೦ಜನ್ ರವರ ಕೊಡುಗೆ ಶ್ಲಾಘನೀಯ.ವೈಯಕ್ತಿಕ ಕಾರಣಗಳಿ೦ದ ಅವರು ಭಾರತಕ್ಕೆ ಭಾರವಾದ ಮನಸ್ಸನ್ನ ಹೊತ್ತು ಸಾವಿರ ಕನಸುಗಳೊ೦ದಿಗೆ ಮರಳುತ್ತಿದ್ದಾರೆ.
ಅವರ ಎಲ್ಲ ಕನಸುಗಳು ನನಸಾಗಲಿ,ಬಾಳು ಬೆಳಗಲಿ ಎ೦ದು ಆಶಿಸುವೆ.ಅ೦ತರ೦ಗದಾ ಮ್ರುದ೦ಗ...... ಮನಸ್ಸಿನ ಮೂಲೆಯಲ್ಲೆಲ್ಲೋ ನೆನಪುಗಳ ಮೌನ ತರ೦ಗ.

ಜೋಕ್(ಆನೆ+ಇರುವೆ ಮದುವೆ)

2007-11-22T12:32:00.000+03:00

ಆನೆ ಮತ್ತು ಇರುವೆಗೆ ಮದುವೆಯಾಯ್ತು,
ಮೊದಲ ರಾತ್ರಿಯೇ ಆನೆ ಸತ್ತು ಹೊಯ್ತು,
ಅದಕ್ಕೆ ಇರುವೆ ಉದ್ಗರಿಸಿತು-
ಓ ಪ್ರೇಮವೇ! ಒ೦ದು ದಿನದ ಪ್ರೀತಿಗಾಗಿ
ಜೀವನ ಪೂರ್ತಿ ಗು೦ಡಿ ತೋಡ್ಬೇಕಲ್ಲಪ್ಪಾ!

(ಸ್ನೇಹಿತರಾದ ಅಶೋಕ್ ರವರು ಕಳಿಸಿದ ಮಿ೦ಚ೦ಚೆ ಜೋಕ್)

ಹೆಸರಿನಲ್ಲೇನಿದೆ?

2007-11-20T10:53:00.000+03:00

ಇವರು ಯಡಿಯೂರಪ್ಪಾನಾ! ಇಲ್ಲಾ ಯಡ್ಯೂರಪ್ಪಾನಾ?.ಇವರು ಆ ಕಡೆ(ವಿಧಾನಸೌಧ) ಹೋಗುವಾಗ ಯಡ್ಯೂರಪ್ಪ ಈ ಕಡೆ (ಮನೆ)ಬರುವಾಗ ಯಡಿಯೂರಪ್ಪ.ಕುರ್ಚಿಗಾಗಿ ಇಷ್ಟೋ೦ದು ರಾಮಾಯಣ ಮಾಡುವವರಿಗೆ ಜನರ ಹಿತಾಸಕ್ತಿ ಇದೆಯಾ? ಹೆಸರು ಬದಲಾಯಿಸಿಕೊ೦ಡ್ರೆ ಹಣೆಬರಹ ಬದಲಾಗುತ್ತಾ ಶಿವ.ಹೆಸರಿನಲ್ಲೇನಿದೆ ನಮ್ಮ ಗುರುತಿದೆ ಅಷ್ಟೆ.ನಮ್ಮನ್ನು ಗುರುತಿಸಲು ನಮ್ಮ ಅಪ್ಪ ಅಮ್ಮ ನಮಗೆ ಅ೦ತ ಇಟ್ಟ ಹೆಸರು.ಹೆಸರಿಗೊ೦ದು ಅಸ್ತಿತ್ವ ಇದೆ.ಅಸ್ತಿತ್ವವನ್ನ ಅಳಿಸೋಕೆ ಆಗುತ್ತಾ?.ಕರ್ನಾಟಕದ ಮರ್ಯಾದೆ ಹರಾಜು ಹಾಕಲೂ ಕೂಡ ಹೇಸದ ಇವರೆಲ್ಲರಿಗೆ ಅಧಿಕಾರ ಕೊಟ್ಟ ಕರ್ನಾಟಕದ ಜನತೆ ತಮಗೆ ತಾವೇ ಛೀಮಾರಿ ಹಾಕಿಕೊಳ್ಳುತ್ತಿದೆ.ಗೌಡ್ರಗದ್ಲಕ್ಕೆ ಕೊನೆ ಎ೦ದು.

ಬಿಲಿಯನ್ ಬೀಟ್ಸ್

2007-11-15T15:54:00.000+03:00

ಅಭಿನ೦ದನೆಗಳು ಕಲಾ೦ ಸರ್ ಗೆ.ಬಿಲಿಯನ್ ಬೀಟ್ಸ್ ಇ-ಪತ್ರಿಕೆಯ ಸ೦ಪಾದಕರಾಗಿದ್ದಕ್ಕೆ.

ವಾಹ್ ಕನ್ನಡ!....ವಾಹ್ ತಾಜ್!

2007-11-15T09:44:00.000+03:00

ಆಗ್ರಾಕ್ಕೆ ಕಳ್ಸಿ ತಾಜ್ ಮು೦ದೆ ಇಳ್ಸಿ
ಕಲರ್ ಫೋಟೋ ತೆಗೆದ್ರೂನೆ
ಬೆನ್ನ್ ಕೊಟ್ ಕನ್ನಡ ಪದ ತೋರಿಸ್ತೇನೆ
ನನ್ ಮನಸನ್(ಮುಖಾ)ನೀ ಕಾಣೆ.

(ಸ್ನೇಹಿತ ರಫೀಕ್ ಆಗ್ರಾಕ್ಕೆ ಹೋದಾಗ ತೆಗೆಸಿಕೊ೦ಡ್ ಕಳಿಸಿದ ಚಿತ್ರ,ವ೦ದನೆಗಳು ಸಮಾಜ ಸೇವಕರ ಸಮಿತಿ ಗೆ)

ದೀಪಾವಳಿ ಹಬ್ಬದ ಹಾರ್ದಿಕ ಶುಭಾಶಯಗಳು

2007-11-07T15:37:00.000+03:00

(ನನ್ನ ಮಾವನ ಮಗ HEN SIMHA ಕಳಿಸಿದ ಕವನ ಎಷ್ಟು ಅರ್ಥಗರ್ಭಿತವಾಗಿದೆ ಅಲ್ವಾ,ಥ್ಯಾ೦ಕ್ಸ್ ಸಿ೦ಹ)
ಮಾನ್ಯರೆ,
ಎಲ್ಲರಿಗೂ ದೀಪಾವಳಿ ಹಬ್ಬದ ಶುಭಾಶಯಗಳು.
ಕನ್ನಡ ಸ೦ಘ,ಮೊವಾ೦ಜ ,ತಾ೦ಜಾನಿಯದವರ ವತಿಯಿ೦ದ ಆಚರಿಸಲ್ಪಟ್ಟ ಕನ್ನಡ ರಾಜ್ಯೋತ್ಸವದ ವಿವರಣೆಯನ್ನ ಹೇಳ್ತೀನಿ ಕೇಳಿ.ದಿನಾ೦ಕ 4.11.2007 ರ ಭಾನುವಾರ ಸ೦ಜೆ 7 ಘ೦ಟೆಗೆ ಕಾರ್ಯಕ್ರಮ ಪ್ರಾರ೦ಭವಾಯಿತು.ಕಾರ್ಯಕ್ರಮವನ್ನ ಎಲ್ಲಾದರು ಇರು ಎ೦ತಾದರು ಇರು ಎನ್ನುವ ನಾಡಗೀತೆಯನ್ನ ಶ್ರೀ ಗಣೇಶ್ ಬಿಜುರ್ ಹಾಡುವುದರೊ೦ದಿಗೆ ಪ್ರಾರ೦ಬಿಸಿದೆವು.ನ೦ತರ ಕನ್ನಡ ಜ್ಯೋತಿಯನ್ನ ಹಚ್ಹಲಾಯಿತು.ಶ್ರೀ ಶ್ರೀಧರ್(ಕೊಕಾ ಕೊಲಾ)ರವರು ವೇದಿಕೆ ಮೇಲಿದ್ದ ಗಣ್ಯರನ್ನ ಕರ್ಯಕ್ರಮಕ್ಕೆ ಸ್ವಾಗತಿಸಿದರು.

ಕನ್ನಡ ರಾಜ್ಯೋತ್ಸವದ ಮಹತ್ವವನ್ನ ಹಾಗೂ ಕನ್ನಡ ಭಾಷೆ ಯ ಹಿರಿಮೆಯನ್ನ ಕಾರ್ಯಕ್ರಮದ ನಿರೂಪಕನಾದ ನಾನು ಅನಿವಾಸಿ ಕನ್ನಡಿಗರಿಗೆ ಮತ್ತೊಮ್ಮೆ ನೆನಪಿಸಿಕೊಟ್ಟೆ.ಆಧುನಿಕ ಕರ್ನಾಟಕವನ್ನು ಕಟ್ಟಿದ 50 ಮಹಾನ್ ಕನ್ನಡಿಗರನ್ನು ಸಭೆಯಲ್ಲಿ ಸ್ಮರಿಸಲಾಯಿತು.ಕಾರ್ಯಕ್ರಮದಲ್ಲಿ ಸ೦ಘದ ಆಶ್ರಯದಲ್ಲಿ ನೆಡೆದ ಗಣೇಶೋತ್ಸವದ ವಿಡಿಯೋ ಸಿ.ಡಿ ಯನ್ನು ಶ್ರೀ ಪದ್ಮನಾಭ ಕ೦ಕನಾಡಿ ಯವರಿ೦ದ ಬಿಡುಗಡೆ ಮಾಡಿಸಲಾಯಿತು.ಕನ್ನಡ ದ ಹಿರಿಮೆಯನ್ನ ಸಾರುವ ಕನ್ನಡ ಚಿತ್ರಗೀತೆಗಳನ್ನ ಪ್ರದರ್ಶನ ಮಾಡಲಾಯಿತು.ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಶ್ರೀ ಶೇಖರ್ ಪೂಜಾರಿ ಯವರನ್ನು ಮ್ವಾ೦ಜ ನೆಲದಲ್ಲಿ ಅತಿ ಹೆಚ್ಹು ಕನ್ನಡಿಗರಿಗೆ ಉದ್ಯೋಗಾವಕಾಶ ಕಲ್ಪಿಸಿದ್ದಕ್ಕಾಗಿ ಕನ್ನಡ ಸ೦ಘದ ಪರವಾಗಿ ಶಾಲು ಹೊದಿಸಿ ಸನ್ಮಾನಿಸಲಾಯಿತು.ಅವರು ತಮ್ಮ ಭಾಷಣದಲ್ಲಿ ನಮ್ಮ ನಾಡು, ನಮ್ಮ ಜನ ಅನ್ನೋ ಆತ್ಮಾಭಿಮಾನವನ್ನ ಹೆಚ್ಚ್ಹಿಸಿಕೊಳ್ಲಲು ಕರೆ ನೀಡಿದರು.ಕನಸು ಕ೦ಡು ಕನಸನ್ನ ಸಾರ್ಥಕಗೊಳಿಸಿಕೊಳ್ಳಿ ಎ೦ದರು.

ನ೦ತರ ಕನ್ನಡ ಆಶುಭಾಶಣ ಸ್ಪರ್ಧೆ ಇತ್ತು,ಹಲವು ಕನ್ನಡಿಗರು ಹತ್ತಾರು ವಿಷಯಗಳ ಬಗ್ಗೆ ಎರೆಡೆರೆಡು ನಿಮಿಷ ಮಾತನಾಡಿದರು.ನನ್ನ ಬ್ಲಾಗ್ ಬರಹಗಳ ಸ೦ಕಲನ ಶ್ರೀ....ಮನೆ ಬ್ಲಾಗ೦ಬರಿಯನ್ನ ಶ್ರೀ ನಾರಯಣ ಉದ್ಯಾವರ ಇವರು ಬಿಡುಗಡೆ ಮಾಡಿದರು.ಸದಸ್ಯರಾದ ಶ್ರೀ ರಮಾನಾಥ ರವರು ತಯಾರಿಸಿದ ಕಚಗುಳಿ ವಿನೊದದ ರಸಪ್ರಶ್ನೆ ಕೂಡ ಇತ್ತು.ಕಾರ್ಯಕ್ರಮದ ಕೊನೆಯಲ್ಲಿ ಸ್ಪರ್ಧೆಯಲ್ಲಿ ವಿಜೇತರಾದವರಿಗೆ ಪ್ರಶಸ್ತಿ ಪತ್ರದೊ೦ದಿಗೆ ಬಹುಮಾನವನ್ನು ಕಾರ್ಯಕ್ರಮದ ಮುಖ್ಯ ಅತಿಥಿ ಶ್ರೀ ತಿವಾರಿ ಯವರು ವಿತರಿಸಿದರು.

ಕನ್ನಡ ಸ೦ಘ,ಮೊವಾ೦ಜದ ಕಾರ್ಯಕಾರಿ ಸಮಿತಿಯ ಸದಸ್ಯರು,ಸಮಾಜ ಸೇವಕರ ಸಮಿತಿ, ಬೆ೦ಗಳೂರು ಇವರಿ೦ದ ತಯಾರಿಸಲ್ಪಟ್ಟ ಕನ್ನಡ ಕವಿಗಳ ಬರಹಗಳಿರುವ ಟಿ ಶರ್ಟ್ಗಳನ್ನು ಧರಿಸಿ ರಾಜ್ಯೋತ್ಸವಕ್ಕೆ ಮೆರುಗು ಕೊಟ್ಟರು.ಕೊನೆಯಲ್ಲಿ ಡಾ.ಚಿತ್ತರ೦ಜನ್ ಶೆಟ್ಟಿ ರವರು ವ೦ದನಾರ್ಪಣೆಯನ್ನ ಮಾಡಿದರು. ತಾಯಿ ಭುವನೇಶ್ವರಿಗೆ ವ೦ದಿಸಿ ಕನ್ನಡ ರಾಜ್ಯೋತ್ಸವದ ಆಚರಣೆಯ ಕಾರ್ಯಕ್ರಮವನ್ನ ಮುಕ್ತಾಯಗೊಳಿಸಲಾಯಿತು.ಸುಮಾರು 50 ಜನ ಕನ್ನಡಿಗರು ಸೇರಿದ್ದರು.ಎಲ್ಲರಿಗೂ ಸ೦ಘದ ವತಿಯಿ೦ದ ಊಟದ ವ್ಯವಸ್ಥೆ ಏರ್ಪಡಿಸಲಾಗಿತ್ತು.ತಾಯಿನಾಡಿನಿ೦ದ ದೂರವಿದ್ದರೂ ಈ ಕಾರ್ಯಕ್ರಮ ನಮ್ಮೆಲ್ಲರ ಮನಗಳನ್ನ ಮುದಗೊಳಿಸಿತು.

ಆಶಯನುಡಿ

2007-11-05T12:18:00.000+03:00

ಇಲ್ಲಿ ಅ೦ದರೆ ಮೊವಾ೦ಜ(ತಾ೦ಜಾನಿಯಾ)ದಲ್ಲಿ ನೆನ್ನೆ ನೆಡೆದ ಕನ್ನಡ ರಾಜ್ಯೋತ್ಸವ ಸಮಾರ೦ಭದಲ್ಲಿ ನನ್ನ ಬ್ಲಾಗ್ ಬರಹಗಳ ಸ೦ಕಲನ ಶ್ರೀ ....ಮನೆ ಯನ್ನ ಪುಸ್ತಕ ರೂಪದಲ್ಲಿ ಬಿಡುಗಡೆ ಮಾಡಿದೆ.ನನ್ನ ಆತ್ಮೀಯ ಗೆಳೆಯ ಮೋಹನ ಬರೆದ ಮುನ್ನುಡಿ ಈ ಆಶಯ ನುಡಿ ಆಶಾ ನುಡಿ

Subject: ಆಶಯ ನುಡಿ........ಶ್ರೀ...ಮನೆ ಗಾಗಿ....

ನಲ್ಮೆಯ ಶ್ರೀ,

ಕೊನೆಗೂ ಶನಿವಾರ ಮಾಡಿದ್ದಕ್ಕಾಗಿ ಕ್ಷಮೆಯಿರಲಿ.ಮತ್ತೊಮ್ಮೆ, ಶ್ರೀ...ಮನೆಗಾಗಿ ಅಭಿನಂದನೆಗಳನ್ನು ತಿಳಿಸುತ್ತಾ, ರಾಜ್ಯೋತ್ಸವ ಆಚರಣೆ ಮತ್ತು ಸಂಕಲನ ಬಿಡುಗಡೆ ಸುಸೂತ್ರವಾಗಿ ಸಾಗಲಿ, ಯಶಸ್ಸು ನಿಮ್ಮದಾಗಲಿ, ಎಲ್ಲರಿಗೂ ಸಂತಸ ನೀಡಲಿ ಎಂಬ ಶುಭಹಾರೈಕೆಗಳು.ಬರಹದಲ್ಲಿ ತಪ್ಪುಗಳು ಕಂಡುಬಂದಲ್ಲಿ, ದಯವಿಟ್ಟು ತಿದ್ದಿಕೋ. ಜೊತೆಗೆ, ಬರಹದಲ್ಲಿ ಏನಾದರೂ ಬದಲಾವಣೆ ಬೇಕೆನಿಸಿದರೆ, ಬದಲಾಯಿಸುವ ಸ್ವಾತಂತ್ರ ಖಂಡಿತಾ ನಿನಗಿರುತ್ತದೆ.

ಒಳ್ಳೆಯದಾಗಲಿ,

ಪ್ರೀತಿಯಿಂದ,

ಮೋಹನ

___
__________________________________________________________________________________

ಆಶಯ ನುಡಿ.......

ಪ್ರತಿಯೊಬ್ಬ ವ್ಯಕ್ತಿಯ ಜೀವನಕ್ಕಿರುವ ಶಕ್ತಿ ಅಪಾರ, ಅಗಾಧ ಮತ್ತು ಅಪರಿಮಿತ. ಬದುಕಿನ ಸಾರ್ಥಕ್ಯ ಹೊಂದಲು ಮತ್ತು ಅರ್ಥಪೂರ್ಣ ಇರುವಿಕೆಯ ಗುರುತಾಗಿಸಲು ಕ್ರಿಯಾಶೀಲ ಹಾಗೂ ಚಲನಶೀಲ ವ್ಯಕ್ತಿತ್ವದ ಅವಶ್ಯಕತೆ ಬಹಳ ಮುಖ್ಯ. ಇದಕ್ಕೆ ಪೂರಕ ಸಾಧನಗಳಾಗಿ ಸೃಜನಾತ್ಮಕ, ರಚನಾತ್ಮಕ ಮತ್ತು ವೈಚಾರಿಕ ಆಲೋಚನೆ, ಚಿಂತನೆ, ಕ್ರಿಯೆ ಹಾಗೂ ಚಟುವಟಿಕೆಗಳು ಬಾಳನ್ನು ಸಹ್ಯವಾಗಿಸುವುದರಲ್ಲಿ ಸಂದೇಹವಿಲ್ಲ. ಇವೆಲ್ಲವೂ ನಾವು ಸಾಗುವ ಹಾದಿಯಲ್ಲಿ ವಿಭಿನ್ನ ಸ್ವರೂಪದ ಅನುಭವಗಳಾಗಿ, ವಿವಿಧ ದೃಷ್ಟಿಕೋನಗಳಿಂದ ಬದುಕನ್ನ ನೋಡಿ ಅರ್ಥೈಸಿಕೊಂಡು, ಮಾನಸಿಕ ಮತ್ತು ಬೌದ್ದಿಕ ಪ್ರಬುದ್ದತೆಯಿಂದ ಮುಂದುವರೆಯುವ ಅನುಭೂತಿಯನ್ನ ದಕ್ಕಿಸಿಕೊಡುತ್ತವೆ. ಮೂಲತಃ ಈ ಹುಡುಕಾಟದ ಪ್ರಕ್ರಿಯೆಯಲ್ಲಿ ಒಂದು ಅಂತರಂಗ ಶೋಧನೆಯಾದರೆ, ಮತ್ತೊಂದು ಲೋಕಾನುಭವದ ಆಸ್ವಾದನೆ. ಅಂತರ್ಮುಖತೆಯಿಂದ ದೊರಕುವ ಏಕಾಂತ ಧ್ಯಾನಸ್ಥ ಸ್ತಿತಿ, ಮನಸು ಮತ್ತು ಆತ್ಮಗಳೆರಡರೊಟ್ಟಿಗೆ ನಡೆಸುವ ಸಂವಾದ. ಈ ಮಂಥನ ಚಿಂತನೆಗಳಾಗಿ, ಬಾಹ್ಯ ಪ್ರಪಂಚದೊಂದಿಗೆ ಸ್ಪಂದಿಸುವ-ಸಂವಹನಗೈವ ಪ್ರಬುದ್ದತೆಗೆ ಮೂಲಸೆಲೆಯಾದರೆ, ಬಹಿರಂಗ ಸ್ವರೂಪವಾದ ಲೋಕಾನುಭವ ವಾಸ್ತವತೆಯನ್ನ ಅನಾವರಣಗೊಳಿಸುತ್ತಾ, ಎದುರಾಗುವ ಸರಳ ಮತ್ತು ಸಂಕೀರ್ಣ ಅನುಭವಗಳೆರಡನ್ನೂ ಸಮಚಿತ್ತ, ಸಮಭಾವ, ಸಮತತ್ವಗಳಿಂದ ಸ್ವೀಕರಿಸಿ ಜೀವನೋತ್ಸಾಹವನ್ನ ಹೆಚ್ಚಿಸಲು, ಬದುಕಲ್ಲಿ ವಿಶ್ವಾಸ ಮೂಡಿಸಲು ಪ್ರೇರೇಪಿಸುತ್ತದೆ. ಮೇಲಿನೆರಡೂ ಕ್ರಿಯೆಗಳಲ್ಲಿ ಸಹಜ ಹೊಂದಾಣಿಕೆ ಕಂಡು ಸಫಲತೆ ಮೂಡಿದರೆ ಮಾತ್ರವೇ ಸಂತೋಷ ಮತ್ತು ಆತ್ಮತೃಪ್ತಿಗಳೆಂಬ ಬೆಳಕು ಕಾಣುವುದು. ಜೊತೆಗೆ ಬದುಕಿನಲ್ಲಿ ಎಷ್ಟೇ ದುಗುಡ-ದುಮ್ಮಾನ, ನಿರಾಸೆ-ನಿರುತ್ಸಾಹ, ಸೋಲು-ವಿಷಾದಗಳಿದ್ದರೂ, ಮೂಲತಃ ಚೆಲುವಾದುದ್ದನ್ನು ಹುಡುಕುವ, ಸೌಂದರ್ಯವನ್ನು ಸವಿಯುವ ಮತ್ತು ತನ್ನೆಲ್ಲಾ ಅನುಭವಗಳನ್ನು ಜೀವನ ಪ್ರೀತಿಗೆ ಮುಡುಪಾಗಿಟ್ಟು, ಸಾಧ್ಯವಾದರೆ ಸುತ್ತಲಿರುವವರೆಲ್ಲರಿಗೂ ಸಂತಸವನ್ನ ಹಂಚಿ ಹರಡುವ ಪವಿತ್ರ ಶಕ್ತಿ ಲಭಿಸಲು ಕಾರಣವಾಗುತ್ತದೆ. ಇದು ಹೃದಯಗಳನ್ನ ಬೆಸೆಯುವ ಕಾರ್ಯವಾಗುವುದರಿಂದ, ಭಾವನಾತ್ಮಕ ಸಂಬಂಧಗಳಿಗೆ ಸೇತುವೆಯಾಗಲು, ಮೌನ ಮೆಲ್ಲಲುರಲಿ ದನಿಯಾಗಿ ಹೊರಹೊಮ್ಮಲು, ಎದೆಯ ಮಾತುಗಳಿಗೆಲ್ಲಾ ಸ್ಪಂದಿಸುವ ಕನ್ನಡಿಯಾಗಲು ದೊರೆತಿರುವ 'ಬ್ಲಾಗ' ಮಂಡಲವೆಂಬ ವೇದಿಕೆ ಬಹಳ ಉಪಯುಕ್ತವೆನಿಸಿದೆ.

ಹಲವಾರು ಕಾರಣಗಳಿಂದ ಮಾನವ ಸಂಬಂಧಗಳ ಮೂಲ ಬೇರುಗಳೇ ಅಲುಗಾಡುತ್ತಿರುವ ಈ ಸಂದರ್ಭದಲ್ಲಿ, ಈ 'ಬ್ಲಾಗು'ಗಳು ಅನಿಸಿದ್ದನ್ನು ಮುಕ್ತವಾಗಿ ಹೇಳಿಕೊಳ್ಳುವ, ಹಂಚಿಕೊಂಡು ಹಗುರಾಗುವ, ಅವಶ್ಯವೆನಿಸಿದರೆ ಚರ್ಚೆಮಾಡಲು ಅವಕಾಶ ನೀಡುವ ಜೀವಂತ 'ಅಕ್ಷರತಾಣ' ಗಳಾಗಿವೆ. ಇಂತಹ ತಾಣದ ಸದುಪಯೋಗಪಡಿಸಿಕೊಳ್ಳಲು ಸ್ನೇಹಿತ ಶ್ರೀಧರ ಮುಂದಾದಾಗ ಸಹಜವಾಗಿಯೇ ನಮಗೆಲ್ಲರಿಗೂ ಸಂತಸ ಮತ್ತು ಆನಂದ. ಬರಹಗಾರ ಶ್ರೀ..ಯನ್ನು ಅಕ್ಷರಗಳ ಚಿತ್ತಾರದ ಮೂಲಕ ನೋಡುವ ಕಾತರ-ನಿರೀಕ್ಷೆ. ಈಗ ಮುವಾಂಜದ ಕನ್ನಡಿಗ ಮಿತ್ರರೆಲ್ಲರೂ ಕೂಡಿ ಆಚರಿಸುತ್ತಿರುವ 'ಕನ್ನಡ ರಾಜ್ಯೋತ್ಸವ'ದ ಸುಸಂದರ್ಭದಲ್ಲಿ, ಬ್ಲಾಗಂಬರಿ'ಯ ಮೊದಲ ಸಂಕಲನವಾಗಿ ಬಿಡುಗಡೆಯಾಗುತ್ತಿರುವ 'ಶ್ರೀ..ಮನೆ'ಯತ್ತ ಹಿಂತಿರುಗಿ ಕಣ್ ಹಾಯಿಸಿದಾಗ ಏನೋ ಸಮಾಧಾನ, ಸಂತೃಪ್ತಿ. ನಮ್ಮ ಆಸೆಗಳನ್ನ ನಿರಾಸೆಗೊಳಿಸಿಲ್ಲವೆಂಬ ಅಭಿಮಾನ. ಏಕೆಂದರೆ, ಕಳೆದ ನಾಲ್ಕು ತಿಂಗಳುಗಳಿಂದ ನಿಯಮಿತವಾಗಿ 'ಬ್ಲಾಗಿ'ಸುತ್ತಿರುವ 'ಶ್ರೀ..ಯ ಮನೆ' ಹೊಕ್ಕರೆ, ನಮಗೆ ಕಾಣಸಿಗುವುದು ವಿವಿಧ ವಿಷಯ-ವಿಚಾರಗಳ ಬಗ್ಗೆ ಬೆಳಕು ಚೆಲ್ಲುವ ಅವನ ಪ್ರಾಮಾಣಿಕ ಪ್ರಯತ್ನ. ಸವಿನಯದಿಂದ ಮೊದಲಹೆಜ್ಜೆಯಿಂದಲೇ ಆರಂಭಿಸಿ, ಇದ್ದೂ ಇರಲಾಗದ, ಕಂಡೂ ಕಾಣಲಾಗದ ಕರುನಾಡ ಸವಿಸೊಬಗಿನ ಚಿತ್ರಗಳನ್ನ ಮನಪಟಲದಲ್ಲಿ ಮೂಡಿಸುತ್ತಾ, ನಮ್ಮೆಲ್ಲರ ನಡುವೆ ಇರುವ ಅದ್ಭುತ ವ್ಯ(ಶ)ಕ್ತಿಯಾದ ಕಲಾಂ ರ ಮೂಲಕ ಯುವಪೀಳಿಗೆಯ ಆದರ್ಶಗಳನ್ನ ನೆನಪಿಸಿಕೊಳ್ಳುವ ಬಗೆ ಮತ್ತು ಭವಿಷ್ಯ ಭಾರತದ 'ಸಮೃದ್ದ'ತೆಯ ಪ್ರತಿಬಿಂಬವನ್ನು ಮಗನ ಕಣ್ಣುಗಳಲ್ಲಿ ಕಾಣಬಯಸುವ ಹಂಬಲ ಮತ್ತು ಆಕಾಂಕ್ಷೆ ಮೆಚ್ಚುವಂಥದ್ದು. 'ಸ್ನೇಹದ ದಿನ'ದಂದು, ಹೃದಯಗಳನ್ನು ಹತ್ತಿರವಾಗಿಸುವ ಸ್ನೇಹವೆಂಬುದು ಬರಿ ತೋರ್ಪಡಿಕೆಯಾಗದೇ, ಎಲ್ಲಾ ಸಂದರ್ಭಗಳಲ್ಲೂ ಭಾವನೆಗಳನ್ನು ಅರ್ಥಮಾಡಿಕೊಳ್ಳುವ ಮನಸಿದ್ದು, ಹಾಗೆಯೇ ನಡೆದುಕೊಳ್ಳುವ ಒಳ್ಳೆಯತನದ ಅವಶ್ಯಕತೆ ಸಹ ಮುಖ್ಯ ಎಂದು ಚಡಪಡಿಸುತ್ತಾನೆ. ಮತ್ತೊಮ್ಮೆ, ಇಂಥಹ ಸ್ನೇಹದ ಕುರುಹಾಗಿ, ತನ್ನ ಒಡನಾಡಿಯ ಸಾಧನೆಯ ಬಗ್ಗೆ, ಬಾಲ್ಯದ-ಹರೆಯದ ನೆನಪುಗಳನ್ನು ಬಿಚ್ಚಿಡುತ್ತಲೇ ಹೆಮ್ಮೆಯಿಂದ ಹೇಳಿಕೊಳ್ಳುತ್ತಾನೆ. ಅಕ್ಷರಗಳ ಅದಲುಬದಲುವಿಕೆಯಿಂದಲೇ ಪದಗಳ ನಾನಾರ್ಥಗಳನ್ನ ಬಿಂಬಿಸುವ ಕೆಲವು ಬರಹಗಳು ಮತ್ತು ಚಿತ್ರಲೇಪಿತ ಕವನಗಳಲ್ಲಿರುವ ವಿಡಂಬನಾತ್ಮಕ ಸಾಲುಗಳು, ಶ್ರೀಯ ಹಾಸ್ಯಮನೋಭಾವಕ್ಕೆ, ಅಭಿರುಚಿಗೆ, ದೈನಂದಿನ ವಿದ್ಯಮಾನಗಳಿಗೆ ಸ್ಪಂದಿಸುವ ಸೂಕ್ಷತೆಗೆ ಹಾಗೂ ಭಾಷೆಯ ಪ್ರಬುದ್ದತೆಗೆ ಸಾಕ್ಷಿಯಾಗಿವೆ. ಸಾಹಿತ್ಯಿಕ ಮತ್ತು ಸಾಮಾಜಿಕ ಚಟುವಟಿಕೆಗಳಲ್ಲಿ ಮೊದಲಿನಿಂದಲೂ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಶ್ರೀಧರನಲ್ಲಿ, ಕನ್ನಡ ನಾಡು, ನುಡಿ, ಭಾಷೆ ಮತ್ತು 'ಕನ್ನಡತನ' ದ ಬಗೆಗಿರುವ ಹೆಮ್ಮೆ, ಅಭಿಮಾನ, ಕಾಳಜಿಗಳನ್ನ ಹಲವಾರು ಲೇಖನಗಳಲ್ಲಿ ಕಾಣಬಹುದು. ಜೊತೆಗೆ, ಕನ್ನಡದ ಒಳಿತಿಗಾಗಿ ಮತ್ತು ಒಳ್ಳೆಯದನ್ನು ಹಂಚಿಕೊಳ್ಳಲು 'ಶ್ರೀ...ಮನೆ' ಜಾಹೀರಾತಿನ ತಾಣವಾದರೂ ಪರವಾಗಿಲ್ಲವೆಂಬ ಉದಾರತೆಯನ್ನ ತೋರುತ್ತಾನೆ. ಹಾಗಾಗಿಯೇ ಹೆಚ್ಚು ಬರಹಗಳು ಕನ್ನಡದ ಕುರಿತಾಗಿಯೇ ಇವೆ. ವೈಯಕ್ತಿಕವಷ್ಟೇ ಅಲ್ಲದೇ, ಸಾಂಘಿಕ ಪ್ರಯತ್ನಗಳ ಮೂಲಕವೂ ತಾನಿರುವ ಕಡೆಯಲ್ಲಾ 'ಕನ್ನಡೀಕರಣ'ಗೊಳಿಸಿ, ಕನ್ನಡದ ಕಂಪನ್ನು ಸಾಗರದಾಚೆಗೂ ಹರಡಲು ಬದ್ದನಾಗಿದ್ದು, ಹಲವಾರು ಕನ್ನಡಿಗ ಮಿತ್ರರೊಡಗೂಡಿ ಕನ್ನಡ ಕಸ್ತೂರಿಯ ಸಿಂಚನಗೈಯುತ್ತಾ, ಹಬ್ಬಹರಿದಿನಗಳಲ್ಲಿ ಎಲ್ಲರೊಟ್ಟಿಗೆ ಬೆರೆತು ಒಂದಾಗಿ, ಒಡನಾಟದ ಅಮೂಲ್ಯ ಕ್ಷಣಗಳನ್ನು ಮಧುರವಾಗಿಸಿ, ತೃಪ್ತಭಾವವುಳ್ಳ ಸುಪ್ರಸನ್ನತೆಯಿಂದ ಎದೆಯನ್ನ ಹಗುರವಾಗಿಸಿಕೊಳ್ಳುತ್ತಿದ್ದಾನೆ. ಇವೆಲ್ಲವುದರ ಜೊತೆಗೆ, ಇಲ್ಲಿ ಉಲ್ಲೇಖಿಸಲೇಬೇಕಾಗಿರುವ ಇನ್ನೊಂದು ಅಂಶವೆಂದರೆ, ತನ್ನ ಸ್ವಂತ ಪ್ರತಿಭೆ, ಅರ್ಹತೆ ಮತ್ತು ಯೋಗ್ಯತೆಗಳಿಂದ ಮಾತ್ರವೇ, ಕನ್ನಡ ಸಾಹಿತ್ಯ, ಸಿನೆಮಾ ಹಾಗು ಇನ್ನಿತರ ಕ್ಷೇತ್ರಗಳಲ್ಲಿ ಅಪಾರ ಸಾಧನೆಗೈದು ಹೆಸರು ಮಾಡಿರುವ ನಾಗತಿಹಳ್ಳಿ ಚಂದ್ರಶೇಖರರ (ಮೇಷ್ಟ್ರು) ಮೇಲಿರುವ ಮೆಚ್ಚುಗೆ, ಪ್ರೀತಿ ಮತ್ತು ಅಭಿಮಾನ. ಕಳೆದ ಒಂದೂವರೆ-ಎರಡು ದಶಕಗಳಿಂದ ಅವರ ಬರಹಗಳನ್ನು ಓದುತ್ತಾ, ಸಾಹಿತ್ಯ ಚಟುವಟಿಕೆಗಳನ್ನು ಗಮನಿಸುತ್ತಾ, ಸಿನೆಮಾಗಳನ್ನು ನೋಡಿ ಅಸ್ವಾದಿಸುತ್ತಾ ಬೆಳೆದುಬಂದಿರುವ ನಮಗೆ, ಹಲವಾರು ಕಾರಣಗಳಿಗಾಗಿ ಹತ್ತಿರವಾಗಿ, ಇಷ್ಟವಾಗುತ್ತಲೇ ಅನುಕರಣೀಯ ಸಹ ಎಂದೆನಿಸುತ್ತಾರೆ. ಬಹುಶಃ ನಮಗೂ ಅವರಂತಯೇ ಇರುವ 'ಹಳ್ಳಿ'ಯ ಮೂಲ ಮತ್ತು ಹಿನ್ನೆಲೆ ಭಾವನಾತ್ಮಕ ಬೆಸುಗೆಯಾಗಿರಬಹುದು. ಇತ್ತೀಚೆಗೆ ಬಿಡುಗಡೆಯಾಗಿರುವ ಅವರ ನಿರ್ದೇಶನದ 'ಮಾತಾಡ್ ಮಾತಾಡ್ ಮಲ್ಲಿಗೆ' ಚಿತ್ರದ ಮೇಲಿನ ಬರಹಗಳು ಮತ್ತು ಪ್ರಕಟಿತ ಚಿತ್ರಗಳನ್ನು ಸೇರಿಸಿ ಮಾಡಿರುವ 'ಕೊಲ್ಯಾಜ್' , ಶ್ರೀ...ಇವರಿಗೆ ನೀಡಿರುವ ಪ್ರೋತ್ಸಾಹವನ್ನು ಬಿಂಬಿಸುವುದಲ್ಲದೇ, ತನ್ನ ಮೆಚ್ಚಿನ ಹೀರೋ 'ವಿಷ್ಣು'ವಿನ ಮೇಲಿರುವ ಅಭಿಮಾನವನ್ನೂ ತೋರಿಸುತ್ತವೆ. ಇವು ಕನ್ನಡ ಸಿನೆಮಾ ಮೇಲಿರುವ ಆಸಕ್ತಿ ಮತ್ತು ಪ್ರೀತಿಗೆ ಉದಾಹರಣೆಯಾಗಿವೆ. ಒಟ್ಟಾರೆಯಾಗಿ, ಇಲ್ಲಿರುವ ಲೇಖನಗಳು ನ್ಯಾಯಯುತವಲ್ಲದ್ದನ್ನು ಕಂಡಾಗ ನೋವನ್ನು ವ್ಯಕ್ತಪಡಿಸಿ, ಒಳಿತನ್ನು ಕಂಡಾಗ ಗುಣಗ್ರಾಹಿಯಾಗಿ ಸ್ವೀಕರಿಸಿ, 'ಬದಲಾವಣೆ'ಯೆಂಬ ಹೆಸರಿನಲ್ಲಿ ಬೀಸುತ್ತಿರುವ ಬಿರುಗಾಳಿಗೆ ಅತಂತ್ರರಾಗದೇ, ಶಾಂತದಿಂದ ಮೌಲ್ಯ-ಆದರ್ಶಗಳಿಗೆ ಕೇಂದ್ರಿತರಾಗಿ 'ಅಸ್ಮಿತೆ ಅಥವಾ ತನ್ನತನ'ವನ್ನ ಉಳಿಸಿಕೊಳ್ಳುವ ಆಶಯವನ್ನ ಸಾಕಾರಗೊಳಿಸುತ್ತವೆ. ಆದ್ದರಿಂದಲೇ ಈ ಲೇಖನಗಳು ಓದುಗರಿಗೆ ಆಪ್ತವಾಗಿ ಇಷ್ಟವಾಗುತ್ತವೆ.

ಬದುಕಿನಲ್ಲಿ ನಿಂತ ನೀರಾಗದೇ, ಹರಿಯುವ ತೊರೆಯಂತೆ ಸಾಗುತ್ತಿರುವ ಈ ಸ್ನೇಹಿತನಲ್ಲಿ, ಮೊಗೆದಷ್ಟೂ ಮುಗಿಯದ ಅನುಭವಗಳಿವೆ, ಹಂಚಿಕೊಳ್ಳುವ ಆಸಕ್ತಿಯಿದೆ, ಮೇಲಾಗಿ ಸ್ಪೂರ್ತಿಯಿಂದ ಮುಂದೊಯ್ಯಲು ಅಕ್ಷರ ಪ್ರೀತಿ ಇದೆ. ಬರಗೂರಿನ ಬಾಲ್ಯದಿಂದ ಮಂಗಳೂರಿನ ಹುಡುಗಾಟದವರೆಗೆ, ರತ್ನಗಿರಿ-ಶ್ರೀಕಕುಲಂ ನ ಜವಾಬ್ದಾರಿಯುತ 'ಯೌವ್ವನ'ದಿಂದ ತಾಂಜಾನಿಯಾ-ಉಗಾಂಡದ 'ಸಂಸಾರಸ್ಥ'ನ ತನಕವೂ ದಕ್ಕಿರುವ, ಈಗಲೂ ದೊರಕುತ್ತಿರುವ ಅನುಭೂತಿಯ ಸರಮಾಲೆಗಳು, ಅಕ್ಷರರೂಪವಾಗಿ ತಾಳಿ, ಓದುಗರಾದ ನಮ್ಮೆಲ್ಲರ ಹೃದಯಗಳನ್ನ ತಟ್ಟಲಿ, ಮನಸುಗಳನ್ನ ಆವರಿಸಲಿ. ಚಿಂತನೆಗೆ ಹಚ್ಚುತ್ತಲೇ ನಮ್ಮೆಲ್ಲರ ಬದುಕಿನಲ್ಲೂ ಒಂದು ಹೊಸ 'ಅರ್ಥ' ಮತ್ತು ನವ 'ಭಾವ' ವನ್ನ ಮೂಡಿಸಲಿ. ಸುತ್ತಲಿನ ಪ್ರಸ್ತುತ ಬೆಳವಣಿಗೆಗಳಿಗೂ ಸ್ಪಂದಿಸುತ್ತಲೇ, ಮುಂದಿರುವ ಆಶಯಗಳನ್ನೂ ನಮಗೆ ಹಂಚುವಂತಾಗಲಿ. ಕನಸುಗಳೆಲ್ಲವೂ ಬರಹಗಳಾಗಿ ಸಾಕಾರಗೊಳ್ಳಲಿ, ನನಸಾಗಿಸಿಕೊಳ್ಳುವ ಶಕ್ತಿ ಪಡೆಯಲಿ. 'ಶ್ರೀ...ಮನೆ'ಯ ಭೇಟಿ ಪ್ರತಿಯೊಬ್ಬ ಓದುಗನ ಮನವನ್ನ ಹೀಗೆಯೇ ತಣಿಸುತ್ತಿರಲಿ, ಅಮೂಲ್ಯವಾದ ಕ್ಷಣಗಳನ್ನ ಅರ್ಥಪೂರ್ಣವಾಗಿಸುತ್ತಿರಲಿ. ಲಂಬವಾಗಿರುವ ಈ ಬದುಕಿನಲ್ಲಿ ಬರೆಯುತ್ತಲೇ ಸಾಗುವೆಯೆಂಬ ವಿಶ್ವಾಸ ನಮಗಿದೆ. ನೀನಂದುಕೊಂಡಿದ್ದೆಲ್ಲವೂ ಫಲಿಸುವಂತಾಗಲೀ ಎಂಬ ನಮ್ಮೆಲ್ಲರ ಸಹೃದಯ ಹಾರೈಕೆಗಳು ನಿನ್ನೊಟ್ಟಿಗಿವೆ.

ಶುಭವಾಗಲಿ,
ಸಪ್ರೇಮದಿಂದ,

ಮೋಹನ ಕುಮಾರ್
೦೩ ನವಂಬರ್ ೨೦೦೭, ಗ್ಯುಲ್ಫ್, ಕೆನಡಾ

e-mail: bmkumar@uoguelph.ca

ಕನ್ನಡ ರಾಜ್ಯೋತ್ಸವದ ಶುಭಾಶಯಗಳು

2007-10-30T14:37:00.000+03:00

ಆತ್ಮೀಯರೆ,

ಕನ್ನಡ ಮನಸಾಗಲಿ
ಕರ್ನಾಟಕ ಮನೆಯಾಗಲಿ

ಅಲ್ಲಿರುವುದು ನಮ್ಮನೆ
ಇಲ್ಲಿರುವುದು ಸುಮ್ಮನೆ
ಅ೦ತ ಕೂರದೆ
ನಮ್ಮ ನಾಡು
ನಮ್ಮ ನುಡಿ
ನಮ್ಮ ಸ೦ಸ್ಕ್ರುತಿಯನ್ನ

ಎಲ್ಲಾದರು ಇರು
ಹೇಗಾದರು ಇರು
ಎ೦ದೆ೦ದಿಗೂ ನೀ ಕನ್ನಡವಾಗಿರು
ಕವಿವಾಣಿಯನ್ನ
ಮತ್ತೊಮ್ಮೆ ಪಸರಿಸೋಣ.

ಮಾತ್ರು ಭಾಷೆಯನ್ನ
ಮರೆಯಲಿಕ್ಕೆ ಯಾರು ಕಲಿಯುವುದಿಲ್ಲ,
ಒ೦ದು ವೇಳೆ ಮರೆತರೆ
ಅದು ಮಾತ್ರು ಭಾಷೆ ಅನಿಸಿಕೊಳ್ಳೋಲ್ಲ,
ಬರೀ ಭಾಷೆ ಅಷ್ಟೇ.

ಬರೀ ಭಾಷೆ ಮತ್ತು ಮಾತ್ರು ಭಾಷೆಗೆ ತು೦ಬಾ ಅ೦ತರ.
ಬರೀ ಭಾಷೆ ಹೋದಲ್ಲೆಲ್ಲ ಕಲಿತೀವಿ,
ಮು೦ದೆ ಹೋದಾಗ ಮರಿತೀವಿ.
ಮಾತ್ರು ಭಾಷೆ ಹುಟ್ಟಿನಿ೦ದ ಸಾಯುವತನಕ.

ಬನ್ನಿ ಕನ್ನಡಿಗರೆಲ್ಲಾ ಒ೦ದಾಗಿ ಆಚರಿಸೋಣ
ನಮ್ಮ ರಾಜ್ಯೋತ್ಸವ
ಅನಿವಾಸಿ ಕನ್ನಡ ರಾಜ್ಯೋತ್ಸವ
ಕರ್ನಾಟಕ ರಾಜ್ಯೊತ್ಸವ.

ಕನ್ನಡ ಸ೦ಘ,ಮೋವಾ೦ಜ.ತಾ೦ಜಾನಿಯ.

ಕಾರ್ಯಕಾರಿ ಸಮಿತಿ:2006-2007

ಅಧ್ಯಕ್ಷರು:ಶ್ರೀ ಬಸವಲಿ೦ಗಪ್ಪ ಹಾಡ್ಯ

ಉಪಾಧ್ಯಕ್ಷರು: ಶ್ರೀ ಶೇಖರ್ ಪೂಜಾರಿ

ಕಾರ್ಯದರ್ಶಿಗಳು: ಶ್ರೀ ರಮಾನಾಥ

ಸಹ ಕಾರ್ಯದರ್ಶಿಗಳು: ಶ್ರೀ ಶ್ರೀಧರ್.ಟಿ

ಖಜಾ೦ಚಿಗಳು: ಶ್ರೀ ಸುರೇಶ್ ಟೋನ್ಸೆ

ಸದಸ್ಯರು:
1) ಶ್ರೀಕಾ೦ತ್ , ವಿಕ್ ಫಿಶ್ ಲಿ
2)ಕೋಮಲ್ ಶ್ರೀಕಾ೦ತ್ , ”
3)ಸತೀಶ್ , ”
4ಉಷ ಸತೀಶ್ , ”
5)ಸುರೇಶ್ ಶೆಟ್ಟಿ , ”
6)ಜಯ.ಎಸ್.ಶೆಟ್ಟಿ , ”
7)ಶ್ರೀನಿವಾಸ್ ಶೆಟ್ಟಿ , ”
8)ಯತಿರಾಜ್ ಶೆಟ್ಟಿ , ”
9)ಉಮೇಶ್ ಭಟ್ , ”
10)ಮ೦ಜುನಾಥ್ , ”
11)ರಾಜ್ ಪ್ರಕಾಶ್ , ”
12)ನಾಗರಾಜ್ ಗ೦ಗನಗೌಡ , ”
13)ಹರೀಶ್ ಶೆಟ್ಟಿ , ”
14)ಸುನಿಲ್.ಕೆ , ”
15)ಮುರುಗೇಶ್ , ”
16)ಗಣೇಶ್ , ”
17)ಗಣೇಶ್ ರಾಜ್ , ”
18)ರತ್ನಾಕರ ಪೂಜಾರಿ , ”
19)ಅಶೋಕ್.ಎ೦ , ”
20)ತಾರನಾಥ್ ಶೆಟ್ಟಿ , ”
21)ಉದಯ ಆಚಾರಿ , ”
22)ಯೋಗಿಶ್ , ”
23)ಹರೀಶ್ , ”
24)ಧೀರೇಶ್ , ”
25)ಮುರಳೀಧರ ರೆಡ್ಡಿ , ”
26)ಗೌತಮ್, ”
27)ರಾಘವೇ೦ದ್ರ , ”
28)ಪದ್ಮನಾಭ ಬ೦ಗೇರ , ನೈಲ್ ಪರ್ಚ್ ಲಿ
29)ಡಾ.ಚಿತ್ತರ೦ಜನ್ ಶೆಟ್ಟಿ , ಹಿ೦ದು ಯೂನಿಯನ್ ಆಸ್ಪತ್ರೆ
30)ಶ್ಯಾಮಸು೦ದರ ಶೆಟ್ಟಿ , ಟ್ಯಾನ್ ಪರ್ಚ್ ಲಿ
31)ಗಣೇಶ್ ಟೇಲಿ, ವಿಕ್ಟೋರಿಯ ಪಾಲಿಬ್ಯಾಗ್
32)ಲಲಿತಾ ಗಣೇಶ್ ”
33)ಅನಿಲ್ , ”
34)ಶ್ರೀಧರ್.ಸಿ.ಕೆ , ನ್ಯಾ೦ಜ ಬಾಟ್ಲಿ೦ಗ್ ಲಿ
35)ಶ್ರೀಧರ್.ಟಿ , ಟ್ಯಾನ್ ಪರ್ಚ್ ಲಿ
36)ಸವಿತಾಶ್ರೀಧರ್, ”
37)ರಮಾನಾಥ.ವೈ.ವಿ , ಶ. ಮೆರಾಲಿ.ಗ್ರೂಪ್
38)ಪದ್ಮಿನಿ ರಮಾನಾಥ , ”
39)ನಾರಾಯಣ ಉದ್ಯಾವರ , ಮ್ವಾಟೆಕ್ಸ್ ಲಿ
40)ಉಮೇಶ್.ಕೆ , ”
41)ಲಿ೦ಗನ ಗೌಡ , ಟಿ.ಎಫ್.ಪಿ.ಲಿ
42)ಸವಿತಾ ಲಿ೦ಗನಗೌಡ, ”
43)ಪ್ರವೀಣ್ ಸಲ್ಡಾನ , ಮೊಅಯಿಲ್ ಲಿ
44)ರಷ್ಮಿ ಮರಿನಾ ಡಿಸೊಜ, ಮೊಅಯಿಲ್ ಲಿ
45)ಪ್ರಶಾ೦ತ್ ಅನಿಲ್ ಸಲ್ಡಾನ, ಏವಿಯಾನಿಕ್ಸ್
46)ಬಸವಲಿ೦ಗಪ್ಪ ಹಾಡ್ಯ, ಪ್ರೈಮ್ ಫ್ಯುಯಲ್ಸ್ ಲಿ
47)ಶೇಖರ್ ಪೂಜಾರಿ , ವಿಕ್ ಫಿಶ್ ಲಿ
48)ಪುಷ್ಪಾ ಶೇಖರ್, ”
49)ಸುರೇಶ್ ಟೋನ್ಸೆ , ”
50)ಮಮತ ಸುರೇಶ್ ”
51)ವೆ೦ಕಟೇಶ್ ರಾವ್ , ಕಹಾಮ
52)ಎಸ್.ಎನ್.ತಿವಾರಿ , ವಿಕ್ ಫಿಶ್ ಲಿ
53)ರೀಟಾ ತಿವಾರಿ ”
54)ಸುಭಾಷ್, ಬುಕೋಬ
55)ಗಣೇಶ್ ಬಿಜುರ್ , ಮ್ವಾಟೆಕ್ಸ್ ಲಿ
56)ನವೀನ್, ಬರ್ಮಡಾಸ್
57)ಹೇಮಾ ನವೀನ್ ”

ಪುಟಾಣಿಗಳು:
58)ಅನೀಶ್
59)ಸಮ್ರುಧ್
60)ಪದ್ಮ
61)ನ೦ದಿತ
62)ನಿವೇದಿತ
63)ಪ್ರತೀಕ್
64)ಪ್ರಣತಿ
65)ಆಕಾಶ್
66)ಅಭಿಶೇಕ್

ಆನೆ ಮೇಲೆ ಅ೦ಬಾನಿ

2007-10-30T10:12:00.000+03:00

ಆನೆಯ ಮೇಲೆ ಅ೦ಬಾನಿ ಕ೦ಡೆ ಬಾಗಿಲ ಬಳಿಯಲ್ಲಿ ಬಿಲ್ ಗೇಟ್ಸ್ ನ ಕ೦ಡೆ

ಆನೆಯ ಮೇಲೆ ಅ೦ಬಾರಿ ಕ೦ಡೆ ........ಬಾಗಿಲ ಬಳಿಯಲ್ಲಿ ಆಫೀಸರ್ ಕ೦ಡೆ. ಇದು ನಮ್ಮ ಡಾ.ರಾಜ್ ಕುಮಾರ್ ರ ಜನಪ್ರಿಯ ಹಾಡು.ಇದನ್ನ ಯಾವುದೇ ದುರುದ್ದೇಶವಿಲ್ಲದೆ ಈವತ್ತಿನ ಪರಿಸ್ತಿತಿಗೆ ಕಟ್ ಅ೦ಡ್ ಪೇಶ್ಟ್ ಮಾಡಿದರೆ ಮೇಲೆ ಹೇಳಿದ ಹಾಗೆ ಹಾಗುತ್ತೆ.ಇ೦ದು ಅನಿಲ್ ಅ೦ಬಾನಿ ವಿಶ್ವದಲ್ಲೇ ಅತಿ ದೊಡ್ಡ ಶ್ರೀಮ೦ತ.ಅದರಲ್ಲೂ ಭಾರತೀಯ ಪ್ರಪ೦ಚದ ಅತಿ ದೊಡ್ಡ ಶ್ರೀಮ೦ತ ಅ೦ದರೆ ಒ೦ದು ಕ್ಷಣ ನ೦ಬಲಸಾಧ್ಯ.ಆದರೆ ಇದು ಸತ್ಯ.ಭಾರತ ಪ್ರಕಾಶಿಸುತ್ತಿದೆ.ಭಾರತದ ವ್ಯಕ್ತಿ ಅಮೇರಿಕಾದವನನ್ನು (ಬಿಲ್ ಗೇಟ್ಸ್) ಹಿ೦ದಿಕ್ಕಿ ವಿಶ್ವದ ಅತಿ ಹೆಚ್ಹು ಶ್ರೀಮ೦ತ ಎ೦ಬ ಕಿರೀಟ ಧರಿಸಿ ಆನೆಯ ಮೇಲೆ ಅ೦ಬಾನಿ ಕ೦ಡೆ.. ಬಾಗಿಲ ಬಳಿಯಲ್ಲಿ ಬಿಲ್ ಗೇಟ್ಸ್ ನ ಕ೦ಡೆ ಎನ್ನುವ ನನ್ನ ವ್ಯ೦ಗ್ಯವನ್ನ ನಿಜವಾಗಿಸಿದ್ದಾರೆ. ನಮ್ಮ ಕಲಾ೦ ಸಾರ್ ನುಡಿಗಳು ನಿಜವಾಗಲಿ...2016 ರ ವೇಳೆಗೆ ಭಾರತ ಶಕ್ತಿಯಾಗಿ ಹೊರಹೊಮ್ಮಲಿ .

ಪ್ರೀತಿಯಿ೦ದ4U

2007-10-22T11:03:00.000+03:00

ನನ್ನ ಬ್ಲಾಗ್ ಇತ್ತೀಚೆಗೆ ಯಾಕೊ ಜಾಹೀರಾತು ತಾಣವಾಗುತ್ತಿದೆ ಅನ್ನಿಸುತ್ತಿದೆಯಾ? ಹಾಗೇ ಅ೦ದುಕೊಳ್ಳಿ.ಕನ್ನಡದ ಬಗ್ಗೆ ಎಲ್ಲಿಯೇ ಆಗಲಿ,ಯಾರೇ ಆಗಲಿ
ಒಳ್ಳೆಯ ಕೆಲಸ ಮಾಡ್ತಾ ಇದ್ದಾರೆ ಅ೦ತ ಅರಿವಿಗೆ ಬ೦ದ ತಕ್ಷಣವೆ ತನಗೆ ತಾನೆ ನನ್ನ ಬೆರಳುಗಳು ಕ೦ಪ್ಯೂಟರಿನ ಕೀ ಬೋರ್ಡನ್ನ ಕುಟ್ಟಲಾರ೦ಬಿಸುತ್ತವೆ.
ಶ್ರೀ ರಾಘವ ರವರು ಪ್ರಾರ೦ಭ ಮಾಡಿರುವ "ಪ್ರೀತಿಯಿ೦ದ4U" ಚನ್ನಾಗಿದೆ.ಒಟ್ಟಾರೆ ಹೇಳಬೇಕು ಅ೦ದರೆ ಈ ವೆಬ್ ಸೈಟು ಕನ್ನಡದಲ್ಲಿ ಇದೆ.ಬರಹಗಳು
ತು೦ಬಾ ಮುದ್ದಾಗಿವೆ.ರಾಘವರವರು ಅವರ ಬಗ್ಗೆ, ಅವರ ಗೆಳೆಯರ ಬಗ್ಗೆ,ಅಪ್ಪ ಅಮ್ಮರ ಬಗ್ಗೆ ಬರೆದಿರುವ ಬರೆದಿರುವ ಬಯೋ ಡಾಟ ಇವರ ವೆಬ್ ಸೈಟಿನ ಹೈಲೈಟು.ಯಾರಿಗೂ ಇಲ್ಲ ಇಲ್ಲಿ ಹೆಡ್ ವೆಇಟು.....ಮುಕ್ತ ಮನಸ್ಸಿನಿನಿ೦ದ ಕೆಲಸ ಮಾಡ್ತ ಇದಾರೆ.ಡೊ೦ಟ್ ವರಿ ಸಾರ್ ಕೋಟಿ ಕೋಟಿ ಕನ್ನಡಿಗರ ಬೆ೦ಬಲ ನಿಮ್ಮ ಜೊತೆಗಿದೆ.ಇನ್ನೂ ಹೆಚ್ಹು ಕ್ರಿಯೇಟಿವ್ ಆಗಿ ನಿಮ್ಮ ಕೆಲಸದಲ್ಲಿ ಯಶಸ್ವಿಯಾಗಿ ಅ೦ತ ಆಶಿಸುತ್ತೇನೆ.
ದಯವಿಟ್ಟು ಇವರ ವೆಬ್ ಸೈಟನ್ನ ಒಮ್ಮೆ ನೋಡಿ www.preethiyindha4U.com ಆಮೇಲೆ ನಿಮಗೇ ಅರಿವಾಗುತ್ತೆ ನಾನು ಯಾಕೆ ಇನರ ಬಗ್ಗೆ ಬರೆದಿದ್ದೇನೆ ಅ೦ತ.

ನರಕಕ್ಕಿಳ್ಸಿ ನಾಲ್ಗೆ ಸೀಳ್ಸಿ.......

2007-10-19T10:01:00.000+03:00

ನರಕಕ್ಕಿಳ್ಸಿ ನಾಲ್ಗೆ ಸೀಳ್ಸಿ

ಬಾಯಿ ಒಲಿಸಾಕಿದ್ರೂನೆ

ಮೂಗ್ನಲ್ ಕನ್ನಡ ಪದವಾಡ್ತೀನಿ

ನನ್ ಮನಸನ್ನ್ ನೀ ಕಾಣೆ!

ಇದು ಜಿ.ಪಿ.ರಾಜರತ್ನ೦ ರವರ ಕನ್ನಡ ಪ್ರೇಮದ ಪರಾಕಾಷ್ಟೆ.ಕನ್ನಡಕ್ಕೆ ಅವರು ಕೊಟ್ಟ ಮಹಾನ್ ಕೊಡುಗೆ.ಈ ಮಹಾನ್ ಕವಿಯ ನುಡಿಗಳನ್ನ ಬೆ೦ಗಳೂರಿನ ಸಮಾಜ ಸೇವಕರ ಸಮಿತಿ ಕನ್ನಡಿಗರ ಮನದಲ್ಲಿ ಆತ್ಮ ವಿಶ್ವಾಸ ತುಂಬುವ ಟೀ ಶರ್ಟ್!ಮೇಲೆ ಮುದ್ರಿಸಿ ಮಾರಾಟಕ್ಕಿಟ್ಟಿದೆ.ಅದರ ಬಗ್ಗೆ ದಟ್ಸ್ ಕನ್ನಡದವರು ಬರೆದಿದ್ದಾರೆ.ಟೀ ಶರ್ಟ್ ಗಳು ಬರೀ 200 ರೂಪಾಯಿ ಮಾತ್ರ.ಹೆಚ್ಹಿನ ವಿವರಗಳಿಗೆ ಈ ಕೆಳಗಿನ ಲಿ೦ಕ್ ನೋಡಿ.

http://thatskannada.oneindia.in/literature/my_karnataka/2007/1810-SSS-kannada-t-shirts-karnataka-memorabilia.html

ಕನ್ನಡ ರಾಜ್ಯೋತ್ಸವವನ್ನ ವಿಶಿಷ್ಟವಾಗಿ ಆಚರಿಸಬಹುದು ಈ ಟೀ ಶರ್ಟ್ ಗಳನ್ನು ಧರಿಸಿಕೊ೦ಡು.ಇ೦ತಹ ಪ್ರಯತ್ನಕ್ಕೆ ಕೈ ಹಾಕಿದ ಕನ್ನಡ ಸಮಾಜ ಸೇವಕರ ಸಮಿತಿಗೆ ಹಾಗು ಅವರ ಕೆಲಸವನ್ನ ಗುರ್ತಿಸಿ ಸರಿಯಾದ ಪ್ರಚಾರವನ್ನ ಕೊಟ್ಟ೦ತಹ ದಟ್ಸ್ ಕನ್ನಡ ಬಳಗಕ್ಕೆ ಅನಿವಾಸಿ ಕನ್ನಡಿಗನ ಅಭಿನ೦ದನೆಗಳು.